[Unicode]
ရန်ရိ ဈေးသို့ပြန်သွားသော်၊ ရှိသမျှလူအကုန်လုံးသည် ကောင်းကယ်အား ရှာနေကြသည်ကိုတွေ့လိုက်ရသည်။ သူ မေးလိုက်သည် ：
“ ပစ္စည်းထားတဲ့ခန်းမှာ လူမရှိဘူးဆိုတာ သေချာလား ？”
“ မရှိဘူး၊ ကျွန်တော်တို့အားလုံး ရှာပြီးပြီ။ ”
“ နောက်ဆုံး သူ့ကို ဘယ်သူမြင်လိုက်တာလဲ ？”
အကုန်လုံးသည် အချင်းချင်းသူ့မျက်နှာကိုယ့်မျက်နှာ ပြန်ကြည့်ကြည့်လိုက်ကြသည်။
စွန်းတင့်ယိသည် ကမန်းကတန်းပြောလိုက်သည် ：
“ ကျွန်တော်တို့……ဖြစ်မယ်။ ”
“ Alarm ရော ？ သူ့ရဲ့ alarm မမြည်ဘူးလား ？”
မီးသတ်သမားအယောက်တိုင်း၏ကိုယ်ပေါ်တွင် Alarm တစ်ခုစီရှိပြီး၊ သယ်ဆောင်ထားသည့်သူ လဲကျမကျကို စစ်ဆေးနိုင်သည်။ လဲကျနေသည်မှာ စက္ကန့် 20 ကျော်သွားပြီဆိုလျှင်၊ Decibel မြင့်သည့် အချက်ပေးသံထွက်ပေါ်လာတတ်သည်။ အခင်းနေရာပတ်ဝန်းကျင်သည် ဆူညံ့နေသည်ဆိုသော်ငြားလည်း၊ ထိုအသံကို မကြားမိဘူးဆိုသည်မှာ မဖြစ်နိုင်ချေ။
“ အကုန်လုံး မကြားမိကြဘူး။ ”
ရန်ရိတစ်ယောက် အနည်းငယ်မူးဝေလာရသည်။ သက်ရှိလူကြီးတစ်ယောက်က ဘယ်လိုလုပ်ပြီး အခြေအမြစ်မရှိပျောက်ဆုံးသွားနိုင်ရမှာလဲ？！သူ အသက်ပြင်းပြင်းတစ်ချက်ရှူသွင်းလိုက်ပြီး ：
“ ငါတို့ တစ်ခေါက်စစ်ကြည့်ကြည့်ရအောင်။ မင်း၊ ငါနဲ့ကောင်းကယ်တို့က အစတုန်းက ရေဖြန်းနေခဲ့ကြတာ။ နောက်တော့ အဖွဲ့တစ်ဖွဲ့လဲတယ်၊ နောက်တစ်ဖွဲ့က ဘယ်သူလဲ ？”
“ ကျွန်တော်တို့ပါ။ ”
လျိုဟွေးက ပြောသည်၊
“ ကျွန်တော်တို့ သုံးယောက်။ ”
“ ငါတို့ထွက်လာတုန်းက၊ ကောင်းကယ်က ငါတို့အနောက်မှာ၊ သူ ဘယ်သွားလဲဆိုတာကို ဘယ်သူမြင်လိုက်လဲ ？”
လျိုဟွေးတို့သုံးယောက်သည် ကူကယ်ရာမဲ့စွာဖြင့် တစ်ယောက်မျက်နှာတစ်ယောက်ကြည့်လိုက်ကြသည် ：
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
