အလှလေး ရှောင်မန် (Myanmar translation) Book 2

အခန်း (226)

အခန်း (၂၂၆) : ကျမ တစ်ကမ္ဘာလုံးကို ပြောလိုက်တော့မယ်

ဂူမန်မန် အဲလ်ဗစ်ကို ခိုးကြည့်လိုက်သည်။

သူ့ခံစားချက်တွေကို ဖုံးကွယ်ထားသော်လည်း ခံစားနေရတာတွေကို ဂူမန်မန်သိသည်။

ဒီလိုနေ့မျိုးမှာ ဘယ်သူကများ သူဟာ သူ့မိန်းမ အချစ်ဆုံးသူ မဟုတ်တာကို သိချင်မည်မဟုတ်ပေ။

ဂူမန်မန် လှည့်လိုက်ကာ အဲလ်ဗစ် မျက်နှာလေးကို အုပ်ကိုင်လိုက်ရင်း မျက်လုံးချင်းဆုံကာ ပြောလိုက်သည်

“ ကျမ လက်ထပ်တာတွေအပေါ် ဘယ်လို သဘောထားလဲဆိုတာ ရှင်သိတယ်မလား။”

အဲလ်ဗစ်  ဖြည်းဖြည်းချင်း ခေါင်းညိတ်ပြလိုက်သည်။

ဂူမန်မန် သူမ၏ ဘယ်ဖက် ညှပ်ရိုးပေါ်ရှိ အမှတ်ကို ထိကာ ပြောလိုက်သည် “ ဒါက ကျမ နှလုံးသားပေါ်မှာ မရှိပေမဲ့ ဒီနေရာက အသင့်တော်ဆုံးလို့ ကျမထင်တယ်။ ရှေ့လျှောက် ကျမ အဝတ်ဝတ်ထားလည်း လူတိုင်းက ဒီအမှတ်ကို မြင်နိုင်တယ်လေ။ 

ကျမ တစ်ကမ္ဘာလုံးကို ပြောလိုက်တော့မယ်။ အဲလ်ဗစ် ရှင်က ကျမ အပိုင်ဆိုတာကို။ ဒီနေ့ကစပြီး ရှင့်ကို အထင်သေးတဲ့သူတိုင်းကို ပြန်လမ်းမရှိအောင် ကျမလုပ်မယ်”

အဲလ်ဗစ် ရင်ထဲ ဘယ်တုန်းကမှ ထိုကဲ့သို့ နွေးထွေးမှုမျိုး မခံစားခံရပေ။

ဒီ အမှတ်ကို သူမက အားလုံးကို ပြပြီး တစ်လောကလုံးကို သူက သူမ အမျိုးသားပါလို့ပြောမယ်တဲ့....

အဲလ်ဗစ် ပြုံးကာ ဂူမန်မန့်ပုခုံးတွေကို ကိုင်ရင်း ရင်ခွင်ထဲဆွဲသွင်းလိုက်သည်။ သူမရဲ့ ဘေးတစ်စောင်းပုံလေးကို ကြည့်ရင်း သူ့နှလုံးသား အရည်ပျော်နေရသည်။ ဂူမန်မန့် မေးလေးကို ပင့်တင်ကာ ပြုံးလိုက်ရင်း ပြောသည်

“ ဒါပေါ့ အကုန်လုံး မြင်ဖို့ဆိုရင် နှလုံးသားမှာ ထားတာ တော်တော် အဆင်မပြေဘူး။”

ဂူမန်မန်လည်းပြုံးလိုက်သည်။ ဗွီပုံစံလည်ပင်းကို ဟိုဘက်ခေတ်တွင် ဝတ်ကြသော်လည်း သူမလို ရင်သားကြီးသောသူ ဝတ်လျှင် ကြည့်ရတာ အဆင်မပြေပေ။ ထို့ကြောင့် လည်ပင်း အဝိုင်းကိုသာ ဝတ်လေ့ရှိပြီး ထိုဟာက သူမရင်သားကို လုံးဝန်းသည့်ပုံပေါ်စေသည်။