ဒုတိယဇာတ္လိုက္ရဲ႕ ဇနီးေဟာင္းအျဖစ္သို႔ ကူးေျပာင္းလာျခင္း

Chapter 18(Unicode)

နောက်ဆုံးစကားကိုကြားပြီး ရှားရုံဟာ နေရာမှာတင်ကြောင်ပြီး ရပ်နေမိသည်။ သူဟာ အလင်းရောင်ဖြာကျနေတဲ့ လှပတဲ့မျက်နှာကို ကြည့်ပြီး အရင်တုန်းက ရွံ့စရာမျက်နှာကိုတွေးမိလိုက်သည်။ သူမသူ့ကို ကြည့်တဲ့အချိန်မှာ သူမမျက်ဝန်းတွေဟာ အရင်ကလို စိတ်အားထက်သန်မှုတွေမရှိတော့ပေ။ သူမနှုတ်ခမ်းဖျားက အပြုံးဟာ အေးစက်နေတာကြောင့် သူဟာ တုန်လှုပ်သွားမိသည်။

ရှားရုံဟာ ရွမ်ကျူးရဲ့နောက်ကျောကို မှင်သေသေနဲ့ ကြောင်ကြည့်နေရင်း ရုတ်တရက်တွေးမိလိုက်သည်။ 'သူမ ငါ့ကို မုန်းသွားပြီလား?'

သူဟာ သူ့ကိုယ်သူပြန်လှောင်ပြောင်မိသွားလေသည်။ အရင်တုန်းက သူပဲ သူမကို ကစားခဲ့တာဖြစ်ပြီး တခြားသူတွေရဲ့ခံစားချက်ကို ဂရုမစိုက်ပဲ ဖြူကောင်လိုမျိုး အကုန်လုံးကို ချွန်ထက်တဲ့အစူးနဲ့ ထိုးချင်နေခဲ့တာဖြစ်လေသည်။

သေးငယ်တဲ့အစူးလေးက သူ့နှလုံးသားကို ညင်ညင်သာသာလေးစိုက်သွားပေမဲ့ သူဘာပြောရမှန်းမသိတော့ပေ။

.....

ကျူးကျူးဟာ သူမကိုယ်သူမရင်ထဲကနေကြိတ်လက်ခုတ်တီးနေလေသည်။

သရုပ်ဆောင်တာက အရမ်းကိုအရေးကြီးပြီး သူမကပွဲကြီးပွဲကောင်းချခဲ့တာပဲ။သူမရဲ့စိတ်ရော ကိုယ်ပါပျော်ရွှင်နေလေသည်။

အထူးသဖြင့် ရှားရုံရဲ့ဖြူဖျော့ပြီး အံ့ဩနေတဲ့မျက်နှာကို မြင်ချိန်မှာ သူမမထိန်းနိုင်ပဲ ရယ်မိသွားတော့မလိုဖြစ်သွားမိသည်။

အဲဒီပန်းဝါလေးကို သူ့ရဲ့ကိုယ်ပိုင်လေနဲ့နှင်းကြားမှာ နှစ်မြှုပ်နေပါစေ။ သူမကတော့ ထမင်းချက်ဖို့ ပြန်သွားရတော့မယ်။(Eng လိုက  Daffodil လို့ရေးထားပါတယ်။ ရှာကြည့်ပေမဲ့ eng လိုပဲ အသံထွက်တာပဲတွေ့တာကြောင့် ပန်းဝါလေးလို့ပဲ ပြန်လိုက်ပါတယ်။)

တွေးရင်းနဲ့ပဲ ကျူးကျူးဟာ သူမရဲ့မိုဘိုင်းဖုန်းကိုထုတ်ပြီး Wechat မှာ အကြာကြီးရှာပြီးမှပဲ  ချန်ကျမ်းရဲ့နာမည်ကို ရှာတွေ့သွားသည်။

တခဏလောက်တုံ့ဆိုင်းသွားပြီး ကျူးကျူးမက်ဆေ့တစောင်ပို့လိုက်သည်။

"ဒီည ဘာစားချင်လဲ?"

"လွန်ခဲ့တဲ့ရက်အနည်းငယ်အတွင်း ဂိမ်းအသစ်တွေပဲ စစ်ဆေးနေရတယ်။ ကားလမ်းပိတ်မှုတွေနဲ့  လာမဲ့ Tanabata ပွဲတော်ကြောင့် ဂိမ်းကလက်ထပ်တဲ့ စနစ်ကို တရားဝင်ဖွင့်ပေးမလို့စီစဉ်နေတယ်။ ပွဲတော်နဲ့ပတ်သက်ပြီး ကြော်ငြာတွေအမျိုးမျိူး အပ်လာတာကြောင့် သူတို့အတွက် အရမ်းအလုပ်ရှုပ်နေတယ်။ ဒီနေ့မှပဲ ငါ့အလုပ်တွေအပြီးသတ်နိုင်တော့တယ်။ ငါကြားတာကတော့ သူဌေးက အလုပ်ချိန်တွေမှာ အလုပ်ဆင်းတာရော တက်တာရောမတွေ့ရပဲ တချိန်လုံးရုံးခန်းမှာပဲ နေနေတယ်လို့ကြားတယ်။" ကုမ္ပဏီမှာရှိနေတဲ့ မိန်းကလေးတွေဟာ သူဌေးကို ကိုယ်တိုင်တွေ့ချင်တာကြောင့် တက်ကြွနေကြလေသည်။ 

နားနေခန်းထဲမှာရှိနေကြတဲ့ စာရေးအနည်းငယ်ဟာ သူဌေးအတွက် ကော်ဖီသွားပို့ဖို့အတွက် စိတ်အားထက်သန်နေကြလေသည်။ အဲဒီအချိန်မှာ အဖြူရောင်ဂါဝန်ဝတ်ထားတဲ့ ချန်ယင်ဟာ လှပပြီး ကျက်သရေရှိစွာနဲ့ ရှေ့တိုးလိုက်သည်။ သူမဟာ နှုတ်ခမ်းကိုကိုက်လိုက်ပြီး ကော်ဖီကို ယူကာပြောလိုက်သည်။"ငါ သွားပို့လိုက်မယ်၊ နင်တို့အလုပ်ဆင်းလို့ရပြီ"

Daffodil ပန်းပုံပါ

Tanabata ပွဲတော်ကို ကြယ်ပွဲတော်လို့လည်း ခေါ်ကြပါတယ်။ အဓိပ္ပာယ်ကတော့ "နဂါးငွေ့တန်းထဲမှာ ချစ်သူနှစ်ဦးပြန်လည်ပေါင်းဆုံတဲ့ အမှတ်တရ" အနေနဲ့ကျင်းပတာဖြစ်ပါတယ်။