عشقك إدماني

parte 169

نهار جديد
اصبحنا واصبح الملك لله
في وجهة اخرى في كازا كتجمع فلباسها فساك  مورا مكملات جميع مشات لبسات لباس مستور عبارة عن سروال دجين وقبية ومشطات شعرها جمعاه شفنجة وهزات ساكها وساك لفيه لباس لجابت معاها وتمات خارجة من فندق ركبات فاللوطو ديالها ودمارات نيشان وجهة رباط
ساعتين كانت وصلات رباط ودخلات مع شوارعها بضع دقائق توقفات قدام فيلا ديال عائلتها فتحولها حراس بوابة ملي عرفوها وتمات داخلا بلاصات اللوطو ونزلات منها  وهي هزا ساكها صغيرة وساك متوسط لفيه حوايجها فإيدها وقفات قدام باب دقت دقات متتالية حتى فتحاتلها خادمة وتمات دخلا بغا غار طلع بيتها توقفات قدامها مها ونطقات بحدة وصرامة باينة على وجهها بلي معجبهاش الحال ان بنتها تبات فبلاصة من غير دارهم
زينة  : غيثة مزيان تبارك الله يلاه جايا دبا كن بقيتي تما حسن !! فين كنتي هاد وقت كامل ؟؟ خوك هو لصلحليك هو لخاصو اربي لك هاد ضسارة لولات فيك
غيثة شافت فيها بنظرات فارغة ونطقات بصوت هادئ : ماما عفاك خليني عليك راه فين غنمشي راه قتليكم فعرس صحبتي وثانيا عمري 26 عام راه كبيرة وبعقلي اماما متبقاوش تعاملوني كبنت صغيرة
يلاه بغات تنطق زينة  تتمات دايزة غيثة طالعا مع دروج وصلات بيتها لاحت ساك بإهمال وجلسات  كتصوني على رانيا وكعطيها رقم غير مشغل طفات تيلي وغيرات لباسها ببيجامة سخونة
اما زينة بقات كتشوف ستغفرات الله ومشات كوزينة خبرات خادمات اجيبو الفطور في جردة لورا فيلا غتفطر هي والحاج
إسراء لجالسة فصالون  كترضع ولدها وصوفيا جالسة حداها والخادمات كحطوا الفطور فوق طابلة،  كسرات صوفيا صمت ملي شافت بلي طابلة وجدات ونطقات بحنية : يلاه اختي تفطري نعمة  من البارح مدقتيهاش
حدها امأتلها إسراء وناضت مورا محطات إياد فالكونة ديالو وتجهات جالسة معاها  حدها كتنقم الا مبزات عليها صوفيا متوكلش تناضت ونطقات : صوفيا معك إياد انا غنجي دبا
صوفيا نطقات بإستغراب : فين غادا ؟!  وش تبغي نجي معك ؟!
إسراء نطقات بهدوء : لا ، بغا غار نشم الهواء وبغيت نبقا بوحدي نريح دماغي ، وعفاك ردي بال إياد صافي راه رضاعتو وجدتهالو ، وبدلت ليه
صوفيا : صافي تهناي كوني هانيا إياد راه بحال ولدي متهزيش الهم وسيري اضربك البرد وتصفي دماغك
مجوبتهاش وتمات خرجا حدها هزات ساكها وتجاكيطة للبساتها فوق سورفيت وتمات خارجة وهي عاقدة حواجبها فورا مخرجات من بوابة فيلا تمات ماشية تبانتلها طاكسي شيرات عليها وركبات مورا مقاتلو بلاصة فين ماشيا دمارات بيها نيشان الوجهة لفين غادا بضع دقائق وصلات
خلصات طاكسي وهبطات منو وهي كتشوف قدام فيلا عائلة باها وكتشوف فصورة لفيها غيثة معنقة إلياس ونطقات بحقد : اليوم بيا ولا بيك اغيثة والله لا بقات فيك ، تغاضييت وسكت تال هنا براكا الا مقتلتك بيديا ابنت عمتي منتسماش إسراء
خبات تصويرة في جيب ديال سورفيت للابسة  وتمات دخلا مورا معرفوها فتحولها الباب ودخلات بهدوء وصلات عند الباب ودقات تفتحاتلها زينة غشافتها بتاسمات ابتسامة عريضة فرحانة بمجيئها نطقات : اهلا مرحبا ببنت خويا  فيناهو إياد وإلياس
إسراء حولات تخبي دك حقد لفعينيها وبدلاتها ابتسامة وعنقاتها ونطقات مورا مفصلات معاها عناق  : الله يكبر بيك اعمتي اياد غار خليتو مع إلياس وصافي وتوحشتكم
زينة : اجي معايا هاهو جدك كاين في جردة
حدها امأتلها براسها وتبعاتها فين جالس علي كفطر سلمات عليه وجلسات كتجيب معاهم فالهدرة وهوما معياوش كسولو من هنا ومن هنا وهي كتجاوبهم وكتبتاسم تنطقات : عمتي وش غيثة كاينة
زينة : ايه ابنتي كاينة ، علاش ؟!
إسراء : بغيت نهدر معاها فواحد موضوع داكشي علاش
زينة  ناضت ونطقات : ايه ا وخا ابنتي نمشي نعيطهاليك تنزل عندك
وتمات ماشيا
إسراء   كذلك ناضت تاهيا تبعاها ونطقات  : وخا عمتي انا غنتسناها فصالون وقولها تهبط عندي ومتقوليلهاش بلي انا كاينة حيث بغيت نديرهالها مفاجأة ، غيثة عزيزة عليا بزااف
زينة شافت فيها وبتسامات  ابتسامة بشوشة  : وخاا ابنتي الله يزيد في محبتكم ،بنتي مترقاش حسن من بنت خالها
إسراء : ااه اعمتي حتا انا منرقاش حسن منها
دخلات  زينة مع الباب لوراني لجاي من جهة كوزينة وخرجات من كوزينة  وإسراء تبعاها ومشات جلسات فصالون لمقابل مع دروج اما زينة طلعات مع دروج  فتحات الباب بلاما دق ورقات غيثة كتفرج ونطقات : نوضي تكلمي
غيثة : شكون اماما
زينة : غار نوضي تكلمي براكا من هدرة
وخرجات من عندها خلات غيثة حايرة شكون ايكون هاد ضيف
هبطات وملي رقات اسراء جالسة نطقات : هانا بنتي هاهي غتهبط عندك انا غنمشي عند بابا منخليهش بوحدو
إسراء : وخا عمتي شكرا
ومشات زينة اما إسراء كتشوف جهة دروج ناضت حيدات تجاكيطة  وساكها ديراهم حداها تشافت غيثة لهابطة  وشدا تيلي فيدها ممسوقاش فورا موصلات تحت رفعات نظرتها كجو نيشان عند اسراء لكترمقها بنظرات حارقة شهقات وهي مصدومة متوقعاتش بلي غتكون  عندها وحطات تيلي من ايدها فوق طابلة مورا مطفاتو  ونطقات بهدوء وهي كتحاول تكالمي راسها : اسراء بنت خالي شنو جابك هنا
إسراء ناضت وقفات وتجهات عندها توقفات قدامها ونطقات بهدوء   : لالة غيثة جيت باش نهدر معك فموضوع مهم
سرطات ريقها ونطقات : ااه شمن موضوع هذا غتهدري معايا فيه
نطقات بإستهزاء مجوباها مورا محكمات خصلة من شعرها كتلمسها بإيدها وغيثة كتحاول تحافظ على هدوءها : عرفتي مغنهدرش معك هاد مرة بلساني غنهدر معك بواحد طريقة زوينة
غيثة : مفهمتش كفاش
إسراء حولات هدوءها لعصبيتها  ونطقات مغوتة : مفهتيش ياك .. انا غنوري لمك القح*... مفهمتيش ها هدري الخانزة مفهمتيش
زيرات على خصلة من شعرها ناتفها وغيثة كتحاول تفك منها تفكات منها ونطقات غيثة مغوتة : اشهاد وقاحة  كتنتفيني نتي اشنو ،اشهاد معيور كتقوليلي هاا.... شنو
مخلاتهاش تكمل كلامها تجمعات معاها إسراء بتصرفيقة تدار وجهها وحكماتها من شعرها مهبطاتها تالتحت وغيثة كتغوت لسوء الحظ الباب اللوراني لكخرج على جردة مكسمعش صوت  زائد الخادمة كاينة وحدة مشات تفطر معاهم
نطقات إسراء مغوتة : هدري القح* دبا نتي تدوري براجلي  القوا* لحطك اليوم الى مصيفتهالك متسماش اسراء
وهي محنية عندها  نتافاها وكتعطيها بتصرفيق والقميش خلاتها حالتها
وغيثة كتبكي بين إيديها ،ميت قدام غسالتو معندو ميدير
شويا ناضت إسراء وجبداتها من شعرها تاني موقفاها تقابلات وجه غيثة مع وجهها وجبدات بيد تانية تصويرة وبيناتها قدام وجهها ونطقات بغضب : دبا القح* غتشرحيلي شنو هدشي وشجابك عند راجلي هاا
غيثة داك الالم  والعصا لكلات مزا فيها والو وبتاسمات ابتسامة سخرية ونطقات : راجلك كخونك معايا حيث هو كيبغيني ، إلياس غيكون ديالي انا ، هو خانك معايا ،وانا لغنتزوج بيه ههههه ونتي غيطلقك وغترجعي متشردة ههه
إسراء قرودة بداو كلعبو فراسها شدات فشعرها ضرباتها مع الحيط تجبهتها بدات كتنزف وتمات جراها جهة الكوزينة توقفات قدام بلاكر وجبدات موس وبدات كدوز على حشية ديال بوطاجي تشوف وش ماضي ولالا وغيثة غشافت الموس بدات كتبكي بهستيرية وندمات انها ݣاع ستفزاتها ونطقات بصوت مقطع ومغبن : لا لا .... متقتلينيش لا ... إسراء ... رجوع ..الله .. عفااك والله منبقا نشوف فإلياس انساه تيقيني عفاااك لا ... متقتلينيش لا .. إسراء راه غضيعي عمرك فالحبس ... لاااا رجوع الله عفااك ديري بالدم لمشروك بيناتنا
إسراء حطات الموس وضربات فوق بوطاجي بجهد  ونطقات مغوتة : سكتي صوتك منسمعوش ولا بربي تنقتلك وميسيق حد خبارك خليني ندير خدمتي ، علاش نتي كتعرف الدم لمشروك بيناتنا هاا كتعرفيه نتي بعدا
غيثة سقلات فقط صوت شهقاتها مسموعين
شدات موس وكتمعن فيه ونطقات : باش غنبداو القح*  ، بيديك ولا بعنقك ولا نجرحليك وجهك  نرجعو خريطة ولا نقطع ليك شعرك باش غنبداو 
غيثة زادت فالوثيرة البكاء وكدور وجهها يمين وشمال  دلالة على الرفض وكتشوف هادي لقدامها تعماتلها بصيرة فقط وحشيتها لخدامة فيها 
عودات نطقات بحدة : هدري بغيت نسمع صوتك ماشي بكاء حيث ، شحال مرة نبهتك وحذرتك بلي شيحاجة ديالي الا مشا تقاسها بنادم كنقتل  عرفا شناهيا كنقتل
غيثة كتبكي بهستيرية وفقط كتردد نفس كلام  : لااا لااا عفااك .... متقتلينيش لالا مديريهاش والله منبقا نشوف فشيحلجة ديالك لا لا لا اا 
معتصم  لدور ساروت داخل هو ومراتو ريتاج تكسمع حس البكاء مشا بزربة تابع صوت البكاء منين جاي  وتبعاه ريتاج تدخل كوزينة وكتصدم من هدشي لكشوف
ونطق بحدة  : اشواقع هنا ، اسراء حطي داك الموس
ريتاج مشات بزربة كتحاول تبعدها على غيثة ونطقات وهي كتحاول تلطف الجو : إسراء اصحبتي طلقي منها وقولي لنا اشواقع اويلي اميتي طلقي منها 
بقاو معاها كسايسو  تطلقات منها وحيد منها معتصم الموس غطلقات منها  وبقاو كهدرو معاها وكحاولوا اعرفو مالها واسراء غكتشوف بالحقد ودايرة ايدها فجيوبها  ،غيثة ستغلات الوقت  ملي كانو كهدرو معاها ومشات كتجري هربانة حدها هزات تيلي وشافت شي صرف تما وهزاتو وتمات ماشيا خارجة من الباب ركبات فاللوطو ديالها ودمارات نيشان خارجة حالتها ودموعها منشفوش غاهابطين  ماشية الوجهة مجهولة  وهي ممصدقاش بلي كانت غادي تقتل واكيد خوها الا مشا تعرف مغيخليها فحالها الا مقتلهاش مغيتهنا حيث ختو بهاد معنى جابتلو العار 
فالداخل جراتها ريتاج مخرجاها من كوزينة ومعتصم تابعهم توقفو قدام صالون ونطق معتصم  كشوف فيها عاقد حواجبو : شنو واقع هنايا علاش كنتي بغا تقتلي ختي
إسراء باقيين نظراتها حاقدين وجبدات صورة من جيبها كتمعن فيها ونطقات بهدوء مخيف : ختك كدور براجلي ومشات عندو لدارو خاني معاها
معتصم تبدلو ملامحو لغضب ونطق مغوت : شناهواا اش كتخربقي تما ابنت الخال وش عرفاا شكاتقولي غيثة راه راد معاها البال وماشي منوع لغادي تدور براجل مزوج حيث الا مشيت تعلمت بيها غنحرها
ريتاج غكتشوف وشافت في إسراء ونطقات بحنية : اسراء وش مأكدة هدشي لكتقولي هدشي مكدخلش العقل اختي 
غمضات عينيها وحلاتهم بنفاذ صبر  وشافت ناحيتهم بغضب ونطقات بعصبية وهي كتوريهم ديك صورة : شنوو هدشي راه هاديك ق ... كانت غتكملها ولكن كتحتارم معتصم حبسات ونطقات ثاني مغوتة : هاديك ختك  كدور براجلي شنو هدشي شنو هدشي هي معنقا راجلي عارف شنو كنشوف هو كخوني معاها مع ختك ختك ديك اللفعة دارت براجلي
تقدم معتصم ناحيتها وعينيه فيه شرارة غضب وممتيقش هدشي لكشوف تشد من عندها صورة وبدا كحقق وعينيه زادو وساعو بالصدمة والخزي والعار لملأو عينيه ولما لا وهو كشوف ختو في حضن واحد  اخيب شعور اقدر احس بيه رجل هو يشوف ختو فداك مظهر عينيه حمارو بالغضب وزير على يديه تبانو عروقو مشا نيشان كوزينة كقلب وريتاج مصدومة ونطقات : معتصم اجي شكدير
هو لكقلب وكشقلب تجبد جنوي ريتاج تصدمات وهي كتشوف كفاش هاز داك جنوي وكبان ماضي ومظهرو ناوي على خزيت  وشداتو من دراعو  موقفاه  وهي كترعد بالخوف : معتصم حبيبي دير عقلك ماشي هكا كنتعاملو عفاك حط داكشي عفااك ناري مديرش هكا حط داكشي
ونطقات مغوتة على اسراء : اسراء اجي عتقي اصحبتي اجي اشنو درتي حراام عليك راه غطيح شي الروح اميمتي اش هدشي لكوقع
إسراء فيناهيا هزات ساكها وتجاكيطها وتمات خارجة وهي كتحس بشعور راحة على اقل دارت  لخاصو ادار  شدات طاكسي ومشات نيشان وجهة البحر تريح اعصابها وتصفي دماغها لعل شعور ندم اشوف وش ارجع معاها
اما ريتاج شداه وكطلب فيه وتزاوك : عفااك الله يخلي معز عندك لما حط داك ازمر اويلي باغي ضيع عمرك فالحبس واصلا عرفناها غالطة راه ختك هادي ختك امعتصم عفااك حط داكشي متهورش عفااك 
نطق مغوت بعصبية : حيدي من قدامي ولا نخشي فمك جنوي حيدي
حيدات من قدامو وهي دموعها كتسربو  ونطقات كطلبو : عفااك معتصم عفااك الا مدرت بوجهي دير غبوجه جدك وخالتي وعمي  وش باغي تصيفطهم سبيطار الله يرضي عليك وش باغي تقتلهم
اما هو ماتسوقلهاش مشا طالع مع دروج كنقز جوج دروج وجنويا فيديه وكدور على بيوتة كفتح بيت مورا بيت بالعصبية ودمو  كغلي في عروقو  وهو كقلب وكغوت
اما فالخارج مجايبين تاخبار جالسين على جماعة وضحك