عشقك إدماني

parte 171

بعد ساعتين ديال طريق كان دخل مع شوارع رباط مشا مديماري نيشان لفيلا فورا موصل فتحولو حراس الباب وتم داخل بلاصا اللوطو جبد ساروت فتح الباب فيلا وتم دخل بخطوات وكبان لو غار خادمات لكنظفو وسقيل عقد حواجبو وبقا  كقلب من البيت البيت وطلع نيشان بيتهم فتحو وبدا كنادي بصوت رجولي : اسراء ، اسراء اسراء فينك
وفتح الباب دريسينغ والباب الحمام مكبالو تحد ، تلفت نظرو لبلاكار لكان مفتوح تاجه عندو كبالو لباس مراتو مكينينش وكذلك لباس إياد  زير على ايديه بعصبية ونطق بفحيح من غضب : شهاد مرض ، وياك اإسراء تكوني درتيها بصح و مشيتي من هنا حيث مغنعقلش عليك
ضرب الباب بلاكار بعصبية وخرج من بيت وهو هابط مع دروج كنقز جوج درجات وتم هابط بسرعة توصل تحت ودخل نيشان كوزينة وتصعقو الخادمات وخلاو داكشي لبين اديهم  وبقاو كشوفو فيه تنطق بحدة : فيناهيا مراتي
بقاو خادمات كدورو فعينيهم وساقلين
تهز إلياس طبسيل ورماه مع الحيط نيشان بعصبية ونطق مغوت : وقيلا هدرت فيناهيا مراتي فين مشات
لمياء تقدمات وهي كتفرك فإيديها بتوتر والخوف من هذا لقدامها لحالتو  مكتبشرش بالخير ونطقات : ااه مدام إسراء مشات اول البارح نهار لمشيتي اسيدي رباط هي فعشية كانت هزات لباسها ولباس إياد ومشات ولكن ...
مخلاهاش تكمل تنطق بصدمة : شناهو فين مشات شكون قلقها وبغيتك تعاودي كلشي بتفصيل يلاه
لمياء سرطات ريقها ونطقات: صراحة هي كانت جالسة فصالون كترشف من قهوتها تاشويا كان جا حارس الباب جايب ظرف قالي نوصلهم مدام إسراء وصافي عطيتهم ليها وشويا بدات هي كتبكي وصراحة مقدرتش ندخل اسيدي حيث كانت فواحد حالة معرفت  كفاش نوصف ليك تاشويا طلعات وهبطات معها فاليزة وهزات إياد ومشات عييت نهدر معها معطاتنيش فرصة
إلياس صغر عينو ونطق بحدة : شمن تصاور هادو ، وعلاش خليتيها تمشي شنو قلت انا مراتي تبقا فدار وتردولها البال وشكون هاد زا* لسخن عليه راسو مسيفط تصاور مراتي
تحرجات من سبان لقال ونطقات : ااه معرفتش اسيدي لعرفا قلتولك
مقال تاكلمة وخرج ساخط توصل عند حارس الباب وبدون سابق انذار جمع معاه ببونية تتزحزح داك رجل لكبان عمرو تلاتيني  تبدا كعرف وتقاد فوقفة ونطق بخوف : مالك اسيدي انا شنو درت
عاود كسدد ليه غير لكمات وشدو من ياقتو ولصقو مع الحيط وعينيه حمرين بالغضب ونطق بعصبية : شنو قلت زا* بوك اي حاجة خاص تكون فخباري علاش خليتيها تمشي وشنو كانو هاد تصاور لخلاو مراتي تبكي
ولد كترعد ونطق بخوف : والله اسيدي معارف ومدام اسراء قتلها ممنوع تمشي بلا علمك ولكن مسمعتليش
طلق منو وخلاه طايح على ركبتو وتاجه نيشان ركب فاللوطو ديالو وكجرب فنوامر ويصوني والو لا مجيب صعر ودمارا نيشان كقلب  وكشوف فين مشات تطاح فدماغو غتكون عند صوفيا ولكن قال اصوني لعمر
بقا كصوني تجاوبو عمر بجفاء : شباغي انت لاش مصوني
عليا
جوبو بعصبية : يحرق طواسلك ازا* شهاد المرض بغيت دبا نشوفك  والا مجيت  بلاصة *****منعقلش عليك
يلاه غيجاوبو عمر تقطع عليه ورما هاتف  بإهمال فكرسي لجنبو ومرر ايديه على اللحيتو بعصبية بقا ماشي تبلاصا لديك بلاصة لقال عمر اتلاقا معاه ونزل من اللوطو وبقا واقف كتسنا فيه وداير ايديه فجيوبو كمشي وكجي بعصبية
بضع دقائق تبلاصات اللوطو حدا رجليه ونزل منو عمر لباينة فيه محملوش وتقدم عندو تجمع مع إلياس ببونية تحنى إلياس وهو يطلع راسو بزربة ورد ليه ضربة ونطق وهو شادو من ياقتو : وش زم* عليك ضميرك  ولاشنو دوي
عمر تهو شدو من ياقتو ملصقو مع اللوطو ديالو ونطق بعصبية : انت غشماتة لمك ملي باغي تخون متزوجش اولد الق*
إلياس بقا كشوف فيه تحولو نظراتو لصدمة ونطق بحدة : شناهو شمن خيانة هادي ثاني
عمر لقهقه بسخرية وهو باقي ملصقو مع اللوطو : واو اسي فقيه معارفش شمن خيانة اهاه ، و شناهوما دوك تصاور لمعنق لينا بنت عمتها ، والا باغي تخون طلقها وسير زهى لاش مزوج ومرض مخنا معك
هو لبعدو عليه ونطق بعصبية وهو كشير بيديه : اشمن خيانة ازمر  انا مخنت حد مشيت نخدم تكنرقا مراتي مبلوكياني وخرجات من دارها
عمر بقا كمشي وكجي قدامو ترجع باغي يصمكها معاه وحبس ايدو ونطق بحدة :  دبا انت كتقول مخنت اهاه وشناهوما دوك تصاور وهي  لمدخلها عندك دار وعلم الله شدرتو
تلفت عندو إلياس بعصبية وشدو من ياقتو وعطاه كروشية نيشان لنيفو خلا عمر اتحنى من ديك ضربة قاصحة وبدا كعرف وهو داير ايدو فبلاصة نيفو وكشوف فيه تنطق إلياس بعصبية : انا كنقول لزا* بوك انا مخنت حد انا مشيت نخدم ، دبا غتقولي فيناهيا مراتي
عمر وقف قدامو ونطق : اتشرحلي دبا شوقع ، ولا والله منخليك تشوف مراتك ودعها بهاد معنى لاهي لا ولدك
إلياس تنهد وجبد كلينيكس مدو لعمر شدو من عندو مسح بيه داك العرف وسند على اللوطو ديالو كتسنا إلياس يتكلم تنطق إلياس بعد صمت لساد بيناتهم :
مشيت نخدم تمنعرف فين تسلطات عليا ديك لق*  ، جريت عليها ومخليت فيها لنسيت ولكن
وشاف جهة عمر ومفيكسي نظراتو فيه ونطق بحدة : انت كتقولي تصاور شمن تصاور هدو
عمر دوز لسانو على شفايفو ومشا بإتجاهو توقف مقابل معاه : مأكد بلي مخنتهاش ، حيث تصاور كبينو بلي خنتيها وانت معنق ديك ختنا وحطا رأسها على صدرك
إلياس لمقابل معاه دوز ايدو على شعرو بعصبية كحاول اتحكم فغضبو ونطق بحدة : قتلك انا مخنتكش ، تانيا هي لتلاحت عليا ولكن انا دفعتها وش كظن تالدابا عاد انخونها راه كنظن عارفني مزيان اعمر تملي كنت ماشي مزوج مكان معمرلي حد عين وتجي انت تݣولي وش مأكد
نطق مجاوبو : ملي مخنتيهاش ، سير صلح غلطك واتكون لعبة دارت بيناتكم  ، مهم مراتك راه مع مراتي سير عندك وصلح غلطك ولفيها الخير
ولقا كلماتو مشا ركب فاللوطو ديالو راجع لخدمتو اما إلياس بقا كمشي وكجي بالعصبية وكحاول اتهدن والقا الحل ركب فاللوطو ديال حتاهو مشا مدرماري نيشان قاصد فيلا ديال عمر بضع دقائق تكان وصل دخل مع بوابة بلاصا اللوطو ونزل منها ومشا بخطواتو دق الباب تفتحاتلو صوفيا وكتشوف فيه بكره لهدشي لدار صحبتها ونطقات بغضب : انت شنو جابك هنا ااه باغي تكمل على ختي لطرا ليها بسبابك اشماتة اعيفة رجال عمبالي بلي كتبغيها ومتأذيهاش وانت كملتي عليها محشوماش عليك هاا يلاه سير من هنا حنا مكنستقبلوش  شمايت
خلاها تكملات كلامها ودفع الباب وتم داخل وهي مشات تبعاه  ومرضياش ونطقات ثاني  بغضب : اشباغي ياك قتلك سير من هنا ، إسراء مكيناش سير عيش ليك حياة اشماتة مخليها كتبكي عليك وانت كتزهى
نطق ببرود : صافي كملتي 
صوفيا ربعات ايديها بغضب  ونطقات : ااه كملت يلاه خرج عليا ولا نقولها لعمر
إلياس بقا واقف وسط لفيلا ونطق ببرود كحاول يتحكم في غضبو : صوفيا ختي سيري عيطي لإسراء تهبط عندي ومتدخليش بيناتنا الا كانت عزيزة عليك صحبتك عيطيهالي ولا غندير شرع إيدي ونطلع عندها ، ااه ومن احسن اياد بقاي معاه لايصدق فايق بسبب غوات والديه
صوفيا نطقات: ولكن شنو لضمن ليا بلي انت بصح مخنتيهاش
إلياس شاف فيها مخنزر ونطق بفحيح من غضب : وتݣعدي عيطي مراتي واه
صوفيا قفزات  من صوتو ومشات طلعات توصلات عندها دخلات البيت طلعات فيها عينها إسراء وصوفيا بتاسمات ليها وتاجهات عندها هي  لكانت تاكية وكتقرا فشي كتوبة مدوزة الوقت وحداها اياد كلعب بيدياتو وبرجيلاتو وكخربق بشي كلمات ونطقات وهي كتلعب بعينيها : اسراء تكلمي واحد ضيف جا عندك
إسراء سدات كتابها وقدات في الجلسة : شمن ضيف هذا
صوفيا سرطات ريقها ونطقات كتلعب بعينيها : ااه صراحة معرفت شكون مهم سيري هبطي ، انا انا مع إياد صافي
إسراء امأتلها براسها  خرجات من بيت وهبطات مع دروج فضول كياكلها شكون هاد ضيف لبغاها ، هو لكان واقف فصالون وكمشي وكجي بعصبية اما هي غار هبطات و طلعات عينيها جات نيشان فيه وهو نفس شيئ  ملي حس بخطواتها طلع عينو فيها وعينيه كحكو كلشي اما هي عينيها تحولو لكره وغززات على سنيها بعصبية وكتحلف بنفسها على صوفيا  كن كانت عرفا بلي هو ضيف لقالت  ݣاع متهبط عندو ،دارت غدا راجعا وهي شدها الغضب وكتحاول تحكم فراسها ودموعها تحجرو فعينيها تعيا تكون قوية كتجي تال عندو قوتها كتلاشى توقفها ملي نطق بحدة : وقفي تزيدي خطوة رجليك اتݣرضو
دارت عندو وهي مربعة ايديها وصطانعات البرود وتقدمات حتى وقفات مقابلا معاه وعينيها فيهم شرارة الحقد والكره ونطقات بحدة : شنو باغي ولاش جاي
كان يلاه غيهدر توقفاتو بيديه ونطقات ثاني ببرود : متهدرش ، ااه بغيت نقولك محدك جيتي جيتي بغيت غدا يكون طلاقي واجد اوك حيث انا مكنحملش نجلس ولا نبقا مع شمايت لبحالك 
زير على يديه بعصبية وهو كشوف نحيتها بحدة وكحاول اتحكم فغضبو ونطق بحدة وهو كورك على الحروف : وطلاق هو لمغتحلميش بيه امدام  ،نهار وليتي مراتي غتكوني مراتي تيدي الامانة مول الامانتو ديكساعا الا مت ديري لعجبك محدي حي طلاق هو لمغاديش يكون ودخليها فداك نص العقل
إسراء تعصبات ونطقات مغوتة : شناهو وراه بزز منك غطلقني انا بغيت طلاقي اسيدي سمعتي دايرها قد راسك ومزال كتهدر هاه  محشمتيش انت خنتيني وكتقولي طلاق مكاينش عرفتي وخا تنطابق الارض مع السماء مغاديش  نرجع معك وغادي نطلق منك مزيان تبارك الله قالك طلاق مكاينش وش باغي تقتلني عاد تهنى
وبدات كتنهج بالغضب وجهدها كتقاضا وبقات كتشوف فيه مطولة وهو كبادلها نفس نظرة تنطق بهدوء : انا مخنتكش سمعتي معرفت شنو شفتي  فدوك تصاور ولكن نتي فاهمة كلشي غالط ، وش كظني انني غنخونك وانا نقدر نفدي بروحي عليك
قلبات عينيها بملل وحولات نظرها جهتو ونطقات : خرج عليا مبغيتش نشوف كمارتك  وبغيت طلاقي يكون فأقرب وقت مغاديش ضحك عليا بهاد جوج كلمات لكطلق عليا كل مرة