မီးတောက်ကောင်းကင်မြို့ကြီးတုန်ခါသွားစေရမယ်!
လီဇီဖန်းသည်ကြောက်နေရမည်လော။သူသည်သားရဲ့သွေးကြောအဆင့်ခုနှစ်သို့ပင်ရောက်နေကာ လွန်ခဲ့သောလေးနှစ်က လီတျန်းမင်ထက်ပင် ပို၍သန်မာနေသေးသည်။ထို့အချိန် လီဇီဖန်းသည် ရုတ်ချည်းလှုပ်ရှားလိုက်ကာ လီတျန်းမင်၏ နောက်စေ့အား လက်ဝါးဖြင့်ရိုက်ချလိုက်သည်။
သူတို့ညီအစ်ကိုနှစ်ယောက်သည် ကမ္ဘာခြားနေပြီဖြစ်သည်။ပိုပိုသာသာပြောရလျှင် လီတျန်းမင်၏တည်ရှိမှုသည် လေများ အလကားဖြစ်သွားရုံသာဖြစ်သည်။
"အဖေက ငါ့ရဲ့ပြတ်သားမှုကို သဘောကျလိမ့်မယ် "
ပရိတ်သတ်များကမူ တိုက်ခိုက်မှုအား အသက်ပင်မရှူနိုင်ပဲကြည့်နေကြသည်။
ထိုစဥ်လီတျန်းမင်က လီဇီဖန်း၏တိုက်ခိုက်မှုအား လက်ဝါးဖြင့်ပြန်ကာလိုက်သောကြောင့် သံချင်းထိခိုက်မိသံမျိုးထွက်လာသည်။
" ဒေါင် "
သာမာန်အခြေအနေ၌သာဆိုလျှင် လီတျန်းမင်၏ လက်သည် ကွဲကြေသွားပေလိမ့်မည်။သို့သော်လူတိုင်း၏ စိတ်ကူးအတွေးများထက်ကျော်လွန်ကာ လီဇီဖန်းသည် လီတျန်းမင်၏လက်ဖဝါးကြောင့် အနောက်သို့ခြေလှမ်းအနည်းငယ်ဆုတ်လိုက်ရ၍ သူ၏လည်လည်းတုန်ခါသွားခဲ့သည်။ တိုက်ခိုက်စဥ်တုန်းက ရဲရဲနီနေခဲ့သော သူ၏လက်ဝါးမှာ ခရမ်းရောင်ပြောင်းသွားသည်။လီဇီဖန်းသည် သူ၏လက်အား တင်းတင်းဆုတ်ရင်း မေးလိုက်သည်။
"မင်းရဲ့လက်ကို သံနဲ့အုပ်ထားတာလား "လီဇီဖန်းကအံကြိတ်ကာမေးလိုက်၏။
လီတျန်မင်းက ပြန်ပြောလိုက်သည်။
" မင်းရဲ့လက်ကိုကအားပျော့နေတာပါကွာ "
"လျှို့ဝှက်ဆန်းကြယ်ချင်ယောင်ဆောင်မနေနဲ့ "လီဇီဖန်းမှာအစောပိုင်းအရေးနှိမ့်မှုကြောင့်စိုးရိမ်သွားသော်လည်း သူ၏သိချင်စိတ်အား ထိန်းမရပေ။
"ငါမင်းဆီကနေကို သားရဲကီကိုဘာလို့ခံစားမိနေတာလဲ။မင်းကသားရဲကီကိုမသုံးနိုင်တော့ဘူးမဟုတ်တော့ဘူးလား"
"ငါကအသက်သားရဲအသစ်နဲ့ သွေးပဋိဉာဥ်ချုပ်ခဲ့တယ်လေ။မင်းက ငါ့ဒီအတိုင်းလာအသေခံတယ်လို့ တကယ်ထင်နေတာတော့ မဟုတ်ပါဘူးနော်..အဟက်"
ESTÁS LEYENDO
သားရဲခေတ်၏အရှင်သခင် Vol.1
Fantasíaလီတျန်းမင်ဟာမီးတောက်ဝါမျိုးဆက်ကျောင်းတော်ကြီးရဲ့ကျောင်းသားတစ်ယောက်ဖြစ်ပါတယ်။ဘဝရဲ့အချိုးကွေ့အပြောင်းအလဲတွေကြောင့် ချစ်သူရဲ့အကောက်ကြံခြင်းကိုခံခဲ့ရပြီးနောက် ဒုက္ခိတဖြစ်သွားပြီးတော့ ကျောင်းကနေနှင်ထုတ်ခံရပြီး နာမည်ပျက်လည်းပျက်ခဲ့ရပါတယ်။ လီတျန်းမင်ရဲ့ကံဆ...
