السيرة النبوية

الحلقة 103

🌺سيرة_الرسول🌺
الحلقة 103
يلا صلوا على النبى 💚
غدر قبيلتى عضل و قاره و قتلهم 10 من صحابه رسول الله

شفنا المره اللى فاتت ان القبائل اللى حوالين المدينه نقضت معاهدتها مع رسول الله.. و حصل محاولتين لغزو المدينه و لكن الحمد لله فشلوا .. بس بدأت القبائل تحاول محاولات خبيثه.. محاولات غدر..قبيلتى عضل و قارة .. ناس منهم راحت للنبى عليه الصلاه و السلام و قالوا عاوزين نتعلم الدين فأبعت معانا من اصحابك ناس يعلمونا و يكونوا من العلماء ..( طب اشمعنا طلبوا كده ؟ لان الأمه بتتهد بموت علمائها)
فالمهم هيبعت النبي 10 من احب الصحابه لقلبه و جعل عليهم قائد اسمه عاصم بن ثابت ..ومن ضمن الصحابه صحابى اسمه مرثد بن ابي مرثد الغنوي.. مرثد قبل اسلامه كان له علاقه بإمرآه ( علاقه فاحشه) و كان المرأه دى اسمها عناق .. و لما اسلم سابها ..و النبى عليه الصلاه و السلام كلفه مهمه صعبه اوى و هيه انه يحمل الاسرى الضعفاء المسلمين من مكه للمدينه .. و فى يوم شافت عناق مرثد قالت له : يا مرثد تعال بت عندنا الليله ، فرفض مرثد و قال : يا عناق ان الله قد حرم الزنا فقالت: اذن افشي سرك ،و بصوت عالى راحت قايله : "يا معشر قريش ادركوا مرثد يحمل أسراكم " اصل مرثد ساعتها كان معاه واحد شايله ..فجري بيه لحد ما لقى كهف فأستخبى فيه مع الرجل و بعد ايام حمل الرجل و كمل فى طريقه فى الهجره للمدينه،
و لما وصل مرثد المدينه حكي للنبى عليه الصلاه و السلام اللى حصل و قال له : يا رسول الله أأتزوج عناق ؟ فالنبي مردش و أدار وجهه .. فقام مرثد جى من الناحيه التانيه و كرر السؤال .. أأتزوج عناق يا رسول الله؟.. فالنبى يسكت و يكرر مرثد نفس السؤال .. و تنزل الآيه القرآنيه ، قال تعالى : "الزَّانِي لَا يَنكِحُ إِلَّا زَانِيَةً أَوْ مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ وَحُرِّمَ ذَٰلِكَ عَلَى الْمُؤْمِنِين"، فالنبي قال له : يا مرثد لا تفعل ان الله حرم عليك ذلك.. ( طبعا حرام عشان هي لسه كافرة وكمان زانية.. لكن لو تابت خلاص..لأن التائب من الذنب كمن لا ذنب له..
و على فكره اقامه الحد الزنا "العقاب عليه " له شروط و هي ان يشوف الزانيه او الزانى اربع شهود فى وضع الزنا .. طب ده صعب صح ؟ اه صعب .. اصل ربنا بيصعبها علشان ربنا بيحب الستر يعنى كأن لو اربعه شافوا اتنين بيزنوا يبقى ده جهر و إعلان بالمعصيه و دعوه للفسق .. فكأن الحد على الجهر بالزنا .. مره واحده فى ألمانيا شافت عرض مباشر لعلاقه زنا .. فدى طبعا دعوه للفسق ففى حاله زى دى يقام الحد للجهر بالزنا .. و مره سيدنا عمر بن الخطاب وقت خلافته ، كان معدى فعينه وقعت على سيده بتزني بين الخوص فذهب عمر لعلي بن أبى طالب و قال له: رأيت سيده تزني ،فقال علي : يا امير المؤمنين ..أمعك اربعه شهود؟
فقال عمر : لا ولكن رأيت بعيني يا علي ، فقال علي: والله لو نطقت بأسمها لوجدت الجلد..فقال عمر: يا علي!! ، فقال علي: والله الجلد إلا لجئت لى بأربعه شهود، فقال عمر :"والله لا انطق بأسمها أبدآ".. اصل يا جماعه ربنا ستير بيحب الستر ♡ و ربنا حليم بيحب يدى العبد فرصه .. قال تعالى : " وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَٰلِكَ يَلْقَ أَثَامًا*يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا *إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَّحِيمًا" )
طيب المهم نرجع لمرثد .. كان مرثد من ضمن الصحابه اللى بعتهم النبى ، استجابه لطلب قبيلتى عضل و قاره فى ان حد يجى يعلمهم القرآن ،و فى الطريق هيبقى معاهم ناس من عضل و قاره .. و عند منطقه بئر ماء اسمه الرجيع هيحصل حاجه غريبه.. هيحصل غدر :( ، حيبدأ الأشخاص اللى تبع عضل و قاره ينادوا على بعض فيتجمع 100 من المشركين و يحيطوا بالصحابه،، و يقولوا هناخد الصحابه أسرى و نبيعهم لقريش تقتلهم،،فالصحابه أتخضوا و قالوا : أليس بينكم وبين الرسول عهد !! فقالوا: لا عهد بعد غزوه أحد..فالقائد اللى مع الصحابه "سيدنا عاصم بن ثابت" قال: أما أنا فلا أنزل على ذمه كافر، فوقف عاصم يقاتلهم و يحاربهم..بس قتلوه :'( .. و بعدين قالوا : لقد ندرت سلافه بنت سعد ان من قتل عاصم بن ثابت و يقطع راسه فستعطيه مئه ناقه ( اصل سلافه كان عندها ولدين و عاصم قتلهم فى احد ودي كانت حرب،،فقالت اللي يجيب راس عاصم، هعطي له مائه ناقه و هفرغ راس عاصم من المخ وكل حاجه وأملأها خمره واشرب)
فبعد ما الكفار قتلوا عاصم..قرروا يقطعوا راسه لكن عاصم قبل ما يتوفي قال : "اللهم اني حميت دينك اول النهار فأحمي بدني آخره" أصل عاصم كان سامع بندر سلافه فبقى يدعى ان ربنا ميخليكش الكفار يعملوا فيه كده.. و فعلا ربنا مش هيسيبه.. قال تعالى : إِنَّ اللَّهَ يُدَافِعُ عَنِ الَّذِينَ آمَنُوا .. (فالمؤمن مش لازم يخاف أبدآ.. يصلى و يسجد و يدعي و ربنا هينصره بإذن الله).. فربنا يبعت دبابير تحوم حوالين جثه عاصم ..
فيجي الكفار عايزين يفصلوا راسه عن جسمه فالدبابير تلسع ايديهم و وشوهم .. فيقولوا : " دعوا جثه عاصم لليل " فربنا عزوجل يبعت شتا جامد جدآ فالمايه تشيل جثه عاصم و محدش يقدر يلاقى جثه عاصم أبدآ.. قال تعالى : " وَمَا يَعْلَمُ جُنُودَ رَبِّكَ إِلَّا هُوَ " ..ولما وصل لسيدنا عمر اللى حصل لعاصم قام قايل : يحفظ الله العبد المؤمن فى وفاته كما يحفظه فى حياته .. طيب بعد ما الكفار قتلوا عاصم .. حصل ايه ؟ اتفزع الصحابه و رفعوا اسلحتهم علشان يدافعوا عن نفسهم فأتقتل أتنين كمان غير عاصم .. اصل عدد الكفار كبير كان 100 و أتأسر خبيب و زيد و عبد الله بن طارق و اتكتفوا بالحديد ، فعبدالله بن طارق حاول انه يفلت منهم فقتلوه، و بكده مات اربعه من الصحابه و اتبقى ..خبيب و زيد ،،
فالكفار خدوا خبيب عشان يبيعوه لبني حارث لان خبيب قتل حد منهم فى غزوه احد.. فبنى حارث خدوه لكن مقتلهوش.. طب ليه؟ لانهم كانوا فى الاشهر الحرم و الكفار فى منهم ناس كانوا بيعظموا الأشهر الحرم زى تعظيمهم للكعبه رغم كفرهم..( شايفين !! ..الكافر عنده مبدأ و رساله.. أه رساله سيئه.. بس عنده حاجه عايش ليها.. و رغم كده فى مسلمين كل اللى بيعملوه فى حياتهم أنهم ياكلوا و يشربوا و يناموا..عايشين بلا هدف و بلا رساله) .المهم بنى حارث حبسوا خبيب و كان فى بنت منهم مسئوله انها تحط لخبيب الأكل و الشرب ، البنت دى قالت : والله ما رايت ف حياتي أسيرآ خيرآ من خبيب،، وبتقول:" والله كنت ادخل عليه بالطعام.. فأراه يأكل قطف من عنب وما فى مكه حب من عنب فعلمت ان هذا العنب رزق من الله لخبيب"..سبحان الله ❤..
فلما قرب موعد قتل خبيب.. طلب من البنت دى انها تعطى له موس .. طب ليه؟ ( خبيب عايز يقص أظافر إيديه و يهذب الشارب بتاعه ..عايز يقابل ربنا و هوه نضيف ).. فبتحكى البنت و بتقول : فجئت بالموس و اخذه ..و غفلت ..فذهب ابني إليه و كان يحبه ♡ و خبيب فى إيده الموس ..فأستيقظت فوجدت ابني فى حجره والموس فى يد خبيب،، فشهقت شهقه فهمها خبيب( هيه خايفه خبيب يقتل ابنها بالموس ) فقال لها خبيب : أتخافين ان اقتله؟.. فمردتش من الرعب، فقام قايل لها : ما كان لي أن أفعل هذا و أنا من اصحاب رسول الله ..فيكمل كلامه و يقول : قم يا بني و أذهب إلى أمك،،
( على فكره .. خبيب كان يقدر ياخد الولد رهن عشان تفكه و يهرب، بس اصحاب النبي ميجوش جنب الاطفال أبدآ ♡) المهم عدت الأشهر الحرم و بنى حارث اخدوا خبيب ..فييجى ابو سفيان و يقول لخبيب : أتريد شئ قبل ان تموت؟ ( ودي أول مره كانت تتسال لواحد قبل ما يموت.. و بقت تتطبق لحد دلوقتى ) ،فقال خبيب : أجل ، دعني اصلي ركعتين.. فصلي خبيب و راح قايل والله لولا ان تقولوا ان ما بي جزع من القتل لأطلت فى الركعتين ما شاء لله لي ان أطيل ولكني اشتقت الي لقاء ربي ( يعنى لولا انى خايف تفتكروا انى بطول فى الصلاه عشان خايف من انكم تقتلونى .. كان زمانى طولت)،
فيسأله ابو سفيان و يقول له : يا خبيب.. أيسرك و يسعدك ان يكون محمد عندنا بدلآ منك و نضرب عنقه و تكون أنت فى اهلك ؟ فقال خبيب: لا والله ما يسرني ان اكون فى اهلي و أن يكون رسول الله فى مكانه الذي هو فيه و تصيبه شوكه تؤذيه :') ❤ ..فيتصلب خبيب و يأمر ابو سفيان انه يضربه الرجال بالسهام فى رجله و ايده علشان عايز خبيب يموت بالبطئ .. فيدعى خبيب عليهم بكل قوه و يقول دعاء قوى جداااا جدااا

صل الله على محمد صل الله عليه وسلم
🌿 أذكروني بدعوة أثابكم الله 🌿