မဟာကံကောင်းမှု၊ နတ်ဘုရားဝိဉာဥ် နိယာမ!
လီတျန်းမင်သည် အနက်ရောင်ဝဲ၏စုပ်ဆွဲချမှုကြောင့် အောက်သို့ ထိုးကျသွားခဲ့သည်။
" ငါဘယ်ရောက်သွားတာလဲ "
သူသည် အောက်ခြေသို့ ခြေဖြင့်ကုပ်ထားလိုက်ပြီးနောက် အခန်းတစ်ခန်းတွင်းသို့ ရောက်နေသည်အား တွေ့လိုက်ရသည်။ ထိုအခန်းသည် အနက်ရောင်နံရံလေးဘက်နှင့် ကျောက်ကြမ်းပြင်ရှိကာ အလွန်ပင် ခိုင်ခန့်လှသည်။ သို့သော်လည်း မျက်နှာကြက်၌မူ ကြေးရောင်လမ်းကြောင်းတစ်ခုရှိနေကာ ရေတွင်းတစ်ခုနှင့်တူလှသည်။
" ငါရေတွင်းအောက်ခြေမှာပဲဖြစ်ရမယ် "
လီတျန်းမင်သည် ပတ်ဝန်းကျင်အား တစ်ချက်လေ့လာပြီးနောက်ရေရွတ်လိုက်သည်။ သူသည် ဤတွင်းထဲတွင် ဝှက်ထားသည့်အရာနှစ်ခုရှိကြောင်း သိလိုက်ရသည်။ တစ်ခုမှာနတ်သုဒ္ဓါဖြစ်၍ နောက်တစ်ခုကမူ အလင်းများအားထုတ်လွှင့်နေသည့် အနာအဆာကင်းစင်သောကျောက်စိမ်းဖြင့် ပြုလုပ်ထားသော စက်လုံးတစ်ခုဖြစ်သည်။
ထိုကျောက်စိမ်းလုံးကြောင့် အခန်းမှာ လုံးဝမဲမှောင်မနေခြင်းဖြစ်သည်။
" ဒါဘာလဲသိလား " သူသည်အသက်နယ်မြေထဲမှ ရင်ဟော်အား ဆင့်ခေါ်၍မေးလိုက်သည်။ ထိုကျောက်စိမ်းလုံးသည် တစ်ခုခု ထူးခြားနေသည်မှာ သေချာ၍အလောတကြီးမလုပ်ရဲပေ။
" ဒီနေရာမှာ တစ်ခုခုရှိနေတာလား " ကြက်ကလေးသည် ကျောက်စိမ်းလုံးအား တစ်ပတ်ပက်ကြည့်ပြီးနောက် ဆိုသည်။
" ငါ့ကိုနတ်သုဒ္ဓါပေးဦးဟ။ ငါလိုချင်လွန်းလို့လက်တွေတောင် ယားနေပြီ "
" ဒီနေရာမှာလား "
" မင်းက ဘယ်နေရာမှာ လုပ်ချင်လို့လဲ။ မင်းပါးပါးတွေက အပြင်မှာရှိနေတုန်းပဲလေ။ ရောက်လာရင်ရောက်လာမှာပြောရတာမဟုတ်ဘူး " ကြက်ကလေးက မျက်လုံးအား တစ်ချက်လှန်ရင်းပြောလိုက်သည်။
နတ်သုဒ္ဓါအား သန့်စင်ခြင်းသည်အသက်သားရဲ လုပ်ရမည့်ကိစ္စဖြစ်သည်။ ထိုကာလ၌ လီတျန်းမင်က ဘေးမှာနေ၍ စောင့်ကြည့်နေရမည်ဖြစ်သည်။အသက်သားရဲသည် နတ်သုဒ္ဓါအားသန့်စင်ပြီးနောက် သွေးမျိုးဆက်တိုးတက်လာပြီးနောက်တွင် ၎င်းက သားရဲသခင်အား ပြန်၍ ပြုပြင်ပေးနိုင်မည်ဖြစ်သည်။
" သူတို့က ငါ့ကို ကြယ်တစ်ပွင့်အသက်သားရဲလို့ ကျိန်းသေ ထင်ပြီး နတ်သုဒ္ဓါကို မသန့်စင်နိုင်ဘူးလို့တွေးလိမ့်မယ်။ ဒါပေမယ့် ငါက ဆင့်ကဲပြောင်းလဲအောင်လုပ်စရာမလုပ်ပဲ ကန့်သတ်နေတဲ့သွေးမျိုးဆက်အတားအဆီးကိုပဲ ဖွင့်လှစ်ရမယ်လို့ ထင်ထားကြမှာမဟုတ်ဘူး " ကြက်ကလေး ကလှောင်ပြောင်ကာပြောလိုက်သည်။
" ကောင်းပြီ။လေလုံးထွားမနေနဲ့တော့ " လီတျန်းမင်သည် နတ်သုဒ္ဓါအားလက်လှမ်းပေးလိုက်သည်။ လီတျန်မင်းအနေဖြင့် နတ်သုဒ္ဓါအားသန့်စင်ခြင်း အကြောင်းများစွာအားကြားဘူးသည်။ ထိုလုပ်ငန်းစဥ်သည် စီနီယာများ၏ အကူအညီအားလိုပြီး ခဲယဥ်းစွာကြိုးစားရမည်ဖြစ်သည်။ သမိုင်းတစ်လျှောက်တွင် နတ်သုဒ္ဓါသန့်စင်ခြင်းအား ရှုံးနိမ့်မှုများစွာဖြစ်ခဲ့သည်။ အချို့ဆိုလျှင်သေပင် သေဆုံးခဲ့ကြသည်။ နတ်သုဒ္ဓါအားသန့်စင်ခြင်းအတွက် စည်းမျဥ်းတစ်ခုမှာတစ်ယောက်တည်း မသန့်စင်နှင့်ဟူ၍ဖြစ်သည်။ သို့သော်လည်း ထာဝရငရဲဖီးနပ်ငှက်ကိုတော့ လီတျန်းမင်ကမစိုးရိမ်ချေ။
ကြက်ကလေးသည် နတ်သုဒ္ဓါအားရသောအခါ အကြိုက်ဆုံးအရုပ်အားရသွားသော ကလေးတစ်ယောက်ကဲ့သို့ စိတ်လှုပ်ရှားပျော်ရွှင်သွားသည်။
KAMU SEDANG MEMBACA
သားရဲခေတ်၏အရှင်သခင် Vol.1
Fantasiလီတျန်းမင်ဟာမီးတောက်ဝါမျိုးဆက်ကျောင်းတော်ကြီးရဲ့ကျောင်းသားတစ်ယောက်ဖြစ်ပါတယ်။ဘဝရဲ့အချိုးကွေ့အပြောင်းအလဲတွေကြောင့် ချစ်သူရဲ့အကောက်ကြံခြင်းကိုခံခဲ့ရပြီးနောက် ဒုက္ခိတဖြစ်သွားပြီးတော့ ကျောင်းကနေနှင်ထုတ်ခံရပြီး နာမည်ပျက်လည်းပျက်ခဲ့ရပါတယ်။ လီတျန်းမင်ရဲ့ကံဆ...
