အလှလေး ရှောင်မန် (Myanmar translation) Book 2

အခန်း (၁၂၂)

အခန်း (၁၂၂) : ဂူမန်မန် ပုံပြောပြခြင်း

ဂူမန်မန် နှုတ်ခမ်းက တွန့်ချိုးသွားပြီး သူမက ဟန်ဆောင် ရယ်မောလိုက်တော့သည်။ သေစမ်း.... မျိုးဆက်ကွာခြားချက် ကြာရှည်မှုက လက်ရှိနှင့် ရှေးဟောင်း အချိန်များကဲ့သို့ပင် မဟုတ်ရုံသာမက သူမရှေ့တွင် ရှိနေသော လူမှာ သူမ အကြိုက်နှင့်လဲ မကိုက်ညီပေ။

ပြောရလျှင် အမျိုးသားနှင့် အမျိုးသမီး၏ ဗီဇကား အမျိုးသားနှင့် ဂေါ်ဇီလာထက်ပင် ကွာခြင်းချက် ကြီးမားသေး၏။

အရင်တုန်းက ဂူမန်မန်က ထိုအရာအားလုံးက လျောက်ပြောနေသည်ဟုသာ ထင်ခဲ့မိကာ ယခုအခါတွင် သူမပင် ယုံကြည်လာလေပြီ။

စန္ဒီက ယူရှီဂျင်း၏ မိန်းကလေး ပရိတ်သတ်ဖြစ်လာဟန် ပေါ်သောလည်း လက်ရှိအခြေအနေအရ သူမက ဆန့်ကျင်လိမ့်မည် "ဘယ်လိုလုပ်သိမှာလဲ ရှင်တို့ မျိုးနွယ်စုက အန္တရာယ်ထဲ ကျရောက်နေချိန်မှာ ချိန်းတွေ့ပြီးတော့ မျိုးနွယ်စုကို မကာကွယ်တော့ဘူးလား...."

စောစောက သူ့အတွေးကို ထုတ်ပြောထားသော အမျိုးသားက စန္ဒီကို စိတ်မဆိုးစေလိုကာ အလျှင်အမြန် ပြန်ရှင်းပြလိုက်တော့သည် "ငါ ပြောတာက အဲဒီအမျိုးသားက မျိုးနွယ်စုကို ကာကွယ်ဖို့ ထွက်သွားတဲ့အချိန် အမျိးသမီးက အန္တရာယ်တွေ့ရင်ရော သူမကို ကာကွယ်ပေးဖို့ ဘယ်သူမှ မရှိတဲ့ အချိန်မှာ တစ်ယောက်တည်း ထားခဲ့ရမှာလား.... ပြီးတော့ မျိုးနွယ်စု တိုက်ခိုက် ခံနေရတုန်းမှာပေါ့..."

အမျိုးသား စကားဆုံးသည်နှင့် နောက်တစ်ယောက်က သဘောတူလာလေ၏ "ဟုတ်တယ် တကယ်လို့ နဇိုင်းရယ် မျိုးနွယ်စုသာ တိုက်ခိုက်ခံရတယ်ဆိုရင် ငါတို့ အသက်တွေကို စတေးပြီးတော့ကို မျိုးနွယ်စုကို ကာကွယ်ပေးဖို့ ဆန္ဒရှိတယ် ဒါပေမဲ့ မျိုးနွယ်စုကို ကာကွယ်တာရဲ့ ရည်ရွယ်ချက်က အမျိုးသမီးတွေ ထိခိုက်ဒဏ်ရာ မရစေချင်လို့ပဲ အဲဒါကြောင့် အမျိုးသမီးတွေကို ကာကွယ်ပေးဖို့ အမျိုးသားတွေ အမြဲတမ်း ရှိနေတာပဲ စန္ဒီမှာလဲ အမျိုးသားခြောက်ယောက်ရှိပေမဲ့ မျိုးနွယ်စုရဲ သန်မာတဲ့ အမျိုးသားတွေကို သူမကို ကာကွယ်ဖို့ ပို့ပေးဦးမှာပဲ အမျိုးသမီးတစ်ယောက်တည်း အန္တရာယ်များတဲ့နေရာမှာ ထားခဲ့တာက အမျိုးသားတွေ မလုပ်သင့်တဲ့အရာပဲ..."