[Unicode]
တစ်နေ့တာသင်တန်းပြီးဆုံးသွားသည့်နောက်တွင် အပြင်ထွက်ပြီး စားပွဲပြုလုပ်ခွင့်မပြုကြောင်းကို သူတို့ အထူးသတိအပေးခံလိုက်ရသည်။ ဘာ့ကြောင့်လဲဆိုတာကို အားလုံး၏စိတ်ထဲတွင်နားလည်နေကြသဖြင့် ကန့်ကွက်သည့်လူမရှိခဲ့ပေ။ သို့သော် ဤသည်ကလည်း သူတို့၏စုဝေးချင်နေသည့်စိတ်အားထက်သန်မှုကို မတားဆီးနိုင်ခဲ့ချေ။ အုပ်စုလိုက်ဖွဲ့ပြီး အပြင်စာမှာကာ အခန်းထဲတွင်စုပြီးစားကြလေသည်။ သို့သော် အရက်တော့မသောက်ရဲကြပေ။
စားကြသောက်ကြ စကားလက်ဆုံပြောကြရင်းဖြင့် မသိလိုက်ဘာသာနှင့် အလွန်ညဥ့်နက်သွားတော့သည်။ တပ်ဖွဲ့ခေါင်းဆောင်တချို့လည်း အလျှိုလျှိုလူစုခွဲသွားခဲ့ကြသည်။ ယန်ကြွယ်ကနေခဲ့ပြီး စားပွဲပေါ်ရှိစာကြွင်းစားကျန်များကို ရန်ရိအား ကူပြီးသိမ်းဆည်းပေးနေခဲ့သည်။
ရန်ရိ ညည်းညူကာပြောလိုက်သည် ：
“ ဒီအနံ့ကလည်း သိပ်ပြင်းလွန်းလိုက်တာ၊ ဒီညတော့ ဘယ်လိုအိပ်ရမှာလဲဟ။ ”
သူသည် ပြောရင်းဖြင့် ပြတင်းပေါက်ကိုဖွင့်ကာ အနံ့အသက်ကိုထွက်သွားစေလိုက်သည်။ တိုးဝင်လာသည့်လေအေးများသည် သူ့၏မျက်နှာအသားအရေကို စူးပြီးနာကျင်သည်အထိ တိုက်ခတ်တော့သည်——ယခုအချိန်သည် ဆောင်းရာသီနှောင်းပိုင်း၏ အအေးဆုံးအချိန်ဖြစ်လေသည်။
“ ဒီလိုဆို လွယ်လွယ်လေးအအေးမိလိမ့်မယ်။ ”
ယန်ကြွယ် ပြောလိုက်သည်၊
“ မင်း ငါ့နေရာမှာသွားအိပ်လိုက်ပါလား၊ တစ်ညလောက်ထားထားပြီး မနက်ဖြန်လောက်ဆိုကောင်းသွားလောက်ပြီ။ ”
သူတို့နေရသည်မှာ ပုံမှန်အခန်းများဖြစ်ပြီး၊ ကုတင်နှစ်လုံးရှိပေသည်။
“ ရတယ်လေ။ ”
ရန်ရိ ပြောလိုက်သည်၊
“ လာ၊ ဒီအမှိုက်တွေကို တံခါးအပြင်မှာထားကြတာပေါ့။ ”
ယန်ကြွယ်က ရန်ရိ၏မျက်စောင်းထိုးတွင် နေ,နေခြင်းဖြစ်သည်။ ရန်ရိသည် ညဝတ်အင်္ကျီကိုယူပြီး အခန်းကူးသွားလိုက်တော့သည်။
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
