သူမသည် လီရန်ဖန်း၏၏သတို့သမီးဖြစ်သူ လျှပ်စီးအိမ်တော်မှ လျူချင်းဖြစ်ပေသည်။
လီရန်ဖန်နှင့်အဆင့်တူဂုဏ်သရေရှဧည့်သည်များနှင့်အခြားသောမိန်းမများစွာရှိနေသော်လည်း လီရန်ဖန်းနှင့်လျူချင်းတို့လောက်အာရုံအစိုက်မခံရချေ။ရင်ပြင်ရှိဆယ်ကျော်သက်များအတွက်မူ လီရန်ဖန်းနှင့်လျူချင်းတို့၏အဆင့်သည် အိပ်မက်ထဲ၌သာထည့်မက်ရမည့်အဆင့်ဖြစ်လေ၏။
လီတျန်းမင်ပင်လျှင် သူမ၏ကျတ်သရေရှိမှုသည် လူအများကသူမအပေါ်မိန်းမောသွားစေလောက်သည်ဟုလက်ခံမိသော်လည်း သူမသည်လျှပ်စီးအိမ်တော်မှဟူသောအတွေးကြောင့် သူမအားရွံရှာနေဆဲပင်။
လီရန်ဖန်းနှင့်လျူချင်းတို့ရောက်ရှိလာခြင်းသည် မကြာမီ ရွေးချယ်ပွဲစတင်တော့မည်ဟုဆိုလိုခြင်းပင်။
"ရန်ဖန်းရေ..ဇီဖန်းကမီးတောက်ကောင်းကင်မြို့မှာပြိုင်ဘက်မရှိဘူးဆိုတာ တစ်ချက်ကြည့်ရုံနဲ့သိသာနေတာပဲ"လျူချင်း၏အသံမှာနူးညံချိုသာနေသည်။
"မီးတောက်ကောင်းကင်မြို့မှာတောင် သူကဒီလောက်ထိတိုးတက်လာနိုင်နေတာပဲလေ" ဟုလီရန်ဖန်းကပြန်ပြောလိုက်သည်။
"ရှင့်မှာ ကျောင်းတော်ကြီးကိုတောင်တက်နိုင်ပြီး လျှပ်စီးအိမ်တော်ကဘီလူးလေးကိုတောင်စော်ကားရဲတဲ့သားတစ်ယောက်ရှိတယ်လို့ကျွန်မကြားဖူးတယ်" လျူချင်းကမေးလိုက်သည်။
"သူ့ကို စိတ်ပူမနေပါနဲ့ကွာ။အဲ့ဒီကောင်ကဒုက္ခိတတောင်ဖြစ်နေပြီ"လီရန်ဖန်းသည် ထိုအကြောင်းအရာအားပြောချင်ပုံမပေါ်ချေ။
“အိုး၊ကျွန်မသိပြီ"လျူချင်းပြုံးလိုက်သည်။
လီရန်ဖန်းသည် အာရုံစိုက်လိုက်ကာ သူ၏လက်အားဝှေ့ရမ်းလိုက်၏။ထိုအခါ လက်ခုပ်သြဘာပေးသံများကြားတွင် တစ်စုံတစ်ယောက်က ထွက်လာကာ
"မီးတောက်ဝါမျိုးဆက်ကျောင်းတော်ရဲ့ ကျောင်းသားရွေးချယ်ပွဲစတင်ပါပြီ""ငါ့အလှည့်ပဲ!"
ရွေးချယ်ပွဲစတင်ချိန်တွင် သိမ်မွေ့လေညင်းရင်ပြင်၌ ပထမဆုံးခြေချသော ဆယ်ကျော်သက်လူငယ်သည် လူသိများသော်လူငယ်တစ်ဦးဖြစ်လေ၏။
BẠN ĐANG ĐỌC
သားရဲခေတ်၏အရှင်သခင် Vol.1
Viễn tưởngလီတျန်းမင်ဟာမီးတောက်ဝါမျိုးဆက်ကျောင်းတော်ကြီးရဲ့ကျောင်းသားတစ်ယောက်ဖြစ်ပါတယ်။ဘဝရဲ့အချိုးကွေ့အပြောင်းအလဲတွေကြောင့် ချစ်သူရဲ့အကောက်ကြံခြင်းကိုခံခဲ့ရပြီးနောက် ဒုက္ခိတဖြစ်သွားပြီးတော့ ကျောင်းကနေနှင်ထုတ်ခံရပြီး နာမည်ပျက်လည်းပျက်ခဲ့ရပါတယ်။ လီတျန်းမင်ရဲ့ကံဆ...