ပြန်လည်မွေးဖွားလာသော Otaku လေး၏ ရှင်သန်ရေး နည်းလမ်းများ (MM Translation)

Chapter (160) _ ကလေးမွေးခြင်း

Chapter (160) _ ကလေးမွေးခြင်း

လော်ရွှင့်၊ယန်ဖေး နှင့် ကျန်းရီ တို့နှင့်အတူ ကျန်အဖွဲ့သားများသည် တစ်နေ့တာလုံး အလုပ်များနေသည်။ အားလုံးက စိုက်ခင်းထဲက ထွက်လာပြီး ချွေးတွေကို ဆေးဖို့ အိမ်ပြန်ခဲ့ကြသည်။

လီထယ် နဲ့ တခြားသူတွေ ခဏလေး အလုပ်ရှုပ်နေပေမယ့် လော်ရွှင့် အလုပ်ပြီးသွားတော့ သူတို့ကို ဘယ်မှာမှ ရှာမတွေ့ခဲ့ဘူး။ သူတို့က ဖိုင်အမျိုးအစားအားလုံးကို ဖိုင်တွဲများအတွင်း တော်ရိလျော်ရိ ထည့်လိုက်တာ  လုပ်နိုင်သော်လည်း အဲ့လိုလုပ်ရင် ကိုယ်လိုချင်တဲ့ သီးခြားအချက်များကို ရှာဖွေချင်သည့်အခါ အဆင်မပြေနိုင်ပေ။ ဒါကြောင့် ဒေတာတွေကို ခွဲခြားသတ်မှတ်ပြီး အမျိုးအစားငါးခု ခွဲထားဖို့  ဆုံးဖြတ်ခဲ့ကြသည်။ ဒီနည်းဖြင့် သူတို့၏ အလုပ်တာဝန်များ တိုးလာကာ ကောင်းမွန်သည့် ရလဒ်ရရှိရန် သုံးရက်မှ ငါးရက်အထိ ကြာလိမ့်မည်ဖြစ်သည်။

လော်ရွှင့်တို့ လင်မယားနှစ်ယောက် အိမ်ပြန်ပြီး ရေချိုးခန်းဆီသို့ တန်းတန်းမတ်မတ် သွားလိုက်ကြသည်။ သူတို့ အမြန်ရေချိုးလိုက်ကြပြီးနောက် လူတိုင်းရောက်လာတာကို တွေ့လိုက်ရတဲ့ ဆုံတွေ့မှုတစ်ခုအဖြစ် ပြောင်းလဲသွားသည်။  

ရေချိုးပြီးနောက် လော်ရွှင့် သည် ဆိုဖာပေါ်သို့ လဲလျောင်းကာအနားယူပြီးနောက် ကုန်သွားသည့်  ခွန်အား ပြန်လည်ရရှိလာသည်။ ခွေးမလေးသည် လသာဆောင်ရှိ ငုံးလှောင်အိမ် ပတ်ပတ်လည်တွင် ပြေးရင်း သွားရည်ယိုနေသည်။ လော်ရွှင့် ထွက်လာတာကိုမြင်တော့ သူမ စိတ်လှုပ်ရှားစွာ ပြေးလွှားရင်း လော်ရွှင့် ရဲ့ဗိုက်ပေါ်ကို ခုန်တက်ခဲ့သည်။

ယန်ဖေး သည် ရေချိုးခန်းထဲမှ    ကျေနပ်တဲ့ အငွေ့အသက်နဲ့ ထွက်လာသည်။ ယန်ဖေးက ဆိုဖာပေါ်သို့ တိုးကပ်ထိုင်ကာ ခွေးကို ဖက်ထားသည့်   လော်ရွှင့် ကို နမ်းလိုက်သည်။ လော်ရွှင့် က သူ့နှုတ်ခမ်းကိုဆူပြီး   "ညစာ ချက်ဖို့ ငါ့မှာ ခွန်အားမရှိတော့ဘူး" လို့ပြောလိုက်သည်။

နှစ်ယောက်သား နေ့လည်ခင်းမှာ လယ်လုပ်သလို ရေချိုးခန်းထဲမှာ စုံတွဲအလုပ်ကို လုပ်ပြီးနောက် လော်ရွှင့် မှာ ခွန်အား လုံးဝ မကျန်တော့တာ အံ့သြစရာမဟုတ်ပေဘူး။

"ဆန်ပြုတ်ချက်လိုက်မယ်?" ယန်ဖေး က လော်ရွှင့် ကို အကြံပြုလိုက်သည်။

"ကောင်းပြီ ဟော့ပေါ့ ဟင်းကျန်တွေ ကျန်သေးတယ်... ခင်ဗျား ဆန်ပြုတ်ချက်လို့ရတယ်။" နှစ်သစ်မှာ စားကြွင်းစားကျန်တွေကို လူတိုင်းကို ဝေငှပြီးပြီ။

လော်ရွှင့် ဟာ မနေ့က မစားရသေးတာမို့ ဒီနေ့ ဗိုက်ပြည့်အောင် စားသုံးနိုင်သည်။

"ငါသွားလိုက်မယ်။" ယန်ဖေး မစခင်မှာ သူတို့ရဲ့ လက်ကိုင်ဖုန်း တစ်လုံးက အသံထွက်လာတယ်။

ယန်ဖေး ဖုန်းကိုယူသွားစဉ်တွင် အားကိုးရာမဲ့နေသော နှစ်ယောက်သား အကြည့်များ မျှဝေခဲ့ကြသည်။ ဒါဟာ သူ့ဖုန်းမြည်သံပဲမို့ သူ ဖုန်းကို လှမ်းကိုင်သင့်တယ်။

ယန်ဖေး သည် ဖုန်းစခရင်ကို ကြည့်လိုက်သောအခါ နံပါတ်က သူ့ကို တတိယအကြိမ် ခေါ်သည်ကို တွေ့လိုက်ရသည်။ လော်ရွှင့် သည် ခွေးလေး၏ ကျောပြင်ကို နှိပ်ပေးရင်း ကြည့်လိုက်သည်။

"အမည်မသိ ဖုန်းနံပါတ် ဖြစ်ပေမယ့် ဒါက  တတိယမြောက်ခေါ်တာဖြစ်တယ်"

လော်ရွှင့် အံ့သြတကြီး မျက်ခုံးပင့်လိုက်သည်။ "ကိုင်လိုက်လေ"

ယန်ဖေး က နှုတ်ဆိတ်နေပြီး နှစ်ယောက်သား အကြည့်ချင်းဖလှယ်ပြီးနောက် ယန်ဖေး ဖုန်းကို ကောက်ကိုင်လိုက်သည် ။

နာရီဝက်အကြာတွင် မောပန်းနွမ်းနယ်နေသော လော်ရွှင့် သည် မှောင်မဲပြီး လွတ်နေသောလမ်းတစ်လျှောက် ယန်ဖေးနောက်သို့ လိုက်သွားခဲ့သည်။

ကမ္ဘာပျက်ပြီးနောက် အခြေစိုက်စခန်းမှ လမ်းများထက်တွင်  ဖုတ်ကောင်ကြွက်များ ပုန်းနေဆဲဖြစ်လို့ လော်ရွှင့်လို့လို   အရေးတကြီးကိစ္စမရှိရင် ဘယ်သူမှ မပြင်မထွက်ရဲကြပေ။

"အိမ်မှာတော်သေးတယ်။ အခုအပြင်မှာ အရမ်းအေးနေပြီ"
 ယန်ဖေး သည် နက်မှောင်သောအမူအရာရှိပြီး လော်ရွှင့် ၏ပတ်ပတ်လည်တွင် စောင်ဖြင့် ပတ်ထားပေးပေမယ့် အခုထိ အေးနေသေးတယ်။

လော်ရွှင့် က စိတ်ထဲ မထားပေ။
 "အခု ခင်ဗျားနဲ့ အတူရှိနေလို့ အေးလည်း ဘာဖြစ်လဲ။ ခင်ဗျား ထွက်သွားရင် ဘယ်အချိန် ပြန်လာမယ်မှန်း မသိပဲ အိမ်မှာ တစ်ယောက်တည်း မစောင့်ချင်ဘူး  "

ယန်ဖေး သည် တိတ်ဆိတ်နေပြီး လော်ရွှင့် ၏ ပခုံးကို ပွေ့ဖက်ကာ ရှေ့သို့ ဆက်သွားခဲ့သည်။

လော်ရွှင့် က သူ့လက်မောင်းကို ပုတ်ပြီး စိတ်မပူရန် အချက်ပြလိုက်သည်။
"ဒီလိုကိစ္စတွေအတွက်   ဒေါသထွက်တာ အသုံးမဝင်ဘူး..."

သူတို့နှစ်ယောက်သည် အတွင်းဘက်မှ လူနေတိုက်ခန်းမှားဘက်  ရောက်ရှိသွားသည်။ တတိယထပ်သို့ ရောက်သွားသော်လည်း အဆောက်အဦအတွင်းမှ ရုန်းရင်းဆန်ခတ်သံကို ကြားလိုက်ရသည်။

အသက် ၄၀ အရွယ် လူလတ်ပိုင်းတစ်ဦးက တံခါးကို ဖွင့်လိုက်စဉ် သူတို့ နှစ်ယောက်ကို မြင်လိုက်ရတော့ အံ့ဩသွားပြီး ပတ်ဝန်းကျင်ကို မသေချာမရေရာ လှမ်းကြည့်မိသည်။ "မင်းက...?"

"ကျွန်တော်က ယန်ဖေး ပါ" သူ့အသံက အေးစက်နေပြီး စိတ်မရှည်မှု ဖုံးကွယ်ထားသလို ဖြစ်နေသည်။

တစ်ဖက်လူက "အိုး၊ လာပါ... အထဲက၊ နည်းနည်းရှုပ်တယ်..."

သူက စကားမပြောမီ မနာလိုစွာ ငုံ့ကြည့်ရင်း တစ်ဖက်သားက တင်းမာသောအမူအရာ ရှိနေသည်ကို သတိထားလိုက်မိသည်။

နည်းနည်းရှုပ်နေတာလား?ဒါက လူနေ ရပ်ကွက်အသစ်ဖြစ်မှန်း သိသပေမယ့် ဒီဧရိယာကို သန့်ရှင်းရေးမလုပ်ထားလို့ နေရာတိုင်းတွင် နှင်းများနှင့် အမှိုက်များ ရှိနေပြီး အခန်းထဲတွင် အပျက်အစီးများ၊ ပရိဘောဂမျိုးစုံနှင့် ပြည့်နေသည်။

ဟိုဟိုဒီဒီကြည့်ရင်း အိပ်ခန်းထဲမှာ ဒေါသူပုန်ထနေတဲ့ လူနှစ်ယောက် အော်ဟစ်သံကို ကြားလိုက်ရတယ်။
"ငါအသက်မရှင်နိုင်တော့ဘူး...ငါသေတော့မယ်။ မင်းအပြစ်ကြောင့်  အခု ငါ ဒီလို ဖြစ်နေရတယ်!"

ဒေါသဖြင့်အော်သော အသံနောက် နောက်ထပ် အသံတစ်ခု ထွက်လာတယ်။

"မစ္စ လျှို လက်ရှိပတ်ဝန်းကျင်မှာ ခွဲမွေးဖို့ ခွင့်မပြုထားဘူး၊ ကလေးအတွက် ကျေးဇူးပြုပြီး ခင်
ဗျားရဲ့ ကိုယ်ပိုင်အားနဲ့ မွေးဖို့ လုပ်ပါ  "

"လူဆိုး!   ဘာအသုံးအဆောင်တွေမှ မရှိပဲနဲ့ ငါ က ဘယ်လိုလုပ်ပြီး ကလေးမွေးနိုင်မှာလဲ"

ဧည့်ခန်းထဲက လူသုံးယောက် တိတ်ဆိတ်နေပြီး လော်ရွှင့် က ယန်ဖေး ကို မျက်တောင်ခတ်ကာ အချက်ပြလိုက်သည်။

 "သူမရဲ့ ဒေါသက ပြင်းထန်နေတော့  ကလေးရဲ့ အသက်အန္တရာယ် မစိုးရိမ်ရဘူးလား"

ယန်ဖေး က သူ့ကို ကြည့်ပြီး နှစ်သိမ့်ပေးသင့်လိုက်ချင်ပေမယ့် အထဲက မိန်းမရဲ့ အော်သံကိုကြားတော့ စကားပြတ်သွားသည်။ ထိုမိန်းမ ဒီလောက် အသံကျယ်ကျယ် အော်နိုင်ပုံထောက်ရင် အသက် အန္တရာယ်ရှိပုံမပေါ်ဘူး။

ဘာပဲဖြစ်ဖြစ် ဒါက ကလေးမမွေးသေးချင် အခြေနေဖြစ်သည်။ ယန်ဖေးက   ရံဖန်ရံခါ မျက်နှာအမူအရာ ပြောင်းသွားသော လူကို လှည့်ကြည့်လိုက်သည်။ သူတို့လင်မယားနှစ်ယောက်ဟာ စစ်ယူနီဖောင်း ဝတ်ထားသောလူက   ယန်ဖေး ရဲ့မိခင်နဲ့အတူ လိုက်ပါလာတဲ့ လူဖြစ်ကြောင်း သတိရသွားသည်။  ကမ္ဘာပျက်ကပ်၏ဖိအားကြောင့် ထိုလူက အိုစာသွားပုံရသည်။

"သူမ အစောကြီးမွေးနေပြီလို့ ဖုန်းထဲက ပြောခဲ့တယ် မဟုတ်လား။ အခု ဘာဖြစ်နေတာလဲ"

ထိုလူ၏အမူအရာသည် ရှုံ့မဲ့သွားပြီး အသက်မရှုမီ အံကို ကြိတ်ထားသည်။
"ဒီနေ့ ငါ အမှိုက်ကောက်ဖို့ ထွက်သွားတယ်၊ ငါပြန်လာတော့ အိမ်နီးနားချင်းရဲ့ တံခါးဘေးမှာ သွေးတွေအိုင်ထွန်းနေပြီး လဲကျနေခဲ့တယ်..."

"အိမ်နီးနားချင်း တံခါးမှာ သူမက ဘာကြောင့် လဲနေတာလဲ"
ယန်ဖေး မျက်မှောင်ကြုတ်ကာ မေးလိုက်သည်။ မွေးခါနီးအမျိုးသမီးက ဘေးအိမ်တံခါးကို ဘာကြောင့် ရောက်သွားတာလဲ။

"အိမ်နီးနားချင်းတွေက သူမက အိမ်ရှင်မရှိပဲ အိမ်ကလွတ်နေတာကို အခွင့်ကောင်းယူပြီး ခိုးချင်လို့ တံခါးကို ဖောက်ထွင်းပြီး တွန်းထုတ်လိုက်တာကို တွေ့ခဲ့ရတယ်လို့ ပြောခဲ့တယ်။"
 ထိုလူသည် ရုပ်တည်ကြီးဖြင့် ပွင့်ပွင့်လင်းလင်း ထုတ်ဖော်ပြောပြခဲ့သည်။

ယန်ဖေး က နှာခေါင်းရှုံ့လိုက်သည်။ အမှန်တရားကို မသိသောကြောင့် ထိုလူကိုသာ မေးနိုင်သည်။

ထိုလူ၏ မျက်လုံးများတွင် စာနာစိတ်များ မြင်နေရသည်။
 "ဖုတ်ကောင်ငှက်တွေ လာတိုက်တဲ့အချိန်ကစပြီး၊ သူမဟာ နေ့တိုင်း ရိက္ခာတွေရှာဖို့ ငါ့ကို တွန်းအား ပေးနေခဲ့တယ်... ဒါက ငါတို့အိမ်အသစ်ပါ၊ အရင်က ဒီလောက်စုတ်ပြတ်သတ်မသွားဘူး။  အိမ်အတော်များများက အခန်းကောင်းပေမယ့် ဘာမှမရှိပဲ  လွတ်နေတယ်။ အထဲမှာ ပစ္စည်းတွေ ယူလာတဲ့လူတွေကို သူမ မြင်ခဲ့လောက်တယ်..."

ဒါကြောင့် သူမက အခြားလူရဲ့ အိမ်ခန်းကို  ဖောက်ထွင်းဝင်ရောက်ဖို့ ကြိုးစားခဲ့တာ ဖြစ်နိုင်တယ်။

လျှိုရှင်းယွီက လောလောဆယ် လမစေ့ပဲ ကလေးမွေးတော့မည်ဖြစ်လို့ သူများအိမ်ကို ဘယ်လိုလုပ်ပြီး ဖောက်ဝင်ဖို့ အားရှိမှာလဲ။

"ကျွန်တော် ပြန်လာတုန်းက..." အဲဒီလူက မဝံ့မရဲနဲ့ ဆက်ပြီး ပြောပြခဲ့သည်။

"မင်းအဖေကို သူမက ခဏခဏ ဖုန်းခေါ်ါ်ပြီးနောက် မင်းအဖေက မင်းရဲ့ နံပါတ်ကို ပေးလိုက်တယ်။ ဒီက ဆရာဝန်တွေနဲ့ သူနာပြုတွေက မင်းအမေနဲ့ အဆက်အသွယ် အသေးစိတ်ကို ချန်ထားခဲ့တယ်၊ ဒါကြောင့် ငါ ဖုန်းဆက်လိုက်ရတာ ဖြစ်တယ်။"

ယန်ကော်ရှင်း သည် လက်ရှိကြုံတွေ့နေရသော အခက်အခဲများရှိနေပြီး  အကယ်၍ သူမ ကလေးစောမွေးဖွားခဲ့မည်ဆိုပါက သူနှင့်ဆက်ဆံရန် အနည်းငယ်အခက်အခဲရှိမည်ဖြစ်သည်။ လျှိုရှင်းယွီ သည် အန္တရာယ်ရှိသော အခြေအနေတွင် ရှိနေကြောင်း သူ ကြားသိရသောအခါတွင် သူက ယန်ဖေး ၏ နံပါတ်ကို လွှဲပြောင်းပေးခဲ့သည်- သူက မိသားစုခံစားချက်များ မရှိခဲ့သော်ငြား သူမရဲ့ မိသားစုမှ အရင်းအနှီးများ ရရှိခဲ့လို့ လျစ်လျူရှုခဲ့လျှင်  အသက် 2 နှစ်ဆုံးရှုံးနိုင်သည်။

ယန်ဖေး က ဘာမှပြန်မပြောဘူး။ အကယ်၍ သူသာ မစ္စစ်လျိူ၏ ပင်ကိုယ်စရိုက်ကို အမှန်တကယ် အမွေဆက်ခံခဲ့မည်ဆိုလျှင် ယနေတွင်  တစ်စုံတစ်ယောက်သေဆုံးသွားလည်း သူ အံ့သြမည် မဟုတ်ပေ။

ဒါပေမယ့် ယန်ဖေး နဲ့ လော်ရွှင့် တို့ဟာ အရွယ်ရောက်ပြီးသား သူတွေဖြစ်ရင်တောင် သူတို့ ဘာလုပ်နိုင် မှာလဲ။ လျှိုရှင်းယွီ သည် ကလေးမွေးရန် ရုန်းကန်နေရသော်လည်း ယန်ဖေး သည် သူမကို မမြင်ချင် သော်လည်း သူမ ကလေးမွေးပြီးသည်အထိ စောင့်နေမည်ဖြစ်သည်။

ကလေးမွေးတာက တစ်ညလုံး ကြာတယ်။ ဒါဟာ မတော်တဆဖြင့်  လမစေ့ပဲ   မွေးဖွားခြင်း ဖြစ်ပေမယ့် မိခင်ဟာ အရေးကြီးတဲ့ အခိုက်အတန့်အတွက် သူမရဲ့ ခွန်အားဖြင့် ကျော်ဖြတ်နိုင်ပုံရသည်။  သူမ မအော်နိုင်တော့ပြီ။

လျှို့ရှင်းယွီ နှင့် အတူနေထိုင်သော အမျိုးသားသည် မည်းမှောင်သောအမူအရာဖြင့် အိမ်တဝိုက်တွင် ပတ်ပတ်လည် လမ်းလျှောက်ပြီး ယန်ဖေးကို ဒေါသတကြီးမေးခဲ့သည်။
"သူမ မင်းကို ဘယ်လိုမွေးခဲ့တာလဲ?"

ယန်ဖေး က မျက်ခုံးပင့်ကာ "ခင်ဗျား သူ့ကို သိတာ ဘယ်လောက်ကြာပြီလဲ၊ ကျွန်တော့်ကို မွေးလာဖို့ ရွေးတဲ့သူက ကျွန်တော်လို့ ခင်ဗျား ထင်နေတာလား"

ထိုလူက ရင်တွေတဆတ်ဆတ်တုန်ကာ သူ့ရှေ့ကလူက သိပ်မငယ်တော့သည်ကို သူ မေ့လုနီးပါးပင်။ သူသည် သူ့သားမဟုတ်၊ သက်တူရွယ်တူမဟုတ်ပေ၊ သူ့မွေးစအခြေနေ  အသေးစိတ်အချက်အလက်များကို သူ မည်သို့သိနိုင်မည်နည်း။

"ညစ်..ညစ်ပါ..  မရပ်ပါနဲ့ ။ မဟုတ်ရင် သားအမိနှစ်ယောက် မတော်တဆ သေသွား လိမ့်မယ်...မင်း ညစ်မှ ကလေးက ထွက်လာတာ"လို့ ဆရာဝန် ပြောလိုက်သည့် အသံကို ကြားတဲ့အချိန်မှာ အပြင်က ယောကျာ်းသားတွေက ရှက်သွားခဲ့သည်။
 

*********-***********