السيرة النبوية

الحلقة91

🍃سيرة_الرسول🍃
الحلقة 91
يلا صلوا على النبى 💚
نكمل :
قصص جميله عن حب و رحمه رسول الله و نبدأ بموقف جميل هنشوف حب السيده عائشه الشديد للنبى عليه الصلاة و السلام.. لما النبي تزوج أم سلمة فجه بعض الناس لعائشه و قالولها ألحقي يا عائشة : أم سلمة جميله فما رأينا أجمل منها في النساء، فتقول عائشه :فدبت الغيرة في قلبي و غضبت فقلت لهم : أحقاً !!،قالوا :والله إنها أجمل النساء لم نرى أحلى منها ،فتقول عائشه: فذهبت إلى بيت أم سلمه فأختبأت و أنتظرت حتى أتت إلى بيتها ( عايزة تشوفها من غير الحجاب )

فبتقول عائشه :فنظرت إليها فإذا هي و الله أضعاف أضعاف ما قيل لي من حسنها.. فجلست على الأرض أبكي ( بصوا عائشة بتحب النبي إزاي.. خايفه إنه ممكن يحب حد أكتر منها ) فذهبت إلى حفصة (عشان هي و حفصة صحاب) و قلت: يا حفصة أدركيني أدركيني ،فقالت ما يبكيكي يا عائشة ،فقلت يا حفصة حدث كذا و كذا و قيل لي كذا و كذا على أم سلمة، فذهبت فنظرت إليها فإذا هي أضعاف أضعاف ما قيل لي من حسنها ..فضحكت حفصة و قالت: يا عائشة أحقاً نظرت إليها؟ قالت أجل و الله ..فقالت يا عائشة إنها ليست كما تقولين أبدا هي عجوز و ليست جميلة أصلاً ...

فقالت: لا يا حفصة نظرت إليها، فضحكت حفصة و قالت يا عائشة إذهبي فأنظري إليها مرة أخرى، فبتقول عائشه فذهبت و نظرت إليها مرة أخرى فإذا هي و الله كما قالت حفصة ،فرجعت إلى حفصة أقول يا حفصة كان الذي قلتي، فضحكت حفصة و قالت هي غيرتك يا عائشة (غيرتك خلتك تشوفي أم سلمة حلوة اوى ) و أم سلمة مكنتش بتزعل من الحديث ده لإنها قبل ما تتزوج النبي كانت تغير غيرة شديدة على زوجها الله يرحمه فكانت خايفة ان غيرتها دي تضايق النبي فقالت له :أدعو لي يا رسول الله فرفع يده و قال اللهم أذهب غيرة أم سلمة من قلبها، فكانت مبتغيرش ابدا و كانت معتبرة نفسها أنها أم لزوجات الرسول..

موقف تانى .. النبى عليه الصلاه و السلام مره كان فى ليلة عائشه ولما نامت .. قام قايم بالراحه خالص و خد جزمته و طلع .. فكانت عائشه لسه مراحتش فى النوم فحست بيه فبتقول عائشه :فدبت الغيره فى قلبى ( فبدأت تفكر هوه راح فين ..و مخها بيجيب ألف فكره..بس مش معنى ده إن عائشة بتفكر ان سيدنا محمد ممكن يسبها و يروح عند حد تاني.. و يجى عليها و على حقها.. ابدآ.. لكن بس هي من كتر غيرتها عليه بتبقى مش عارفه تعمل ايه مخها بيفكر كتير..حتى عارفين مره السيده عائشه قالت بيت شعر و كانت دايما بتقوله:
[ إن حالي أبلغ من مقالي **و لست أملك ما ببالي .. رسول الله زوجي لم أرى غيره ** به زوجني ربي و حباني] ..بتقول انا مش قادره اعبرلكم عن حالى و اللى انا فيه :') ♡ ) .. المهم لما عائشه لقت النبى خرج فبتقول : فاخْتَمَرْتُ وَتَقَنَّعْتُ إِزَارِي وَانْطَلَقْتُ وراءه حَتَّى جَاءَ الْبَقِيعَ .. فأول ما النبى اتحرك قامت اتحركت و مشيت فشاف حد قدامه فجرى فقمت جريت فسبقته و بسرعه دخلت السرير و صوت نفسها عالى من تحت الغطا