السيرة النبوية

الحلقة55

🌹سيرة_الرسول 🌹
الحلقة 55

يلا صلوا على النبى 💚
رحله الإسراء و المعراج من الأرض للسماء(ج4)
قم يا محمد إلى لقاء الله ❤

و صعد النبى عليه الصلاه والسلام السماء السابعه و لاقى سيدنا ابراهيم ساند ضهره على البيت المعمور ( البيت المعمور ده زى الكعبه لكن بيطوف حواليها الملائكه .. ودى موازيه تماما لبيت الله الحرام " الكعبه بتاعتنا اللى على الارض" .. يعنى نفس المكان لكن فوق فى السماء ) النبى عليه الصلاه و السلام بيحكى و يقول: ان البيت المعمور يدخل فيه كل يوم سبعين الف ليطوفوا بالبيت ولا يعودون "فى اليوم التالي" إلي يوم القيامه، ( يعنى كل يوم 70 الف ملك غير اليوم اللى قبله.. الملايكه كتييير اوى)

و يسلم النبي على سيدنا إبراهيم فيرد إبراهيم و يقول: مرحبا بالنبي الصالح والابن الصالح ،يا محمد اقرأ امتك مني السلام ..(سلامك وصل لنا يا خليل الله وعليك السلام :) <3 ) وقل لهما يا محمد ان الجنه طيبه التربه و إن غراسها سبحان الله،الحمد لله،لا اله الا الله .. (و كل صلاه أحنا بنسلم على ابونا ابراهيم و نرد عليه السلام اللي بعته لينا مع النبي..و الجميل ان ربنا عز وجل قال تعالى : "مِّلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمِينَ مِن قَبْل" ...سيدنا ابراهيم سمانا مسلمين♡

و يخترق النبي السماء السابعه و يوصل عند سدره المنتهي دى شجره على باب الجنه ..بيقول النبي : والله لا استطيع ان اصفها من حسنها،لها الوان لا ادري ما هي،،فالجنه فيها ما لا عين رات ولا أذن سمعت ولا خطر على قلب بشر،، عند سدره المنتهى حتتفرض علينا الصلاه ، اصل احنا قبل الاسراء والمعراج كنا بنصلي ركعتين الصبح و ركعتين بالليل ..
عند سدره المنتهي حيوحي الله تبارك و تعالى لنبيه محمد انها حتبقى خمسين صلاه فى اليوم . فالنبي ﷺ نزل فلاقى سيدنا موسى، فقال ﷺ: ان ربي قد فرض على امتي خمسون صلاه والنبي كان خايف على امته، فموسي قاله: يا محمد لا تفعل ..امتك لا تطيق ذلك.. اذهب الي ربك فسأله التخفيف ..

فصعد النبى ﷺ فوضع ربه عنه عشر، فاصبحت اربعين ونزل لموسي فقالﷺ:إن ربي فرضها اربعين فقال: موسي لا تفعل.. امتك لا تطيق ..فأذهب فاسأله التخفيف و يصعد النبى و ينزل و يصعد و ينزل و يدور بينه و بين سيدنا موسى نفس الحوار و يسأل الله التخفيف لحد ما بقت خمس صلوات.فموسي قال لسيدنا النبي اذهب الي ربك فسأله التخفيف فقال النبي:لا يا موسي اني استحييت من ربي. فنادي منادي من عند الله وقال: " إني قد امضيت فرضيتي" وخففت عن عبادي ولا يبدل القول لدى..

و بقت الصلوات خمسه فى الاداء لكن خمسون فى الاجر. ..طيب ايه الحكمه انهم كانوا خمسين وبقوا خمسه؟ الحكمه اننا نعرف ضعفنا واننا لا نملك من الامر شئ لو كانوا خمسين كنا هنضطر نعمل الفرض كله.. لكن بقوا خمسه و رغم كده لسه فى ناس مستتقله الخمسه ومش بتصلي ، وشوفتوا غلاوه النبى عند ربنا ؟ شوفتوا شفاعه النبي رفعت خمسه واربعين صلاه عن كل مسلم .. تخيل بقى شفاعته ليك يوم القيامه.. يقول ياربى عبدك فلان بيحبك و كان دايما بيصلى على النبى.. عبدك فلان بيحبك و كان بينشر سيره النبى و اخلاقه..ربنا كريم اتعلق بيه هيوفقك لعمل صالح ولو تسبيح تعمله عشان يقبل شفاعه النبى لك..

و نرجع لسدره المنتهي و يوصفها النبي وبيقول ان اوراقها كآذان الفيله و رأيت لها اربعه انهار، ثم قيل يا محمد ادخل الجنه، فرفعت راسي فإذا على باب الجنه مكتوب لا اله الا الله محمد رسول الله ،فدخلت الجنه فاذا ترابها من الزعفران والاشجار سيقانها من ذهب و أوراقها من فضه و رأيت قصرى فى الجنه.. وكمان النبى ﷺ له ألف قصر و منهم قصر معلق فى سحابه ليس لأحد إلا رسول الله ﷺ.. و بعدين خرج النبى من الجنه و وقف عند سدره المنتهي ثم قيل له اصعد يا محمد.

فالنبي لسه حيمسك بأيد جبريل عشان يطلع بيه فجبريل قال: لا يا محمد..انا إذا تقدمت أحترقت و أنت إذا تقدمت أخترقت ،،فتقدم انت.. فالنبى ﷺ بيوصف جبريل و بيقول : فرأيت جبريل كالحلث البالي من خشيه الله (يعنى جبريل بجماله وله 600 جناح عليهم اللؤلؤ و المرجان من خشيه ربنا بقى عامل زى حته القماشه القديمه) فصعد النبي ﷺ وسمع أصوات غريبه و سمع صريف الأقلام "صوت الأقلام و الملايكه بتكتب الاقدار "و بيقول رأيت الملائكه و حمله العرش تسبح ،و إسرافيل يمسك بالقرن منتظر النفخه (اللى حتحصل قبل يوم القيامه) ،وميكائيل لم يبتسم منذ خُلِقَتْ النار ،ويقول النبى ﷺ رأيت كل الكون يسبح ،وسمعت اصوات تسبيحات المؤمنين..

اصل لما أنت بتسبح تسبيحه بيطلع صوتك للعرش وصوتك بيبقى معروف فى السماء، عارفين لما يونس كان فى بطن الحوت و نادي وقال: لا اله الا انت سبحانك اني كنت من الظالمين، فالملائكه قالت : يارب صوت معروف فى ارض غريبه ( عشان كان ف بطن الحوت).ربنا كان سمعه و قال تعالى :فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَٰلِكَ نُنجِي الْمُؤْمِنِين..و يشوف النبى كل الحاجات العجيبه البديعه الجميله دى والأجمل أن ربنا هيقولنا عن خلق من اخلاق النبى جميل اوى حصل ساعتها..

هنعرفه سوا بكره إن شاء الله ❤
صلي الله علي محمد صلي الله عليه وسلم
🌿 أذكروني بدعوة 🌿