263 01
အပိုင်း ၂၆၃
ကျွင်းဟောင်က နောက်လှည့်ကြည့်သည့်အခါ ထိုသူများကို မြင်ရချိန် ဖျော့တော့စွာ ပြော၏။
"ဒီကောင်က တကယ် ကိုင်တွယ်ရခက်တာပဲ၊ အခုအချိန်အထိ လိုက်လာနေတုန်းပဲ"
ချီရှောက်ရုန်က ခေါင်းညိတ်သည်။
"ဟုတ်တယ်၊ သူတို့ဘက်ခြမ်းမှာ လူလေးယောက်ရှိတယ်၊ မင်း ဂရုစိုက်ရမယ်"
ကျွင်းဟောင်က မှော်တုတ်တံကို ယမ်းလိုက်သည့်အချိန်တွင် ရေများက ဆန်တက်လာခဲ့သည်။ ရေစွမ်းအင်က ပင်လယ်ထဲတွင် ရှိချိန်၌ လွယ်ကူစွာ အသုံးပြုနိုင်စွမ်းရှိနေခဲ့၏။ ထို့ကြောင့် သူ တုတ်တံ ယမ်းချိန်တိုင်း စွမ်းအင်များက အပြတ်အသတ်ပါနေခဲ့သည်။
ကြီးမားသော လှိုင်းလုံးများက မြောက်တက်လာခဲ့ကာ ရေနဂါးအကောင်များစွာ ဖြစ်လာခဲ့သည်။ ထိုအကောင်များက ပင်လယ်ထဲတွင် ကခုန်နေကြသည်။
"ဒါက ဘာမှော်စွမ်းအင်လဲ၊ စွမ်းအားကြီးလိုက်တာ"
"ဒါက ရေစနစ်တစ်ခုပဲ ဖြစ်ရမယ်၊ ဒါက မြစ်ကိုတောင် ပြောင်းပြန်လှန်နိုင်လောက်တယ်"
"အဆင့် ၉ အဆင့် မှော်ဂါထာတွေပဲ၊ သူ ဒီပင်လယ်တစ်ခုလုံးကို ပြောင်းပြန်လှန်သွားနိုင်မှာလား"
"သူက အကာအကွယ်လွှာအထိကို ရောက်တဲ့အဆင့်အထိ ရောက်နေလောက်ပြီ"
ကျွမ်းကျင်ပညာရှင်တစ်ယောက်က ပြောသည်။
"ဘယ်လိုဖြစ်နိုင်မှာလဲ၊ သူ့အသက် ဘယ်လောက်ရှိသေးလို့လဲ"
"ဒါက အသက်နဲ့မဆိုင်ဘူး၊ ဒီတစ်ကြိမ်မှာ သူ့ကို မသတ်နိုင်ဘူးဆိုရင် ငါတို့ အနာဂတ်မှာ ကိုင်တွယ်ဖို့ ခက်ခဲသွားမှာပဲ"
...
"မင်း နိုင်လား"
ချီရှောက်ရုန်က ကျွင်းဟောင်ကို မေးသည်။
ကျွင်းဟောင်က ခေါင်းခါ၏။
"အဆင်ပြေပါတယ်"
ချီရှောက်ရုန် မျက်နှာက မည်းမှောင်သွား၏။
"ဒီကောင်တွေက ကိုင်တွယ်ဖို့ တကယ်ခက်တာပဲ"
