Chapter (68) - ဖရိုဖရဲ အခြေနေ
အမျိုးသမီးရဲ့ကြောက်လန့်တကြားအော်သံက လူအုပ်ကြီးထဲမှာ ထွက်ပေါ်လာပေမယ့် ဘယ်သူမှ သူမကို ဂရုမစိုက်နိုင်ပဲ ကိုယ့်အသက်ရှင်သန်နိုင်ဖို့ပဲ အသက်လုပြေးနေကြသည်။
ယန်ဖေးက ရွှီဘင်းတစ်ယောက် သူ့အသက်ချမ်းသာရာရစေဖို့ သူ့အဖွဲ့ထဲက အားနည်းတဲ့ ကျောင်းသား ကျောင်းသူလေးများကို ဖုတ်ကာင်အုပ်ဆီသို့ အသည်းအသန် တွန်းထုတ်နေသည်ကို တွေ့လိုက်ရသည်။ ဒီကောင်က ပိုသန်မာပြီး အရပ်ရှည်တယ်၊ မဟုတ်ရင် သူက အုပ်စုရဲ့ ခေါင်းဆောင်ဖြစ်လာမှာ မဟုတ်ဘူး။ သူက ရုပ်ပိုင်းဆိုင်ရာ အားနည်းသော လူအနည်းငယ်ကို မြေကြီးပေါ်သို့ တွန်းလှဲကာ ဂိတ်တံခါးနားကို ချောမွေ့စွာ ကျော်ဖြတ်နိုင်ခဲ့သည်။
ယန်ဖေး ၏ ပါးစပ်ထောင့်တွေက အဓိပ္ပါယ်ရှိသော အပြုံးဖြင့် ကွေးညွှတ်တက်လာပြီး သံတံခါးမှ လွတ်မြောက်ရန် တွန်းထိုးနေသော လူအုပ်ကို လက်ညှိုးထိုးပြလိုက်သည်။ ရွှီဘင်း ၏ခြေလှမ်းများ ရုတ်တရက် ရပ်တန့်သွားကာ သူနှင့်အဖော်များစွာသည် တံခါးဝတွင် ပင့်သက်ကို ရှူရှိုက်ရင်း ရပ်နေကြသည်။
လူအနည်းငယ်က သူ့ကို မြင်ပြီး ဖုတ်ကောင်တွေက သူတို့နောက်ကို မလိုက်လာနိုင်တာတွေ့တာကြောင့် သူတို့ ထိုနေရာတွင် ရပ်ပြီး အတွင်းထဲကို ချက်ချင်း ဝင်မလာကြပေ။ လူလာကယ်တင်မှာကို စောင့်တာထက် ကိုယ့်လူကို စတေးပြီး ပြေးတာက ပိုလွယ်တယ်လို့ တွေးတဲ့ လူစုတွေဖြစ်သည်။
*ဝုန်း*
အသံကျယ်တစ်ခုကို ကြားလိုက်ရပြီး ရွှီဘင်း နှင့် အခြားသူများသည် သံတံခါးကြီးက ခေါင်းထက်ကနေ သူတို့ဆီသို့ ဖြည်းညှင်းစွာ ကျဆင်းလာသည်ကို တွေ့ရတော့ ထိတ်လန့်သွားသည် ။ ရှင်ခြင်း၊ သေခြင်းနဲ့ အကျပ်အတည်းများစွာကို ကြုံတွေ့ခဲ့ရသော ရွှီဘင်းက ဒီအခြေနေကို ချက်ချင်းတုံ့ပြန်ခဲ့သည်။ သူ က ချက်ချင်းလှည့်ကာ လူနေထိုင်ရာ တိုက်ခန်းဘက်ကို အော်ဟစ်ရင်း ပြေးထွက်ဟန် ပြင်လိုက်သည်။ သို့သော် ရွှီဘင်း ခြေလှမ်းအနည်းငယ်လှမ်းပြီးနောက် သံတံခါးက သူ့ခေါင်းဆီသို့ ပြုတ်ကျလာသည်။
*ဝုန်း*
ပြေးလွှားနေကြသော လူများသည် လှမ်းကြည့်လိုက်စဉ် ပိတ်ထားသော တံခါးကြီး ပြိုကျသည်ကို တွေ့လိုက်ရသည်၊ ကံမကောင်းသောလူတချို့က တံခါး အောက်တွင် ပိကာ ကြေမွသွားသည်ကို တွေ့လိုက်ရသည်။ လူသားစားရဖို့ ပြေးလာသော ဖုတ်ကောင်များပင်ရပ်တန့်သွားသည်။
လော်ရွှင့်က တောင့်တင်းခိုင်မာသည့် တံခါးပြိုကျပြီး လူတွေပိမိသည်ကို ဂရုမစိုက်နိုင်ပဲ ကားကို အရှိန်မြင့်ကာ ထိုလမ်းကို အမြန်မောင်းလာပြီး သူတို့နေသည့် တိုက်ခန်းရဲ့ ကားပါကင်သို့ ရောက်သွားသည်။ ပြီးနောက် သူတို့နှစ်ယောက်သား သတိထားပြီး ကားပေါ်မှဆင်းလာကြသည်။
ယန်ဖေး သည် သူ၏ကျောပိုးအိတ်ထဲမှ လေးထောင့်ပုံသဏ္ဍာန် ခေါင်းတပ်ထားသည့် သံမဏိကြိုးအချို့ကို ကိုင်ဆောင်လိုက်သည်။ သူ၏ခါးတွင် အသစ်ဖန်တီးထားသော သတ္တုလင်းနို့ ပုံစံ သတ္တုလက်နက်ကိုချိတ်ထားသည်။ ထိုအရာကို ဖန်တီးပြီး ကားအတွင်းထဲတွင် တမင်တကာသိမ်းထားခြင်းဖြစ်သည်။ တကယ်လို့ လမ်းပေါ်တွင် အန္တရာယ်တစ်စုံတစ်ရာကြုံပါက ယန်ဖေးက ထိုသတ္တုနှင့် အပိုလက်နက်များကို ချက်ချင်း ဖန်တီးရန် ကားထဲမှ ယူနိုင်လိမ့်မည်။
သူတို့ နှစ်ယောက် ကားပေါ်ကဆင်းပြီး သူတို့ နေထိုင်သည့် အတွင်းဘက် အဆောက်အဦးရှိရာ သူတို့ အိမ်ကို အမြန် ပြေးသွား ကြ သည် ။ ဒီနေ့ အပြင်ထွက် အလုပ်လုပ်သူ များလို့ တိုက်ခန်းထဲမှာ ကျန်ရစ်သူ သိပ်မရှိတော့ဘူး။ ကံမကောင်းစွာပဲ နေ့လည်စာစားချိန်ရောက်လို့ အစားသောက်ကောင်တာမှာ ဝယ်ဖို့လူတွေက အပြင်မှာ များပြားစွာ စုဝေးနေမိကြသည်။
လော်ရွှင့် နှင့် ယန်ဖေးတို့က သတိဖြင့် လှေကားပေါ်သို့ တက်လိုက်သည်။ စင်္ကြံလမ်းသည် ယခုအချိန်တွင် မရှုပ်ထွေးသေးသော်လည်း အချို့သောလူများက အန္တရာယ်ကင်းစေဖို့ အမြန်အိမ်ပြန်ခဲ့ကြသော်လည်း အရေအတွက် မများသောကြောင့် လူစည်ကားခြင်းမရှိပေ။ စင်္ကြံရှိ အသံများကို ဂရုတစိုက် နားထောင်ရင်း နှစ်ယောက်သား လှေကားပေါ်သို့ တက်ခဲ့ကြသည်။ ဖုတ်ကောင်လှုပ်ရှားမှုများ မရှိဟု အတည်ပြုခဲ့သည်။ လူတွေ အော်ဟစ်နေတာ မရှိသည့်အတွက်လည်း သက်သာရာရသွားကြသည်။
လှေကားထစ်ကို တက်နေစဉ် အနောက်မှ ခြေသံများ ရုတ်တရက် ထွက်ပေါ်လာသည်။ လော်ရွှင့် သည် ရုတ်တရက် လှည့်ကြည့်လိုက်ပြီး သူ၏ ဓာတ်မီးကို ထိုနေရာကို ဦးတည်ထိုးလိုက်သည်။ ယန်ဖေး လည်း ခြေလှမ်းနှေးလိုက်ပြီး သူတို့နောက်ကွယ်က လူစုရဲ့ အခြေအနေတွေကို အာရုံစိုက်နေခဲ့တယ်။
လူအုပ်စု တစ်စုသည် လှေကားထစ်များမှ တက်လာပေမယ့် သူတို့ရှေ့က လက်နက်ကိုင်ဆောင်ထားသည့် အပေါ်ထပ်မှ လူတစ်ဦးကို ရုတ်တရက် တွေ့ရှိခဲ့သည်။ ပထမဆုံးတက်လာသည့်လူက ယန်ဖေးကို တွေ့လိုက်ပြီး ကြောက်ရွံ့တာကြောင့် နောက်ကို ဆုတ်လိုက်သည်။ ကံကောင်းလို့ သူ့နောက်က သူတို့လူအုပ်ရှိနေလို့သာပေါ့။ မဟုတ်ရင် လှေကားပေါ်က ပြုတ်ကျသွားနိုင်သည်။
သူတို့ရဲ့ တိုက်ခန်းအပေါ်ထပ်မှာနေတဲ့ လော်ရွှင့် နဲ့ ယန်ဖေး တို့ရဲ့ ကိုယ်ပတ်လည်တွင် လေထဲ လွင့်မျောနေတဲ့ သံမဏိအပ်ချောင်းတွေ ရှိနေတာကို တွေ့လိုက်ရတော့ နောက်ပြန်ဆုတ်သွားရင်း ထိုအုပ်စုရဲ့မျက်နှာ ချက်ချင်း ဖြူသွားတယ်။ သူတို့က အသံထွက်ကာ ပြောလိုက်ကြသည်
"ငါတို့ အိမ်ပြန်မလို့..."
လော်ရွှင့် သည် လူများကိုမြင်တော့ အနည်းငယ်အံ့သြသွားသည်။ နှုတ်ခမ်းနီဆိုးထားဆဲ ဖြစ်သော လှပသည့် အမျိုးသမီးသည် အဖွဲ့၏အဆုံးရှိ အမျိုးသား၏ဘေးတွင် ရပ်နေပြီး သူမက Rose Mercenary အသင်းတည်ထောင်သူ ဖြစ်သည်။ သူမဘေးက လူက သူမရဲ့ ချစ်သူဖြစ်သည်။
သူတို့ခန္ဓာကိုယ်မှာ ဒဏ်ရာတွေ ရှိ၊မရှိကို တစ်ချက်ကြည့်လိုက်ပြီး လော်ရွှင့် က ယန်ဖေး ကို အချက်ပြသည့်အနေဖြင့် ခေါင်းကို ငြိမ့်ပြလိုက်ကာ နှစ်ယောက်သား အထက်သို့ ဆက်တက်ကြသော်လည်း နောက်မှလူများက ကြောက်လန့်ပြီး နောက်မှ ဆက်မလိုက်မီ အောက်ကနေပဲ သူတို့ တက်သွားပြီးသည်အထိ စောင့်နေကြသည်။
16 ထပ်ကိုရောက်သော ်ယန်ဖေး သည် သတ္တုတံခါးကို ဖွင့်လိုက်ပြီး စင်္ကြံတွင် ပြဿနာမရှိကြောင်း အတည်ပြုခဲ့သည်။ လီထယ် နှင့် အခြားသူများ တံခါးဆီသို့ ပြန်ရောက်လာသောအခါတွင် အလွယ်တကူ ကြားနိုင်ဖို့ သူတို့သည် သံကြိုးသော့များဖြင့် တံခါးကို ပြောင်းခတ်ထားလိုက်သည်။ ပြီးမှ သူတို့ရဲ့အိမ်ကို ပြန်ဝင်လာကြပြီး ကျောပိုးအိတ်နဲ့လက်နက်တွေကို ချထားလိုက်သည်။
ခွေးကလေးပါပီက သူတို့နှစ်ယောက်ကို စိတ်လှုပ်ရှားစွာနဲ့ ကြိုကာ သူမရဲ့အမြီးကို မော်တာတပ်ထားသလို လှုပ်ခါရင်း ခုန်ပေါက် နေသည်။ ခွေးကလေးကို မြင်တော့ လော်ရွှင့် က ချက်ချင်း စိတ်အေးလက်အေးဖြစ်သွးကာ သူမရဲ့ ခေါင်းကို ပွတ်ပေးလိုက်သည်။ ပြီးတော့ ဧည့်ခန်းရှိ ရေဒီယိုဆီသို့ ဦးတည်သွားကာ ဖွင့်သည်။
ယန်ဖေး သည် သူ့အင်္ကျီကို ချွတ်လိုက်ပြီး အပြင်ဘက်က အခြေနေကို ကြည့်ရန် လသာဆောင်နှင့် ဧည့်ခန်းပြတင်းပေါက်ဆီသို့ ဦးစွာသွားလိုက်သည်။ အနီးအနားမှာ ဖုတ်ကောင်တွေရှိပေမယ့် အရေအတွက်က မများလှပေ။ရေဒီယိုဆီက တဂျစ်ဂျစ်အသံ ထွက်လာပေမယ့် ကြေငြာသံ ဘာမှ ထွက်မလာသေးပေ။ ။လော်ရွှင့် လည်း ဧည့်ခန်းပြတင်းပေါက်ဆီသို့ လျှောက်လာပြီး ပြင်ပအခြေအနေကို ကြည့်ကာ တိုးတိုးလေးပြောတယ်။
"အခြားသူတွေ ဖုတ်ကောင်တွေ ဖြစ်သွားပုံမပေါ်ဘူး မဟုတ်လား?"
ယန်ဖေး သည် အနီးနားရှိ အဆောက်အအုံတစ်ခုသို့ မှန်ပြောင်းဖြင့် ကြည့်လိုက်သည်။
"မမြင်ရသေးပေမယ့် ခဏလေးနေရင်တော့ သူတို့တွေ ဖုတ်ကောင် ဖြစ်လာနိုင်တယ်"
ပိုဝေးတဲ့ နေရာက လူတွေ ဖုတ်ကောင်တွေ ဖြစ်လာခဲ့မယ်ဆိုရင်တော့ သူတို့လည်း မမြင်နိုင်ဘူး။ရင်ရော။ လူနှစ်ယောက်က အပြင်ဘက် အခြေနေကို အာရုံစိုက်ကြည့်နေစဉ် ကျယ်လောင်သည့် ဥသြဆွဲသံလို အသံကျယ်ကြီး ထွက်လာလို့ လန့်သွားသလို ခွေးလေးလည်း လန့်ပြီး ထိုးဟောင်လိုက်သည်။
"အဲဒါ... လေကြောင်း တိုက်ခိုက်မှု သတိပေးချက်သံလား" လော်ရွှင့် က ယန်ဖေး ကို မေးလိုက်သည်။
ယန်ဖေး က ခေါင်းညိတ်လိုက်ပြီး နှစ်ယောက်သား ရေဒီယိုမှ အသံကို ရုတ်တရက် ကြားလိုက်ရပြီး လမ်းမပေါ်ရှိ စပီကာကြီးများမှ အသံများလည်း ထွက်ပေါ်လာသည်။
"... အခြေစိုက်စခန်းအတွင်းမှာ ဖုတ်ကောင်ဗိုင်းရပ်စ်ဖြစ်ပွားနေပါတယ်။ ဒေသခံများသည် ငြိမ်သက်စွာနေရန်နဲ့ ထိတ်လန့်မနေဘဲ လုံခြုံသောနေရာတွင် ပုန်းအောင်းနေထိုင်ကြပါ။ အိမ်ထဲတွင် ဖုတ်ကောင်များရှိနေရင် သူတို့ကို သီးခြားခွဲထားပြီး လုံခြုံရေးအဖွဲကို သတိပေးဖို့ အဝတ်ဖြူကို ပြတင်းပေါက်အပြင်မှာ ချိတ်ဆွဲထားပါ။ လုံခြုံရေးတပ်သားတွေ ရောက်လာတဲ့အထိ နေအိမ်မှာ ငြိမ်ငြိမ်လေး စောင့်နေကြပါ..."
ရေဒီယိုနှင့် စပီကာများက အထပ်ထပ်အသံထွက်ကာ သတိပေးချက် ထုတ်နေ သဖြင့် အခြေစိုက်စခန်းထဲမှ နေထိုင်သူများ စိတ်တွေ ပိုတင်းကျပ်လာသည်။ ဖုတ်ကောင်ဗိုင်းရပ်ဖြစ်ပွားမှု အကြောင်း မသိသူများသည် သတင်းကြားလိုက်သည်နှင့် ထိတ်လန့်သွားကြသည်။ အိမ်ကို ချက်ချင်းပြန်ပြေးမယ့်အစား အထိတ်တလန့်ဖြစ်နေကြတဲ့ လူတွေဟာ လမ်းမတွေပေါ်ကို ထွက်လာသဖြင့် လျှောက်သွားနေသည့် ဖုတ်ကောင်တွေနဲ့ တွေ့ဆုံပြီး အခြေနေတွေ ပိုမိုရှုပ်ထွေးလာသည်။
တစ်ချို့လူတွေက အိမ်ပြန်တဲ့အခါ တံခါးကို သော့ခတ်ထားပေမယ့် စင်္ကြံမှာ ဖုတ်ကောင်တွေ လမ်းလျှောက်နေတာကို တွေ့ခဲ့လို့ တစ်ယောက်ယောက်က တံခါး လာခေါက်ရင်တောင် ဝင်ခွင့်မပေးချင်ကြဘူး။ အိမ်တွေထဲမှာ လူတော်တော်များများ နေထိုင်လေ့ရှိကြတယ်၊ အသိမိတ်ဆွေတွေစုပေါင်းနေထိုင်သလို မဟုတ်ပဲ အဆောင်သဘော စုနေသလို ဖြစ်ကြသည်။ တချို့တွေက အဆောင်တစ်ခုတည်းမှာ နေပေမယ့် သိပ်မရင်းနှီးကြဘူး။ ဒါကြောင့် သူတို့က အပြင်ဘက်ကနေ တံခါးကို ထုနေပေမယ့် အထဲက လူတွေက ဖွင့်မပေးရဲကြဘူး။ တံခါးလာခေါက်သူတွေနောက်ကနေ ဖုတ်ကောင်နောက်ကို လိုက်နေခဲ့မလား၊ ဒါမှမဟုတ် ဒီလူတွေ ဒဏ်ရာရခဲ့ရင် ဘယ်လိုလုပ်မလဲ ဆိုပြီး စိုးရိမ်နေကြတာ ဖြစ်သည်။
အစွမ်းအစနှင့် ကြံ့ခိုင်သော ကာယဗလ ရှိသူတွေက တံခါးအပြင်ဘက်မှ ချန်ထားခံရတယ်ဆိုရင် အိမ်ထဲက လူတွေနဲ့ ပြသနာ တက်ကုန်ကြသည်။ အခြေစိုက် စခန်းအခြေနေက ရှုပ်ထွေးနေပြီး လုံခြုံရေးယာဉ်တန်းက စခန်းထဲက ဖုတ်ကောင် တွေကို လိုက်လံရှင်းလင်းနေပေမယ့် ည်း အပြင်ဘက်နံရံနှင့် အိမ်ဆောက်လုပ် ခြင်းကြောင့် တပ်သား အများအပြားကို စေလွှတ်ထားခဲ့ရလို့ အခု စခန်းထဲမှာ တပ်သား သိပ်မကျန် တော့သဖြင့် ဖုတ်ကောင်နှိမ်နင်းတာ သိပ်ပြီး ထိရောက်မှု မရှိပေ။ ဒါကြောင့် စခန်းတွင်း မငြိမ်မသက်မှုများ ညနေအထိ ဆက်လက် ဖြစ်ပွားခဲ့သည်။
လော်ရွှင့် သည် တိုင်ကပ်နာရီကို ကြည့်ကာ ရေဒီယိုကို ပိတ်လိုက်သည်။
"သူတို့ ပြန်မလာသေးဘူးလား။"
လော်ရွှင့် သည် လီထယ် နှင့် ကျန်သူများအကြောင်းပြောနေသည်ကို ယန်ဖေး သိသည်။
"မတော်တဆမှု ဖြစ်တုန်းက သူတို့ရဲ့ အလုပ်ထဲမှာ ရှိနေမယ်ဆိုရင် အပြင်မှာထက် ပိုလုံခြုံတယ်။ အခြေနေအားလုံးကို ထိန်းချုပ်နိုင်ပြီး လုံခြုံသွားတဲ့အထိ စောင့်ပြီးမှ သူတို့ပြန်လာမယ်လို့ ငါ ထင်တယ်"
ကျောင်းသားတွေက လော်ရွှင့် ထက် အများကြီး ပိုလုံခြုံတယ်။ အထဲမှာ ဖုတ်ကောင်ကူးစက်သူ မရှိဘူးဆိုရင် အနည်းဆုံး သူတို့က အလုပ်ထဲမှာ ရှိနေတုန်းပဲ။ ဒါပေမယ့် သူတို့အလုပ်မှာရှိပြီး လူဦးရေက canteen လောက်မများသရွေ့တော့ အခြေအနေက သိပ်မဆိုးလောက်ဘူး။
ဒါပေမယ့် ကျန်းရီ ဟာ ဆေးရုံမှာ ရှိနေရင်တော့ အန္တရာယ်ရှိနိုင်ပါတယ်။ တကယ်လို့ ဖုတ်ကောင်ကိုက်ခံ၊ အကုတ်ခံရတဲ့ လူကို ဆေးရုံကို ပို့လိုက်မယ်ဆိုရင် .... ဒါပေမယ့် ကျန်းရီရဲ့ အစွမ်းအစနဲ့ ကြမ်းတမ်းမှုကို တွေးကြည့်ရင် အဲ့ဒီဖုတ်ကောင်ဘဝ ပြောင်းသွားသူတွေကို အလွယ်တကူ ကိုင်တွယ်ဖြေရှင်းနိုင်မည်ဟု လော်ရွှင့် ယုံကြည် သည်။ တခြားသူတွေကို ညသန်းခေါင်အထိ စောင့်ပြီးမှ သူတို့အားလုံး ဒီည ပြန်မလာဘူးလို့ အတည်ပြုနိုင်ခဲ့တယ်။
နောက်နေ့ အပြင်ထွက်တာနဲ့ အလုပ်လုပ်တာကို စခန်းထဲက ဖုတ်ကောင်အားလုံး ရှင်းပြီးသည်အထိ ဆိုင်းငံ့ထားကြောင်း လေဒီယိုနဲ့ စပီကာတွေက ကြေငြာခဲ့သည်။
နောက်နေ့မနက်မှာတော့ လီထယ် နဲ့ အဖွဲ့ က ရေဒီယိုက ဘေးကင်းကြောင်း မကြေငြာခင်အထိ အိမ်ကို ပြန်မလာသေးကြောင်း၊ သူတို့ အလုပ်ထဲမှာပဲ ဆက်နေမည် ဖြစ်ကြောင်း စာပို့ခဲ့သည်။ ဖုတ်ကောင်ကူးစက်မှု ဖြစ်ပွားချိန်တွင် အချို့သောသူများသည် သူတို့၏မိသားစုအတွက် စိုးရိမ်စရာမရှိပေ။ လူအများစုကို ဘေးကင်းရာသို့ ရွှေ့ပြောင်းပေးခဲ့ရသည်။ အခြေစိုက်စခန်းတွင် ဖုတ်ကောင်များမရှိတော့ကြောင်း သေချာသည်နှင့်အမျှ အရာအားလုံးသည် ပုံမှန်ပြန်ဖြစ်လိမ့်မည်။
နောက်နေ့မနက်စောစောမှာ တပ်သားတွေတင်ဆောင်ထားတဲ့ ကားတစ်စီးက တိတ်ဆိတ်ငြိမ်သက်တဲ့လမ်းကို ဖြတ်မောင်းသွားတယ်။ လော်ရွှင့် နှင့် ယန်ဖေး တို့သည် ထိုဒေသရှိ ဖုတ်ကောင်များကို မမြင်ရတော့ပေ။ မနေ့ညနေခင်းက တပ်သားတွေက လျှောက်သွားနေတဲ့ ဖုတ်ကောင်အများစုကို ရှင်းပစ်တယ်။
ဖုတ်ကောင်ဖြစ်ပွားမှုသည် ရုတ်တရက် ပေါ်ပေါက်လာပေမယ့် ဒဏ်ရာရပြီး ဖုတ်ကောင်များအဖြစ်သို့ ပြောင်းလဲသွားသော လူအရေအတွက်မှာ မများပြားပေ။ နေ့လယ်စာစားချိန် လူနေထူထပ်သော လမ်းများတွင် ဖြစ်ပွားခဲ့လို့သာ အခြေနေတွေ ရှုပ်ထွေးကုန်ခြင်း ဖြစ်သည်။
"ရှင်းလင်းရေးက အရမ်းမြန်တယ်။ အခြေစိုက်စခန်းအတွင်းမှာ ရှိတဲ့ ဖုတ်ကောင်အားလုံးကို မနက်ဖြန်မှာ အကုန်ဖယ်ရှားပစ်တော့မယ့်ပုံပါပဲ။"
လော်ရွှင့် သည် ပြတင်းပေါက်မှ ကြည့်နေစဉ် သူတို့ နေထိုင်ရာ ဧရိယာထဲ အဝတ်ဖြူချိတ်ဆွဲထားသည့် အခန်းတွေထဲက ဖုတ်ကောင်ကို ဖြေရှင်းဖို့ လုံခြုံရေးတပ်သားတွေ ဝင်လာသည်ကို မြင်ခဲ့သည်။
"ဖုတ်ကောင်တွေ ဘယ်လိုရောက်လာတာလဲ"
ယန်ဖေး ၏ မျက်ခုံးသည် တွန့်သွားသည်။ မနေ့က အခြေနေက ထူးဆန်းတယ်လို့ သူ ထင်နေမိတယ်၊ အဲဒီအချိန်မှာ ဖုတ်ကောင်ဗိုင်းရပ်စ်က ဘယ်လို ရုတ်တရက် ပေါက်ကွဲထွက်လာတာလဲ။ တကယ်လို့ တစ်စုံတစ်ယောက်က ဗိုင်းရပ်စ်ကို အခြေစိုက် စခန်းထဲသို့ မတော်တဆ ယူဆောင်လာပါက၊ တစ်ချိန်တည်းတွင် နေရာများစွာမှာ အဲ့လို ပျံ့နှံ့ဖို့ဆိုတာ မလွယ်ကူလှဘူး။
လော်ရွှင့် က သံသယဖြစ်ပေမယ့် ခေါင်းယမ်းလိုက်သည်။
" အကြောင်းရင်းအများကြီး ရှိနိုင်တယ်"
ကောက်ချက်မချနိုင်ခင် ဖြစ်နိုင်သည့် အခြေနေတွေကို စခန်းလုံခြုံရေး က သေချာ ဆန်းစစ်ပြီး အကဲဖြတ်ဖို့ လိုတယ်။ ပြဿနာ၏ အရင်းအမြစ်ကို ရှာဖွေနိုင်သရွေ့ အနာဂတ်တွင် ထပ်ဖြစ်လာမယ့် ပြဿနာများကို ရှောင်ရှားနိုင်မည် ဖြစ်သည်။ နောက်ဆုံးတော့ စင်္ကြံမှာ ခြေသံတွေ တဖြည်းဖြည်း ကြားလာရတယ်။ နှစ်ယောက်သား အမြန်ထွက်လာကြည့်တော့ ဗိုလ်ကြီးတင်းကို တွေ့လို့ ပြုံးပြလိုက်ကြသည်။
ဗိုလ်ကြီးတင်းက တပ်သား နှစ်ဦးနှင့်အတူ လာခဲ့ပြီး သူတို့ကို မေးမြန်းခဲ့သည်။
"မင်းတို့နှစ်ယောက်ပဲ အိမ်မှာ ရှိနေတာလား"
"ကျန်းရီ က ဆေးရုံမှာ ရှိလောက်တယ်။ လီထယ် နဲ့ တခြားလူတွေက အလုပ်ထဲမှာ ရှိပြီး အပြင်ကို မထွက်ကြဘူး။ ကျွန်တော်တို့ မနေ့က နေ့လည်က ပြန်လာပြီးကတည်းက ဘယ်သူ့ကိုမှ မတွေ့ဘူး"
ဗိုလ်ကြီး တင်း က ရှင်းပြသည်။
"ဒါဆို သူတို့ ဘေးကင်းလောက်ပါတယ်။ မနေ့က အလုပ်က မပြန်နိုင်သူတွေအတွက် နားဖို့ နေရာစီစဉ်ပေးကြတယ်။ မင်းတို့ရော အဆင်ပြေရဲ့လား?"
ဒီထပ်မှာ လူများများစားစားမရှိဘူး၊ လော်ရွှင့် နဲ့ ယန်ဖေးတို့ပဲ ဒီအထပ်မှာ ရှိကြတယ်။
"ကိစ္စမရှိပါဘူး။ ကျွန်တော်တို့ မနေ့က ဘာမှမဖြစ်ဘူး"
ယန်ဖေး သည် ဗိုလ်ကြီး တင်း ထံမှ ဘာမှ မကြားရတော့ဘူးလို့ ထင်နေစဉ် ဗိုလ်ကြီးတင်းက ခေါင်းယမ်းကာ စကားစလိုက်သည်။
"အလုပ်တန်းလျားတွေ၊ အပြင်အခြေစိုက်စခန်း ဒါမှမဟုတ် နံရံတွေနားမှာ ဖုတ်ကောင်တွေ မပေါ်လာဘူး၊ မြို့လယ် တစ်နေရာတည်းမှာပဲ မတော်တဆမှု ဖြစ်သွားတယ်။ ဒီတစ်ခါတော့ ထူးထူးခြားခြားလေးဖြစ်တာပဲ။ မင်းတို့လည်း သတိထားကြဦး။ ထူးဆန်းတဲ့အရာတွေဖြစ်လာနိုင်လို့ မျက်စိရှင်ရှင်ထားကြ... "
သူက လေးနက်စွာ စိုက်ကြည့်လိုက်သည်။ သူတို့နှစ်ယောက်က ဒီလိုမျိုး အဖြစ်ပျက်ကို မမျှော်လင့်ထားကြဘူး။ မတော်တဆမှုဟာ မြို့လယ်ခေါင်မှာသာ ဖြစ်ပွားခဲ့တာလား။ ဖုတ်ကောင် ဗိုင်းရပ်စ် ကူးစက်မှုက အတုလား? ဒါပေမယ့် လူက လုပ်တာဆိုရင် ဒီဟာက ကြောက်စရာကောင်းတာတွ ဖြစ်လာလိမ့်မယ်။
သူတို့နှစ်ဦးစလုံးဘေးကင်းတာ အတည်ပြုပြီးမှ ဗိုလ်ကြီးတင်းနဲ့ တပ်သားနှစ်ယောက် ပြန်ထွက်သွားကြတယ်။ သူတို့နှစ်ယောက်က အိမ်မှာပဲ နေပြီး ဖုတ်ကောင်ရန်က ပုန်းနေရတာငြီးငွေ့လွန်းလို့ ရူးချင်စရာပါပဲ။ ကျန်းရီ ပြန်လာတဲ့အခါ ဖုတ်ကောင်တွေက အဲဒီနေရာကို အသက်ရှင်ကျန်ရစ်မှာ မဟုတ်ဘူး။
"မြို့လယ်မှာပဲ ဖုတ်ကောင်တွေ ရှိတော့တယ်"
လော်ရွှင့် သည် မျက်မှောင်ကြုတ်ကာ အရင်ဘဝတုန်းက ဒီလို ဖုတ်ကောင်ဗိုင်းရပ် ပြန့်ပွားမှုတွင် ဖုတ်ကောင်ဗိုင်းရပ်စ်ကို တယောက်ယောက်က စခန်းထဲကို တမင်တကာ ယူဆောင်လာမည်ဟု မထင်ထားမိပေ... အဲ့ဒီလို လုပ်တဲ့လူလည်း မရှိလောက်ဘူးလို့ ထင်တာပဲ။ တကယ်လို့ ဒါက တကယ်ပဲ လူလုပ်တာ ဆိုရင် နောက်တကြိမ်ဆိုတာ အချိန်မရွေး ထပ်ဖြစ်လာနိုင်တယ်။ လော်ရွှင့် သည် ဒီလု လုပ်တဲ့ လူကို တွေ့ရဖို့ အချိန် စောလွန်းနေသည်ဟု ခံစားနေမိသည်။ သူပြန်လည်မွေးဖွား လာပြီးကတည်းက အဖြစ်ပျက်တွေက ပြောင်းလဲကုန်တာလား....
ယန်ဖေးက အတွေးထဲမျောနေတဲ့ သူ့ပခုံးကို နှစ်သိမ့်စွာ ပုတ်လိုက်သည်။
"ပတ်ဝန်းကျင်မှာ ကျိုးကြောင်း မဆီလျော်တဲ့ အရူးတွေက အမြဲရှိနေတယ်။"
ဟုတ်တယ်၊ အရူးတွေဆိုတာ ဘယ်တော့မှ မကုန်သွားဘူး။ လော်ရွှင့် သည် သူတို့ချစ်ရသူ ဖုတ်ကောင်များဖြစ်လာသောကြောင့် လူများကို ရူးသွပ်သွားလောက် သည်အထိ ဖိအားပေးခံရသည့် အခြေနေကို တွေးလိုက်မိသည်။ အထူးသဖြင့် ကိုယ့်အသက်ရှင်ဖို့ ကိုယ့်လူတွေကို ဖုတ်ကောင်အုပ်ထဲ တွန်းပို့ရဲသည့် လူတွေကို တွေးလိုက်မိသည်။ သူတို့ ဘယ်လိုတွေးနေကြသည်ကို လော်ရွှင့်မသိချင်တော့။ ဆက်စဉ်းစားရင် သူပဲ ရူးသွားလိမ့်မယ်။
"ဒါဆို အိမ်မှာ အနားယူပြီး ရေဒီယို နားထောင်ကြတာပေါ့။ အပြင်မှာ အခြေအနေတွေ လုံခြုံနေတဲ့အခါမှ အလုပ်ကို သွားလို့ရတယ်။"
လော်ရွှင့် က လက်ခုပ်တီးပြီး ငုံးပေါက်လေးတွေ ထားသည့် အခန်းထဲ ဝင်သွားတော့ ခွေးကလေးလည်း လိုက်လာပြီး ငုံးပေါက်ထားသည့် မှန်သေတ္တာထက်မှာ သူ့ရဲ့ နှာခေါင်းနက်နက်ကို ကပ်ထားကာ အနီးကပ်ကြည့်နေတယ်။ ခွေးကလေး အသက်ရှု လိုက်တိုင်း ဖန်မျက်နှာပြင်ကို လေပူတွေ မှုတ်ထုတ်လိုက်ရာ ဖန်သားပြင်ပေါ် တွင် ငွေ့ရည်များ ပေါ်လာသည်။ ခွေးကလေးရဲ့ အနက်ရောင်မျက်လုံးများသည် ငုံးငယ်များ ကို အားတက်သရော စိုက်ကြည့်ကာ သူမ၏အမြီးသည် ရံဖန်ရံခါ လှုပ်ယမ်းနေ လေသည်။ သူမသည် တက်လိုက်ဆင်းလိုက် ခုန်ဆင်းကစားနေသည့် ငုံးများ၏ အာရုံကို စွဲဆောင်ရန် စိတ်လှုပ်ရှားစွာဖြင့် သူမ၏အမြီးကို လှုပ်ယမ်းလိုက်လေသည်။
ကံမကောင်းစွာပဲ ငုံးငယ်များသည် ခွေးကလေးရဲ့ လှုပ်ရှားမှုကြောင့် ထိတ်လန့်သွားပြီး တောင့်တင်း ကုန်သည်။ ငုံးကြီးတွေက ခွေးကလေးကို တစ်ချက်တောင် ကြည့်မနေပဲ လုပ်စရာရှိတာ ဆက်လုပ်နေကြသည်။ ငုံးလေးတွေကသာ ရင်ခုန်စရာကောင်းတဲ့ ခွေးလေးကို ကြည့်နေကြတယ်။
*ခွမ်း*
ငုံးပေါက်လေးတွေနားမှာ လှည့်ပတ်နေသော ခွေးကလေး အသံ ကြားလိုက်လို့ လန့်သွားသည်။ ဘေးဘက် အိမ်ခန်းမှာ ဆေးသုတ်ထားတဲ့ နံရံကို စစ်ဆေးနေသည့် လင်လင် စုံတွဲ နှစ်ယောက်လည်း ထိတ်လန့်သွားတယ်။
အပြင်ဘက်ကြည့်ရန် ပြတင်းပေါက်ဆီသို့ သူတို့ အလျင်အမြန်ပြေးလာလိုက်စဉ် အနီးနားရှိ အဆောက်အဦမှ ပြတင်းပေါက်တစ်ခုက ကွဲသွားကာ အထဲကို လူတစ်စု ဝင်သွားတာတွေ့လိုက်ရသည်။
လော်ရွှင့် က -"သူခိုးလား? ဒါမှမဟုတ် သော့ပျောက်သွားတဲ့ အိမ်ရှင်လား။ သူတို့က ကျွန်တော်တို့တိုက်ခန်းကိုလည်း ခုလို လာနှောက်ယှက်မှာလား"
ယန်ဖေး က ရွှင်မြူးစွာ ရယ်မောလိုက်သော်လည်း မျက်လုံးကို မှိတ်ထားလိုက်သည်။
"ပြတင်းပေါက်ကို အရင်ပိတ်ပါ။ ငါ စင်္ကြံတံခါးကို သော့ခတ်ထားလိုက်မယ်။"
"ကောင်းပြီ၊ ကျွန်တေ် သွားလုပ်လိုက်မယ်"
လော်ရွှင့် သည် အနက်ရောင်သံတံခါးဆီသို့ ချက်ချင်းလှည့်ကြည့်လိုက်သည်။
ဒီအချိန်တွင် ရေဒီယိုသည် ဖုတ်ကောင်များကို ကျော်လွှားပြီး တောက်ပသော အနာဂတ်ကို ပို့ဆောင်ပေးမည်ဖြစ်ကြောင်း လူအုပ်အား ကြေညာခဲ့သည်။လူနှစ်ယောက်က ဒူးလေးတစ်လက်ကို ကိုင်ပြီး စင်္ကြံလမ်းအတိုင်း လျှောက်လာကြတယ်။ ယန်ဖေး သည် သံတံခါးကို နောက်တစ်ကြိမ် ထိန်းချုပ်ကာ ပိတ်ပစ်လိုက်သည်။
သံသယဖြစ်ဖွယ်အုပ်စု၏ လှုပ်ရှားမှုများသည် အခြားလူများ၏ အာရုံစိုက်မှု ကိုလည်း ဆွဲဆောင်နိုင်ခဲ့သော်လည်း ကျန်သူများသည် သူတို့၏ တံခါးကို ပိတ်ပစ်လိုက်ပေမယ့် ထိုမကောင်းမှု လုပ်နေသည့် လူစုကို တားရန် ဘယ်သူမှ ထွက်မလာကြပေ။ သူခိုးများသည် အခြားသူ၏အိမ်သို့ ခိုးဝင်ရန် သတ္တိရှိလျှင် သူတို့အိမ်ကို ဖောက်ဝင်လာပါက သူတို့ မိသားစုများက တောင့်ခံမည်မဟုတ်ပေ။
လူတစ်စုက နေအိမ်တစ်လုံးကို ဝင်ရောက် လုယက်ပြီး အခြားအခန်းလွတ်တစ်ခု ကို လုယက်ရှာဖွေခဲ့ရာ ပစ္စည်းများ ခိုးယူသွားသည့် ဖြစ်စဉ်မှာ ထပ်ခါထပ်ခါ ဖြစ်ခဲ့သည်။ အဆောက်အဦအတွင်းမှ လူအချို့သည် ထိုလုပ်ရပ်များကို မထင်မရှား အလင်းရောင်များဖြင့် မြင်လိုက်ရသည်။ ထိုလူများ ထွက်ခွာသွားသည်နှင့် တပြိုင်နက် တူညီသော ဧရိယာ၊ အဆောက်အဦ သို့မဟုတ် တူညီသော အထပ်တွင်ပင် အခန်းလွတ်များကို စစ်ဆေးရန် တံခါးကို တိတ်တဆိတ် ဖွင့်လိုက်ကြသည်။
အခြေစိုက်စခန်း ရဲ့ ရေဒီယိုမှ ပြောကြားချက်အရ အခြေစိုက်စခန်းရှိ ဖုတ်ကောင်များကို ဖယ်ရှားရှင်းလင်းလိုက်ပြီဖြစ်သည်။စခန်းတွင်းရှိ တပ်သားများက ဘယ်ဖုတ်ကာင်မှ မရှိတော့ဘူးဟု ပြောဆိုခဲ့သည်။ အဲဒီဒေသမှာ သူခိုးတွေချည်းပဲ ဆိုတာ လူတိုင်း သိလိုက်ရသည်။ အိမ်နီးနားချင်းတွေ မပြန်ခင်မှာ ပစ္စည်းတွေ လုယူဖို့ မြန်မြန်ဆန်ဆန် လှုပ်ရှားနေသရွေ့တော့ မှန်ကို ရိုက်ခွဲသည့် အုပ်စုကို ခိုးမှုအားလုံး ပုံချနိုင်ခဲ့သည်။
လောဘက လူသားတို့ရဲ့ နှလုံးသားထဲတွင် အမြဲတမ်း ထိန်းချုပ်ထားလို့ မရပေ။ အခု အခြေစိုက်စခန်းမှာ စားစရာရှားပါးလာတဲ့အတွက် ဒီလို အခွင့်အလမ်းကောင်းကို ဘယ်သူမှ လက်လွှတ်မခံချင်ကြပေ။ ပြီးတော့တိုက်ခန်းတံခါးတွေက တွန်းဖွင့်ရတာ လွယ်တယ်။
16 လွှာကတော့ အထပ်မြင့်လွန်းတာကြောင့်လား၊ ဒါမှ မဟုတ် အဲ့ဒီအထပ်မှာ နေထိုင်သူတွေရဲ့ ဂုဏ်သတင်း ပြင်းထန်လွန်းတာကြောင့်လားမသိဘူး။ လော်ရွှင့် နှင့် ယန်ဖေး က စေ့စေ့ကြည့်နေစဉ်တွင် ဘယ်သူမှ အပေါ်ဆုံးအထပ်ကို တက်လာပြီး မခိုးရဲကြပေ။
ကားရပ်သည့် ဧရိယာထဲသို့ ကိုယ်ပိုင်ကားတစ်စီး မောင်းနှင်လာသည်ကို တွေ့လိုက်သည်အထိ လော်ရွှင့်တို့ တိုက်ခန်း လှေကားထစ်ကို မည်သူမျှ မတက်ဝံ့ကြပေ။ ကားက အောက်ထပ်မှာ တိုက်ရိုက်ရပ်ထားတယ်၊ ထွက်လာတဲ့သူတွေကတော့ မနေ့က အခြေစိုက်စခန်းကို အခြေချလာသူတွေဖြစ်သည်။ ဖုတ်ကောင်ဗိုင်းရပ်စ် ကူးစက်ခံရကြောင်း သတင်းရရှိပြီးနောက် သူတို့သည် အပြင်တွင် တစ်ညတာ ခေတ္တနေထိုင်ခဲ့ရသည်။ ဖုတ်ကောင်တွေကြောင့် အလုပ်ခွင်မှာ ပိတ်မိပြီး အဲ့ဒီမှာနေခဲ့ကြသူတွေလည်း အခုမှ သူတို့ အိမ်ကို ပြန်လာကြရတယ်။
*********-***********
YOU ARE READING
ပြန်လည်မွေးဖွားလာသော Otaku လေး၏ ရှင်သန်ရေး နည်းလမ်းများ (MM Translation)
Horrorပြန်လည်မွေးဖွားလာသော (Otaku) အိမ်တွင်းပုန်း တစ်ယောက်၏ ကမ္ဘာပျက်ကပ်အတွင်း အသက်ရှင်သန်ရေး နည်းလမ်းများ ျပန္လည္ေမြးဖြားလာေသာ (Otaku) အိမ္တြင္းပုန္း တစ္ေယာက္၏ ကမာၻပ်က္ကပ္အတြင္း အသက္႐ြင္သန္ေရး နည္းလမ္းမ်ား Genre - Rebirth, Apocalypse, Yaoi, Otaku, Zombies
