Fight The Fire 《火焰戎装》Myanmar Translation

Chapter 128

[Unicode]

နှစ်သစ်ကူးပိတ်ရက်ကုန်ဆုံးသွားသည့် ပထမ​နေ့တွင် ရန်ရိသည် ချိုးယန်၏ဖုန်း​ကောကို လက်ခံရရှိခဲ့သည်။ အမှုတွင် တိုးတက်မှုရှိပြီး၊ ဌာနခွဲသို့ သူ သွားပြီး ကူညီစစ်​ဆေး​ပေးရန်လိုအပ်​ကြောင်းကို ​ပြောလာသည်။

ရန်ရိသည် ဖုန်းထဲတွင် ခဏမျှ တိတ်ဆိတ်​နေခဲ့ပြီး အ​ဖြေကို တိုက်ရိုက်မ​​ပေး​သေးဘဲနှင့် ရုတ်တရက် ​​မေးလိုက်သည် ：

" ခင်ဗျားလည်း သိတယ်မလား။ "

ချိုးယန် ခဏမျှ​ကြောင်သွားရပြီး စကားမ​ပြော​ချေ။

ရန်ရိ ဆက်​ပြောလိုက်သည် ：

" ခင်ဗျားကလည်း ကျွန်​​တော့်အ​ဖေကို သံသယဝင်တာလား၊ ဟုတ်လား။ "

ချိုးယန် ရပ်သွားခဲ့ပြီး ：

" ​တောင်းပန်ပါတယ်၊ ခေါင်း​ဆောင်ရန်၊ ကျွန်မက ကျွန်မရဲ့တာဝန်ကို လုပ်ခဲ့ရုံပါပဲ။ ဒါ​ပေမဲ့ ​ခေါင်း​ဆောင်​ဟောင်းအ​ပေါ် ရင့်ရှန်လုပ်ခဲ့တဲ့ကိစ္စကိုတော့ ကျွန်မ လုံးဝမသိခဲ့ဘူး။ သူ တကယ်ကို အမှားလုပ်ခဲ့တာပါ။ "

" အဲ့လိုဆို အိပ်​မွေ့ချပြီး​နောက်မှာ​ရော၊ ကျွန်​တော့်အ​ဖေရဲ့သံသယက ပယ်သွားပြီလား ？"

ရန်ရိသည် ဤ​မေးခွန်းကို ကုံးရင့်ရှန်အား လုံးဝမ​မေးခဲ့​ချေ။ အဘယ်​ကြောင့်ဆို​သော် ဤစကားကို အစ​ဖော်လိုက်တိုင်း ​ဒေါသများတလိပ်လိပ်ထွက်လာရခြင်း​ကြောင့်ပင်။ သူ မကြားချင်သည့်အ​ဖြေကို ကုံးရင့်ရှန်၏နှုတ်မှ ပိုပြီး​တော့မကြားချင်ပေ။ မိမိ၏ဖခင်အ​ပေါ်တွင် သံသယ​လေးတစိုးတစိ​တောင်မှ မရှိ​သော်လည်း၊ သို့သော် အိပ်​မွေ့ချခြင်းက သက်​သေမတည်နိုင်​ကြောင်းကိုလည်း သူ သိ​ပေသည်။

" အိပ်​မွေ့ချတဲ့ရလဒ်အရ ခေါင်း​ဆောင်​ဟောင်းမှာ ဘာမူမမှန်တဲ့အမူအရာမှ မရှိပါဘူး။ "

ချိုးယန်သည် စိတ်ရင်းအတိုင်း​ပြောလိုက်သည်၊

" ခံစားချက်အရ​ပြောရမယ်ဆိုရင် ခေါင်း​ဆောင်​ဟောင်းမှာ သံသယရှိတယ်ဆိုတာကို ကျွန်မလည်း မယုံပါဘူး။ ဒါ​ပေမဲ့ ကျွန်မက ရဲဆိုတော့ သဲလွန်စတစ်ခုချင်းစီတိုင်းကို ကျွန်မက သွားပြီး​တော့အတည်ပြုစစ်​ဆေးရမှာပဲ။ ရင့်ရှန်လည်း အတူတူပဲ၊ ဒါ​ပေမဲ့ သူက နည်းလမ်းကို မှားသုံးမိခဲ့တယ်။ "