السيرة النبوية

الحلقة 57

🌻سيرة_الرسول🌻
الحلقة 57

يلا صلوا على النبى 💚
رحله الإسراء و المعراج من الأرض للسماء (ج6)
قم يا محمد إلى لقاء الله ....

وقفنا و النبى بيوصف لقريش اللى شافه فى الإسراء و المعراج و كان بيوصف لهم شكل سيدنا إبراهيم عليه السلام و قال: فكان أشبه الناس بي خَلقا و خُلقا" (شبهه النبى عليه الصلاه و السلام أكيد كان جميييل اوى ^_^)
..فقام واحد قايل : يا محمد صف لنا المسجد الأقصى ( أوصفه بقى باب باب :و مدخل مدخل، مش انت بتقول انك رحت يا محمد...طيب اوصف بقى) .. فراح النبي عليه الصلاه و السلام قايل: دخلت المسجد ليلاً و خرجت ليلاً و الله لم أره، فضحكت قريش و قالوا أرأيتم..يكذب عليكم..

(طب ربنا حيسيب النبى كده؟..لأ..أبداً ..) سبحانه و تعالى نزل جبريل من فوق سبع سموات و خلاه يرفع المسجد الأقصى على جناحه عشان الرسول يقدر يوصف المسجد و هو شايفه بعنيه .. و راح قايل له : "أقصص عليهم يا محمد" و يبدأ النبي يوصف المسجد "باب كذا و مدخل كذا" و قريش واقفه مخضوضه لانه بيوصف وصف دقيق اوى .. دى كانت معجزه و راح النبى قايل: يا معشر قريش لقد مررت على قافلة بني فلان بالروحاء و سلمت عليهم و سقوني ماءاً.. فرجال قريش رحوا وقفوا على ابواب مكه مستنين القوافل اللى جايه من الشام وعدت عليهم القافله اللى النبى عليه الصلاه والسلام قال عليها و سألوهم أنتوا بجد محمد عدى عليكوا امبارح؟ .. قالولهم أه سلم علينا و شرب عندنا مايه.

فرجعوا للنبى و قالوا والله هذه آيه من الله كيف عرفت هذا..فراح النبى قايل لهم و مررت بقبيله بني فلان "قبيلة تانيه" و كان لهم ناقة عليها جوالق "الكسوة بتاعت الجمل" فيها خطوط بيض وسلمت عليهم فسألوهم عن ذلك ..
فراحوا فعلا و سألو القبيلة و قالولهم : ايوه عدى محمد علينا في نص الليل بين الشام "فلسطين" و مكه ..فقالوا والله هذه آية (معجزه).
.فراح النبى قايل: و و الله يا معشر قريش رأيت قبيلة بني فلان خرجت من التنعيم و هى فى الطريق إليكم و ستدخل عليكم الآن من قِبل الثنية .. فلقوا القبيلة داخله بجد .. فقالوا والله هذه آية ..و كانوا حيؤمنوا خلاص فوقف الوليد بن مغيرة
( فاكرينه؟ ده اللى نزلت فيه الآيات "ثُمَّ نَظَر*ثُمَّ عَبَسَ * ده اللى سمع القرآن و اقترح على قريش انهم يقولوا ان النبى ساحر) و قال الوليد: "يا معشر قريش أتؤمنون له .. والله سحر أعيننا و أعين القبائل هو ساحر .. هو ساحر..فلا تصدقوه" فقالت قريش "ساحرٌ .. ساحرٌ لا نصدقك أبدا"..

(مفيش فايده :( ) و راحوا لأبو بكر رضى الله عنه وقالوا له: يزعم صاحبك أنه صلى فى المسجد الأقصى ليلآ و عاد مكه ليلآ .. فقال ابو بكر :أتكذبونه؟ قالوا: نعم، فقال ابو بكر والله لئن كان قالها فقد صدق..إني لأصدقه فيما أبعد من ذلك، أصدقه في خبر السماء يأتيه في غدوة أو روحة، إن كان محمد قال هذا: فقد صدق ..و كان كل ما النبى يحكى عن اللى شافه فى الإسراء و المعراج يرد ابو بكر عليه و يقوله :صدقت ..و من هنا سماه النبى ب"الصديق"
وكان دايما النبى يقول: إنَّ الله بعثني إليكم، فقلتم: كذبت..وقال أبو بكر: صدقت..عايزه اقولكم على حاجه جميله قالها الشيخ الشعراوى رحمه الله : ربنا عز وجل قال" سُبْحَانَ الَّذِي أَسْرَىٰ بِعَبْدِهِ لَيْلًا مِّنَ الْمَسْجِدِ الْحَرَامِ إِلَى الْمَسْجِدِ الْأَقْصَى"..و ماقلش سرى عبدى .. يعنى الموضوع تم بقدره ربنا و ربنا هوه اللى وصل النبى هناك..فكان مش غريب و لا عجيب ان ده يحصل لان الله على كل شئ قدير..فعشان كده قريش غلطت لما كذبت النبى لأنه النبى مقلش انه راح الشام بقدرته هوه صلى الله عليه و سلم ولكن بقدره الله تعالى ..

المهم رجع النبى للصحابة و قريش مصدقتش و قعد معاهم .. هتحكيلهم أيه يا رسول الله؟ حيحكيلهم عن الجنة ..اصل النبى عاوز يثبت الصحابة ..فيبدأ يحكيلهم عن الجنة .. و يقول والله رأيت فيها الأبنية من ذهب و فضة و ملاطها مسك و ترابها الزعفران و حصاها من اللؤلؤ و الياقوت و المرجان و الشاب فيها لا يشيخ أبدا و لا يموت فيها أحداً أبدا و لا يبلى نعيما فيها أبدا والله إن منزله أدنى أهل الجنة ليرى ملكه مسيره 2000 سنة لا يقطعه..
فقالوا يارسول الله و ماذا عن أعلى منزله في الجنة؟. فقال النبى: ذلك الذي يري و جه ربه بكرة و عشيا "صبح و بليل"..( في ناس هتشوف ربنا صبح و بليل..اصلها درجات..ممكن حد يقول طيب ادخل اى درجه و خلاص..صح؟.. بس متنسوش ان ده حيبقى مكانك للأبد يعنى الدرجه و النعيم اللى فاتك مش حتقدر توصله نهائيآ..تخيل واحد للأبد حيبقى مع النبى طول النهار و الليل و واحد تانى لأ :')♡..قال تعالى: قُلْ يَا قَوْمِ اعْمَلُوا عَلَىٰ مَكَانَتِكُمْ إِنِّي عَامِلٌ)

و يفضل يحكى النبى عن الجنه و يقولهم والله فيها مالا عين رأت ولا أذن سمعت ولا خطر على قلب بشر .. فيقوم قايل: رأيت قصراً جميلا عظيما فقلت للملائكه : لمن هذا القصر؟ قالوا: لفتى من قريش.فقلت:من ؟ فقيل "لعمر بن الخطاب" و رأيت فتاه من الحور ثم تذكرت غيرتك يا عمر فوليت مدبرا (مشيت)..
فبكى عمر وقال: أومنك انت أغار يا رسول الله (بقى اضايق و أغير على حاجه منك يا رسول الله) عمر كان عارف أن قصره فوق في الجنه و رغم كده عاش كل عمره متواضع و لما يجي يموت حيقول "والله لو قيل لي إن كل أهل الدنيا يدخلون الجنة إلا رجلا واحدا لقلت هو أنا .. و عمر كان يقول: "أخشى ان يسألني الله إذا عثرت دابة في العراق، و يقول الله لى: لماَ لم تمهد للدابه الطريق يا عمر ؟"

طيب دلوقتى قريش مضايقه و رجعت تضايق النبى و الصحابه.. و بقى شئ لا يمكن حد يستحمله طب و إيه الحل؟

هنعرف سوا بكره ان شاء الله ❤
صل الله علي محمد صل الله عليه وسلم
🌿 أذكروني بدعوه 🌿