ဒုတိယဇာတ္လိုက္ရဲ႕ ဇနီးေဟာင္းအျဖစ္သို႔ ကူးေျပာင္းလာျခင္း

Chapter 48(Unicode)

"ငါက ဒုတိယနတ်ဘုရား " လို့အမည်ရတဲ့သူရဲကောင်းဟာ ရပ်တန့်လိုက်သည်။

ငါကဒုတိယနတ်ဘုရား ။ "အစ်မရေ၊ မကစားပါနဲ့တော့၊ ကျွန်တော်လက်ကြွက်တက်နေပြီ"

ကျူးကျူး ။ "ဟုတ်သားပဲ နင်ဘာလို့ ငါ့တယောက်တည်းကိုပဲ နောက်ကလိုက်နေရတာလဲ?"

ငါကဒုတိယနတ်ဘုရား ။ "တကယ်တော့ ...... အစ်မကြော်ငြာလုပ်တာကို တားချင်လို့"

ကျူးကျူး ။ "?"

ငါကဒုတိယနတ်ဘုရား ။ "အစ်မ၊ ဂိမ်းမျိုးဆက်လေ့ကျင့်ရေး  + V စာလုံး 7927332"

ကျူးကျူး ။ "? ? ? ?" 

'ငါနင့်ရဲ့နတ်ဆိုးစိတ်ကို ယုံရမှာလား!'

ကျူးကျူးသူမမျက်နှာကို ပြန်ဆည်ရန်အတွက် နောက်ဆုံးဓားချက်ကို ထုတ်လိုက်တာကြောင့် သူရဲကောင်းဟာ လုံးဝသေဆုံးသွားတော့သည်။

သူမပြန်လည်အားဖြည့်ပြီးနောက် လက်ရှိစကားပြောခန်းထဲမှာ လူအစုလိုက်ကြီးရှိနေသည်။ ကျူးကျူးဟာ အနည်းငယ်ကြောင်သွားတော့သည်။ 'သူတို့ဘာလုပ်နေကြတာလဲ?'

သူမကြောင်နေပြီး တာဝန်ဆက်လုပ်ရန် တယောက်ယောက်ကိုဆွဲခေါ်မလို့ လုပ်နေချိန် တယောက်ယောက်က သူငယ်ချင်းလာအပ်လေသည်။

ပိုင်လုံမန် ။ "အစ်မရေ၊ သူငယ်ချင်းလုပ်ရအောင်"

ကျူးကျူး ။ "မလေ့ကျင့်တဲ့အတွက် ကျေးဇူးပဲ"

ကျူးကျူးမသိတာက ပိုင်လုံမန်ဆိုတဲ့ ကောင်မလေးဟာ ချက်ချင်းပဲ သူတို့နှစ်ယောက်ရဲ့စကားပြောထားတာကို ss ရိုက်ပြီး ဂိမ်းအသင်းဆီကို ပို့လိုက်တာကြောင့် လူတစုဟာ သတိမေ့လုနီးပါးရယ်မောနေကြလေသည်။

ကျူးကျူးစိတ်ဓာတ်ကျနေတုန်း ရုတ်တရက်လူအုပ်တအုပ်သူမနောက်မှာ ရှုပ်ထွေးနေတာကိ ကြည့်နေသလိုမျိုး ရပ်နေတာကို တွေ့လိုက်ရသည်။ သူမမျက်ခွံတွေ အပေါ်ကို မြင့်တက်သွားတော့သည်။' သူမကြော်ငြာသူရဲကောင်းနဲ့ စကားပြောနေတုန်းက သူတို့ ငါတို့နောက်မှာ ရပ်နေတာကို တွေ့လိုက်သလိုပဲ'

ကျူးကျူး ။ "....."

'ငါသူတို့ ဘာကိုရယ်နေကြတာလဲ နားလည်သလိုပဲ'

{ပိုင်လုံမန်က သင့်ကို အသင်းကို ဖိတ်ခေါ်လိုက်ပါတယ်၊ သင် "လရှည်ကုန်သွယ်သူ" ဆိုတဲ့ အသင်းကို ဝင်ချင်ပါသလား?}

သူမမသိတာက အဲဒီ "လရှည်ကုန်သွယ်သူ" ဆိုတဲ့အသင်းဟာ "အိမ်မက်တွေရဲ့အိမ်မက်" ဂိမ်းရဲ့ထိပ်ဆုံးအသင်းဆိုတာပါပဲ။ သူမအတွေးက အသင်းနဲ့လိုက်ပြီး ဂိမ်းကစားလိုက်ရသားပဲလို့တွေးပြီး ပျော်ရွှင်စွာနဲ့လက်ခံလိုက်သည်။ အသင်းထဲဝင်ပြီးနောက် ငှက်အသိုက်ထဲရောက်သွားသလိုမျိုး ကျီကျီကျာကျာနဲ့ လူအုပ်ကြီးဟာ သူမနာမည်ကို ခေါ်နေကြသည်။

ကျူးကျူး ။ "......"

ကျူးကျူး ။ "ကဲ၊ ဓားမြတွေကို လိုက်ဖမ်းရတဲ့တာဝန်ကို ကစားမဲ့သူတွေ အသင်းဖွဲ့ပေးကြပါ"

လူအချို့က သူမကို ပျော်ရွှင်စွာနဲ့ ချက်ချင်းပြန်ဖြေလိုက်သည်။ "ငါမင်းကို ခေါ်သွားမယ်"

ကျူးကျူးဟာ ဒီအသင်းက သွက်လက်ပြီး ခင်စရာကောင်းတယ်လို့ တွေးလိုက်သည်။ သူမပြန်မပြောခင်မှာ ဓားသမားထဲက တယောက်ဖြစ်တဲ့ "ကော်ချန်ချန်ယူ" က "ငါမင်းကို ခေါ်သွားပေးမယ်၊ ငါဒီနေ့အားနေတယ်"

ပိုင်လုံမန် ။ "ဝေါင်း၊ လူချင်းချိန်းတွေ့ချင်လို့လား?"

အနောက်ဘက်ဆီသို့ မြင်းခွာများ ။ "ဘီယန်သဝန်တိုမှာလည်း သတိထားအုန်း>>"

ရင်းနှီးနေတဲ့နာမည်ကို တွေ့လိုက်ရတာကြောင့် ကျူးကျူးနှလုံးခုန်မြန်သွားပြီး ရုတ်တရက်ထိတ်လန့်မှုဟာ သူမဦးရေခွံကို ထုံသွားစေကာ ကီးဘုတ်ကို မသိလိုက်ပဲ ရွေ့မိသွားသည်။

(တရုတ်ဝတ္ထုကို ENGလို ပြန်ထားတာကြောင့်မို့လို့ တချို့နေရာတွေမှ တရုတ်အသံထွက်အတိုင်းပဲ ရေးပေးထားပြီး နောက်တခေါက်ပြန်သုံးချိန်မှာ ENG လိုရေးပေးထားတာမျိုးတွေရှိတာကြောင့် အပေါ်မှာ တရုတ်အသံထွက်အတိုင်းရေးပေးခဲ့ပြီး အောက်မှာဘာသာပြန်ပေးထားရင် နားလည်ပြီး ဖတ်ပေးစေချင်ပါတယ်)