Fight The Fire 《火焰戎装》Myanmar Translation

Chapter 37

[Unicode]

ရန်ရိသည် အပူချိန်ထိန်းညှိသည့်အခန်းထဲတွင် လှည့်လည်ကြည့်ရှု့​နေခဲ့သည်။ ဤတွားသွားသတ္တဝါများသည် သူ့အား သိပ်ပြီးသက်​တောင့်သက်သာမရှိ​​စေ​​​သော်လည်း၊ သို့​သော် ကုံးရင့်ရှန်​မွေးထားခြင်းဖြစ်​သော​ကြောင့်၊ သူ နည်းနည်း​လောက်ဖြစ်ဖြစ်ပိုပြီး နားလည်ချင်ခဲ့သည်။

ကုံးရင့်ရှန်သည် မိမိ၏သိမ်းဆည်းစု​ဆောင်းထားသည်များကို ရန်ရိအား မိတ်ဆက်​ပေး​နေ​ခဲ့သည်။ သူ သိသိသာသာဝမ်းသာပျော်ရွှင်​နေသည့်ပုံစံဖြစ်​နေသည်ကို ရန်ရိတစ်​ယောက် မြင်ရခဲ​ပေသည်။ သူ့မျက်ဝန်းထဲကအလင်း​ရောင်​လေး​ကတောင်မှ၊ သူ့အား အချိန်အ​တော်ကြာကြာ သ​ဘော​ကျ​နေစေနိုင်​ပေသည်။

“ ဒီလက်​တွေ့စမ်းသပ်စင်​က ငါလုပ်ထားတဲ့ နမူနာရုပ်ကြွင်း​တွေ။ ”

ကုံးရင့်ရှန်သည် ရုပ်ကြွင်းစင်ကို ညွှန်ပြရင်း၊

“ အမြှီးကအဝိုင်း​လေးလိုဖြစ်​နေတဲ့ ဒီ armadillo ကင်းလိပ်​ချောကို မင်းကြည့်ကြည့်၊ သူ့ရဲ့အ​ကြေးခွံက ဘယ်​လောက်လှလိုက်သလဲ။ ဒီဟာက ​မြွေ​ဟောက်ဘုရင်​လဲထားတဲ့အ​ရေခွံ​၊ ထိန်းသိမ်းထားတာက အရမ်းပြီးပြည့်စုံတာပဲ။ ဒီဘက်ကအကုန်လုံးက ကင်းလိပ်​ချော၊ ​တောက်တဲ့စတာ​​​တွေရဲ့ပစ္စည်း​တွေ။ ”

ရန်ရိသည် တစ်ချက်ပတ်ကြည့်လိုက်သည်။ ​နောက်ဆုံး၌ အကြည့်သည် ကြီးမားသည့်မိ​ကျောင်းတစ်​ကောင်ရုပ်ကြွင်းဆီသို့ ကျ​ရောက်သွားခဲ့သည်။ မျက်လုံးအမြင်နှင့်သုံးသပ်ရလျှင်၊ အနည်းဆုံး ငါမီတာ​ခြောက်မီတာရှည်သည့် ​​လှေတစ်စင်းအတိုင်းပင်။ သူ အံအားသင့်​နေသဖြင့် စကား​ပြောမထွက်လာခဲ​ချေ။

“ ဒီ​ကွေး​နေတဲ့မိ​ကျောင်းက ငါ စု​ဆောင်းထားတဲ့အကြီးဆုံးရုပ်ကြွင်းပဲ။ ”

ကုံးရင့်ရှန်သည် ​​ကျေနပ်စွာ​ပြော​လေသည်၊

“ အရမ်းမိုက်တယ်မလား။ ”

ရန်ရိသည် ကုံးရင့်ရှန်အား တစ်ချက်ပြုံးပြီးကြည့်လိုက်သည်။ သူ့ပုံစံမှာ သူငယ်ချင်းကို ကစားစရာအသစ်ကြွား​ပြနေသည့်​ကောင်​လေး​တစ်ယောက်နှင့် တူ​​ပေသည်။