إلياس لنطق بهدوء وهو كل تركيزو مع طريق : اهاه وبحلاش بغات سيادتكم نعاملها
عضات على شفايفها بغضب و حولات تمالك نفسها لهاد برود لمعاملها به و عدة تساؤولات كزورو عقلها بمعنى هاذا مالو معاها نطقات بهدوء وهي كشوف فيه بحدة : بغيت نعرف مالك معايا مفروض انك تعاملني مزيان شنو هاد معاملة لكتعاملني دبا فيها ؟!
إلياس لبتاسم ابتسامة جانبية وبلاصا اللوطو عاد رجع تركيزو عليها ونطق : دبا نتي جايا كتقولي كفاش نعاملك مشفتيش نتي كفاش معاملتك معايا امدام
إسراء : مفهمتكش اإلياس جيني نيشان شنو درت ليك باش دير ليا بحالهاكا ، مفروض نرجعو كما كان قبل شنو هاد معاملة بغيت نفهم
خلاها تكملات كلامها وشاف فيها مخنزر ونطق مغوت : شنو لمفهمتيش شنو
وضرب إيديه مع لݣيدون وهي مصدومة من هاذ الانفجار ونطق تاني مغوت : ، ماشي نتي لي شاكة فيا بغيت نعرف حاجة وحدة وش نتي بصح كتبغيني بصح زاعمة ثايقة فيا حيث كن كنتي كتبغيني مغاديش تكذبيني اإسراء مغتكذبينيش ومغتخرجيش من دارك براكااا من لكذوب جيني نيشان وش كتبغيني ااه ولا لااا
إسراء لعينيها عمرو بدموع ونطقات بصوت مرتجف : منيتك كتسولني وش انا انا كنبغيك وش عارف شكاتقول ، رانك عرفاني قداش كنبغيك كفاش تشك بحبي ليك
إلياس لتنهد ومسح على شعرو بعصبية ونطق هو كورك على الحروف : كن كنتي كتبغيني غثيقي فيا بلا ماتمثلي عليا ماشي من اول الاختبار لينا تخليني وتمشي شنو كضمن لي بلي كتبغيني بصح ، عرفا شناهيا الثقة ولا معرفاش ، اساس نجاح للأي علاقة هي ثقة ديريها فبالك هدشي لكخليني نشك انك محال تكوني بغيتيني
إسراء لبقات كتشوف فيه مدة ودموعها كسيلو من عينيها عاد نطقات : انا عارفا ثقة هي كلشي متحتاج تقولي بلي خاصني ندير فيك ثقة، ولكن مثلا نعكسو ادوار وانت لشفتيني في صورة مع واحد....
هو لمخلاهاش تكمل ونطق مغوت : سكتي ولا غنصمك مك سكتي
تبدا إياد كيبكي بسبب ضجيج لمخلاهش انعس على راحتو هبط وسد الباب بجهد وتاجه االباب اللور فتحو وهز ولدو كسكتو وهي متبعاه بعينيها بقا على هاد الحال تنعس ورجعو بلاصتو عاد تاجه ركب فبلاصتو دار حزام سلامة ودمارا نيشان شاد طريق وهي كتشوف وعينيها حمرين بسبب دموع وضعات راسها على زاج بتعب وغمضات عينيها ومرة مرة كتهرب ليها شهقة ديال بكية هو لحاضيها بعينيه تنهد ورجع تركيزو طريق لشادها
بعد ساعة و15 دقيقة كان دخل مدينة تمارة ودخل مع شوارعها هي لكانت داتها عينيها معرفاش هي فين
، بضع دقائق تبلاصا قدام واحد دار لكانت كتبان سامبل فيها طابق واحد فوقها سطاح ، قدامها واحد شجرة وحداها من كل جانب جوج مزهريات
هو لحنحن وقاصها بيديه باش تفيق ترمشات عينيها فيه وكتحاول تستوعب ، هو لهبط ومشا بتجاه إياد هزو بين إيديه مشا وقف قدام دار ، جبد ساروت فتح الباب وتم داخل
اما إسراء بقات كتشوف وجميع تساؤولات كطرحهم هي فين ، تنهدات وهبطات تابعاهم تدخلات دار وكتشوف بإستغراب وبقا شادها نعاس فركات عينيها وبقات كتشوف فدار لكتبان نوع ما كبيرة حدا الباب كانو جوج صالونات لكانو مفتحوين على بعضياتهم كل صالون باش مفرش وداخل كانو ثلاثة البيوت ظاهر انهم بيوت نعاس عاد كاين حمام وفإتجاه اخر كاينة كوزينة لكتبان كبيرة ودار كتبان نقية بقات شحال كتبرݣݣ فدار ومشات نيشان اتجاه البيت فين بالها إلياس دخل ودخلات رقات ولدها فوق نموسية كلعب وكخربق فكلمات اما هو لهز فوطة ديالو وتم ماشي يدوش وخلاها هي كدور فعينيها تجهات جلسات حدا ولدها وبدات كتلعب معاه ورضعاتو وبدلاتلو وبقات جالسة كتلعب معاه تكيبالها إلياس لدخل هو لاوي عليه فوطة شاف جهتها ونطق ببرود : شتك موجدتليش لباسي
سرطات ريقها ونطقات بتوتر : ااه نسيت مع تلاهيت مع إياد كنت كنلعب معاه
هو لمشا بلاكار هز منو واحد شورط وتيشورت وبوكسر وهي حاضياه بعينيها تبالها بدا كبدل وهبطات عينيها ومشات خرجات من بيت تشوف شنو تحضر الݣوتي وهي معدتها كتغرغر بقات كتشوف فديك كوزينة كتقلب فبلاكر ترقات مقادير لبغات وݣفضات على ايديها وبدات كتقاد كيكة ومسمن وكريب
هو لفور ما بدل تكا حدا ولدو كلعب معاه تنعس إياد فحظنو نعس هو كذلك بسيف وهو ملقاش راحة
بعد ساعة تكانت وجدات طبلة لفصالون بأشهى مأكولات وبالطبع مرافق لها اتاي بنعناع ونطقات هي كتدمح فراسها : ولاهيلا تأنا حادگة مشاء الله عليا وخلاص زين والحداگة
مشات بإتجاه البيت تكبالها هو لناعس وناعس في حظنو إياد بتاسمات تلقائيا ،مشات حداهم وبقات كتمرر بإيدياتها على وجه إلياس ومرة على إياد وبقات كتشوف تبالها تلفون إلياس حيث هي رمات تلفونها فالبحر هزاتو وبقات كتصورهم عدة صور ومرة هي تقرب وتصور راسها معاهم
هو لنعاسو خفيف حاس بيها خصوصا صوت كاميرة وفلاش دورنجاه فتح عينيه وشاف جهتها ونطق : اشكاين نتي
شافت فيه وبتاسمات ببلاهة حطات تلفون ونطقات بثلعثم : ووالوو ... غااار ككنت ببغا نقوليك الا باغي تاكول
ومشات دغيا خارجة من بيت وجلسات فصالون وهي معبسة هو لبتاسم ومسح على لحيتو ونطق بينو بين نفسو
:برهيشة ديالي ،مزال نخليك تعرفي كفاش ديري ثقة فيا
حط ولدو فالكونة ديالو وخرج مشا غسل وجهو وسنانو عاد تاجه عندها وهو كدخل وكبالو طابلة مقادة بأشهى مأكولات صفر ودخل جلس حداها وشاف فيها ونطق : شكون لقاد هدشي ؟!
إسراء لدارت خصلة من ورا وذنها وبتاسمات ابتسامة تعالي : انا لقديت هدشي شتي انا حادݣة
مد يدو هز داك مسمن ويكاكل وكتبنن ونطق : كبي معك اتاي كبي
هي لبتاسمات وكباتلو اتاي ومداتلو كاسو وحطات حتاهي كاسها وبدأت كتاكل نطقات : قولي حنافين بعدا
إلياس : فتمارة
ونطقات وهي كتشوفو كفاش كياكول بشهية : ااه وشتي وقول مكنتهلاش فيك اراجلي عزيز
صغر فيها عينو ونطق : باش كتهلاي فيا بزبايل ونݣير ومضاربات
مرضاتش وهبطات عينيها متلات زادت تاكلمة هو لناض ملي سمع حس ولدو مشا هز وجا جلس فصالون حداها بقا كبوسو وكلعب معاه وهي جالسة حداهم ومربعة إيديها ومعبسة وكتشوف فيهم ونطقات بدون شعور :
متنساش شكون جابلك هاد إياد كن ما أنا ݣاع مغتلعب معاه هكا، شتك نسيتيني و عطيه وقت كثر مني انا لماماه
هو شاف ناحيتها تفرشخ بضحك وعلى فيها الحاجب ونطق بطنز : كن ماشي انا لخدمت عليه ݣاع مايكون
هي لتزنݣات وحنيكاتها حمارو خصوصا ملي عرفت شنو قالت وزاد كمل عليها هو متلات زادت تاكلمة اما هو لرجع نطق : متقوليلي البرهوشة كتغيري من ولدك حتاهو
هزات عينيها فيه مخنزرة : منيتك انا ݣاع مكنغير ، وثانيا انا ماشي برهوشة انت لبرهوش انت و ولدك كاين شيواحد كبير كلعب
حرك راسو بلاحولا ولاقوة الا بالله
في وجهة اخرى هي لمورا مخرجات من عند صوفيا تجهات نيشان البحر بقات شحال عاد شيرات لطاكسي لوصلها نيشان ڤيلا ديال والديها خلصاتو عاد نزلات وقفات قدام ڤيلا وهي عينيها حمرين بالبكا وحالتها وشهقاتها لمسموعين كتبغي دير خطوة كترجع بخطوة اللور ومترددة بزااف نطقات وهي كتمسح دموعها بكمايم جلابتها لخلاتها حالتها : لالا منقدرش كفاش غنواجههم لالا ، ياربي عوني
وهي كترمق داخل ڤيلا لباينين منها اضواء اي ان عائلتها كاينين وقفات قدام حراس عرفوها فتحولها الباب وهما مستغربين من حالة لوصلاتلها تمات دخلا ببطئ توصلات الباب ودقات بقات واقفة وضربات قلبها كتزادو ودموعها بداو كسيلو من عينيها وهي حاسة بالخوف والخزي لداكشي لدارت كفاش غتقدر تواجههم حولات تقوي راسها على اقل اسراء لأذاتها سمحات ليها فأكيد حتى عائلتها غيسمحوها تاتفتح الباب شيئ لخرجها من شرودها شافت فيها خادمة ونطقات بذهول : لالة غيثة
لوضعات صبعها على شفايفها بمعني غاسكتي وتمات داخلا توقفات قدام صالون فين كانو عائلة جالسين وحتى الجد لعلم بالخبر وهو متحسر جالسين كجمعو هوما مجموعين جالسين على طابلة ديال ݣوتي غير منتبهين بشكون لواقف عليهم هي لفرت منها ابتسامة وهي كتشوف عائلتها كفاش مجتمعين ، مكرهات تعنقهم واحد بواحد و تخبرهم حياتها بلا عائلتها كظلام
بقات كتشوف تنطقات : ماما
هوما لسمعو صوت مغريبش عليهم طلعو عينيهم فيها وهوما معصبين منها توقف معتصم وزير على ايديه بعصبية تقدم توقف قدامها ونطق بفحيح من غضب : جيتي تال بين ايدي الكلبة الا منحرتك منتسماش معتصم
جمع معها بتصرفيقة تشهقات ودار وجها لجهة اخرى وبدا نيفها كرعف
شافت فيه ونطقات وهي كتبكي بهسيتيرية : خويااا
هو لنطق : انا ماشي خوك سمعتي نساي وش عندك شي خوك سمعتي ولالا
جبدها من شعرها حسات بجلدة شعرها غتقلع اما زينة مقداتش تنوض فشلات وكذلك اب معتصم والجد لنطق : معتصم عفااك ولدي خليها
ناضت ريتاج وجوهرة وهما كحاولو يفكو معتصم من غيثة هو لكضربها وكحاول احيد ديك الحرقة لفقلبو عليها
اما غيثة فقط كتبكي بدون صوت مدفعاتش على راسها ولاحاولات حيث في معتقدها كتستاحق هدشي وكتستاحق كثر
هو لطلق منها ملي بدا علي كطلبو خلاها هو كشوف فيها بنظرة الاستحقار ونطق بهدوء : خسارة فيك تربيتي اغيثة خسارة فيك ، عطيني شنو لقصرت معك ولا قصرو والدينا معك باش ديريلنا بحالهاكا
غير نبرتو وهو مغوت عليها : شنو لقصرت معك فيه اختي، شنو درتلك باش ترجعي راسي هابط تحت، شنو قصرنا معك هدري ياك بغيتي تقراي على برا قريتك ياك اي حاجة حليتيها عليها فمك كتجي تال عندك مكنتي مخصوصا من تاحاجة
هي مقدراتش تكلم فقط كتشوف فالارض ودموع حلفو لانشفو من عينيها
هي تنطق زينة ببرود وهي كتشوف فيها : مبقيتش بغا نشوفك فداري انا ماشي مك ونتي ماشي بنتي حنا ماشي فعائلتك خرجي عليا منبقاش نشوفك شوفة فيك كتخليني نكره نهار لجبتك فيه دنيا
هي لتصعقات خصوصا هضرة مها لجرحتها كثر وكثر ونظراتهم كلهم ليها كأنها الانسانة خايبة وبزااف شافت فيهم نظرة كلها رجاء ونطقات بحزن : الا كان غيابي غيريحكم ، فأنا غنحقق مرادكم كنت بغا نتخلى على ديك فكرة ملي سامحتني اسراء
خرجات شهقة وهبطوا دموعها مسرسبين مسحاتها بكمايم جلابة لعمرات كلها دم ديال لعراف شافت فيهم بحزن ونطقات : نتي اماما بصح كرهتي نهار لجبتيني فيه وانت خويا حتا انت كرهتيني وانت ابابا وانت اجدي ونتي اجوهرة ونتي مرات خويا كلكم يااك ، اوا صافي كنواعدكم مغتبقاو تشوفوني ، غار هو دعو معايا برحمة والغفران وحاولو تسمحوني لعل وعسى تطفى نار لشاعلة فقلبي
وتمات خارجة مخلياهم مذهولين ناضت زينة بغا تبعها تعثرات ونطقات بصوت عالي : غيثة اجي لهنا ابنتي اجي اشكاتقولي
اما معتصم كشوف وكحاول استوعب وكذلك حاج علي و وهاب
غيثة لخرجات من فيلا وهي كلها خيبة أمل ݣاع داك امل لزرعاتو ليها إسراء تبخر فدقيقة
وبقات ماشية وافكارها مشتتين ودموعها حلفو لا توقفو وكتبكي بكل حرقة وهي قاطعة شارع ممنتبهاش هي فين
هي بغا غتخلص من هاد شعور لكتحس بيها تفرنات اللوطو عند رجليها قريب تضربها هي لمشات کأن شيئ لم يكون اما هو بقا مستغرب لهاد بنت لبانتلو محطمة وبلا قياس هبط من اللوطو وتبعها تشدها من ذراعها موقفها وهي لشافت فيه بعيون باكية ونطق بتساؤول ملي شاف وجهها لحمر بضربابي ودم لمكسي عليهم : ختي وش نتي بيخير ؟! وشكون دار فيك هاد الحالة ؟! تبغي نديك سبيطار ؟!
بعدات ايدو من ذراعها بكل هدوء وكملات في مشيها مخليه هو الفضول واكلو رجع ركب فاللوطو ديالو ودمارا ماشي بحالو
خلاها هي لوقفات كتشوف الانظار كاملين عليها بتاسمات بإستهزاء وهي كتشوف راسها كفاش كانت وكفاش ولات بانتلها طاكسي شيرات ليه مورا مقاتلو بلاصة فين ماشية ركبات معاه
فالداخل ريتاج لعونات زينة ونطقات جوهرة بعتاب : ماما اش داك تقولي لختي هكا ، ياكما غدير شيحاجة فراسها
زينة لكتبكي : الله ياربي الله سير عفاك اولدي جيبها اويلي اشقلت انا اللسان مافيه العظم
معتصم لخرج هو وهاب اقلبو عليها خايفين لادير شيحاجة فراسها
تفاعلوا 🔮🌺لكل متبع هاد قصة اخليلي الاراء ديالو ومعاكم شي نجيمات
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
