လက်တစ်ချက်ဝှေ့ယမ်းတာနဲ့ကျောက်တုံးတွေပြိုကျသွားစေရမယ်!
"တိုက်ဆိုင်လိုက်တာ။ တကယ်ကိုတိုက်ဆိုင်တာပဲဟေ့ !" ချန်းဟောင်က ရယ်မောလိုက်သည်။ သူသည်ကောင်းကင်ပြာရောင်ဝတ်စုံ ဝတ်ဆင်ထားကာ သူ၏ချောမောသော အသွင်အပြင်သည် သူ၏အဖေထံမှ အမွေဆက်ခံထားခဲ့သည်မှာ ထင်ရှားပေ၏။
သူသည် လီတျန်းမင်ထံသို့ ခြိမ်းခြောက်သည့်ပုံစံဖြင့်ရောက်ရှိလာသော်လည်း သူ၏စိတ်ထဲတွက်မူ သူ၏အဖေကလီတျန်းမင်ကြောင့်ပါးရိုက်ခဲ့သောခံစားချက်အား ပြန်လည်မြင်ယောင်နေလေ၏။
ထို့အပြင် လီတျန်းမင်က ကောင်းကင်သားရဲတွင်း၌ အောင်မြင်မှုများရနေစဥ် သူ၏မိခင်မှာဒေါသများပေါက်ကွဲနေခဲ့ရ၏။ တစ်ချိန်တည်းမှာပင် သူ၏ညီအငယ်ဆုံးသည် ကျင့်ကြံရာ၌ယုံကြည်ချက်ပျောက်ဆုံးခဲ့ရကာ ကျောင်းတော်၌ လေလွင့်နေခဲ့လေသည်။ ဤအပြောင်းအလဲများသည် လီတျန်းမင်တာဝန်ယူရမည်အရာများပင်ဖြစ်လေ၏။
"မင်းကိုယ်မင်းလွတ်နိုင်မယ်လို့တွေးနေတာလား လီတျန်းမင်။ ငါတို့ကတော့ကံကောင်းတာပေါ့ကွာ" ရှင်းချွယ်သည် သူ၏ကိုယ်လုံးကိုယ်ပေါက်နှင့် ဝတ်ဆင်ထားသောချပ်ဝတ်ကြောင့် စစ်ဗိုလ်ချုပ်တစ်ဦးနှင့်တူနေကာ သက်ဖြက်ရန်အဆင်သင့်ဖြစ်နေလေ၏။
သူတို့သည် ငွေဇွန်းကိုက်၍မွေးဖွားလာသော ရှင်းနှင့်ချန်းကုန်သည်အစည်းအရုံး၏ အမွေခံများဖြစ်ကြပေသည်။ ထို့ကြောင့် ၎င်းတို့နှစ်ဦးစလုံး၌ ၎င်းတို့၏ အဆင့်အတန်းနှင့် ကိုက်ညီသော လက်နက်များနှင့် ချပ်ဝတ်တန်ဆာများရှိကြ၏။ ဥပမာအားဖြင့် ရှင်းချွယ်၏ချပ်ဝတ်အား အစွမ်းထက်ငွေရောင်ချည်မျှင်များဖြင့်ပြုလုပ်ထားကာ ၎င်းသည် အဆင့်ငါးချပ်ဝတ်ဖြသ်လေ၏။ ကောင်းကင်သုခဘုံ၏စည်းမျဥ်းကြောင့်သာမလျှင် ယခုထက်ပိုကောင်းသည့်ချပ်ဝတ်များဝတ်ဆင်လာကြမည်သာ။
သူတို့နှစ်ယောက်သည် စကားပြောနေရင်း လီတျန်းမင်၏ ဘေးတစ်ဖက်တစ်ချက်စီ၌ နေရာယူလိုက်ကြသည်။
"ငါတို့နဲ့ ဒီမှာတွေ့တာ မင်းအတွက်ကံဆိုးတာပဲ" ချန်းဟောင်၏ မျက်လုံးများသည် စူးရှနေကာ သူနှင့် လီတျန်းမင်တို့၏ပဋိပက္ခများအား အပြီးတိုင်ရှင်းပစ်ချင်နေပုံပင်။
VOUS LISEZ
သားရဲခေတ်၏အရှင်သခင် Vol.1
Fantasyလီတျန်းမင်ဟာမီးတောက်ဝါမျိုးဆက်ကျောင်းတော်ကြီးရဲ့ကျောင်းသားတစ်ယောက်ဖြစ်ပါတယ်။ဘဝရဲ့အချိုးကွေ့အပြောင်းအလဲတွေကြောင့် ချစ်သူရဲ့အကောက်ကြံခြင်းကိုခံခဲ့ရပြီးနောက် ဒုက္ခိတဖြစ်သွားပြီးတော့ ကျောင်းကနေနှင်ထုတ်ခံရပြီး နာမည်ပျက်လည်းပျက်ခဲ့ရပါတယ်။ လီတျန်းမင်ရဲ့ကံဆ...
