Chapter (140) _ နှင်းပိသဖြင့် မြေသားအိမ်ပြိုခြင်း
လီထယ် နှင့် အခြားကျောင်းသားများသည် သက်ပြင်းချကာ အိမ်ပြန်ခဲ့ကြသည်။ အေးအေးဆေးဆေး သိမ်းဆည်း ထုပ်ပိုးပြီး ရေချိုးကာ အိပ်ယာဝင်ကြသည်။
15 လွှာတွင် ရှောင်ရန် တစ်ယောက် ပင်ပန်းနေမှန်း ရွှီမိန် သိလိုက်သည်။ ကောင်မလေးနှစ်ယောက် ရေမချိုးခင် ကလေးမလေးကို အိပ်ယာထဲ သိပ်လိုက်သည်။
16 ထပ်တွင် ကျန်းရီ သည် ဝမ်သော် ကို ဖက်ကာ လွမ်းသည့် စိတ်ကို မထိန်းနိုင်ဘဲ သူ့ကို ပြင်းပြင်းထန်ထန် နမ်းပြန်သည်။ နှစ်ယောက်သား အဝတ်အစားတွေ ပြန့်ကျဲလျက် အိပ်ခန်းထဲကို နမ်းလျက် ရောက်သွားတယ်။
ကျန်းရီ သည် ကုတင်ပေါ်တွင် လဲလျောင်းနေပြီး ဝမ်သော် သည် သူ့အပေါ်က အုပ်မိုးကာ လက်နှစ်ဖက်ကို ခေါင်းပေါ် စုတင်ထားလျက် ပြောလိုက်သည်။
"ဆောင်းတွင်းမှာ... ကျွန်တော်တို့ အပြင် ထပ်မသွားတော့ဘူးမလား"
ကျန်းရီ က နှုတ်ခမ်းကို ကိုက်လိုက်ပြီး ခေါင်းမညိတ်ခင် ခဏလောက် ကြည့်လိုက်တယ်။ ဝမ်သော် သည် သက်ပြင်းချလိုက်ပြီး ချစ်သူ၏လည်ပင်းကို ငုံ့ကာ နမ်းလိုက်သည်။
အခန်း 1604 တွင် ဇနီးမောင်နှံနှစ်ဦးသည် အိမ်နီးချင်းများကဲ့သို့ ရူးသွပ်ခြင်းမရှိခဲ့ကြ နှစ်ယောက်လုံး ပင်ပန်းနွမ်းနယ်ကာ ညဘက် ချစ်ရေးချစ်ရာ လှုပ်ရှားမှုများအတွက် ကြိုတင်ပြင်ဆင်မှု မပြုခဲ့ကြပေ။ ရေပူကောင်းကောင်းနဲ့ ရေချိုးနေတုန်း အေးခဲလုနီးပါးဖြစ်နေတဲ့ သူတို့ရဲ့ ခန္ဓာကိုယ်တွေကို သက်သာစေလိုက်သည်။
လော်ရွှင့် သည် ယန်ဖေး ၏ ပခုံးပေါ် ခေါင်းတင်လိုက်သည်။ "ခဏလောက် စခန်း အပြင်မထွက်ပဲ နေရအာင်..."
"ဟုတ်တယ်၊ ဆောင်းက အရမ်းအန္တရာယ်များတယ်။ ဒီလောက်ကြီးမားတဲ့ နှင်းမုန်တိုင်းကြီးကျနေတဲ့အချိန် ဆောင်းရာသီမှာ အပြင်ထွက်ဖို့မပြောနဲ့ တံခါးအပြင်ကိုတောင် ထွက်ရမှာကို ကြောက်တယ်"
ယန်ဖေး အနည်းငယ် စိတ်ရှုပ်ကာ ပြောခဲ့သည်။
အကယ်၍ လော်ရွှင့် သည် သံလိုက်အိမ်မြှောင်ကို ယူဆောင်လာခြင်းမရှိပါက၊ သူတို့တွင် မီးစွမ်းအားရှင် သို့မဟုတ် သူ၏ကိုယ်ပိုင်စွမ်းရည်မရှိပါက၊ သူတို့က ယနေ့အချိန်အထိ အသက်နဲ့ကိုယ်တွဲလျက် စခန်းကို ပြန်မရနိုင်တော့မည်ကို စိုးရိမ်နေမိသည်။
"နောက်ထပ် အပြင်မထွက်ပါနဲ့...ဒါက ကျွန်တော့်အမှားပါ၊ ဆောင်းရာသီမှာ အပြင်မှာ ဘယ်လောက် ကြောက်စရာကောင်းတယ်ဆိုတာ မေ့သွားခဲ့မိတယ်..."
လော်ရွှင့် လည်း အလွန်ကြောက်သွားပြီး နှင်းမုန်တိုင်းများ ပြီးဆုံးပြီးနောက်တွင် သူက နှင်းမုန်တိုင်းများ အကြောင်းကို သိသွားခဲ့သည်။
ဒါပေမယ့် အရင်ဘဝတုန်းက ဆောင်းရာသီမှာ များသောအားဖြင့် သူ့မြေအောက်ခန်းမှာပဲ နေလေ့ရှိသည်။ ဒါကြောင့် နှင်းမုန်တိုင်း၏အန္တရာယ်၊ ကြောက်မက်ဖွယ်ကောင်းပုံကို သူ သေချာမသိခဲ့ပေ။
"ဆောင်းရာသီမတိုင်ခင် ကျွန်တော်တို့ တတ်နိုင်သမျှ အမြူတေ နဲ့ ပစ္စည်းတွေကို အဆင်သင့်ပြင်ဆင်ထားဖို့ လိုအပ်တယ်။ ဒါမှ ဆောင်းတွင်းမှာ အိမ်မှာနေနိုင်လိမ့်မယ် !"
ယန်ဖေး က သူ့ကို နှစ်သိမ့်ပြုံးပြလိုက်သည်။
"ဒါက ပထမဆုံးအကြိမ်မို့ပါ၊ ကိုယ်တို့က ဆောင်းရာသီကို ဘယ်လိုဖြတ်သန်းရမလဲဆိုတဲ့ အတွေ့အကြုံ မရှိခဲ့ဘူး။ နောက်ဆောင်တွေဆိုရင် ကိုယ် ကရုတစိုက် ပြင်ဆင်နိုင်ပါပြီ။ ဘာပဲဖြစ်ဖြစ် ပြီးခဲ့တဲ့ လအနည်းငယ်က ရာသီဥတုက အရမ်းဆိုးနေတယ်လေ။"
နိုဝင်ဘာလတွင် ချောချောမွေ့မွေ့ အပြင် ထွက်သွားနိုင်သည် - ဟုတ်တာပေါ့...နှင်းတွေ ထူထပ်နေပေမယ့် ဒီလောက်တော့ မပြင်းထန်ဘူး။ ဒီဇင်ဘာမှာ ရာသီဥတု ဘယ်လိုဖြစ်မလဲဆိုတာ သူတို့ တွေးကြည့်လို့ လုံးဝ မရခဲ့ဘူး။
လော်ရွှင့် သည် ဆောင်းရာသီကို ဖြတ်သန်းပုံ၊ အစားအစာပြင်ဆင်ခြင်းနှင့် အိမ်တွင် ကောက်ပဲ သီးနှံစိုက်ပျိုးနည်း အတွေ့အကြုံများစွာရှိခဲ့သည်။ အမြူတေ စုဆောင်းရာတွင် အတွေ့အကြုံ မရှိခဲ့ပေမယ့် အခုအချိန်မှာတော့ သူတို့ဟာ ဆောင်းရာသီအတွက် ကြိုတင်ပြင်ဆင်ထားရမှာ သဘာဝပါပဲ။
နှင်းမှုန်တိုင်းတိုက်နေတာ သုံးရက်ပြည့်ပြီ။ အရင်လက နှင်းတွေက တစ်မီတာထက် ပိုကျနေတယ်ဆိုရင် အခုတော့ နှင်းတွေကျပြီး တခါတရံ ဒုတိယထပ်ကို ပျံ့သွားတယ်။
ထိုရက်တွေမှာ ယန်ဖေးက ညဘက်တွင် ခေါင်မိုးပေါ်ရှိ သတ္တု ဆန်ခါကွက်များကို လှုပ်ခါစေသောကြောင့် အနီးနားရှိ အဆောက်အအုံများနှင့် နှိုင်းယှဉ်လျှင် နှင်းထူထပ်မှု သိပ်မရှိပေ။
နှင်းထူထပ်မှုကြောင့် လှုပ်ရှားမှုအားလုံးနီးပါး အလုပ်ကိုင် ရပ်တန့်သွားသည်။ လီထယ် နဲ့ တခြားသူတွေ အပြင်မထွက်တာ သုံးရက်ရှိပြီ။ အချက်ပြ တာဝါတိုင်တွင် တစ်စုံတစ်ရာ မှားယွင်းနေမည်ကို လူအများက စိုးရိမ်နေကြသည်။ ဖုန်းခေါ်ဆိုမှုများ၊ မက်ဆေ့ချ်များ ပေးပို့၍မရတော့ပေ... ရိုးရိုးရှင်းရှင်းပြောရလျှင် ဆက်သွယ်မှု ကွန်ရက်ပြတ်တောက်သွားပြီ။
သူတို့ ပြန်ရောက်တဲ့နေ့မှာ အထက်လူကြီးက အလုပ်ပိတ်တယ် လို့ပြောတယ်။ နောက်တော့ ထုံးစံအတိုင်း အိမ်ပြန်လာကြတယ်။
"ဒီနေ့ လှီးထားတဲ့ သိုးသားကို စားကြမယ်!" အပြင်မှာ နှင်းတွေကျနေတော့ အသားနည်းနည်းမစားလို့ မရဘူး။
သူတို့ပြန်လာတဲ့အခါ ပြတင်းပေါက်အပြင်ဘက်မှာ သိုးသားကို အေးခဲထားကြတယ်။ အတုံးကြီးတစ်တုံးကို ဓားဖြင့် ပါးပါးလှီးထားသည်။ မနေ့က ဘယ်သူက မစားခဲ့ရတဲ့အတွက် သူတို့ရဲ့ ဖြည့်စွက်စာကိုသာ စားခဲ့ရသည်။
"ကောင်းပြီ! အသီးအရွက်တွေ သွားကောက်ရအောင်၊ မင်း အသားဖြတ်ဖို့တာဝန်ရှိတယ်"
ရွှီမိန် သည် စုန့်လင်းလင်း နှင့် ရှောင်ရန် တို့ကို အတူတူ အသီးအရွက်ကောက်ရန် ဆွဲခေါ်သွားခဲ့သည်။
နှင်းမုန်တိုင်းက အရမ်းပြင်းထန်တယ်၊ အသီးအရွက်ရောင်းချင်ပေမယ့် တံခါးအပြင်ကို မထွက်နိုင်ဘူး။ ဒါဆို အိမ်မှာပဲ စားလိုက်ကြတာပေ့ါ။ အိမ်မှာ အသီးရွက် အချဉ်သိပ်ကြမယ်။ ဒါက လူတိုင်းစားချင်ကြတဲ့ အစာတွေ ဖြစ်နေတုန်းပါပဲ။
လူစုံတွဲ တစ်တွဲသည် သိုးခြေထောက်အသားတစ်ပိုင်းကို အပူပေးပြီး ဓားဖြင့် ဖြည်းညှင်းစွာ လှီးဖြတ်လိုက်သည် - ခံတွင်းတွေ့ချင်စရာကောင်းလောက်အောင် မြန်မြန်ဆန်ဆန် ကင်ကာ စားချင်နေပြီ။
လော်ရွှင့် သည် အိမ်တွင် နှမ်းအားလုံးကို ကောက်ယူခဲ့သည်။ ဒီဆောင်းဦးရာသီမှာ ငံပြာရည်အပြင် ဆီပုလင်းအနည်းငယ်ကိုလည်း ရခဲ့ပါတယ်။ မျိုးစေ့ကြဲရန် အစေ့အဆံများချန်ထားကာ ကြိတ်လို့ရတဲ့ဆီက လူတိုင်းစားရန် လုံလောက်သည်မဟုတ်ပေ။ ချဉ်ပေါင်းအိုးများကြားတွင် ကြက်သွန်မြိတ် ၊ ပန်းဂေါ်ဖီချဉ်များ ပါရှိသည်။ လော်ရွှင့် သည် ခေတ်ပျက်ကြီးထဲတွင် အရာအားလုံး ကမောက်ကမ မဖြစ်မီ ရိက္ခာများကို စုဆောင်းထားခဲ့သည်။
အဖွဲ့သည် ယနေ့ နေ့လည်စာ ပြင်ဆင်ရန် အတူတကွ လုပ်ဆောင်ခဲ့သည်။ စားပွဲပေါ်ရှိ ဟော့ပေါ့ သုံးလုံးကို ယန်ဖေးက ပြုလုပ်ပေးကာ မီးသွေးဖြင့် မီးမွေးကာ အပူပေးထားလိုက်သည်။ သူတို့က အစားအစာချက်ပြုတ်ရန် အခြားတစ်ခုခုကို အသုံးပြုလေ့ရှိသော်လည်း ရှားပါးသော သိုး အသားများကို စားရတာက ဇိမ်ခံမှု တစ်ခုဖြစ်သည်။
ဒီတစ်ခါ သိုးသားအပြင် စားပွဲပေါ်မှာ အသီးအရွက်မျိုးစုံရှိတယ်။ အစိမ်းရင့်ရောင် ဟင်းသီးဟင်းရွက်များက ပဲပင်ပေါက်၊ အာလူး၊ ဆောင်းဖရဲသီး ၊ ရွှေဖရုံသီးနှင့် ကန်စွန်းဥများအထိပင်။ လူနှစ်ယောက်လည်း သိုးဗိုက်သားကို ပြင်ဆင်ထားကာ စားပွဲပေါ်တွင် လင်ပန်းတစ်ချပ်ထဲ ခင်းကျင်းထားသည်။
"မင်း ဌက်တစ်ကောင်ရချင်လို့လား" ဟော်ချန်ခွန်း ရုတ်တရက် အကြံပြုလိုက်သည်။
" အရသာထည့်မလား" လူတိုင်းစိတ်ဝင်စားခဲ့တယ်။
ဆိတ်သား အတုံးများကို ကြေးအိုးပူပူတွင် ပွက်ပွက်ဆူနေသောရေထဲသို့ နှစ်စိမ်ထားလိုက်ရင် အရည်သည် စွဲမက်ဖွယ်ကောင်းသော သိုးသားဟင်းရည်အဖြစ်သို့ ပြောင်းလဲသွားသည်။ ခပ်ညှီညှီ သိုးသားအနံ့ကို ဖိနှိပ်ဖို့ ကြက်သွန်နီ၊ ဂျင်း ဒါကမဟုတ် ကြက်သွန်ဖြူတွေ ရှိနေသရွေ့ လူတွေက အရသာကို ခံစားနိုင်မှာပါ။ ဟင်းချိုထဲမှာ ပြုတ်ဟင်းသီးဟင်းရွက်များစွာလည်း ပါသေးသည်။
အေးခဲထားသော ဌက်သားကို အရည်ပျော်အောင် လုပ်ဖျော်ပြီး ယူဆောင်လာခဲ့သည်။ ရွှီမိန် သည် နှင်းများနှင့် နေပူတွင် မှိုကို အခြောက်လှမ်းရန် အခွင့်အရေးမရှိဟု ရုတ်တရက် သတိရမိသည်။
မှိုများကို ရေဆေးပြီး လှီးဖြတ်ပြီးနောက် ဟင်းချို၏ အမွှေးအကြိုင်ရနံ့များက တိုက်ခန်းတစ်ခုလုံး ပျံ့နှံ့သွားပါသည်။
"နှင်းတွေ ရပ်သွားပုံပဲ" ထမင်းစားပြီး တစ်ဝက်လောက်မှာ ဟန်လိ က ပြတင်းပေါက်ကနေ နေရောင်ခြည်ကို သတိထားမိလိုက်တယ်။
လူတစ်စုက အပြင်ကို ကြည့်လိုက်တော့ လူတစ်ယောက်က ထလာပြီး အနီးကပ်ကြည့်တော့ "အာ...? နှင်းကျတာ လုံးဝရပ်သွားပြီ!"
မနေ့ညကတည်းက လေတိုက်တာ မရပ်သေးပေ။ နှင်းတွေ တဖွဲဖွဲ ကျနေဆဲဖြစ်သည်။ အခုတော့ ကောင်းကင်ရဲ့ တိမ်တိုက်တွေက ကင်းစင်ကာ အပြာရောင် ကောင်းကင်ကြီးကို ဖြန့်ကျက်လိုက်ပါပြီ။
လူတချို့က အောက်ကို ငုံ့ကြည့်လိုက်တော့ ဆီးနှင်းတွေ ထူထပ်စွာ ကျလာလို့ ယာယီ နှစ်ထပ် အဆောက်အဦး တစ်ခုလုံးနီးပါး ဖုံးလွှမ်းသွားတယ်။နှင်းအောက်ခြေမှာ မြှုပ်ခံထားရကာ ဘာကိုမှ မမြင်ရပေ။
ပထမထပ်မှာ နှင်းတွေကျပြီး ပြတင်းပေါက်တွေတောင် ဖုံးအုပ်ထားတယ်။ စင်္ကြံမှာ လုံလောက်တဲ့ အပူချိန် လည်ပတ်မှု မရှိရင်၊ လူတွေက သူတို့ရဲ့ ပြတင်းပေါက်တွေကို ပိတ်ဆို့ဖို့ နည်းလမ်းတွေ စဉ်းစာလာကြတယ်။ မြေအောက်ခန်းမှာ နေထိုင်သူတွေ လေပြတ်မှာကို ကြောက်ရွံ့နေလောက်မလား။
"ထမင်းစားဖို့ပြန်လာတဲ့အချိန် ။ အပြင်မှာ နှင်းတွေအရမ်းကျနေတယ်၊ အချိန်တိုအတွင်း ဘယ်သူကမှ အပြင် မထွက်နိုင်ဘူးလို့ ထင်ပါတယ်။ စွမ်းအားရှင်တွေ လမ်းရှင်းပြီးတဲ့ အထိ စောင့်ကြပါစို့။"
လော်ရွှင့် သည် အဖွဲ့နှင့် စကားပြောပြီး ဆက်လက်စားသောက်ခဲ့သည်။
နွေးထွေးသောအသား၏ရနံ့သည် အခန်းတွင်းသို့ ပြည့်လျှံသွားကာ အဖွဲ့သားများ ပြန်ထိုင်ကာ ယနေ့အရသာရှိသော နေ့လည်စာအား ဆက်လက်စားသုံးကြသည်။
လီထယ် နှင့် အခြားသူများမှာ အလုပ်ပြန်တက်ရန်အတွက် စဉ်းစားနေကြဆဲဖြစ်သော်လည်း ဖုန်း အချက်ပြမှုများကို ပြန်လည်ရရှိရန် စောင့်ဆိုင်းနေခဲ့သည်။ အလုပ်ကို ပြန်မသွားခင်မှာ သူတို့ရဲ့ အထက်အရာရှိတွေကို ဆက်သွယ်ချင်ကြတယ်။ လော်ရွှင့် ၊ ယန်ဖေး နဲ့ ကျန်းရီ ကရော? သူတို့ စောစောစီးစီး အလုပ်က နုတ်ထွက်ရတဲ့အတွက် တကယ်ကို ဝမ်းသာမိပါတယ်၊ မဟုတ်ရင် ဒီရာသီဥတုမှာ အလုပ်ထွက်လုပ် ရတာမျိုး ဖြစ်နိုင်တယ်။
နောက်တစ်နေ့ကုန်သွားတော့ လော်ရွှင့် ဟာ အိမ်မှာ ဆက်အောင်းနေခဲ့တယ်။ အခါအားလျော်စွာ ကောက်ပဲသီးနှံများကို ပြုစုစောင့်ရှောက်ကြပြီး ခွေးနှင့် ကလေးမလေးနှင့် ကစားကာ ကျန်းရီ နှင့် စကားများ ကြသည်။ သူတို့ လသာဆောင်ကနေ နှင်းတွေကျနေတာကိုလည်း ကြည့်ကြတယ်။ လော်ရွှင့် သည် သူ၏နောက်ဆုံးဘဝနှင့်ယှဉ်လျှင် အခုဆောင်းရာသီက ပို၍သက်တောင့်သက်သာရှိသည်ဟု ဆိုရမည်ဖြစ်သည်။
တစ်ရေးတစ်မော အိပ်မောကျပြီးနောက် လော်ရွှင့် သည် တံခါးခေါက်သံကို ယောင်ဝါးဝါးကြားလိုက်ရသည်။ နှစ်ယောက်စလုံး စိတ်ရှုပ်စွာ လန့်နိုးလာကာ ခေါင်းလောင်းသံ ဆက်လက် မြည်လာသည်။ ယေဘူယျအားဖြင့် လူတိုင်းသည် သတ်မှတ်အချိန်များတွင် တွေ့ဆုံကြသည်။ ရွှီမိန် နှင့် အခြားအခန်းတွင် သော့တစ်ချောင်းလည်း ပါရှိပြီး တစ်ယောက်ကို တစ်ယောက် ရှာဖွေခဲသည်။
သူတို့နှစ်ယောက် အဝတ်အစားတွေဝတ်ပြီး ထွက်လာစဉ် တံခါးနားမှာ ဝမ်သော် ရှိနေတာကို တွေ့လိုက်တယ်။
"တခြားအဆောက်အဦးက လူတွေက အစည်းအဝေးလုပ်မယ်လို့ ပြောကြတယ်။ နယ်မြေ စည်းရုံးရေး ဆင်းပြီး ငါတို့လည်း စကားပြောရမယ်"
ဝမ်သော် က လှေကားထစ်ကို ညွှန်ပြရင်း နှစ်ယောက်သား အမြန်ကျော်တက်သွားသည် ။
အောက်ထပ်က လူတွေက ၁၅ထပ်ကို မဝင်နိုင်ကြဘူး။ အထူးသဖြင့် စင်္ကြံမှာ ဟင်းသီးဟင်းရွက်တွေ ရှိနေတာကြောင့် တံခါးနှစ်ပေါက် တားထားတယ်၊ လူနည်းရင် ပိုကောင်းတယ်။
ယခု သူတို့က တံခါးအပြင်ဘက် ပထမတံခါးတွင် အိမ်နီးနားချင်းများနှင့် စကားပြောနေကြသည်။
လော်ရွှင့် နဲ့ ယန်ဖေး ရောက်လာတာကိုမြင်တော့ လီထယ် က ရှေ့ကို တိုးလာပြီး သူတို့ကို မိတ်ဆက်ပေးတယ်။
"ဒါက ငါတို့ရဲ့ ကပ္ပတိန်ပါ၊ ဒါက 7th၊ 10th နဲ့ 12ထပ်က ငါတို့အိမ်နီးချင်းတွေပါ။"
အိမ်နီးနားချင်းများနှင့် ဆက်သွယ်ရန် အစပြုလိုသော်လည်း နှင်းများကျနေသော နှင်းထုကို ရှင်းလင်းရာတွင် ပါဝင်ရန် လူများကို ဆွဲဆောင်နေကြသည်။ ... အချို့သော စွမ်းရည်ရှိသောသူများသည် သူတို့၏ အင်အားတိုးချဲ့ရန် အခွင့်အရေးကို ရယူလိုကြသည်။
ယခုတော့ အောက်ထပ်က လူတွေက 15 နဲ့ 16 လွှာက လူတွေက သတိကြီးကာ လူတွေကို အထဲ ဝင်ခွင့်မပေးပဲ အပြင် စင်္ကြံမှာသာ စကားပြောစေလိုတာ တွေ့လိုက်ရသည်။ သူတို့ 15 လွှာကိုတောင် မဝင်နိုင်ခဲ့ကြဘူး... ဒါပေမယ့် အဖွဲ့ဟာ မရိုးရှင်းဘူးဆိုတာ သူတို့ အားလုံး သိလိုက်ရတယ်၊ အခုအချိန်အထိ သူတို့က အပြင်လူတွေနဲ့ အဆက်အသွယ်နည်းနည်းပဲရှိသေးတယ်။
7 လွှာက လူက နှင်းတွေ ရှင်းဖို့ စည်းရုံးရေး တာဝန်ခံဖြစ်ပုံရတယ်။ သူက လော်ရွှင့် ကိုပြုံးပြပြီး "ကပ္ပတိန်လော်ရွှင့်လား ? ကျွန်တော်တို့က ဘေးဘက် တိုက်ခန်းက လူတွေနဲ့လည်း ဆွေးနွေခဲ့းတယ်။ အိမ်တစ်အိမ်စီက ကျွန်တော်တို့ရဲ့ အဆောက်အဦရှေ့က နှင်းထုတွေကို ရှင်းဖို့ လူအနည်းငယ်ကို အလှည့်ကျ စေလွှတ်ရပါ့မယ်။ အများကြီး မလိုပါဘူး၊ လူတိုင်းထွက်နိုင်ရင် လုံလောက်ပါတယ်။ နှင်းတွေ ကျလို့ အနီးနားက တခြားလူတွေနဲ့ စကားပြောပြီးတဲ့အထိ စောင့်မယ်။"
လမ်းရှင်းဖို့ အပြင်ထွက်ပေမယ့် လူတိုင်းက ကိုယ့်အလုပ်၊ ကိုယ့် ဘဝတွေကို အာရုံစိုက်နေကြတယ်။ အဆောက်အအုံတွင် နေထိုင်သူ အများအပြားရှိသဖြင့် မိသားစုတစ်စုလျှင် တစ်ဦးထွက်လျှင်ပင် ရပ်ကွက်တစ်ခုလုံးကို ရှင်းလင်းရန် လုံလောက်မည်ဖြစ်သည်။ ကံမကောင်းစွာနဲ့ပဲ မပါဝင်ချင်တဲ့သူတွေ အနည်းစု ရှိခဲ့တယ်။ အပြင်မှာ အရမ်းအေးလို့ လူတိုင်းက တံမြက်လှည်းဖို့ အပြင်မထွက်ရင် ဘယ်သူက သွား နှောင့်ယှက်နိုင်မှာလဲ။ သူတို့က နှင်းတွေ ရှင်းဖို့ မသွားချင်ရင် တခြားနေရာက လူတွေလည်း ဒီလမ်းကို သွားနေတာပဲ။ အဲ့လူတွေလည်းနှင်းထုကို ရှင်းဖို့ ရည်ရွှွယ်ခဲ့လို့လား.... နှင်းတွေကို ဒီလူတွေက ရှင်းပစ်သင့်သလား။ လစဉ် အိမ်လခပေးတဲ့သူတွေကလည်း ဘာကြောင့် နှင်းတွေ ကျတိုင်း ရှင်းဖို့ လိုတာလဲလို့ စောဒက တက်လာကြသည်။
လော်ရွှင့် က ဘာမှ ပြန်မပြောပဲ လူတွေလာရမယ်ဆိုတာကို ကြားတော့ ခေါင်းညိတ်လိုက်တယ်။ ဒါက ကိုယ့်လူနဲ့ တခြားသူတွေကို ထိခိုက်စေတယ်။ အဲဒါက ရပ်ကွက်တစ်ခုလုံးမဟုတ်ပဲ၊ သူတို့ အဆောက်အဦးရဲ့ ဝင်ပေါက်တွေပဲလေ။
လော်ရွှင့် အဖွဲ့က လေးယောက် ၊ 5th က 2 ယောက် ၊ လီထယ် နဲ့ ဟော်ချန်ခွန်း တို့ ဇနီးမောင်နှံက စေတနာ့ဝန်ထမ်း လုပ်ခဲ့တယ်။ အခြားသူများကလည်း လိုအပ်မှသာ ပူးပေါင်းပါဝင်မည်ဖြစ်သည်။
အထပ် 16 ထပ်ရှိသော်လည်း စုစုပေါင်း လူ 32 ယောက်သာ ရှိသည်။ သို့သော် အဆောက်အဦး၏ အဝင်ဝတွင်... လူအနည်းငယ်သာ လာပါက နှင်းများကို ရှင်းထုတ်ရန် အားထုတ်မှုမှာ အလွန်အကျွံ လိုအပ်မည် မဟုတ်ပေ။
အဆောက်အဦးသည် အဝေးပြေးလမ်းနှင့် အပြင်ဘက် နံရံကို မျက်နှာမူထားသည်။ တစ်ဖက်မှာလည်း စစ်တပ်က လယ်မြေတွေ ဝိုင်းထားတယ်။ ဆောင်းဦးရာသီတွင် မြေသားစွမ်းအားရှင် တစ်စုက ဆောက်ထားသည့် နှစ်ထပ်အိမ်များက တိုက်ခန်းများ ကြားတွင် ရှိသည်။
လေးယောက်က နှင်းတွေကို သန့်စင်ပေးဖို့ အောက်ထပ်ကို ဆင်းလာတဲ့အခါ မြေကြီးအိမ်တွေ အများစုဟာ နှင်းတွေကို ရှင်းဖို့ ထွက်လာကြတယ်။
လော်ရွှင့် သည် နှင်းများကို ဖယ်ရှားဖို့ လုပ်ရာတွင် အခြားလူများနဲ့မတူပေ။ သူတို့က အိမ်ခေါင်မိုးပေါ်သို့ တက်ကာ အပေါ်မှအောက်ခြေအထိ နှင်းထုများကို ကိုင်တွယ်ဖြေရှင်းသည်။
ထိုအထပ်နှစ်ထပ်တိုက်သည် စိတ်ဝင်စားစရာကောင်းသောဒီဇိုင်းရှိပြီး ပထမထပ်သည် 50-60 စတုရန်းမီတာခန့်ရှိသည်။ ဒုတိယထပ်တစ်ဝက်သည် အမိုး၏တစ်စိတ်တစ်ပိုင်းကို လှေကားထစ်အဖြစ်အသုံးပြု ခဲ့သည်။
နောက်ဆုံးမှာတော့ နှင်းတွေပြည့်နေတဲ့လမ်းကို သူတို့ရှင်းပစ်လိုက်တယ်။ မြေကြီးအိမ်မှ လူအချို့ ပေါ်လာပြီး အမြင့်ကွာခြားချက်ကို လှောင်ပြောင်ရယ်မောပြီးနောက် ပြုံးကာ အဝေးသို့ လျှောက်သွားစဉ်...
ထိုလူသည် နှင်းဖုံးနေသည့် အပေါက်ထဲသို့ တည့်တည့်လျှောက်သွားကာ မြုပ်သွားသည်...။
ဂေါ်ပြားလှည်းသမားက ပြုတ်ကျတဲ့လူကို လက်ညှိုးထိုးပြပြီး ရယ်မောရင်း၊ အရင်က သူ့ကို ရယ်တဲ့လူက ဒီလို ဖြစ်တာ သင့်တော်တယ်လို့ ခံစားလိုက်ရတယ်။
ထိုယောက်ျားက ကြမ်းကြမ်းတမ်းတမ်း ပြုတ်ကျတာ ဖြစ်နိုင်သလို ထိုလူကို ကြည့်ကာ ရယ်နေသည့် ရယ်မောသံတွေက ကျယ်လောင်လွန်းတာ ဖြစ်နိုင်တယ်... အနားမှာ *ဘန်း..*ဆိုတဲ့ အသံတွေ ပေါ်လာပြီး အော်ဟစ်သံများနှင့်အတူ မြေသားနဲ့ဆောက်ထားတဲ့ နှစ်ထပ် အဆောက်အအုံ ပြိုကျခဲ့သည်။
ဤမြေသားအိမ်များကို အရည်အသွေးပြည့်မီသော ဆောက်လုပ်ရေးပစ္စည်းများဖြင့် တည်ဆောက်ထား ခြင်းမရှိပေ။ အချိန်နှင့် အားထုတ်မှုကို သက်သာစေရန်အတွက် ပါးလွှာသော သို့မဟုတ် အခေါင်းပေါက်များကို လျှို့ဝှက်တည်ဆောက်ကြသော မြေသားစွမ်းအားရှင် များလည်း ရှိခဲ့သည်။ ပထမရက် အနည်းငယ်က လေပြင်းတိုက်ခတ်မှုကြောင့် နံရံများ ပြိုကျပြီး မီတာများစွာ ပုံလာတဲ့အထိ နှင်းများ ထူထပ်စွာ ကျလာပြန်သည်။ လူတွေရှင်းလင်းလာတဲ့အခါ အိမ်ခေါင်မိုး ပေါ့် နှင်းတွေကို ဖယ်ရှားဖို့ မေ့သွားကြပြီး တုန်ခါမှုတွေနဲ့အတူ အိမ်က နှင်းထုရဲ့ အလေးချိန်အောက်မှာ ကြေမွသွားတယ်။
အသံက ကျယ်လောင်ပြီး လူတွေအားလုံး ထိတ်လန့်သွားပြီး အကူအညီတောင်းဖို့ အော်ဟစ်သံတွေ ထွက်လာသည်။ သူတို့က နှင်းများကို လျင်မြန်စွာ ရှင်းထုတ်ပြီး အသက်များကို ကယ်တင်ရန် သွားကြသည်။
လူတွေကို ကယ်ဆယ်ပြီး မကြာခင်မှာပဲ မူလခေါင်မိုးက ခိုင်ခံ့မှု မရှိသလို မိသားစုတွေ ကလည်း အလေးချိန်ထပ်တိုးတယ်လို့ ဆိုရမည် ဖြစ်သည်။ အိမ်ခေါင်မိုးမှာ နှင်းတွေ ပိုကျနေပေမယ့် ဒဏ်ရာ ရသူ တချို့ရှိပြီး အများစုကတော့ လက်ကျိုးပြီး သေဆုံးမှုမရှိပေ။
လူတွေကို ခေတ္တပြန်လည်နေရာချထားဖို့ ရွှေ့ထားချိန်မှာ အဝေးက မြေသား အိမ်တွေ ဆက်လက် ပြိုကျသွားသလိုပဲ...
စံချိန်မမီသော ပစ္စည်းများဖြင့် အောက်တန်းကျသောအလုပ်သည် ဘယ်လောက်တောင် အန္တရာယ်များ လိုက်သလဲ။ တကယ့်အန္တရာယ်က နှင်းထူထပ်စွာ ကျမှ ပေါ်လာခဲ့တယ်။ ပြိုကျတဲ့အိမ်က သူတို့အနီးမှာ ရှိနေတာ ကံကောင်းတယ်။လူတွေရဲ့အသက်ကို အချိန်မှီ ကယ်တင်နိုင်ခဲ့တယ်။ ဒါပေမယ့် ကျန်တဲ့ သူတွေကတော့ ကံမကောင်းကြပါဘူး။ နှင်းထု ရှင်းလင်းရေး တာဝန်ခံတွေက နှင်းတွေကြောင့်ပြိုကျတဲ့ တခြားအိမ်တွေကို တွေ့ရှိခဲ့ပေမယ့် အဆောက်အဦအနီးမှာ လူ မရှိခဲ့ပါဘူး။ နှင်းတွေ ထူထပ်လွန်းလို့ လူတွေ မတွေ့ခင်မှာ အေးခဲပြီး သေကုန်တယ်။
အသုံးပြုခဲသော လမ်းကို တစ်ရက်အတွင်း နေထိုင်သူများက ရှင်းလင်းခဲ့သော်လည်း ဆက်သွယ်ရေး ပြန်လည်စတင်ပြီး ငါးရက်အကြာတွင် အပြင်ဘက်လမ်းတွင် လူများလာရောက်ခြင်းမရှိခဲ့ပေ။ အနီးနားက တစ်ယောက်ယောက်က အပြင်ထွက်ချင်ရင် ကိုယ့်လမ်း ကိုယ်ဖောက်ရတယ်။
အချို့သောလူများသည် ရေကိုချွေတာရန် အခွင့်အလမ်းကို မြင်ခဲ့ကြသည် - အပြင်တွင် ဆီးနှင်းများ ကျနေပြီး အချို့မှာ သန့်ရှင်းရေးနဲ့ ချက်ပြုတ်ရန်အတွက် နှင်းတွေကို အသုံးပြုနိုင်သည်။ ဖုတ်ကောင်ဗိုင်းရပ်စ် ပါဝင်နိုင်ခြေရှိသဖြင့် သေချာစွာ ပေါင်းခံရန် လိုအပ်ပါသေးသည်။
မီးမွေးဖို့ ထောက်ပံ့မှု မရှိသေးသူများလည်း အများအပြားရှိခဲ့သည်။ ကျောက်မီးသွေးနှင့် လောင်စာတို့က ဈေးတက်နေသဖြင့် လူများစွာသည် အခြေစိုက်စခန်းကို မစွန့်ဝံ့ကြသောကြောင့် ကယ်တင်ခြင်း မခံရပေ။
လော်ရွှင့် သည် သူတို့ဒေသရှိ နှင်းမုန်တိုင်းထဲတွင် အိမ်ထောင်စု ငါးခု သို့မဟုတ် ခြောက်စုကို အေးခဲ သေဆုံးသွားကြောင်း ကြားသိခဲ့ရသည်။
"စားပြီးပြီလား" လော်ရွှင့် သည် စင်္ကြံရှိ ကောက်ပဲသီးနှံများကို ပြုစုရင်း မေးသည်။
ကျန်းရီ က မျက်ခုံးပင့်လိုက်ပြီး "မင်းယောက်ျားက အစာစားသလိုမျိုး အမြူတေကို စုပ်နေတာလား"
"ဒါဆို မင်းကော စုပ်ပြီးပြီလား" လော်ရွှင့် သည် စကားလုံးပြောင်းလဲမှုကို ဂရုမစိုက်ပါ။
ကျန်းရီ က မျက်စောင်းထိုးကာ "ခေါင်းဆောင် ~ မင်းရဲ့လူက မင်းကို စကားပြောတတ်အောင် သင်ပေးသင့်တယ်" လို့ပြောလိုက်တယ်။
လော်ရွှင့် သည် အသီးအရွက်များဖြင့် စိုက်ခင်းများကို ဆက်လက်ကိုင်တွယ်နေသဖြင့် နောက်ပြန်လှည့်မကြည့်တော့ပေ။
ယန်ဖေး က "အမြူတေကြီးက ဘာဖြစ်သွားတာလဲ" ဟု မေးလိုက်သည်။
သိုး၏ဦးခေါင်းထဲက ရသည့် အမြူတေက ဌက်လောက်မကြီးမားသော်လည်း သာမာန် အမြူတေထက် အဆမတန်ကြီးမားသည်။ ကျန်းရီ က အဲ့ဒါက အဆင့်သုံး အမြူတေ ဖြစ်ကြောင်း ဆုံးဖြတ်ခဲ့ပြီး လော်ရွှင့် ကို ထိုအမြူတေကို သုံးနိုင်သူ တစ်ဦးတည်းသောသူဖြစ်သည့်သူ့ကို ပေးဖို့တွန်းအားပေးခဲ့သည်။
ကျန်းရီ သည် သူ့လက်ထဲတွင်ရှိသော လေစွမ်းအား မဟုတ်သော အမြူတေ အားလုံးနဲ့ သိုးရဲ့ အမြူတေဖြင့် လဲလှယ်လိုက်သည်။ ဟုတ်တာပေါ့... လော်ရွှင့် က ဌက်ရဲ အမြူတေကို အိမ်မှာ သိမ်းထားဆဲဖြစ်ဖြစ်ပြီး လူတိုင်းကို အမြူတေကို ဖြန့်ဝေလိုက်တယ်။
အမြူတေကို ရရှိပြီးကတည်းက ကျန်းရီ က သူကို စုပ်ယူရန် ဆုံးဖြတ်ခဲ့သော်လည်း စွမ်းအင် အလွန်ကြီးမားသောကြောင့် စုပ်ယူရန် အိမ်တွင်းအောင်းနေရသဖြင့် ဆီးနှင်းရှင်းလင်းခြင်းတွင် ပါဝင်ခြင်းမရှိပေ။
"ငါ အဆင့်မြှင့်ဖို့ နီးနေပြီလို့ ခံစားရတယ်။"
ကျန်းရီ သည် တုန်လှုပ်နေသော ခံစားချက်ဖြင့် ဆံပင်များကို ပွတ်သပ်လိုက်သည်။
"အဆင့် 4 မှာ အဆင့် 4 အမြူတေ လိုအပ်မယ်လို့ ကျွန်တော် ထင်ပါတယ်... ဒါပေမယ့် အခု ကျွန်တော် အစွန်း ရောက်နေပါပြီ... နောက်တစ်ကြိမ် အခြေစိုက်စခန်းစိုက်စခန်းကနေ ထွက်ပြီးတဲ့ အချိန်မှာ အဆင့် လေး အအမြူတေ ကို ရှာဖွေဖို့ အခွင့်အရေး ရနိုင်မှာပါ"
လော်ရွှင့် သည် ကူကယ်ရာမဲ့ သက်ပြင်းချလိုက်သည်။
"စတုတ္ထအဆင့် အမြူတေတွေကို ရှာရတာ အရမ်းလွယ်တယ်ထင်နေလား။ အချိန်တိုအတွင်းမှာ ဘာကိုက ထည့်မစဉ်းစားနဲ့ဦး။ ငါတို့ တွေ့ရင် အိမ်မှာ အရင်သိမ်းထားမယ်။ အဆင့်မြှင့်ပြီး စုပ်ယူခြင်းမပြုမီ ခဏစောင့်ပါဦး။"
ဟုတ်တယ်? ယင်း အမြူတေကို လုံးလုံးမောပန်းပြီးနောက် စုပ်ယူတာက အကောင်းဆုံးဖြစ်သည်။ တိုက်ပွဲတွင်း မဟုတ်ပါက စွမ်းအင်ပြန်လည်ဖြည့်တင်းရန်အတွက် ထို အမြူတေကို အသုံးပြုတာက ဖြုန်းတီးခြင်းသာ ဖြစ်သည်။
"သိပါတယ် ဒါပေမယ့် ငါ အဲ့ဒါကို ထားခဲ့ဖို့ အဆင်မပြေဘူး" ကျန်းရီ အနည်းငယ် စိတ်ဆိုးသွားသော်လည်း ခြင်းတောင်းကို လှမ်းယူကာ "စားစရာတွေ စုဆောင်းထားမလား"
"ဒီနေ့ ဆက်သွယ်ရေး ပြန်ကောင်းမွန်လာတော့ အဆက်အသွယ်အများစုက အသီးရွက် ဝယ်ဖို့ အလျင်စလိုဖြစ်နေတယ် " ယန်ဖေး က ရှင်းပြသည်။
ယနေ့ လော်ရွှင့် က ကောက်ပဲသီးနှံများကို ဝယ်ယူသည့်အဖွဲ့များသည် အရူးအမူး မက်ဆေ့ခ်ျများ ပေးပို့ကြသည်။ နှင်းထူထပ်သောနှင်းများကို ကိုင်တွယ်ပြီးနောက် အသင်းများသည် ဆာလောင်မှုနှင့်အတူ ရူးသွပ်သွားပုံရသည်။ စခန်း ဘက်မှ ဖုန်းခေါ်ဆိုမှု မရှိသေးကြောင်း သိရသည်။
******-*****
BẠN ĐANG ĐỌC
ပြန်လည်မွေးဖွားလာသော Otaku လေး၏ ရှင်သန်ရေး နည်းလမ်းများ (MM Translation)
Kinh dịပြန်လည်မွေးဖွားလာသော (Otaku) အိမ်တွင်းပုန်း တစ်ယောက်၏ ကမ္ဘာပျက်ကပ်အတွင်း အသက်ရှင်သန်ရေး နည်းလမ်းများ ျပန္လည္ေမြးဖြားလာေသာ (Otaku) အိမ္တြင္းပုန္း တစ္ေယာက္၏ ကမာၻပ်က္ကပ္အတြင္း အသက္႐ြင္သန္ေရး နည္းလမ္းမ်ား Genre - Rebirth, Apocalypse, Yaoi, Otaku, Zombies
