السيرة النبوية

الحلقة 105

🌻سيرة_الرسول🌻
الحلقة 105
يلا بينا صلوا على النبى 💚
غدر يهود بنى نضير برسول الله ﷺ

شفنا إمبارح غدر أهل نجد و قتلهم 70 من الصحابه و أتأسر صحابى واحد بس، اسمه عمرو بن أميه .. و كان أسير عند عدو الله " عامر بن الطفيل " و باقى الصحابه مقتولين على الارض ،فعامر بن الطفيل هيسأل سيدنا عمرو سؤال عجيب و يقول:يا عمرو.. من الميت هذا الذى هناك ؟؟(بيشاور على واحد من ضمن الصحابه اللى مقتولين على الارض.. طب هوه ليه عامر سأل عن ده بالذات؟ اصله اكيد شاف على الصحابى اللى ميت ده حاجه عجيبه)

فالمهم رد عليه عمرو قال له : هذا عامر بن فهيرة صاحب رسول الله .. فرد عامر بن الطفيل و قال : و الله بعد مقتله رأيته قد ارتفع حتي وصل إلى السماء ثم رأيتهم يردونه إلى الأرض ... ( همه مين اللى رفعوه ؟ الملايكه ♡ ..انتو فاكرين عامر بن فهيرة؟ عامر بن فهيره ده صاحب النبي عليه الصلاه و السلام في الهجرة من مكه للمدينه ..اللى كان بيحمي النبي و ابو بكر في الهجرة و كان بيمسح آثار الأقدام، فكان لازم ربنا يكرمه في الدنيا قبل ما يدخل الجنة :') ♡ ) ..

طيب عمرو بن أميه متكتف و اسير ..فيبدأ يتوعد لعامر و يخوفه بأن قبيلته هتقتص..فخاف عامر و فك اسر عمرو .. و يجرى عمرو بن أميه على المدينه، عايز يبلغ رسول الله بالمصيبه اللى حصلت ..فيقول عمرو: فذهبت أجري إلى المدينة لأخبر رسول الله فواصلت الليل بالنهار.. ماكنش بينام .. وهو في الطريق تعب فراح تحت ظل شجرة يرتاح.. و بعد شويه جه رجلين من بنى عامر ( من القبيله اللى غدرت ب ال 70 صحابى) عمرو حاربهم قصاص لأصحابه..و قتلهم.. و كمل و وصل للمدينة .. و شاف النبى و بدأ يحكى المأساه :'( ..

فبكى النبي جامد جدا لدرجه انه كان يشهق من البكاء و بعدين عمرو وصف له الاتنين اللي قتلهم من بنى عامر ..فغضب النبي عليه الصلاة و السلام جدا ..طب ليه ؟ اصل الاتنين دول طلعوا الوحيدين فى أهل نجد اللى كان بينهم وبين رسول الله عهد و معاهم جواب أمان من رسول الله ان محدش يقتلهم .. فغضب النبي و قال : ياعمرو لقد قتلت إثنين ما أدينهما، فقال له : استغفر لى يا رسول الله ..والله لم اكن أعلم .. المهم حزن النبي حزن شديد على السبعين صحابى . و كل الصحابه فى المدينه كانوا فى شده الألم و الحزن ..

و قال أنس بن مالك : فوالله ظل يقنت بنا شهر..( يعني النبى فضل يقف يدعى في آخر ركعه في كل صلاه ..و يدعى على الظالمين الغادرين .. القبائل اللى غدرت و يقول اللهم عليك بذكوان .. اللهم عليك برعد.. اللهم عليك بعصية .. عصية عصت الله ورسوله .. قتلوا أصحابى و يبكى.. (تحسوا انه دعاء حد قلبه محروق) والصحابه يقولوا آمين و ده يومياً لمده شهر كامل ..

بس هيحصل حاجه حتريح قلب النبى شويه. ايه هي؟ الصحابه الشهداء،أحياء عند ربهم يرزقون .حاسيين ان النبى زعلان و مقهور عليهم، فقالوا لربنا،يارب بلغ عنا نبينا أنا قد لقيناك فرضينا عنك و رضيت عنا ♡ .. فتنزل ايه قرآنيه بس بعد كده نسخت. يعنى مبقتش موجوده فى المصحف.. واحنا عارفين ان جبريل قبل وفاه النبى عليه الصلاه و السلام راجع معاه القرآن مرتين.. تثبتت آيات و اتنسخت آيات ..ربنا حكيم ، فعال لما يريد.. طيب ايه هيه الايه ؟" الذين قالوا اللهم بلغ عنا قومنا ان قد لقيناك فرضينا عنك و رضيت عنا" فأرتاح النبى شويه. طيب أبو البراء اللى خد ال70 صحابى وقال للنبى انهم فى حمايته :( ..أبو البراء وضعه أيه بعد قتل الصحابه؟