السيرة النبوية

الحلقة 90

🌼سيرة_الرسول🌼
الحلقة 90
يلا صلوا على النبى 💚
حب محمد ﷺ و عائشه <3
من أحب الناس إليك؟ ..قالﷺ : عائشه

النهارده هنحكى مواقف بين رسول الله عليه الصلاه و السلام و عائشه رضى عنها ..هتعرفوا قد ايه النبى كان حنين وكان بيكرم زوجاته علشان كده هو قال في الحديث "خيركم خيركم لأهله ، وأنا خيركم لأهله (أحسن رجل فيكم "يا معشر الرجال" هوه اللى يُكرم زوجته ويحنو عليها ..وأخبثكم "أيها الرجال" من يُهين زوجته)

السيدة عائشه بتحب النبى جدا و حتى النبي لما أتسأل.. من أحب الناس إليك ؟فقال : عائشة .. فقالوا ثم من الرجال ؟ قال : أبوها ♡ ...
فبتحكى السيده عائشة و بتقول: كان الرسول صل الله عليه وسلم في بيتي وفي ليلتى (وعائشة بتحبه وبتغير عليه جدا ) فدخلت علينا "سوْده" و كانت ليلتى ( سوده هى زوجه من زوجات الرسول )، فبتقول عائشة : فأدخلتها فجلست وأطالت الجلوس وكنت قد صنعت لرسول الله حريرة (دي أكله عبارة عن عسل وسمن ودقيق..فالنبي كان يُحب الحلواء وكان كمان يحب البطيخ و يحب الخيار والتمر واللبن والعسل وكان بيحب الكوسة وقرع العسل وكان بيحب لحم الكتف من الشاه ) فالمهم السيده عائشة عملاله حاجه حلوه علشان تفرحه ، (طيب عارفين ايه اللي جايب سوْده؟ .. النبى وحشها :') ♡ صل الله عليه وسلم فعايزه تيجي تبص في وشه الكريم وتقعد معاه شويه.. فتروح ..و طبعا ده مش عاجب عائشه ^_^ )

فعائشه بتقول فقمت إلى الحلواء وآتيت بها و وضعتها امام سوده و قلت : يا سوْده كُلي :) فقالت سوْده : لا أُريد!.. فقالت عائشة : يا سوْده كُلي من هذه الحريرة..فقالت سوْده : سبحان الله ، لا أُريد !! (فعائشة بتقول ده والنبي عمال ^_^ يضحك صل الله عليه وسلم )فقالت عائشة : يا سودْه لتأكلي من هذه الحريرة أو لألطخنَّ بهذه الحريرة وجهك.. فقالت سوْده:يا عائشة ، لا أُريد.. فبتقول عائشة: فقمت و وضعت يدي في الحريرة وقذفتها في وجه سوْده .. فنظرت سوْده إلى ثيابها فقالت : ما هذا..

فضلت السيده عائشة تضحك فالنبى ضحك لكن أشفق النبي على سوْده و مال على سوْده وقال : يا سوْده أتُحبين أن تقتصي ^_^ ؟ فضحكت سوده و قالت: أجل يا رسول الله... قام النبي غير قعدته بسرعه و وسع لسوْده ^_^ فوضعت سوْده يدها في الحريرة و هيه بتضحك وألقت على وجه عائشة رضي الله عنها وأرضاها الحريره.. فبتقول عائشة : فقمنا..أنا أضحك وسوْده تضحك ورسول الله صل الله عليه وسلم يضحك.. ( كانوا بيهزروا و يضحكوا و يغيروا بس القلب صافى مفيهوش قسوه و أذى و شر )

موقف تانى يبين مدى حب النبى للسيدة عائشة.. بتحكى السيدة عائشة: "خرج النبى صل الله عليه وسلم يوما الى غزاة (يعنى غزوة), فأقرع بين نسائه (يعنى عمل قرعة) لأنه فى كل مرة يخرج فى غزوة,كان ياخد معاه واحده من زوجاته, علشان تكون طبيبة وممرضة للجرحى من جيش المسلمين, و أوقات تانيه كانت تخرج النساء فى المعارك دفاعآ عن النبى عليه الصلاة والسلام زى الصحابيه :" نسيبة بنت كعب" اللى أنقذت النبى فى غزوة أحد. فالمهم كان يقترع النبى بين نسائه فيختار واحدة أو اثنتين بس علشان يطلعوا معاه الغزوه وفى غزوة من الغزوات و بعد ما اقترع بينهم خرجت السيدة عائشة والسيدة حفصة مع رسول الله.