عشقك إدماني

parte 172

قلبات عينيها بملل وحولات نظرها جهتو ونطقات : خرج عليا مبغيتش نشوف كمارتك وبغيت طلاقي يكون فأقرب وقت مغاديش ضحك عليا بهاد جوج كلمات لكطلق عليا كل مرة
إلياس لبقا كمشي بخطوات ثابتة حتى وقف قدامها قريبلها بزااف ومد يدو لخصلة من شعرها وبدا كتلمسها وهي حاضياه بعينيها وقلبها كضرب بالجهد وهو يرجع ديك خصلة ورا وذنها وتحنى هامس لها خلات ذاتها ترعد من همسو ليها : انا مغاديش نطلقك ، ديريها فبالك طلبي شيحاجة من غير طلاق امراتي حيث طلاق هو لمكاينش هو لبعد منها وربع ايديه بقا كشوف فيها هي لبقا تحت تأثير رمشات عينيها وشافت فيه وسرطات ريقها حولات تحكم فراسها لمنديما قربو ليها كخلي تأثير عليها وربعات إيديها حتاهي وشافت جهتو بحدة ونطقات بهدوء : عاود شنو قلتي كفاش طلاق مكاينش ، وش وش عارف شكاتقول ولا لا ، انا بغيت طلاقي سمعتي مغنبقاش مع واحد خاني وكان في حضن إمرأة اخرى
غمض عينيه وحلهم بنفاذ صبر وحاول اسايس معاها عارفها غانص عقل لجا من ريح يديها ونطق : جيبي ديك تصويرة لشفتي نشوف شنو هدشي لمخليك مصممة على طلاق وبغا طلاق
مبقات جوباتو مشات طلعات مع دروج توصلات البيت لقات صوفيا كتلعب مع إياد شافت جهة صوفيا خنزرات فيها ومتكلماتش حدها فتحتات بلاكر وهزات ديك تصويرة وتمات خارجة من بيت وهبطات نيشان تحت عندو ومشات بالاتجاهها تال عندو وهي توريه تصويرة قدام عينيه ونطقات : يلاه شرحلي شناهو هدشي يلاه باغي تكذبها الخائن دايرها قد راسك وكتقولي طلاق مكاينش بزز عليك غاطلقني سمعتي مغنبقاش مع واحد بحالك
هو لحكم تصويرة من إيدها وركز شوفة فيها وبتاسم ابتسامة جانبية وهي لحاضياه مفهماش علاش بتاسم شاف فيها مورا مشد تصويرة ودارها فجيبو ونطق بعد صمت لكان بيناتهم : دبا هدشي لشفتي حكمتي عليا بلي خنتك ؟!
إسراء عضات على شفايفها بغضب ونطقات معصبة : ااه انت خنتيني هي معنقاك وانت مبادلها عناق ولابسة لباس قصير وباين ،يلاه شنو هدشي شرحلي هدشي شناهو وشنو كدير هي عندك فدار دوي
إلياس بتاسم ابتسامة كذوب وهي قدامو عاقدة حواجبها مفهماش علاش كبتاسم بحال هكا ونطق هو واقف قدامها : انا مخنتكش اولا معرفت ديك تصويرة كفاش دارت
يلاه غتهدر إسراء تقطعها ونطق ثاني : انا جيت من خدمة كنرقاها وسط دار تم فين طفيت تلفون حيث هي لجوبات وغوت عليها شكدير فداري منبعد صرفقتها وجريت عليها
إسراء : اهاه ولكن علاش معنقها
تنهد ونطق : هي تلاحت عليا وانا دفعتها نتي ورولك غداك عناق
إسراء سرطات ريقها ونطقات مجاوباه : اوا بغيت دليل اإلياس بغيت دليل انا ميمكنش نرجع معك الا مشفت دليل قدامي بلي مخنتنيش
إلياس زير على إيديه بغضب وممتيقش بلي مراتو ياك هي حياتو وكلشي كفاش تكذبو لهاد درجة وش مكتيقش بيه حاول ينفض هاد الافكار بلي من حقها طلب هكا وخا قلبو ضرو حاول اتجاهل الامر هو دبا خاصو يرجع عائلتو مغيخليهاش تفارق معاه وخا يدير ليدير غادي يرجعها وميطلقهاش شاف فيها وعينيه حمرين بغضب حاول يتملك اعصابو لكان واضح عليه الغضب والخذلان كفاش لهاد درجة انعدمات تيقة لهاد درجة مكثيقش فيه هي فقط كتشوف فيه عرفات باش ايكون كحس عرفات نظراتو مزيان لما لا وهي نصفو تاني وحياتو كفهمو بعضهم فقط بنظرات داخل ديالها وقلبها كقولها صدقيه هو ميمكنش اخونها ولكن عقلها رافض فكرة انها تصدقو عينيها غرغرو بدموع حولات تحكم في دموعها لكن دموعها سالو فوق خدودها ورتافعو شهقاتها وبدات كتبكي بحرقة هو تقدم عندها وجرها من دراعها ترتطمات في صدرو زير عليها هو باغي اخشيها في صدرو واخبيها من اي حاجة كضرها ، ممنعاتش هي بالفعل محتاجة لهاد عناق محتجاه وبزااف
بقاو شحال على هاد عناق تنشفو دموعها وحاولات تبعد منو اما هو مزير عليها منطق بتاحرف عرفها شنو بغا وبعد منها وهو لتقدم عندها ومسح ليها دموعها لكانو تحت عينيها ومنهم لاصقين على خذوذها ونطق بحنية :صافي اعمري متبقايش تبكي ضريتيني فقلبي ، بغيتي دليل غنجيبو تال عندك الالة غار بقاي على خاطرك ولكن واعديني الا جبت دليل ترجعي معايا دارك وعمرك تفارقي عليا
رمشات عويناتها فيه وقلبها كضرب بجهد حدها حركات راسها بموافقة ونطقات بهدوء : ااه الا جبتي دليل غنرجع معك
بتاسم وقرب منها تقبلها قبلة حنينة عاد بعد وتم خارج من فيلا ومخليها هي لكتقيس بيديها لشفايفها وحنيكاتها مزنݣين وقلبها كضرب بجهد لهاد مشاعر بقات مسمرة فبلاصتها باقي تأثير ديالو عليها
هو لخرج وتاصل بمعاريفو بلي يلقاولو غيثة فأقرب وقت حيث عارف غتهرب وشد طريق نيشان راجع لكازا اجيب الادلة
هي لعندها بقا مصدومة فاقت من سهوتها ملي نطقات صوفيا لهزا فإيدها إياد : العمالة ونتي فين سهيتي
تلفتات عندها إسراء ونطقات بثوتر : لا والو ماسهيت فين
صوفيا مشات جلسات حطات إياد فتحت فالكونة ديالو وربعات إيديها كتشوف فيها تكسرات صمت ونطقات : اوا شنو مغتعوديليش شنو وقع زعما وفيناهو نسيبنا
جلسات حداها إسراء وشافت فيها وبدات كتعاود ليها كلشي لطرا
في مكان اخر لجوهرة غكتمشي وتجي بالعصبية وريتاج واقفا مقابلا معاها ونطقات : صافي اجوهرة جبتيلي دوخة جلسي
جوهرة شافت فيها ونطقات بعصبية : اشغاندير روح غاطيح اريتاج معتصم غيولي مجرم هاديك دارتها قد راسها وهربات اناري اناري شوهتنا ياربي ميلقهاش اويلي اغدايدي والا مشات تعرفو اناري
تقدمات عندها ريتاج وشداتها من كتافها ونطقات بهدوء : تهدني مغيوقع والو صافي عفااك سكتي لا تسمعك خالتي وجدي
جوهرة تنهدات ونطقات : زيدي نهبطو لايشكو فينا زيدي ياربي يدير شي تاويل الخير انا حذرتها ولكن اشغاندير
هبطات جوهرة وريتاج تحت وريتاج كتحاول تسايس معاها وتهدنها توقفات زينة قدامهم ونطقات بنبرة حادة : اجو معايا نتوما بغيت نهدر معكم
ريتاج بقات كتشوف وجوهرة كتحاول تمنع توترها وماتبين والو
مشاو تابعينها تدخلو البيت داخل وجلسات زينة اما جوهرة وريتاج جلسو مقابلين معاها غكشوفو مفاهمين والو وشداهم الخلعة لاتكون عرفات تكسرات صمت زينة لنطقات : بغيت نعرف اش واقع مال معتصم معصب ومالكم نتوما وفيناهيا غيثة وإسراء كذلك بغيت نعرف كلشي انا منعساش على وذني يلاه شرحولي اشواقع وشنو هدشي لمفخباريش
جوهرة بقات كتشوف فريتاج وريتاج كذلك كتشوف فيها وبقاو صاقلين تنطقات بحدة : هدرو منبقاش نتسنا اشواقع هنايا
ريتاج رمشات عينيها ونطقات : خالتي يهديك الله مواقع والو واصلا راه قتليك إسراء مشات حيث ولدها فهمتي ياك وه...
قطعاتها زينة : ريتاج براكا من كذوب ابنتي هدري قولي كلشي
جوهرة غرغرو عينيها ونطقات : ماما عفااك هدشي مخاصوش يعرفو جدي وبابا ياك اااه غنقولك واعديني متمرضيش راسك صافي
زينة شافت ناحيتها بقلق ونطقات : اشواقع هدري
ريتاج شافت ناحية جوهرة ونطقات بصوت خافت : جوهرة علاش اختي راه
جوهرة ردات عليها مقاطعها : خاص تعرف شنو دارت غيثة
زينة لضربات بيدها على طبلة ونطقات بغوات : اشواقع هدرو متبقاوش تهامسو عليا هنايا
جوهرة سرطات ريقها ونطقات : ماما مكاين ميتخبا بنتك غيثة دارت فضيحة كبيرة
زينة عقدات حواجبها ونطقات : كفاش فضيحة فناهي هيا
ريتاج : خالتي عفاك تهدني
جوهرة نطقات تاني : اه ماما هي ممشاتش العرس صحبتها كما قالت غاكذبات ، هي مشات عند إلياس دارو ومنعرف شنو دارو
زينة وسعات عينيها بصدمة مقدراتش تنطق كلمة وشدات على قلبها وبقات على داك حال تغيبات
تخلعات جوهرة وريتاج ونطقات ريتاج كتلوم جوهرة : حشوما عليك اجوهرة اشداك تقوليلها هدشي لبغيتي اناري
جوهرة فقط دموعها مسرسبين على عينيها وجالسة حدا مها بضع دقائق تجاو اطباء وفحصوها عرفو بلي غطاح ليها ظغط وخلاوها ناعسة فالبيت فوق سداري اما فالخارج الجد ناض تم داخل تكتصادف مع الاطباء خارجين وتم داخل مخلوع ورقا جوهرة وريتاج حدا زينة ومخلوعين عليها نطق علي : اشواقع هنا مال بنتي زينة
شافت فيه جوهرة ومشات عندو وهي كتسايس معاه : باجدي مواقع والو غاتهدن غار ماما عيات ونعسات وحنا جالسين حداها وصافي
علي : بنتي ملي هي غاناعسة علاش خرجو الاطباء
سرطات ريقها جوهرة وبقات شادة فذراعو تجلسات وكانت يلاه غتنطق تقول كلشي تنطقات ريتاج عاتقة موقف لوقفات وجلسات حداه ونطقات بنبرة عادية : جدي متخافش غار رانك عارف خالتي زينة مرة مرة كطيح لها طانسيو داكشي علاش غير حنا تخلعنا وعيطنا الاطباء
علي : ااه اوا صافي خلعتوني عمبالي واقعة شيحاجة نيت ، اوا بنتي معتصم فيناهو علاش مجاش مموالفاش ليه وتاديك غيثة غبرات اليوم
ريتاج سرطات ريقها وهربات عينيها ونطقات : غار عندو خدمة كثيرة داكشي علاش اما غيثة اتكون امع صحاباتها
فوجهة اخرى معتصم لمخلا بلاصة مقلب فيها على ختو ووالو تطاحت فبالو بلي تقدر تكون عند رانيا بدل وجهة نيشان لدار نسيبو بضع دقائق كان وصل تم وتم داخل وقف عند باب دق تفتحاتلو خادمة ومشات تقولها ليلى وعماد وهو غامخنزر، تم داخل رحبات بيه ليلى وعماد وإيمان وعمران كذلك لكان مشا خدمتو ورجع حيث غيبدا مشروع مع عماد ، ورانيا لجالسة حداهم وكتحاول تخفي توترها مورا متسالم معاهم وجلسو فصالون نطقات ليلى : معتصم ولدي فيناهي ريتاج
معتصم شاف ناحيتها ونطق : مرة اخرى غنجو انا وياها عندكم ان شاء الله
عماد : ان شاء الله
معتصم لنطق مورا محول نظراتو للإتجاه رانيا : بغيت رانيا نسولها على ختي غيثة فين مشات حيث هي صحبتها وغتكون عرفا صحبتها فين مشات
رانيا سرطات ريقها وقلبها كخفق بجهد بالخوف تنطق عمران مجاوبو : ايه ،رانيا فيناهي غيثة ابنتي هي صحبتك
رانيا نطقات بتوتر وهي انظار كلها مسلطة عليها : مممعرفتش ابابا
معتصم صغر فيها عينو وهو جالس مقابل معاها ونطق بشك : زعما معرفاش ولا متعاونة معها باش تفارقو مرأة على راجلها ياك، زعما ياخسارة راه خوك إلياس هذاك دايريلو منتيف نتي وياها