عشقك إدماني

parte 170

اما هو ماتسوقلهاش مشا طالع مع دروج كنقز جوج دروج وجنويا فيديه وكدور على بيوتة كفتح بيت مورا بيت بالعصبية ودمو  كغلي في عروقو  وهو كقلب وكغوت
اما فالخارج مجايبين تاخبار جالسين على جماعة وضحك
تاشويا نطق علي : زينة بنتي وش سمعتي شي غوات ولا انا لتهيأ ليا
زينة : لالا انا مسمعت والو ، اتكون تهيأتي اباَّ
مداو مجابو بداو كفطرو بلاتي عليهم وخالقين جو
فالداخل معتصم باقي كقلب تتم هابط وهو صاعر حيث مرقهاش وشافتو ريتاج وشدات فيه من حوايجو ونطقات بخوف ودموعها مسرسبين على خدها  : وقف عفااك امعتصم مدير شيحاجة تندم عليها عفاك حيد داكشي من إيدك الله يخليك لما تهدن العصبية معندها مدير عفااك احبيبي عفااك
معتصم نطق مغوت : حيدي من قدااامي متخليني نصعر عليك حيدي
حيدات من قدامو وهي كترعد يلاه خارج تتصادف مع جوهرة ودخلا وشافت فيه بصدمة وهي كتشوف فإيدو لمزيرة على جنوي وكبان معصب بقات مشوكية فبلاصتها تقفزها من صوتو : حيدي نتي من قدامي لا نتبع لمك لختك
سرطات ريقها ونطقات بخوف : خخخويا مالك هاز هذا خويا حط داكشي كفاش غتبعني ختي مفهمتش ،... وش ... وش غيثة .. دارت شي...شيحاجة .ااخويا
هو غار كزفر واعصابو على محك ونطق بغدايد ومغوت : هذيك لقح* متجبديش سميتها سمعتي خسارة تربية فيها مخليت مدرت ليها وخرجات من جنب اليوم بيا ولا بيها الا منحرتها منتسماش معتصم والا متبعتو تداك زا*
ريتاج وجوهرة غكشوفو فيه بالخوف ،جوهرة باقا مسمرة قدامو تخبط فيها وخلاها ترجع اللور علين مطاحت وداز
  كقلب غاشافتو ريتاج ماشي جهتهم مشات تبعاه كتجري وحكماتو من خصرو مزيرة عليه  وهو تصدم غاكشوف وبدات كتبكي وشهقاتها مسموعين ونطقات بصوت ممزوج بالبكاء : عفااك متمشيش عندهم وانت هاز هاد جنوي  هكا الا بغيتيني انا نسول ليك نمشي غار متمشيش هكا وش باغي تسيفط جدك القبر وهو مريض بالقلب عفااك الا بغيت تحل معاها مشكل، بعد جدك ومك وباك على صدااع عفااك امعتصم دير بكلامي راه غتندم الا مشيتي عندهم بهاد حالة عفاك
هو بدا كرجع وكسمع هدرتها عرف عندها حق ونطق : طلقي
بقا مزيرة عليه : لالالا منطلقش انت انت مغاديش تسمعليا انا مبغيت تواحد اموت لا لا مبغيت نشوفك نادم امعتصم وحياتك كاملا كترجع فراسك
نطق بحدة : طلقي وقيلا هدرت
طلقت منو وهي كتشوف فيه بحزن تصدمها ملي نطق : سيري شوفي وش كاينة عندهم ، وبربي وتستري عليها مغنعقل عليك
ريتاج مسحات دموعها بكفايفها ونطقات : صصصافي غتهنا انا مغنتستر على حد
معتصم : يلاه سيري هاني مراقبك هنا
مشات هيا وكتمسح دموعها وكتحاول متبين والو توصلات عندهم وشافتها زينة وعلي وخادمة فرحو بماجئها تسالمو معاها  بعد متسالمات معاهم نطقات بهدوء : خالتي وش مشفتيش غيثة بغيت نسلم عليها ومرقيتهاش
زينة عقدات حواجبها ونطقات : لا ابنتي كانت مع إسراء ، حيث اسراء بغات تهدر معاها من موراها متليت شفتهم
ريتاج سرطات ريقها ونطقات وهي مبتاسمة ابتسامة صفراء كتحاول تخبي : ااه ، احيث اسراء تلاقيتها  مشات ، ومنبعدها غيثة مرقيتهاش
علي : وايلي اسراء ، مشات بلا ماتسلم على جدها
ريتاج مسدات رقبتها ونطقات  بإرتباك : لا اجدي غار ولدها فهمتي ياك
زينة نطقات  مغيرة  موضوع  : اوا بنتي معرفتش غيثة فيناهيا غتكون غار فالداخل اشوفي تما ، اجي وش جا معاك معتصم فيناهو مشفتوش
ريتاج سرطات ريقها كتحاول تخفي توترها ونطقات : ااه ، لالا مجاش معايا غار انا قلت نزوركم ، رانكم عارفين خداام
علي : ااه اوا جلسي ابنتي مالكي واقفا
ريتاج نطقات بزربة وهي كتفرك فإيديها : هانا غنجيكم دبا غار نشوف جوهرة وغيثة توحشتهم صافي
زينة امأتلها براسها ،خلاتهم ريتاج  ومشات راجعة بزربة فين خلات معتصم نطقات بتوتر : كنظن رانك سمعتي محادثة ، غيثة مكيناش
معتصم متكلم ، مشا نيشان بلاصة فين كيبلاصيو سيارات خدا اللوطو ديالو ودمارا نيشان مخلي دخاخن وراه وريتاج متبعة لو العين توقفات عليها جوهرة ونطقات : ريتاج اجي معايا بغيتك تشرحيلي كلشي اشنو  واقع ، وعلاش خويا محلف على غيثة اشنو كاين
ريتاج امأتلها براسها ومشات تابعها مشات  معاها تال بيتها مورا مقفلات جوهرة الباب دخلات وتبعاها ريتاج  جلسات جوهرة فوق كنابي  وريتاج بقات كتشوف  فيا واقفة تنطقات جوهرة : جلسي اريتاج عوديلي اشواقع
جلسات ريتاج وهي فقط كتشوف لبعيد وبدات كتعاود لها
عند غيثة لماشيا بأقصى سرعة وعيات تاصل برانيا تبلاصات اللوطو فخرجة ديال مدينة وعودات تاصل ونطقات : شيت جاوبي ارانيا اووف اشغندير اليوم لاخرتي جاوبي عتقيني
بقات شحال كتاصل وتعاود وتجوباتها رانيا منزاعجة : اش باغا نتي ياك فضيت معك ونفذت معك مهمة سيري لصقي فخويا وهنينا
غيثة عضات على شفايفها بغضب وهي وجهها كلو مقموش ومعضوض وشعرها منتوف حالتها حالة وجوباتها وهي كتحاول تحكم فغضبها : رانيا انا مشيت فيها كتعرفي شناهيا مشيت فيها
رانيا لجالسة خدامة فبيسي  ديالها طفاتو ونطقات بفضول : اشواقع كفاش مشيتي فيها ثاني
غيثة تنهدات وهي كتمسح دموع لهبطو على خذها : رانيا عفااك اجي وعتقيني خويا غيقتلني مافيها شك وديك حمقة كانت غتقتلني عتقيني
هي لوقفات بصدمة ونطقات بإستغراب : اشكاتقولي نتي بلاتي كفاش عرف خوك وكفاش شكون هاد حمقة لبغات تقتلك
غيثة كابحة دموعها : اجي عندي وغتفهمي كلشي
رانيا نطقات مجاوباها  : نتي فين ، وش هربانة من خوك ولاشنو
غيثة : ااه اجي عندي غنسيفطلك لوكاليزاسيون
قطعات معاها وسيفطات لوكاليزاسيون وتكات راسها على ݣوسان ودموع بداو كهبطو بغزارة من عينها وهي ندمانة على داكشي لدارت هاهو الله كخلصها على فعايلها
عند رانيا غار قطعات معاها شافت لوكاليزاسيون بقات كتقلب فبلاكر ترقات ساروت لبغا درتو فساكها ولبسات بالخف ،خرجات بزربة وجاب الله مكان حد ومشات نيشان قاصدا اللوطو ديالها  ركبات فيها ومشات مديماريا نيشان خارجة من مدينة للإتجاه عندها وأشرف تابعها بموطورو كشوف فين غتمشي وهو خلال هاد وقت كامل وكجمع فالادلة عليها مباغي اضيع تادليل بالتسبة ليه هي ورقتو رابحة 
بضع دقائق وصلات عندها بلاصات اللوطو جنب وتجهات عندها دقات فزاج ترمقاتها غيثة بنظرات حزينة وهبطات من اللوطو ديالها وتجهات نيشان معنقاها مخليا رانيا مسمرة فبلاصتها هي منوع معمرو عنقها شيواحد هكا،  معرفات مدير بقات ايديها مرخية مبدلتهاش عناق موالو تبعدات منها غيثة ودموعها فقط مسربين توضعات ايديها على وجهها وبدات كتبكي بهستيرية وهي ممتيقاش هدشي لوقع لها ورانيا كتشوف فيها بجمود وهي تربع إيديها ونطقات ببرود  : غيثة ، كنظن جيت هنا وضربت طريق باش تعاوديلي شنو واقع ماشي تبداي تبكاي عليا  هنايا ، ولا خليني نمشي
غيثة عرفا هذي لمعها معندها ذرة الاحساس ومغاديش تبقى فيها ولا غادي تواسيها وتشفق عليها مشاعرها ميتين مسحات دموعها وشافت فيها ونطقات : رانيا بغيتك تعاونيني ماعندي فين نمشي والا رقاني خويا غينحرني زائد الا رقاتني هاديك إسراء راه كانت غتقتلني
رانيا شافت فيها بصدمة ونطقات : كفاش كانت غتقتلك علاش هي جات عندك مفهمت والو انا خليتك فكازا ،اليوم كتصدميني
تنهدات ونطقات وهي كتمسح على جبهتها : هي جاتني اليوم مكتشوفيش حالتي كولات
رانيا  طلعات عينيها رمقاها بالاستهزاء ونطقات : انا عمبالي خوك لدارلك هكا اممم قولي إسراء وعلاش مدافعي على راسك شنو بغتيني ندير لك انا
غيثة  زفرات بغضب وتقربات منها وعينيها لكانو طاغيين عليهم  حزن في لمحة بصر تحولو حدة  ونطقات وهي كتورك على حروف : نتي ارانيا سبابي كنت هانيا تدخلتيني معك فهاد اللعبة ولعبتي بعقلي
رانيا تاهي تقربات عندها وابتسمات ابتسامة الاستهزاء : اووه غزالة ندمتي ، ياك قتلك ملي مقداش عليها مدخليش معايا ولكن كان جوابك رأيو اخر لذلك انا مسوقيش فيك اقتلك خوك تقتلك هي مهم واكلة عليك كسكسو نهار عزاك
غيثة لرمقاتها بصدمة وهي كتشوف رانيا لغير كملات كلامتها تجهات ماشيا اللوطو ديالها تتبعاتها وشداتها من إيدها موقفاها ونطقات بترجي : عفااك ارانيا عونيني نتي لبقيتي عندي عفااك ندير اي حاجة غار عونيني مبغيتش نموت
اشرف لكشوفهم وكصور بكميرتو وابتسامة شر مرسومة على ثغره
غيثة لبقا كترجاها وطلبها ونطقات رانيا بتقزز : حيدي عليا ايدك اوه شحال ديال دل فيك
غيثة حيدات ايدها بزربة وهي تنطق رانيا : وخا انعاونك
وجبدات ساروت من ساكها وظهراتو قدام وجهها ونطقات : ولكن اغيثة يا غيثة بشرط
غيثة : اي حاجة قابلا عليها غار عتقيني
رانيا هزات ايد غيثة وفتحاتها و  حطات ساروت فإيدها وسداتها ونطقات : سيري دار لفإفران غنسيفط ليك لوكاليزاسيون ولكن بشرط عرفتي ويسخن عليك راسك وتمشي تقولي لخويا ولا شيواحد بلي كنت مشاركة معك فالخطة غنجيب خوك معتصم تالدار وقبل ذلك غنعذبك متختبرينيش
غيثة : شكرا تهناي والله منقول شيواحد شيحاجة
ومشات بزربة راكبة فاللوطو ديالها دمارات نيشان  شادة طريق للإفران
وخلات رانيا لواقفة وكتشوف ساهية ومسندة ظهرها على اللوطو ديالها وكتمسد جبهتها بتعب 
اما اشرف غار سالا داكشي لبغا ومشا ركب موطورو ومشا راجع رباط
هي بقات شحال ساهية وكتبلاني جبدات تيلي سيفطات لوكاليزاسيون ليها وطفاتو وركباتو فاللطو ديال مديماريا راجعا لفيلا ديال خالتها
اسراء لجالسة فوق جرف مقابلا مع البحر نيشان  وعينيها ساهيين فالامواج هادئة لهي عكس داكشي لكتحس بيه داخلها فتحات ساكها جبدات منو تصويرة لفيها مها وباها وهي وسطهم صغيرة لكانت مرتدية فستان باللون زهري ودايرة ݣرينات وضحيكة باينة على ثغرها  بقات شحال ساهية فديك تصويرة لفيها والديها وكدوز صباعها على وجوه والديها ونطقات بنبرة منكسرة : علاش علاش مشيتو خليتوني بوحدي نواجه هاد قساوة الحياة علاش شنو ذنبي انا باش يوقع ليا هكا ونتغدر من اعز الناس شنو درت انا باش يوقع ليا هكا
هبطات دمعة سخونة من عينيها ومسحاتها وكملات كلامها ناطقة : علاش مشيتو خليتوني علاش اماما وبابا علاش نكون انا يتيمة ، كن كنتوا نتوما ݣاع ميوقع ليا هكا 
وهي كتردد فكلماتها والغصة واحلة فحلقها عيات متكبح في دموعها تبدات كتبكي بدون توقف وضامة تصويرة لصدرها وفقط كلمات لكتردد : علاش مشيتو خليتوني بوحدي شنو ذنبي انا باش يوقع ليا هكا ، توحشتك اماما توحشتك ابابا عفااك رجعو ليا محتاجكم بغيتكم
بقات على هداك منوال تنشفوا  دموعها وبداو عينيها كحرقوها ومنفوخين ولما لا وهي غكتبكي
جمعات تصويرة مرجعاها ساكها ورجعو ملامحها بدون تعبير وحكم عليهم البرود تبدا تليفونها كصوني لجبداتو كتشوف نمرة غير معروفة جوبات تسمعات صوتو لنطق مجوبها وكبان معصب : اخيرا مدام شرفتني وجوبات ، مال مك بلوكياني دوي جهلتي ولاشنو
بتاسمات بإستهزاء وقطعات عليه بدون متجاوبو وجمعات واقفة وهي كتشوف فتلفونها تبدا كصوني وكتقطع كصوني وكتقطع تعصبها من صونيات ديولو وهي ترمي تلفونها بكل غضب فالبحر وهزات ساكها ومشات راجعة دار صوفيا شيرات لطاكسي وركبات ودمارا بيها نشان وجهة لبغا
في الوجهة اخرى إلياس لفخدمتو صعر عيا يصوني وهو يجمع الوقفة حدو مشا عند شاف خدا من عندو الاذن انه ارجع رباط وهو يخرج صاعر من خدمة خذا اللوطو ديالو دمارا نيشان الاقامة طلع جمع مسائلو وخرج وسد الاقامة ووصا لمول العمارة على دار عاد مشا ركب فاللوطو ديالو دمارا نيشان راجع رباط وهو معصب على هاد ستون لدارت اسراء ومعارفش شنو سبب من نهار بلوكاتو وهو كصوني ويجرب فنوامر وقال يمكن غار معصبة حيث طفا عليها تلفون ولكن صعراتو وهو يتم راجع نيت
إسراء لوصلات وخلصات طاكسي ودقات الباب تفتحاتلها صوفيا لكتشوف فيها بقلق ونطقات : الله اختي الله فين كنتي خلعتيني عليك ومكتجوبينيش فين كنتي
إسراء لرمقاتها بتعب ودازتها مخليا صوفيا غكتشوف وكتحسر عليها تجهات جلسات فصالون نطقات : فيناهو إياد
صوفيا جلسات حداها ونطقات : راه ناعس وكاين فالبيت هنايا تحت
فقط امأتلها براسها وسندات راسها على لوسادة لوراها بتعب وصوفيا كتشوف فيها تنطقات إسراء : عفااك جيبيلي شي دواء ديال راس حاسا براسي غنتسطا
ناضت من حدها صوفيا مشات الكوزينة جابت فنيدا ديال راس مع الماء وجلسات حداها مداتهم ليها ،شداتهم من عندها إسراء وشرباتهم وحطات کأس فوق طابلة  ورجعات ساندة راسها بتعب وبقا صمت سائد مكان تنطقات صوفيا : هضري فين كنتي من 9 ديال صباح مجيتي تال لواحدة فين كنتي غايبة اختي فين كنتي
إسراء شافت فيها ونطقات : والو كنت غار بردت غدايدي وجيت هذا مكان
صوفيا نطقات بعدم فهم : شنو مفهمت ، هدري مݣاد اش كتقولي نتي كفاش بردتي غدايدك
إسراء  نطقات ببرود : مشيت عند غيثة وضربتها عرفتي كن ارجع بيا زمن كن قتلتها قبل ميجي معتصم شمتة واقفة لي فحلقي حيث مقتلتهاش غار عصيتها
صوفيا قربات حداها ونطقات بصدمة : شناهو اشدرتي ، اويلي بغا تولي مجرمة وش كنت ناوية تقتليها
إسراء قدات جلستها وشافت فيها بجدية ونطقات بحدة : صوفيا كنظن نتي عرفاني مزيان ، ااه انا كنت غنقتلها حيث هي حطات  عين على شيحاجة ماشي ديالها ، اي حاجة ديالي خط حمر سمعتي ولقاسها كنقتلو
صوفيا : فهمت فهمت ، ولكن وش نتي عرفا شكاتقولي وراه غضيعي عمرك فالحبس وش منيتك
إسراء غمضات عينيها وحلاتهم بعصبية ونطقات مغوتة : نتي مغتفهمنيش اصوفيا سمعتي كن نتي وقعلك هكا ورقيتي وحدة مع راجلك كنت غتقتليها بدون تردد
صوفيا جراتها من إيدها معنقها عندها وكتمسد ظهرها بحنان ونطقات بحنية : صافي اصحبتي صافي انا مقصدت والو ومتعصبيش راسك اكون غار الخير اختي براكا عليك من هاد حزن وهادي غامحنة وغدوز صافي عفااك براكة من عصبية والبكاء معندو ميدير 
إسراء متكلماتش فقط حاسة براحة فداك عناق