السيرة النبوية

الحلقة١٥٦

🌼سيرة_الرسول🌼
الحلقة 156
يلا صلوا على النبى 💚
الدعوة العالمية لدين الإسلام و إرسال رسائل لملوك العالم (ج1)

استقر المسلمين فى المدينة سياسياً و عسكرياً و إجتماعياً بعد إنتصار خَيبر و صلح الحديبية.. و المسلمين مع بعض فى حب و خير و عبادة لله عز وجلّ.. بس هي دى بس حياة المسلم؟ لأ طبعا لازم المسلم ينشر الدعوة للإسلام لنشر العدل و المساواة و السلام و ينهى الذل و العبودية و بعد كده فمن شاء فليؤمن و من شاء فليكفر.. و هنا هيبدأ النبى عليه الصلاة و السلام ينشر الدعوة لله عز و جل و هتبقى دعوة عالمية..

فبدأ النبى ﷺ يرسل الرسايل لملوك العالم و يدعوهم للإسلام.. و كان لازم الرسايل دى تبقى مع سفراء جديرين بها و عارفين لغات مختلفة.. و كانت اللغة السريانية ماحدش من المسلمين بيفهم فيها..فزيد بن ثابت درسها و بقى يجيد فيها إجادة تامة .. تخيلوا فى كام يوم؟ فى 15 يوم..

طيب تعرفوا إن ده فتح من ربنا على زَيد.. أصل زَيد بيعمل بإخلاص و بيستعين بالله فربنا بارك له و فتح عليه بإجادة اللغة دى.. و راح زيد و سافر علشان يوصل رسالة النبى عليه الصلاة و السلام..و بدأ النبىﷺ يرسل الرسايل لبلاد الفرس و الروم و غيرها..

هنعرف التفاصيل الحلقة الجايه إن شاء الله ❤
#السيرة_النبوية_بالعامية_لنورهان_الشيخ
هذة الحلقات نقلا عن استاذة نورهان الشيخ "