လီတျန်းမင်သည် ဤကြက်ပေါက်စနလေးမှာသာမာန်အသက်သားရဲမဟုတ်ကြောင်းအခြားသူများထက်ပို၍သိသည်။ထို့အပြင်အခြားဥကိုးလုံးသည်လည်း အလားတူဖြစ်နိုင်ဖွယ်ရှိလေ၏။သူယခုမြင်ခဲ့ရသည်များမှာ ထူးထူးခြားခြားဖြစ်နေသည်။နေလုံးကြီးကိုပင်ဝါးမြိုနိုင်သည့်သားရဲ၊စကြာဝဌာကြီးတစ်ခုလုံးကိုပင်ဖမ်းဆုပ်ထားနိုင်သည့်လက်ကြီးနှင့်အဆုံးမဲ့ကြယ်အစုအဝေးကြီးတို့အားလုံးသည် မည်သို့မျှမေ့ဖျောက်၍ရနိုင်မည်မဟုတ်သည့်အရာများပင်။
ထို့အပြင်အလွန်တရာမှစွမ်းအားကြီးမားသော ထာဝရဖီးနစ်ငှက်ဟူသည့်သားရဲကြီးသည် သူ၏အသက်သားရဲဖစ်နေသည်။လီတျန်းမင်သည် ဤသည်အားတွေးရင်းစိတ်အားထက်သန်လာကာ သွေးများလည်းဆူပွက်လာလေတော့၏။
"မင်းက ငါနဲ့ချိတ်ဆက်ပြီးကျင့်ကြံမှာလား"ကြက်ပေါက်စနလေးအားမေးလိုက်၏။
"ဒါပေါ့ကွ။မင်းလိုကြက်ပေါက်စနလေးနဲ့ကျင့်ကြံရတာကအလွယ်လေးပဲ"ကြက်ပေါက်စနလေးသည် မာနကြီးစွာဖြင့်ပြန်ဖြေလိုက်လေ၏။
"လပြွတ်မို့လို့ ငါကကြက်ပေါက်စနလေးဖြစ်ရမှာလား။မင်းကသာကြက်ပေါက်စန"
"ကံကောင်းလိုက်တာနော်...ကြက်ပေါက်စနနှစ်ကောင်ကအတူတူကျင့်ကြံရတော့မယ်"ကြက်ပေါက်စနလေးသည်လီတျန်းမင်၏စကားအားအဖက်ပင်မလုပ်ပဲအော်ဟစ်လိုက်လေ၏။
“...!” ထိုကြက်ပေါက်စနလေးသည် အခြားသူများနှင့်မတူချေ။
ကြက်ပေါက်စနလေးသည် သူ၏ဦးခေါင်းပေါ်သို့နေရာရွှေ့လိုက်သောအခါ လီတျန်းမင်သည် သူ့ကိုယ်သူရှေးဦးဆိုးသွမ်းသားရဲတစ်ကောင်းအားအသက်သားရဲအဖြစ်ရရှိထားသူဟူ၍ကျေနပ်ပီတိဂွမ်းဆီထိနေလေ၏။
ရှေးယခင်က ဘိုးဘေးဘီဘင်များသည် သားရဲများနှင့်ချိတ်ဆက်ကျင့်ကြံခြင်းအားတီထွင်ခဲ့ကြသည်။ထိုအခါ လူနှင့်သားရဲများအကြားကျင့်ကြံခြင်းလမ်းကြောင်းတစ်ခုဖြစ်ပေါ်လာကာ သားရဲသခင်များစွာပေါ်ထွန်းလာလေ၏။သားရဲများနှင့်သားရဲသခင်များသည် သွေးကြေားများနှင့်ဉာဏ်ပညာများအားမျှဝေခဲ့ကြကာ စွမ်းအားကြီးမားသည့်အတွဲများဖြစ်လာကြလေ၏။
ВЫ ЧИТАЕТЕ
သားရဲခေတ်၏အရှင်သခင် Vol.1
Фэнтезиလီတျန်းမင်ဟာမီးတောက်ဝါမျိုးဆက်ကျောင်းတော်ကြီးရဲ့ကျောင်းသားတစ်ယောက်ဖြစ်ပါတယ်။ဘဝရဲ့အချိုးကွေ့အပြောင်းအလဲတွေကြောင့် ချစ်သူရဲ့အကောက်ကြံခြင်းကိုခံခဲ့ရပြီးနောက် ဒုက္ခိတဖြစ်သွားပြီးတော့ ကျောင်းကနေနှင်ထုတ်ခံရပြီး နာမည်ပျက်လည်းပျက်ခဲ့ရပါတယ်။ လီတျန်းမင်ရဲ့ကံဆ...