Chapter (81) _ ပိတ်ရက်တွင် ဟင်းသီးဟင်းရွက်ရောင်းခြင်း
နှစ်ယောက်သား အချိန်အတော်ကြာ အလုပ်များနေသဖြင့် ညနေ ခုနစ်နာရီထိုးခါနီး ထမင်းစား ချိန်ရောက်မှ အလုပ်ကို ရပ်လိုက်သည် ။ ညစာချက်ပြုတ်ရန် မီးဖိုချောင်သို့သွားကာ ထမင်းစားပြီး နောက် အနားယူကြသည်။
လော်ရွှင့် က ရုတ်တရက် ခေါက်ဆွဲစားချင်သဖြင့် မချက်စားတာကြာနေပြီဖြစ်သည့် ခေါက်ဆွဲချက်စားဖို့ ဆုံးဖြတ်လိုက်သည်။ ယန်ဖေးက အရမ်းပင်ပန်းနေတာဖြစ်လို့ သူ့ဖာသာ လိုအပ်တာကို ပြင်ဆင်လုပ်ကိုင်လိုက်သည်။ ခေါက်ဆွဲလုပ်ရတာ သိပ်ပြီးမခက်လှပေ။
အိမ်မှာ အသီးအရွက်တွေလည်းရှိသည်။ ရေခဲသေတ္တာထဲမှာ အေးခဲထားတဲ့ ပစ္စည်းတွေလည်း ရှိတယ်။ အရသာရှိဖို့အတွက် အသားတွေကို အတုံးသေးသေးလေး လှီးဖြတ်ကာ ဟင်းရည်ထဲထည့်လိုက်ပြီး ငုံးဥလေးတွေကို ခလောက်ကာ ရွှေရောင်သန်းလာအောင် ကြော်ပြီး မျှင်မျှင်လေးလှီးထားလိုက်မည်။ ဆီပူလာရင် ပန်းကန်သေးသေးတစ်လုံးထဲကို ကြက်သွန်နီ လတ်လတ်ဆတ်ဆတ် လှီးထားတဲ့ ကြက်သွန်နီဆီချက် ချက်ပြီးသည်နှင့် အားလုံး အသင့်ဖြစ်လေပြီ။ ခေါက်ဆွဲပြုတ်ကာ ရေအေးထဲ ခဏထည့်လိုက်ကာ ဆယ်လိုက်သည်။ ပြီးလျှင် ချက်ပြုတ်ထားသော ခေါက်ဆွဲများထဲ ဟင်းချိုလောင်းထည့်ကာ ကြက်သွန်ဆီအနည်းငယ်၊ ကြက်ဥအမျှင်လေးတွေ လှီးထားတာကို ထည့်လိုက်တာနဲ့ မွှေးကြိုင်နေသော ခေါက်ဆွဲတစ်ခွက်ကို ဖန်တီးနိုင်လေပြီ။
လော်ရွှင့် က ဝက်သားနူးအိနေအောင် ချက်ထားတာကို ထည့်ချင်ပေမယ့် အိမ်မှာ အသားမရှိ သလောက်ဖြစ်နေပြီ။ ဒါပေမယ့် အခုခေါက်ဆွဲက ဝက်သားကွဲမပါပေမယ့် မွှေးနေသေးတယ်။ သူတို့နှစ်ယောက်သား ပန်းကန်လုံးကြီးတစ်လုံးစီကိုင်ပြီး ဧည့်ခန်းဆီသို့ ပြန်သွားကြသည်။ ဆိုဖာပေါ်မှာ ပခုံးချင်းယှဉ်ထိုင်ကာ အတူစားလိုက်ကြတယ်။
ခွေးကလေးက ဆိုဖာပေါ်မှာ ထိုင်နေတဲ့ နှစ်ယောက်ကို ကြည့်လိုက်စဉ် သူတို့က သူမကို သနားသဖြင့် သူမရဲ့ခွက်ထဲကို ခေါက်ဆွဲအနည်းငယ် ထည့်ပေးလိုက်သည်။ ခွေးလေးက ခေါက်ဆွဲကို အနံ့ခံနေစဉ် သခင်နှစ်ယောက်က ခေါင်းငုံ့ကာ ကိုယ်စီလွေးနေကြလေပြီ။
ပါပီက အသီးရွက်စားရတာကို နှစ်သက်သည်ကို တွေ့ရကတည်းက သခင်တွေက သူမရဲ့ ခွက်ထဲကို ဆလတ်ရွက်တွေကို ထည့်ပေးထားတတ်သည်။ ကြက်သွန်မြိတ်က အနည်းငယ်မွန်ပြီး စပ်သဖြင့် ခွေးကလေးက မကြိုက်ပေ။
အရသာရှိသော ဟင်းချိုထဲတွင် မွှေးကြိုင်သော ခေါက်ဆွဲများကို နှစ်သက်စွာ အနံ့ရှုလိုက်ပြီး နှစ်ယောက်သား ဗိုက်ပြည့်အောင် စားပြီးနောက် အစားအစာတွေ ကြေညက်သွားတဲ့အထိ ဆိုဖာပေါ်မှာ လှဲနေကြတယ်။
"ဟင်းရည်က ဗိုက်ကိုပြည့်စေတယ်" လော်ရွှင့် က ကျေနပ်စွာ ဗိုက်ကို ဖိလိုက်သည်။
သူ၏အရင်ဘဝတွင်၊ အစားအစာသည် အဖိုးတန်ပြီး ကိုယ့်ဖာသာ ချက်စားတာက ဗိုက်ပြည့်လွယ်သောကြောင့် ဟင်းချက်ရမည်ကို လောရွှင့် အမြဲကြိုက်သည်။
လော်ရွှင့် သည် အစာခြေဖို့ လှဲနေရင်း မနက်ဖြန် အလုပ်ပြီးပါက ဘာလုပ်ရမည်ကို တွက်ဆနေသည်။ အိမ်ရှိ ဖန်လုံအိမ်တွင် ရက်အနည်းငယ်အတွင်း ထပ်မံစိုက်ပျိုးနိုင်သည့် ဟင်းသီးဟင်းရွက်နှင့် သီးနှံမျိုးစေ့ အသစ်များရှိသည်။ နေရာပြောင်းရွှေ့ရမည့် အလတ်စား ငုံးများအပြင် လသာဆောင်မှ အခြားသီးနှံအချို့ကိုလည်း ပြောင်းရွှေ့နိုင်သည်။ လီထယ်နှင့် အခြားသူများ အလုပ်ရှုပ်နေပေမယ့် သူတို့ကိုလည်း အပင်စမ်းစိုက်ဖို့ စမ်းကြည့်ကြပါစေ...
တွေးနေရင်းနဲ့ လော်ရွှင့် ရဲ့ ဖုန်းက ရုတ်တရက် မြည်လာသည်။ ဖုန်းမြည်သံ မကြားရတာ ဘယ်လောက် ကြာပြီလဲ။ ထိုအသံကိုကြားပြီးနောက် နှစ်ယောက်သား ခေတ္တရပ်လိုက်ပြီးနောက် မက်ဆေ့ချ် အသံ မဟုတ်ပဲ ဖုန်းခေါ်ဆိုမှုမှ အသံထွက်လာကြောင်း သိလိုက်ရသည်။
လော်ရွှင့် သည် ဖုန်းကို အမြန်ကောက်ကိုင်လိုက်ပြီး ခေါ်ဆိုသူမှာ မည်သူဖြစ်သည်ကို ကြည့်ဖို့ပင် မေ့သွားသည်။ ဖုန်းထဲကနေ စိတ်လှုပ်ရှားနေတဲ့ အသံတစ်ခုကို ကြားလိုက်ရသည်။
"မင်းရဲ့ အသီးအရွက်တွေမှာ ဘာပြဿနာမှ မရှိဘူး၊ ငါတို့ရဲ့ စမ်းသပ်မှု ရလဒ်တွေ ထွက်လာပြီ။ အခုပဲ ကပ္ပတိန်လီကိုဖုန်းဆက်ပြီး အသီးအရွက်တွေ ပံ့ပိုးပေးနိုင်တဲ့ အချိန်ကို သိနိုင်ဖို့ နောက်ပိုင်းမင်းကို ဆက်သွယ်ခိုင်းလိုက်မယ်..."
လော်ရွှင့် သည် ခေါ်ဆိုသူမှာ ပရော်ဖက်ဆာ ရွှီ ဖြစ်ကြောင်း သိဖို့ အချိန်တစ်စက္ကန့်မျှ အချိန်ယူခဲ့ရသည်။ ပြီးတော့ ကျေးဇူးတင်ကြောင်း ပြောကြားခဲ့သည်- စစ်ဆေးမှုရလဒ်သည် မမျှော်လင့်ဘဲ မြန်ဆန်ခဲ့သည်။
ပရော်ဖက်ဆာ ရွှီက ရယ်မောကာပြောလိုက်သည်။
"အားလုံးဟာ သာမန်အသီးအနှံတွေပါပဲ၊ ကမ္ဘာပျက်ပြီးနောက် ဒေတာတွေ အများကြီး ပျောက်ကွယ်သွားပေမယ့် ဒီစစ်ဆေးမှုနဲ့ ပိတ်သတ်တဲ့ ဒေတာတွေ ကျန်ရှိနေပါသေးတယ်။ စမ်းသပ်ပြီးနောက် ရလဒ်တွေအရ အားလုံး ကင်းရှင်းတယ်။ ဒါပေမယ့် မင်းအိမ်မှာရှိတဲ့ မှိုတွေကို ငါတို့မလေ့လာရသေးဘူး၊ မင်း အဲဒီအရာတွေကို မစားသင့်သေးဘူး။ စကားမစပ်၊ အခြားထူးဆန်းတဲ့ အပင်တွေ ရှိရင် စုဆောင်းပြီး ငါတို့ဆီကို ပေးပို့နိုင်တယ်။ မင်းတို့ မလာခင် ငါ့ကို တချက်ပြောပါ.. အားတဲ့အချိန်ကို ချိန်းလိုက်မယ်ဆိုရင် မင်းလည်း မျိုးပြောင်းအပင်ကို တခါတည်း ယူလာလို့ရတယ် "
ပါမောက္ခကို ကျေးဇူးတင်ကြောင်းပြောပြီးနောက် လော်ရွှင့် က မထင်မှတ်ထားသည့် မြန်ဆန်လှသည့် ရလဒ်ကြောင့် လန့်နေသည်ကို ကြည့်ပြီး ယန်ဖေးအား ရယ်မောလိုက်သည်။
"စမ်းသပ်မှု ရလဒ်တွေ ထွက်လာမယ်လို့ မင်း မထင်ထားဘူးမလား။ လီထယ်နဲ့ တခြားသူတွေနဲ့လည်း စကားပြောဖို့ လိုလောက်တယ်။"
ယန်ဖေးပြောသည်ကို ကြားပြီး လော်ရွှင့် နားလည်ပါသည်။ လော်ရွှင့် သည် ထိုအရာမျိုးကို နှစ်သက်သည်ကို သိပြီးကတည်းက ဟင်းသီးဟင်းရွက်စိုက်ပျိုးခြင်းကို သူလည်း လိုက်ပါလုပ်ဆောင်ပေးခဲ့ပြီး အခုလို အောင်မြင်သွားတော့ သူလည်း အနည်းငယ် စိတ်လှုပ်ရှားနေခဲ့သည်။
ဖုန်းခေါ်ပြီးနောက်တွင် ကပ္ပတိန်လီသည် ပါမောက္ခရွှီထံမှ သတင်းကို လက်ခံရရှိခဲ့သည်။ လော်ရွှင့် ၏ အိမ်တွင် စိုက်ပျိုးထားသော ဟင်းသီး ဟင်းရွက်များသည် ပြဿနာမရှိမှန်း သိသဖြင့် သူလည်း ဝယ်လိုစိတ်ရှိနေသည်။ မကြာသေးမီက အရွက်စိမ်းစိမ်း ဟင်းသီးဟင်းရွက်များကို စားနိုင်တော့မည် ဖြစ်ပေမယ့် လော်ရွှင့် ၏အိမ်တွင် ပမာဏများစွာမရှိခြင်းကြောင့်... ကပ္ပတိန်လီသည် အသီးအရွက်တွေကို တစ်ကီလိုဂရမ်လျှင် အမြူတေတစ်ခုနှင့် ဝယ်ယူရန် သဘောတူခဲ့သည်။
ရောင်းချသော ဟင်းသီးဟင်းရွက်များမှာ စင်ပေါ်ရှိ ဆလတ်ရွက်နှင့် ကြက်သွန်မြိတ်များ ဖြစ်သည်။ အကယ်၍ ရိတ်သိမ်းထားသော ဟင်းသီးဟင်းရွက်များကို နောက်နေ့တွင် ပေးပို့ရန် ဖုန်းဆက်ပါက ကင်တင်းအဝယ်ဌာနကို ဆက်ပါက ဖုန်းဆက်ခမှာ အခုလောလောဆယ်အားဖြင့် အခမဲ့ဖြစ်သည်။
အသီးအရွက်တစ်ပေါင်အတွက် အမြူတေတစ်ခု ပေးသည့်ဈေးနှုန်းကား နောက်ပိုင်းကာလများနှင့် နှိုင်းယှဉ်ပါက ဈေးမကြီးပေ။ နောက်ထပ် နှစ်နှစ် သို့မဟုတ် သုံးနှစ်ကြာပြီးနောက်၊ သင့်တင့် လျောက်ပတ်သော အထွက်နှုန်းရှိသော မျိုးပြောင်းဟင်းသီးဟင်းရွက်များ စိုက်ပျိုးလာနိုင်သည့်အခါ ဈေးနှုန်းတွေက အခုဈေးတွေထက်တော့ များလာလိမ့်မည်။ ဒါပေမယ့် လက်ရှိ အမြူတေရဲ့ ဈေးကို ထည့်သွင်း စဉ်းစားရင် ဈေးနှုန်းက အရမ်းကောင်းနေပါပြီ။
လော်ရွှင့် ဖုန်းကိုချလိုက်ပြီး အားအင်တွေပြည့်နေတယ်။ သူက ထပြီး အသီးအရွက်တွေကောက်ကာ ချိန်ဆပြီး မနက်ဖန်မနက် ဘယ်လောက်ရနိုင်မလဲ ဆိုတာ မှန်းကြည့်နေသည်။ ပျိုးခင်းတွင် မျိုးစေ့အသစ် နောက်ထပ် တသုတ်ကို ပြင်ဆင်ရန် အဆင်သင့်ဖြစ်နေသော်လည်း သူ့ကို ယန်ဖေးမှ ဆွဲခေါ်သွားသည်။
"အခုခူးထားမယ်ဆိုရင် အသီးရွက်တွေက မနက်ဖြန်မှာ လတ်ဆတ်မှာမဟုတ်ဘူး။ နောက်ပြီး အိမ်မှာ အစေ့တွေ နောက်ထပ် စိုက်ဖို့ ဘယ်လောက်ရှိသေးလဲ။ အသီးအရွက်တွေ သူ့ဖာသာ ကြီးထွားလာစေပြီး မျိုးစေ့ရဖို့အတွက် တချို့ကို မင်း ဖယ်ထားဦးမယ်မဟုတ်လား။ နောက်မှလုပ်ရအောင်ပါ။ အခု သွားနားကြရအောင်။"
ယန်ဖေး၏ အနှောင့်အယှက်ကြောင့် လော်ရွှင့် ငြိမ်သက်သွားသည်။ ဟုတ်တယ်၊ သူတို့က အမြူတေ လိုအပ်ပေမယ့် ဖြည်းဖြည်းလုပ်တာပေါ့၊ ချက်ခြင်းရောင်းဖို့ စားစရာတွေ အများကြီးရှိနေရင် သံသယဖြစ်စရာဖြစ်လိမ့်မယ်။ အိမ်မှာ အပင်တွေ အများကြီး မရှိဘူးဆိုတာကို ကပ္ပတိန်လီက ဒီနေ့ကတည်းက သိတယ်၊ သီးနှံတစ်တန်လောက်ကို ချက်ချင်းရောင်းဖို့ ဘယ်လို ဖြစ်နိုင်မလဲ။
လော်ရွှင့် နှင့် ယန်ဖေး အသီးအရွက် ခူးဆွတ်ရန် ပုံမှန်ထက် နာရီဝက်စောပြီး နိုးလာသည်။ ရင့်နေသော အသီးအရွက်များကို ခူးဆွတ်ပြီး အညွန့်များသာ ကျန်ရစ်ကြောင်း စစ်ဆေးခဲ့သည်။ ဆူးဆွတ်ပြီးနောက် ထုပ်ပိုးပြီး ချိန်ကြည့်တော့ 10 ကီလိုဂရမ်ကျော် ရှိကြောင်း တွေ့ရှိရသည်။
အောက်ထပ်ကိုဆင်းကာ နှစ်ယောက်သား အသီးအရွက်တွေကို ကားပေါ်သယ်သွားကြတယ်။
ကားကို တန်းလျားများဆီသို့ မောင်းလိုက်ပြီး လော်ရွှင့် သည် ကားအပြင်ဘက်တွင် မရပ်ဘဲ အတွင်းထဲသို့ တိုက်ရိုက်ဝင်သွားသည်။ Canteen တံခါးမှာ ကားကို ရပ်လိုက်တယ်။ ဩ၊ ပထမ canteenမှာ အသီးအရွက်တွေပါသည့် ဟင်းကို စားနိုင်တဲ့သူတွေက အခွင့်ထူးခံတွေပဲဆိုတာ အံ့ဩစရာမရှိပါဘူး။ စတုထ္ထမြောက် canteen က အလုပ်သမားများက ထိုအချက်ကို သိပေမယ့် မည်သူမျှ ဘာမှ မပြောခဲ့ပေ။
ကပ္ပတိန်လီနှင့် လူများက အသီးရွက်ကို လက်ခံ လဲလှယ်ရန် အသင့်ဖြစ်ခဲ့ကြသည်။ အသီးအရွက်များ လတ်ဆတ်မှု၊ အသွင်အပြင် အစရှိသည်တို့ကို စစ်ဆေးခဲ့သည်။ ပြီးတော့အလေးချိန်ကို ချိန်တွယ်ပြီး အမြူတေ ၁၀ ခုကို လွှဲပြောင်းပေးအပ်ခဲ့သည်။
ဟင်းသီး ဟင်းရွက်အိတ်အနည်းငယ်ကို အမြူတေ ၁၀ လုံးဖြင့် လဲလှယ်လိုက်ပြီးနောက် လော်ရွှင့် သည် ရုတ်တရက် ဆုံးရှုံးသွားသည့် ခံစားချက်ကို ခံစားလိုက်ရသည် - ထုထည်ကွာခြားချက်မှာ အလွန်ကြီးမား လွန်းလှသည်။
ယန်ဖေးက သူ့ပခုံးကို ပုတ်လိုက်သည်။
"မင်း ရှုံးတယ် ထင်လို့လား? ဒါတွေကို မရောင်းနေရင် မစားနိုင်လို့ လွှင့်ပစ်ရပြီး အမှိုက်ဖြစ်မှာ မဟုတ်ဘူးလား"
သူ ပြောလိုက်တော့ လော်ရွှင့် ၏ စိတ်အခြေအနေ တိုးတက်လာခဲ့သည်။
" အသီးအရွက်တွေကိုပဲ ရောင်းတာဆိုတော့ သိပ်မဆိုးပါဘူး။ အရွက်တွေက ကြီးရင့်တာ အရမ်းမြန်တယ်။ ရာသီဥတုက ကောင်းရင် တစ်လတစ်ခါ ရိတ်သိမ်းလို့ရတယ်။ တခြား ပဲနဲ့ ခရမ်းချဉ်သီးတွေကို အခြောက်လှန်းနိုင်သလို အချဉ်လည်း ဖောက်လို့ရတာမို့ မရောင်းဘူး"
ဆန်နဲ့ ဂျုံက ဘယ်ကိုမှ ရောင်းဖို့ မဖြစ်နိုင်ဘူး။ စိုက်ပျိုးရ ခက်တဲ့ အသီးအရွက်တွေကို အိမ်မှာ သိမ်းထားမယ်။ ကောင်းကောင်းစားပြီး ကျန်တွေကို ထုတ်ရောင်းတယ်။ လော်ရွှင့် သည် သူ ပြန်လည်မွေးဖွားပြီးနောက်၊ ပုံသေအလုပ်နှင့် အနာဂတ်ဇိမ်ခံဖို့ ဘဝပန်းတိုင်များကို ချမှတ်ခဲ့သည်။ အရင်ဘဝတုန်းကတော့ သူက ဟင်းသီးဟင်းရွက် မရောင်းရတဲ့ အမြဲတမ်းဝန်ထမ်း ဖြစ်ချင်ခဲ့သည်။
ယန်ဖေးသည် ပုံဆောင်ခဲ ၁၀ လုံးကို အိတ်ထဲထည့်ကာ ရယ်မောလိုက်သည်။
"အခု မင်းငါ့ကို ထောက်ခံနေတာလား။"
လော်ရွှင့် က သူတို့နှစ်ယောက်စတွေ့ပြီး သိပ်မကြာခင်မှာပဲ သူ ပြောဖူးတာကို သတိရတော့ သူ့အပြုံးက တောင့်တင်းသွားခဲ့သည်။ ဒါပေမယ့် ပြန်တွက်ကြည့်ရင် ယန်ဖေးက ပိုရှာနိုင်သည်။
သူတို့နှစ်ဦးက ကင်တင်းမှ အလုပ်ကို ဆက်ထွက်လာခဲ့ကာ အလုပ်ခွင်အနီးရှိ ကားရပ်နားရာနေရာတွင် ရပ်တန့်သွားကြသည်။ နေ့တိုင်း ကားယူလာတာက လမ်းလျှောက်လာချိန်ထက် ပိုသက်သာစေဖို့ပါပဲ။ သူတို့က ကပ္ပတိန်ကောင်း နဲ့တွေ့တော့ အလုပ်စလုပ်ကြသည်။
ယခုအခါ သူတို့သည် အခြေစိုက်စခန်းအတွက် လိုအပ်သော ပစ္စည်းမျိုးစုံကို ဖန်တီးနိုင်နေပြီဖြစ်သည်။ တောင်ဘက်တွင် အလွန်လေးလံသော သံတံခါးကို စတင်တည်ဆောက်ခဲ့သည်။ နေ့လယ်တွင် ကပ္ပတိန် ကောင်း သည် လူတိုင်းနှင့် အနားယူဖို့ ထွက်လာသည်။
"ဒီနေ့ သံတံခါးကြီးကို ပြင်ဖို့ အထက်လူကြီးတွေက ပြောထားတယ်။ မနက်ဖြန် ကျူပ်တို့ ပြန်သွားပြီး အပြင်နံရံမှာ ပြင်ရမယ်။"
အပြင်ဘက်တံတိုင်းအနည်းငယ်ကို ပြုပြင်ပြီးပြီ။ အခုဆိုရင် အပြင်ဘက်နံရံကို မြင့်ရုံသာမက သံနံရံကိုလည်း အနည်းဆုံး တစ်မီတာလောက် ထူအောင် ထပ်ပိုးရမယ့် အချိန်ဖြစ်သည်။ အရင်ခေတ်တုန်းကလို နံရံတွေမှာ သံမှိုတန်းတွေလိုသေးသည်။
မည်သို့ပင်ဆိုစေကာမူ တံတိုင်းသည် လက်ရှိ အလုပ်၏ အရေးကြီးဆုံးဖြစ်သည်။ သတ္တု စွမ်းအားရှင်များ နည်းပါးနေကြောင်း သိရှိသဖြင့် အထက်အရာရှိများက နံရံအပြင်ဘက်တွင် အပိုင်းတစ်ခုကို ဆောက်လုပ်ရန် ဆုံးဖြတ်ခဲ့သည်။ ချက်ချင်းလက်ငင်း ဦးစားပေးအဆင့်ဖြင့် လုပ်ရမည်ဖြစ်သည်။
"ဒီလောက်အလျင်လိုနေတာလား?"
ဗိုလ်ကြီးက အနည်းငယ် အံ့သြသွားကာ တန်းလျားတွင် အနည်းဆုံး ရှစ်ရက်လောက် နေမည်ဟု သူ ထင်ခဲ့သည်။
ကပ္ပတိန် ကောင်းက သက်ပြင်းချလိုက်သည်။
"အခြေစိုက်စခန်း အပြင်မှာ အသစ်ပြောင်းလဲလာတဲ့ ဒုတိယအဆင့် ဖုတ်ကောင်အများကြီးကို လှည့်ကင်းတွေက တွေ့ရှိခဲ့တယ်။ အချို့က အရမ်း အားကောင်းလာပြီး ထောက်ပံ့ရေး ပစ္စည်းတွေကို ရှာတဲ့နေရာမှာ မြို့ထဲမှာ တချို့တပ်တွေ အတော့်ကို အခက်ကြုံတွေ့ခဲ့ရတယ်။ ပါဝါ စွမ်းအင်ရှိတဲ့ ဖုတ်ကောင်က တိုင်ကီတစ်ခြမ်းကို တစ်စစီဖြစ်အောင် ဖြိုချပစ်လိုက်တယ်!"
ကင်တင်း စားပွဲဝိုင်းမှ လူအုပ်ကြီးက ကပ္ပတိန်ကောင်း၏ စကားကိုကြားတော့ အံ့သြတုန်လှုပ်သွားကြသည်။ ဒုဗိုလ်က တိုးတိုးလေးပြောလိုက်သည်။
"သူတို့က ကျွန်တော်တို့ကို အရှိန်မြှင့်စေချင်တာ အံ့သြစရာမဟုတ်ပါဘူး၊ အပြင်ဘက်နံရံကို တစ်မီတာနဲ့ ထူစေချင်တယ်..."
ကပ္ပတိန် ကောင်းက နောင်တရပြီး သက်ပြင်းချလိုက်တယ်။
"မသိသေးဘူး၊ အပြင်နံရံကို အရင်သတ်မှတ်ထားတဲ့အတိုင်း ပြုပြင်ထားပြီး နောင်မှာ အမြင့် ၁၀ မီတာနဲ့ အထူ ၃ မီတာ ရှိလာနိုင်တယ်။ အနာဂတ်မှာ သတ္တု အပိုတွေ ထပ်ရလာရင်တောင် သူတို့လိုချင်တဲ့ အထူကို တည်ဆောက်ဖို့ လုံလောက်မလားတော့ မသိသေးဘူး။"
လူအားလုံး၏ နှလုံးသားများ တုန်ခါလာသည်။ တိုင်ကီတစ်ခုသည် နံရံလောက် မထူပေ၊ သို့သော် ပစ္စည်းများမှာ အလွန်ခိုင်ခံ့လှသည်။ အသစ်ပြုပြင်ထားသော နံရံသည် ပိုထူရုံသာမက သတ္တုများဖြင့် ကျားကန်ထားဖို့လိုအပ်သည်။ ထိုထည့်သွင်းရမယ့် သတ္တုများက သန့်စင်ရန်သာမက တင့်ကားကိုယ်ထည်လောက် မခိုင်ခံ့ဘဲနှင့် ထိုပါဝါဖုတ်ကောင်ရဲ့ ဒဏ်ကို ဘယ်လို ထိန်းချုပ်နိုင်မလဲ။
ဒါကိုပြောပြီးတဲ့နောက်မှာတော့ ကပ္ပတိန်ကောင်း က မျက်နှာပျက်သွားပြီး လူအုပ်ကြီးကို ရယ်မောကာ ဆက်ပြောလိုက်သည်။
"ဟုတ်တယ်၊ ဒါနဲ့ သတင်းကောင်းရှိသေးတယ်!"
လူအုပ်ကြီးသည် မျှော်လင့်ချက်ဖြင့် ကြည့်နေကြသည်။ ကပ္ပတိန် ကောင်း က ပြုံးပြီး သူ့လက်တွေကို ဝှေ့ယမ်းလိုက်တယ်။
"လကုန်တိုင်း ငါတို့မှာ အားလပ်ရက် လေးရက်ရှိတယ်။ ဖုတ်ကောင်အများကြီးက စခန်းနံရံကိုသာ လာမတိုက်ဘူးဆိုရင် အဲဒီနေ့ရက်တွေကို မင်းကြိုက်သလို အချိန်ဖြုန်းနိုင်တယ်။ ချစ်သူ မိန်းကလေးကို ရှာဖို့ အပြင်ထွက်ရင်လည်းရတယ်"
လူအုပ်ကြီးက သူတို့ရဲ့ အားလပ်ရက်အကြောင်းကို ကြားတော့ ဝမ်းသာကုန်သည်။ လော်ရွှင့် နဲ့ ယန်ဖေးတို့ဟာ အံ့သြတကြီး အကြည့်တွေဖလှယ်ကြတယ် - တစ်လကို လေးရက်ခွင့်ရက်ပေးတယ်။ နှစ်ရက်လောက်ရရင်ပင် တော်လှပြီဟုထင်ခဲ့သည်။ အခုတော့ လေးရက်တောင်ရတယ်ဆိုတော့ ကပ္ပတိန်ကောင်း က တကယ့်ကို စွမ်းဆောင်နိုင်တာပဲ။
ကပ္ပတိန် ကောင်း သည် လော်ရွှင့် နှင့် ယန်ဖေးကို အဓိပ္ပါယ်ရှိစွာကြည့်ကာ မျက်ခုံးပင့်လိုက်သည်။ သူ့ရဲ့ အဓိပ္ပါယ်က ရှင်းရှင်းလေးပဲ - ဘယ်လိုလဲ။ မင်းတို့ကို ကတိပေးထားတဲ့အတိုင်း ငါလုပ်ပေးနိုင်တယ် မဟုတ်လား....ဆိုသည့် သဘောဖြစ်သည်။
လော်ရွှင့် က အကြံပြုထားတဲ့ နှစ်ရက်ထက် အချိန်ပိုရနေသေးသဖြင့် ကပ္ပတိန်ကောင်းက အမှန်တကယ် အစွမ်းထက်ပါပေသည်။ ဒါပေမယ့် အကြောင်းတစ်ခုခုကြောင့် အထက်က လူတွေက လူတွေကို အပတ်တိုင်း တစ်ရက်စီ ပေးနားတာထက် လကုန်တိုင်း တစ်ခါတည်း နားရက် လေးရက်ပေးလိုက်သည်။ သို့သော် ဒီလိုလုပ်တာက လော်ရွှင့် လိုချင်တာနဲ့ ကွက်တိဖြစ်နေသည်။
အထက်ကလူတွေက ဒီမနက် အလုပ်သစ်တွေ ပေးခဲ့တဲ့အတွက် ဒီနေ့ သံတံခါးကို ပြီးအောင် လုပ်ဖို့ လိုနေသည်။ ဒါမှ မနက်ဖြန်တွင် အားလုံးက အပြင်ဘက်နံရံသို့ ထွက်နိုင်မည်ဖြစ်လို့ စားသောက်ပြီးတာနဲ့ လူတိုင်းက ခါတိုင်းထက် ပိုအလုပ်ရှုပ်နေခဲ့တယ်။
နာရီဝက်ကြာပြီးနောက် လူတိုင်းသည် အလုပ်ပြီးဆုံးပြီးနောက် ပင်ပန်းနွမ်းနယ်နေသော ခန္ဓာကိုယ်များကို တရွတ်ဆွဲကာ အိမ်ပြန်လာကြသည်။ သာမာန်လူများသည် ကြီးမားသော သတ္တုတံခါးနှင့် သတ္တု စွမ်းအားရှင်များကို ထိတ်လန့်စွာ ကြည့်နေကြပြီး ခေါင်းမယမ်းပဲ မနေနိုင်ကြပေ။
မိုက်တယ်! ငါတို့ရတဲ့ အားလပ်ရက်က မြေကြီးစွမ်းအားရှင်တွေထက်တောင် ပိုများတယ်ကွ။
စစ်တန်းလျားများအတွက် တောင်နှင့်မြောက် သံတံခါးကြီးနှစ်ခုရှိသည်။ မြောက်ဘက်တွင် ဆောက်လုပ်ရေး မစသေးသောကြောင့် ယခုတစ်ကြိမ်တွင် လူလေးဦးသည် တောင်ဘက်တွင် ရှိနေကြသည်။ အပြင်ဘက်နံရံအတွက် လက်ရှိ သတ္တုပစ္စည်းများကို အသုံးပြုထားသောကြောင့် ထိုသံတံခါး၏ တောင့်တင်းမှုကြောင့် ခေါင်းဆောင်များ စိတ်ချစွာ နေနိုင်ဖို့ နှစ်သိမ့်မှုတစ်ရပ်ဖြစ်နေသည်။
နှစ်ယောက်သား ကားမောင်းပြန်လာတော့ မှောင်နေပြီ။ ယနေ့ သူတို့က အလုပ်က နောက်ဆုံးမှ ပြန်လာသူတောင်ဖြစ်နိုင်သည်။
လော်ရွှင့် က နေ့လည်စာပုံးကို ယူလာပြီး ယန်ဖေးကို ပြုံးပြလိုက်သည်။
"ဒီနေ့ ပင်ပန်းနေလို့ မချက်တော့ပဲ canteen ကယူလာတဲ့ အစားသောက်နဲ့ပဲ ညစာကို ဖြေရှင်းလိုက်တာပေါ့ !"
ဒီနေ့ သူတို့ အစားအသောက်တွေ ပို့ပေးဖို့ canteen ကို သွားတဲ့အခါ ကပ္ပတိန်လီက သူတို့ နှစ်ယောက်ကို ပထမဆုံး ကော်ဖီဆိုင်ကို ပို့လိုက်တယ်။ ထိုစားသောက်ပွဲအတွက် တာဝန်ရှိသူများနှင့် တရင်းတနှီး ရှိခဲ့သည်။ လော်ရွှင့် လိုသာမန်လူအနေဖြင့် ပုံမှန်အခြေနေတွင် ထိုကင်တင်းမှ အစားသောက်ကို ဝယ်နိုင်မည်မဟုတ်ပေမယ့် ဒီနေ့ သူတို့ ပို့ခဲ့သည့် ဟင်းရွက်စိမ်းပမာဏများစွာရဲ့မျက်နှာကြောင့် ပထမ ကင်တင်းက အစားသောက်ကို ဝယ်နိုင်ခဲ့သည်။ အခြားကင်တင်းများတွင် အသားနဲ့ အသီးရွက်ကို မမြင်ရတာ ကြာနေပြီဖြစ်ပေမယ့် ပထမကင်တင်းကတော့ အသားဟင်းတွေ ချက်ရောင်းနိုင်သေးသဖြင့် အခု သူ့ နေ့လည်စာထမင်းဘူးထဲတွင် အသား ဟင်းတချို့ပါလာခဲ့သည်။
နှစ်ယောက်သား ဓာတ်လှေကားရှေ့မှာ ရပ်နေချိန်မှာ ယန်ဖေးက ထမင်းဘူးကို ယူလိုက်တယ်။ ဒီနေ့ သူတို့ ဓါတ်လှေကားကို မှီလို့ ရိုးရိုးလှေကားမှ 16 လွှာအထိ တက်စရာမလိုတော့ပေ။
ဓာတ်လှေကားကို စောင့်နေတဲ့ လူတချို့လည်း ရှိတယ်၊ သူတို့အတွဲကို ရှားရှားပါးပါး တွေ့ရတာကြောင့် လူတော်တော်များများက သူတို့ကို တိတ်တဆိတ် ကြည့်နေကြတယ်။ သူတို့ မကြာသေးမီကမှ ပြောင်းရွှေ့လာခဲ့တာ ဖြစ်နိုင်သလား ဒါမှမဟုတ် တစ်ယောက်ယောက်ကို ရှာနေတာလားလို့တွေးနေကြသည်။
"လော်ရွှင့်? ယန်ဖေး?"
ထိုစဉ်သူတို့နောက်မှ ခေါ်သံထွက်လာလို့ လှည့်ကြည့်လိုက်တော့ ရွှီမိန်မိန်နှင့် စုန့်လင်လင်တို့ ဖြစ်နေတာကို တွေ့ရသည်။ သူမတို့နှစ်ယောက် စားစရာတွေ အိတ်တစ်လုံးစီ ယူလာကြတယ်။
ကောင်မလေးတွေက သူတို့လင်မယားနဲ့တွေ့ဖို့ မမျှော်လင့်ထားလို့ စပ်စုလိုက်ကြသည်။
"နင်တို့ အခုမှ ပြန်လာတာလား"
လော်ရွှင့် က ပြုံးပြီး ခေါင်းညိတ်သည်။
"ငါတို့ဒီနေ့နည်းနည်းကြာအောင်အလုပ်လုပ်ခဲ့ရတယ်။ မင်းတို့ ဆန်ဝယ်ခဲ့တာလား။ ပြီးခဲ့တဲ့ ရက်ပိုင်းက အခြေနေ ဘယ်လိုလဲ"
သူတို့နှစ်ယောက်တွဲလုပ်ခဲ့တဲ့ နောက်ဆုံးအကြိမ်မစ်ရှင်ကတည်းက ရွှီမိန်ကို မတွေ့ရသေးဘူး။ ဒီနေ့ တော့ တိုက်ဆိုင်စွာဆုံမိကြတာဖြစ်သည်။ စုန့်လင်လင်က သူ့အမေးကို ရယ်မောကာ ဖြေလိုက်သည်။
"ကျွန်မတို့လည်း ဒီနေ့ နေ့လည်ကမှ ပြန်ရောက်တယ်။ ဒါက ဆန်တွေ မဟုတ်ဘူး"
ဓာတ်လှေကားသည် ပထမထပ်တွင် ရပ်တန့်သွားပြီး လူတွေက အထဲကို ဝင်ကာ 15 လွှာနှင့် 16 လွှာကို ခလုတ်နှိပ်လိုက်ကြသည်။
ဓာတ်လှေကားရှိ အခြားလူများက 16 ထပ်ခလုတ်ကို နှိပ်လိုက်သောအခါ အံ့အားသင့်သွားသည့် မျက်လုံးများဖြင့် သူတို့ စုံတွဲကို ကြည့်လိုက်ကြသည်။ သူတို့ကိုလည်း အပြစ်တင်လို့ မရပါဘူး – တံခါးတွေကို သတ္တုပြားကြီးဖြင့် ပိတ်ဆို့ထားသည့် 16 လွှာမှာ နေထိုင်တဲ့ ထူးဆန်းတဲ့ သူတွေနဲ့ သူတို့စုံတွဲက အတူတူပဲလား။ ဒီနေ့ ဒီလူတွေကို ကျန်အလွှာက နေထိုင်သူတွေက သူတို့ မျက်လုံးနဲ့ မြင်ခွင့်ရခဲ့တယ်။
ဒါပေမယ့် 16 လွှာတွင် နေထိုင်တဲ့လူတွေက အန္တရာယ်ရှိတယ်ဆိုတာ သူတို့သိတယ်။ ဟုတ်တာပေါ့... ပြောင်ပြောင်တင်းတင်းတော့ သူတို့ စိုက်မကြည့်ရဲဘူးလေ။ မဟုတ်ရင် သူတို့သေသွားလိမ့်မယ်။
လူများ ဓာတ်လှေကားမှ ဆင်းသွားသောအခါတွင် လော်ရွှင့် ၊ ယန်ဖေးနှင့် မိန်းကလေးနှစ်ယောက်သာ အထဲမှာ ကျန်ခဲ့သည်။ အပြင်လူမရှိမှ ရွှီမိန်က ယန်ဖေးနှင့် အတည်ပြုမေးမြန်းခဲ့သည်။
"လကုန်မှာ အပြင်ထွက်မလား"
ယန်ဖေးခေါင်းညိတ်သည်။
"ဖုတ်ကောင်တိုက်ခိုက်မှုတွေသာ မရှိရင် လကုန်မယ့် နောက်ဆုံးနှစ်ရက်မှာ ထွက်သင့်တယ်"
ရွှီမိန်နှင့် စုန့်လင်လင်က ထိုသတင်းကို ကြားုတော့ စိတ်သက်သာရာရသွားသည်။ အခြေအမြစ်မရှိသော အခြားအဖွဲ့တစ်ဖွဲ့နှင့် အလုပ်လုပ်ပြီးနောက် ယခု တစ်ကြိမ် အသက်ရှင်လျက် သူမတို့ စခန်းကို ပြန်ရောက်လာခြင်းကပင် အံ့ချီးဖွယ်ဖြစ်နေပြီ။ သူတို့ နှစ်ယောက်က ရန်လိုတဲ့ ယောက်ျားတွေနဲ့ တွေ့ခဲ့တာ မဟုတ်ပေ။ ရွှီမိန်ရဲ့ ရန်စလို့မရသည့် အစွမ်းက စခန်းမှာ သတင်းပြန့်သွားပြီးကတည်းက သူမတို့ကို နှောင့်ယှက်သူတွေ လျော့နည်းလာသောကြောင့် လူဆိုးများနှင့် မကြုံတွေ့ရဘဲ... အဲ့ဒီအစား အသုံးမဝင်သော အသင်းဖော်များကိုသာ တွေ့ခဲ့ရသည်။
ထိုလူတွေက တိုက်ခိုက်ရေးမှာ ထိရောက်မှု မရှိရုံသာမက ဖုတ်ကောင်များနှင့် ရင်ဆိုင်ရသောအခါ ပရမ်းပတာဖြစ်ကာ မထင်မှတ်ပဲ ထိတ်လန့်တကြားဖြစ်နေကြတဲ့ လူတချို့က စုန့်လင်လင် ကို ဖုတ်ကောင်တွေဆီ တွန်းထုတ်ဖို့ ပင် လုပ်ခဲ့ကြသည်။ လော်ရွှင့် ၏ အကြံပေးချက်ကို ပြန်သတိရပြီး စုန့်လင်လင် သည် ရေဘောလုံးဖြင့် တိုက်ရိုက် တန်ပြန်တိုက်ခိုက်ခဲ့သည်။
ဒီရလဒ်ကြောင့် သွေ့ခြောက်သောမြေပေါ်တွင် ပထမဆုံးရေနစ်သေသည့် အလောင်းကောင်တစ်ကောင် တိုးလာခဲ့တာပဲ...
ထို့ကြောင့် ရန်ဖေး၏အဖွဲ့သည် လကုန်တွင် မစ်ရှင်အတွက် စခန်းအပြင်ကို ထွက်မည်ဟု ကြားလိုက်ရသဖြင့် သူမတို့ နှစ်ယောက် ပျော်ရွှင်သောခံစားချက်ကို နားလည်နိုင်ခဲ့သည်။
"မြေကြီးစွမ်းရည်အသုံးပြုသူကို မင်းတို့ တွေ့မိသေးလား။" စုန့်လင်လင် က စိတ်ဝင်တစား မေးသည်။
မြေစွမ်းအားရှင်က စခန်းထဲက ထွက်ချင်သည့် ဆန္ဒမရှိသလောက်ပင်ဖြစ်သော်လည်း တစ်ဦးတစ်ယောက်တော့ တွေ့နိုင်လောက်သေးသည်။
လော်ရွှင့် သက်ပြင်းချလိုက်သည်။
"မြေစွမ်းအားရှင်ကို ရှာရတာမလွယ်ဘူး။ မြေစွမ်းအားရှင်အများစုက စခန်းအတွက် အလုပ်လုပ်ကြပြီး အားလပ်ရက်လည်းနည်းတယ်။ အားချိန်မှာ အပြင်မထွက်ချင်ကြဘူး"
လူတိုင်းသည် တစ်ခုတည်းသော canteen တွင် နေ့လည်စာစားသောကြောင့် မြေကြီး စွမ်းရည် အသုံးပြုသူများနှင့် စကားပြောရန် အချိန်ရှိခဲ့သည်။ များသောအားဖြင့် အခြားနေရာများတွင် အလုပ်လုပ်နေကြသူများနှင့် ကြုံတွေ့ခဲ့ရသည်။
ဒါပေမယ့် စကားဝိုင်းက ဖုတ်ကောင်အမဲလိုက်သည့်အကြောင်းကိုရောက်သွားတိုင်း မြေစွမ်းအားရှင်တွေက စိတ်မဝင်စားတော့ပေ။ သူတို့က စစ်တပ်ရဲ့အမိန့်ကို နာခံကာ အလုပ်လုပ်နေကျဖြစ်လို့ သူတို့၏ ခေါင်းဆောင်များက အားလပ်ရက် မပေးပါက သူတို့က အစပြုတောင်းဆိုလည်း မပြုကြပေ။ ရန်ဖေးလို နှစ်ယောက်စလုံးမှာ စွမ်းရည်မြင့်သော်လည်း လုံခြုံသည့်စခန်းမှ အပြင်လောကကို မထွက်ခွာချင်ကြပေ။
နေ့စဉ် သူတို့ကို ပေးသော အမြူတေက သူတို့ စွမ်းအင်စုပ်ယူဖို့လုံလောက်နေလို့ အသက်စွန့်ကာ စခန်းအပြင်ထွက်ပြီး ဖုတ်ကောင် အမဲမလိုက်လိုကြပေ။
"မင်းတို့ရော...တွေ့ခဲ့သေးလား"
လော်ရွှင့် နဲ့ ယန်ဖေးက မတွေ့ခဲ့ပေမယ့် ရွှီမိန်နဲ့ စုန့်လင်လင် တို့ဘက်ကလည်း တွေ့နိုင်တယ် မဟုတ်လား။
"အဖွဲ့တစ်ဖွဲ့မှာ မြေစွမ်းရည်အသုံးပြုသူ တစ်ဦး သို့မဟုတ် နှစ်ဦး တွေ့ဆုံခဲ့ပေမယ့်... အသိမိတ်ဆွေဟောင်းတွေနဲ့ပဲ အလုပ်လုပ်ချင်ကြတဲ့လူတွေချည်းပဲ ဖြစ်နေတယ်။"
ထိုလူတွေက သူတို့အသက်ဘေးအတွက် သူစိမ်းတွေနဲ့ ဘယ်လိုမှ အလုပ်လုပ်ချင်စိတ်မရှိကြပေ။
ဒါကိုကြားတော့ ယန်ဖေးဆုံးဖြတ်လိုက်သည်။
"သင့်တော်တဲ့လူကို ရှာမတွေ့ရင်လည်း ပြဿနာမရှိပါဘူး။ ငါတို့ အခြားနည်းလမ်းတွေ ရှိပါသေးတယ်။ လောလောဆယ် မြေစွမ်းအားရှင်က အရေးတကြီးမလိုသေးဘူး "
မိန်းမနှစ်ယောက်က ခေါင်းညိတ်ကာ သဘောတူလိုက်ကြသည်။ သူတို့ချည်းပဲ ဘာကြောင့် အလုပ်မဖြစ်နိုင်ရမှာလဲ။ သူတို့အဖွဲ့နဲ့ အရင်တစ်ခေါက်သွားတုန်းကလည်း တစ်ယောက်ချင်းစီက ဖုတ်ကောင်အမြူတေကို မြိုးမြိုးမြက်မြက် ရခဲ့သေးတာပဲလေ။
************-************
STAI LEGGENDO
ပြန်လည်မွေးဖွားလာသော Otaku လေး၏ ရှင်သန်ရေး နည်းလမ်းများ (MM Translation)
Horrorပြန်လည်မွေးဖွားလာသော (Otaku) အိမ်တွင်းပုန်း တစ်ယောက်၏ ကမ္ဘာပျက်ကပ်အတွင်း အသက်ရှင်သန်ရေး နည်းလမ်းများ ျပန္လည္ေမြးဖြားလာေသာ (Otaku) အိမ္တြင္းပုန္း တစ္ေယာက္၏ ကမာၻပ်က္ကပ္အတြင္း အသက္႐ြင္သန္ေရး နည္းလမ္းမ်ား Genre - Rebirth, Apocalypse, Yaoi, Otaku, Zombies
