LYN SISTERS
CHAPTER NINETY SEVEN
"JENNY'S DNA TEST"
VGC EVENT.
LUMAPIT SI MARIELYN KAY JENNY.
Marielyn: Jenny... Gusto kong malaman mo na masaya ako na nakilala mo na si Daddy. Kaya pala magaan ang loob ko sa'yo nung una palang kitang nakita sa restaurant na kinainan natin noon kasi magkapatid pala tayo.
TILA NAHIHIYA SI JENNY KAY MARIELYN.
Don Chito: Nagkita na kayong dalawa noon?
Marielyn: Opo daddy.
Vangie: Sila po ng nobyo niya ang nagbayad ng mga kinain namin noon sa restaurant dahil gusto ni Jenny na ilibre ako ng masarap na pagkain dahil kaarawan ko noon kaya lang medyo mahal ang mga pagkain doon. Mabuti nalang at nagmagandang loob sila na bayaran ang mga kinain namin.
Don Chito: Marielyn... I'm so proud to be your dad. Noon pa man talagang napakabait mo na.
Marielyn: (Ngumiti) Nagmana lang po ako sa inyo daddy.
LUMAPIT SINA LADY VERA AT WINSTON.
Lady Vera: Chito, ang mabuti pa ay ituloy na natin ang event dahil marami pang kailangang pag usapan.
Chenelyn: Tama siya Chito. Importanteng event ito at kailangan ng ituloy.
Don Chito: Okay sige. Vangie, bukas na bukas ipapasundo ko kayo ni Jenny. Iwan niyo nalang ang address ninyo.
Vangie: Hindi na po. Pupunta na lang po kami sa bahay ninyo para hindi na kayo maabala pa.
Don Chito: Kung 'yan ang gusto ninyo.
Vangie: Mauna na muna kami. Patawad sa pag gambala.
Don Chito: Jenny, Anak. Natutuwa ako na makilala ka. Magkita tayo bukas.
Jenny: (Ngumiti) Opo daddy.
Vangie: Tayo na anak.
UMALIS NA SINA VANGIE AT JENNY.
SINUNDAN SILA NG TINGIN NINA KENDRALYN, MAUILYN AT MARIELYN.
Mauilyn: Naniniwala ba kayo na kapatid natin siya?
Kendralyn: Mukha namang convincing.
Marielyn: Nararamdaman ko na kapatid natin siya Ate Mauilyn.
Mauilyn: Basta ako, kailangan ko munang malaman ang magiging resulta ng DNA test.
Chenelyn: Ang mabuti pa ay maupo na tayo.
SINENYASAN NI WINSTON ANG SPEAKER AT UMAKYAT NA ITO SA STAGE UPANG MAGSALITA.
Speaker: We're sorry for the interruption but we may now proceed with the programme. Please be seated.
NAUPO NA ANG LAHAT AT NAGPATULOY ANG EVENT.
•••••••••••••••••••••
SA KOTSENG SINASAKYAN NINA DOÑA ALYN. NASA LOOB NA SINA JENNY AT VANGIE.
Doña Alyn: Mahusay ang ginawa ninyo. Masaya ako para sa'yo Jenny na sa wakas ay nakilala at nakita mo na ang tunay mong ama!
Jenny: Maraming salamat po Tita Alyn. Utang ko po ang lahat sa inyo.
Doña Alyn: Mag uumpisa na ang pagbabago ng buhay mo. Lahat ng hilingin mo sa daddy mo eh kayang kaya niyang ibigay sa'yo.
Jenny: Talaga po? Lahat?
Doña Alyn: Lahat! Hmmmmm... Basta huwag mong kakalimutan ang mga napag usapan natin ha? Tutulungan mo ako na mapabagsak ang mga kaaway ko.
BINABASA MO ANG
LYN SISTERS (COMPLETED)
De TodoTatlong magkakapatid sa ama, mag aagawan sa mana. Sino ang mas may karaptan? Sino ang mas may laban?
