သားရဲခေတ်၏အရှင်သခင် Vol.1

Chapter(137)

လျှပ်စီးအရင်းအမြစ်!

နောက်ဆက်တွဲအနေဖြင့် စက္ကန့်တစ်ရာတိုင်း၌ သားရဲသွေးကြောများမှာ ချိတ်ဆက်နေလေတော့၏။ ထို့ကြောင့် သားရဲသွေးကြောကိုးခုလုံး ချိတ်ဆက်ရန် အချိန်သိပ်မကြာလိုက်ပဲ ကြီးကျယ်ခမ်းနားသော စွမ်းအားများသည် လီတျန်းမင်နှင့် ရှေးဦးပရမ်းပတာမိုးကြိုးမိစ္ဆာတို့၏ခန္တာကိုယ်များမှထွက်ပေါ်လာလေ၏။

ထို့နောက် ဝိညာဉ်အရင်းအမြစ်အား ဖွဲ့စည်းရန် အချိန်တန်လေပြီ။  ကြက်ကလေးကဲ့သို့ပင် လီတျန်းမင်၏ ဝိညာဉ်အရင်းအမြစ်အသစ်သည် ဒန်တျန်အတွင်း၌ ဖြစ်ပေါ်လာခဲ့သည်။ ထို့အပြင် ဒန်တျန်၏အလယ်ဗဟိုအတည်ငြိမ်ဆုံးနေရာ၌ ဖြစ်ပေါ်လာခဲ့လေသည်။ 

ရှေးဦးပရမ်းပတာမိုးကြိုးမိစ္ဆာကမူ ၄င်း၏ဝိဉာဥ်အရင်းအမြစ်မှာ ၄င်း၏အစာအိမ်အတွင်း၌ဖြစ်ပေါ်လာခဲ့ပေသည်။

ထို့နောက် လီတျန်းမင်၏ ရှေးဦးပရမ်းပတာသားရဲကီများသည် သူ၏ဒန်တျန်အတွင်း၌စုစည်းလာကြ၏။ ရှေးဦးပရမ်းပတာကျမ်းစာကြောင့် ပြောင်းလဲလာသောလျှပ်စီးများကလည်းအတွင်းဘက်၌ လွှမ်းမိုးလာသည်။

ဒန်တျန်၏ဘယ်ဘက်တွင် ငရဲအရင်းအမြစ်သည် လောင်ကျွမ်းနေသော နေတစ်လုံးကဲ့သို့ဖြစ်နေကာ ဝိဉာဥ်အရင်းအမြစ်အသစ်သည် အနက်ရောင်အစက်ငယ်လေးသာသာရှိနေ၏။ သို့သော် ခဏအကြာ၌ ထိုအနက်ရောင်အစက်ကလေးမှာ အရှိန်အဟုန်ဖြင့်ကြီးထွားလာခဲ့လေ၏။ ထိုအနက်ရောင်အစက်သည် လျှပ်စီးအရင်းအမြစ်ပင်ဖြစ်လေတော့၏။

အချိန်ကြာလာသည်နှင့်အမျှ ကောင်းကင်မှလျှပ်စီးပင်လယ်သည် လျော့နည်းလာကာ လျှပ်စီးအရင်းအမြစ်သည်လည်း ဆက်လက်ကြီးထွားလာခဲ့သည်။ ၎င်းသည် ငရဲအရင်းအမြစ်၏ ဆယ်ပုံတစ်ပုံမှ သုံးပုံတစ်ပုံအထိပင် ကြီးထွားလာသည်။ ကောင်းကင်မှ လျှပ်စီးများသည် လျှပ်စီးအရင်းအမြစ်အား ငရဲအရင်းအမြစ်နှင့်တူညီသောအဆင့်အထိကြီးထွားလာစေရန်လုံလောက်နေပေ၏။

ဝိဉာဥ်အရင်းအမြစ်အဆင့်ငါးသို့ရောက်ရန်သိပ်မလိုတော့ချေ။

……

ဤသည်မှာ ရှေးဟောင်းစစ်မြေပြင်၌  တွေ့ရခဲသည့် ကြီးကျယ်ခမ်းနားသောအချိန်အခါပင်။ လီတျန်းမင်ကြောင့် ဤအရာများဖြစ်လာသည်ဟု မည်သူကမှယုံနိုင်မည်မဟုတ်ချေ။ ယင်းအစား ကပ်ဘေးတစ်ခုဟုသာယုံကြည်ကြလေ၏။