Chapter (78) - အိမ်တွင်းစိုက်ပျိုးခင်း အသစ်
ကပ္ပတိန်ကော အမိန့်ပေးသည့်အတိုင်း လူတိုင်းက ပုံများနှင့် အခြားအရာများကို စတင်လေ့လာကြသည်ကို လော်ရွှင့် က မြင်လိုက်ရတော့ သူ့အနားကို တိတ်တိတ်လေး လျှောက်သွားလိုက်သည်။
"အားလပ်ရက်လား?"
ကပ္ပတိန် ကော သည် ခဏစဉ်းစားလိုက်သည်။ လူတိုင်းက နေ့တိုင်း အားလပ်ရက်မယူပဲ ဆက်တိုက် အလုပ်မလုပ်နိုင်ကြပေ။ လော်ရွှင့် နဲ့ ယန်ဖေး တို့သာကမ အခြားလုံခြုံရေး တပ်သားတွေတောင် ဆက်တိုက်အလုပ်လုပ်ရလျှင် မခံနိုင်ကြတော့ပေ။
"အားလပ်ရက်မယူခင် မင်းတို့ အချိန် ဘယ်လောက် ဆက်လုပ်နိုင်လဲ "
ကပ္ပတိန် ကော အလုပ်ရှုပ်နေတာကိုမြင်တော့ လော်ရွှင့် က အမြန်ပြန်ဖြေလိုက်သည်။
"တစ်လမှာ တစ်ကြိမ်နားရက်ယူပြီး လတစ်လရဲ့ နောက်ဆုံးနှစ်ရက်ကို အားလပ်ရက်အဖြစ် ယူချင်ပါတယ်။ စခန်းမှာ အလုပ်တွေရှုပ်နေတယ်ဆိုတာ သိပေမယ့် အနားယူချိန်မရှိရင် ကျွန်တော်တို့က ရည်ရှည် အလုပ်လုပ်လို့မရဘူး။"
ထိုရက်များက လူငယ်အဖွဲ့နှင့် သူတို့ သဘောတူညီခဲ့ကြသည့်နေ့ရက်များ ဖြစ်သည်။ သူတို့ရဲ့ အသင်းခေါင်းဆောင်ကလည်း ဒါကို သဘောတူရင် အကောင်းဆုံးဖြစ်မှာပေါ့။
ကပ္ပတိန် ကော က ခေါင်းညိတ်ကာ ပြန်ဖြေလိုက်သည်။
"ဒါကို ငါ အထက်နဲ့ ဆွေးနွေးလိုက်မယ်။ ဒါက ပြဿနာ ရှိမယ် မထင်ဘူး။"
အရင်ကတော့ အလုပ်က အရမ်းအရေးကြီးနေလို့ လူတိုင်းက တံတိုင်းဆောက်ဖို့ စိတ်အားထက်သန်ပြီး အားလပ်ရက်တွေယူဖို့ ဘယ်သူမှ မမေးကြဘူး။ ယခု အလုပ်တွေက စနစ်တကျ စီစဉ်ပြီပြီဖြစ်လို့ နံရံအပြင်ဘက်တွင် အရေးတကြီး လုပ်စရာများမရှိတော့သဖြင့် လူတွေက နားရက်ယူကာ အားဖြည့်ချင်လာကြသည်။ မဟုတ်ရင် အချိန်ကြာလာတာနဲ့အမျှ အခြေအနေကို ခံနိုင်ရည်ရှိမှာ မဟုတ်ပေ။
သတ်မှတ်ထားသော အရာဝတ္ထုများပြုလုပ်ရန် သတ္တုကို ထိန်းချုပ်ရာတွင် ယန်ဖေး ၏အတွေ့အကြုံနှင့် လုပ်နိုင်စွမ်းကို ဘယ်သူမှ မမှီပေ။ ကပ်ဘေးကာလ စတင်ပြီးသည်နှင့် ယန်ဖေးက လော်ရွှင့် နှင့်တွေ့ဆုံခဲ့သည်။ ယန်ဖေး ကို ကယ်တင်ခဲ့ပြီးနောက် လော်ရွှင့် လိုအပ်သည့် လေးထောင့် ဒူးလေးများနှင့် မြှားများပြုလုပ်ရန် ကူညီပေးခဲ့ပြီးနောက် သတ္တုကို ထိန်းချုပ်ရာတွင် ပိုမိုလွယ်ကူခဲ့ပြီး အခြားသတ္တုစွမ်းအားရှင် လေးဦးကိုလည်း လမ်းညွှန်ပေးနိုင်ခဲ့သည်။
သတ္တုစည်းရိုးများတည်ဆောက်ခြင်းတွင် အတွေ့အကြုံများရရှိခဲ့သောကြောင့် အလုပ်နဲ့ပတ်သတ်ပြီး စီမံဆောင်ရွက်မှု အရှိန်မြှင့်လာခဲ့သည်။ ပိုကောင်းတဲ့ ကဏ္ဍတွေမှာ အာရုံစူးစိုက်မှု ပိုလိုအပ်ပေမယ့် ကံကောင်းထောက်မစွာတော့ အခြေစိုက်စခန်းရဲ့ အခြေခံလိုအပ်တဲ့အရာတွေမှာ ထူးထူးခြားခြားတောင်းဆိုချက်တွေ မရှိခဲ့ပေ။ သတ္တုစွမ်းအားရှင်များသည် အနီးစပ်ဆုံး ပုံသဏ္ဍာန်ကို ဖန်တီးနိုင်သရွေ့ သူတို့ ထိုသတ္တုကို အသုံးပြုနိုင်သည်။
နေ့တစ်ဝက် အလုပ်ဆင်းပြီးနောက် အလုပ်သမားလူအုပ်ကြီးသည် အနီးဆုံး စတုတ္ထမြောက် ထမင်းစားခန်းသို့ သွားကြသည်။ လော်ရွှင့် သည် Canteen တစ်ဝိုက်ကို စစ်ဆေးပြီး ယန်ဖေး အား တိုးတိုးပြောလိုက်သည်။
"သေချာပေါက် အသားမရှိတော့ဘူး"
လွန်ခဲ့သည့်လက ကင်တင်းကို ထမင်းစားရန် ထွက်လာလေ့ရှိသည့် လီထယ်တို့က အစားသောက်ညံ့ဖျင်းသည့်အကြောင်းကို တိုင်တန်းခဲ့သေးသည်။ တတိယ canteen တွင် အသားမရှိသလောက်ဖြစ်ပြီး စတုတ္ထနှင့် ပဉ္စမမြောက် canteen တွင် အသားမရ ရှိသည်မှာ ကြာပါပြီ။
ယန်ဖေးတို့က တံတိုင်းအပြင်မှာ ရှိနေချိန်မှာ ထောက်ပံ့ပို့ဆောင်ရေးဌာနက ပေးပို့တာတွေကို စားတာကြောင့် အစားသောက် ဘယ်လောက်ညံ့တယ်ဆိုတာ သူတို့ ရှင်းရှင်းလင်းလင်း မသိရပါဘူး။ ပြန်လာပြီးနောက် ပထမဆုံး ကင်တင်းက အစားအစာကို စားမိပြီးမှ အရသာက ဘယ်လောက် ကြောက်မက်ဖွယ်ကောင်းသည့် သိလိုက်ရသည်။
ပိုဆိုးတာက ထမင်းကျွေးတာကို အရေတွက် ကန့်သတ်လိုက်တာဖြစ်သည်။ အရင်တုန်းကတော့ canteen က လာစားသူတွေကို သူတို့ လိုသလောက်ပေးတယ်။ နေ့လယ်စာသေတ္တာနဲ့ ထည့်ယူလျှင်လည်း အပြည့်အမောက်ရခဲ့ကာ အရသာလည်း အရမ်းကောင်းတယ်။ ယခုတော့ အစားအသောက် အားလုံးကို ခွဲတမ်း တစ်ယောက်ကို ဘယ်နှစ်ဇွန်းဖြင့်သာ ပေးတော့သည်။
ထမင်းစားပြီးတာနဲ့ ထမင်းဗူးထဲကို အသီးအရွက်ဟင်းရည် ပန်းကန်လုံးလေးဖြင့် ထည့်လိုက်တယ်။ အကယ်၍ တစ်စုံတစ်ယောက်က ကန့်ကွက်ပါက၊ ကင်တင်း ဝန်ထမ်းတို့က မင်းကို ယောက်ကော်တစ်ဝက်လောက် ထပ်ထည့်ပေးလိုက်မည်။ ဒါက အထက်လူကြီးမှ ထုတ်ပြန်ထားသော စည်းမျဉ်းသစ်များဖြစ်ပြီး နောက်ထပ် မပေးနိုင်တော့ဟု ဆိုသည်။
ပိုဆိုးတာက လူတိုင်းကိုင်ဆောင်ထားတဲ့ ထမင်းစားလက်မှတ်တွေက တစ်ယောက်ကို တစ်ကြိမ်သာ ဝင်နိုင်ပြီး အခြားကင်တင်းကို ထပ်ဝင်လို့မရတော့ပေ။
နေ့လည်စာသေတ္တာကို ကိုင်ထာသည့် Captain ကောက စားပွဲဆီကို ပြန်သွားခဲ့သည်။ လော်ရွှင့် က သက်ပြင်းချလိုက်ပြီး ပြောလိုက်သည်။
"ကင်တင်းစည်းကမ်းကို ပြန်ပြင်လိုက်တာလား ?"
ကပ္ပတိန် ကော ၏အမူအရာမှာလည်း စိတ်မသက်မသာဖြစ်နေသည်။ မနက်ခင်းမှာ အလုပ်တွေ ဆက်တိုက်လုပ်နေရပြီး နေ့လည်မှာ ဒီလိုမျိုး အကန့်သတ်နဲ့ ပေးတာကို စားရုံနဲ့ စွမ်းအင်ကို ပြန်လည်စုစည်းနိုင်ဖို့ ခက်ပါလိမ့်မည်။
"ဟုတ်တယ်၊ ပြီးခဲ့တဲ့ နှစ်ရက်က အစားသောက် ပမာဏ လျော့သွားတယ်။ အခုက တရားဝင် စည်းကမ်း ချလိုက်တာပဲ။ ဒါဟာ အရွယ်ရောက်ပြီးတဲ့ အမျိုးသားတွေရဲ့ ကယ်လိုရီ လိုအပ်ချက်ကို ပြန်လည် ဖြည့်တင်းဖို့ နေ့စဉ် လိုအပ်တဲ့ ပမာဏဖြစ်တယ်လို့ ဆိုတယ်။ ဒီလောက်ပမာဏထပ် ပိုမစားရလောက်ဘူးလို့ ခံစားရသူတွေရဲ့ ဦးနှောက်က မှားယွင်းတဲ့ အချက်ပြမှုတွေ ပေးပို့လို့ ကိုယ်က လိုအပ်တဲ့ အာဟာရတွေ အလိုလို ရနိုင်တယ်လို့ အဲ့ဒီသောက်ကျွမ်းကျင်သူတွေက ဆိုကြတယ်။ ဒါ မိုက်မဲတဲ့ သီအိုရီတစ်ခုပဲ။ အလုပ်လုပ်သူတွေအတွက် ခုလောက် ပမာဏက စားဖို့ မလုံလောက်ဘူးဆိုတာ သူတို့ သိထားသင့်တယ်။ ငါတို့ကို ငှက်တွေလို အဖြစ်လောက်ပဲ အစာကျွေးတယ်။ လူတိုင်းရဲ့စားချင်စိတ်က အတူတူ မဟုတ်ဘူးဆိုတာ ဒင်းတို့ မသိကြဘူး!"
ကပ္ပတိန်ကော ၏ စားချင်စိတ်က အတော်လေး ကြီးမားပြီး အုပ်စုအတွင်းရှိ ကျန်လူများလည်း အများကြီးစားနိုင်ကြသည်။ ဒါပေမယ့် အခုခွဲတမ်းရသည့် အစားအစာ ပမာဏ ကန့်သတ်ချက် ရှိနေတော့ သူတို့လည်း ဘာမှ မလုပ်နိုင်ဘူး !
လော်ရွှင့် သည် စာနာစိတ်အနည်းငယ် ခံစားခဲ့ရပြီး သူနှင့် ယန်ဖေးကတော့ အဆင်ပြေသည်။ ဖြည့်စွက်စာ မစားရရင်တောင် အိမ်ကနေ အစားအသောက်တွေ ယူလာနိုင်တယ်။ သူတို့နှစ်ယောက်လုံး အစာစားချင်စိတ်က ပုံမှန်ဖြစ်ပြီး ဒီဟင်းကို စားရင်လည်း လုံလောက်ပါတယ်။ ကပ္ပတိန်ကော မှလွဲ၍ သူတို့အုပ်စုထဲတွင် နောက်ထပ်အစားကြီးသူ နှစ်ယောက်ရှိပြီး သူတို့ အုပ်စုထဲတွင် အချိန်အတန်ကြာပြီးနောက် ဒီလူတွေရဲ့ လွှမ်းမိုးမှုကို ခံရကာ အစားကြီးကုန်လိမ့်မည်။
"ရိက္ခာပမာဏက မများဘူး။"
ယန်ဖေး ၏အကြည့်သည် အတော်လေး တည်ငြိမ်နေပြီး အခြေစိုက်စခန်းရှိ လူအရေအတွက်ကို သိချင်နေသလိုပင်...ကမ္ဘာပျက်မတိုင်မီက အစားအသောက် သိုလှောင်သည့် နေရာကရသည့် အစားသောက်များသည် ဒီလောက်များပြားသည့် အခြေစိုက်စခန်းက လူဦးရေများစွာအတွက် နေ့စဉ်စားသုံးမှုကို ရေရှည် မထောက်ပံ့နိုင်ပေ။ မနေ့ညနေက ရေဒီယို နားထောင်တဲ့အခါ ရာသီဥတုက ပိုပူလာပြီး ကျန်ရစ်သူတွေ အိမ်မှာ သီးနှံတွေ စိုက်ပျိုးဖို့ အကြံပြုတဲ့ ဝါဒဖြန့်ချိရေးတွေကိုတောင် ကြားနေရသည်။
ကပ္ပတိန် ကော ၏ အမူအရာ တင်းကျပ်သွားသည်။
"အခြေအနေကို ရှင်းရှင်းလင်းလင်း မသိရပေမယ့် စိုက်ပျိုးရေးဘက်မှာ တခုခု ဖြစ်ခဲ့ပုံပေါ်တယ်။ စပါးစိုက်ခင်းအနည်းငယ်ကို စစ်ဆေးဖို့ လူတွေကို စေလွှတ်မယ်လို့ ပြောနေကြတယ်။"
စိုက်ကွင်းက ကောက်ပဲသီးနှံ ဘယ်လောက်ထွက်မှာမို့လဲ။ လက်ရှိ အစားအသောက် အခြေအနေကိုကြည့်ရင် အသား၊ အသီးအနှံတွေ အထွက် လျှော့နည်းလာတယ် ဆိုတာ နားလည်နိုင်တယ်။ ဒါပေမယ့် အခုအချိန်မှာတော့ အစားအသောက် အရေအတွက် အကန့်အသတ်နဲ့ စတင်နေပြီလို့ အခြေအနေကို မြင်နိုင်ပြီလေ။ သူတို့နဲ့ တဝိုင်းတည်းမှာ စားနေသည့် လုံခြုံရေး တပ်သားတစ်ယောက်က တိတ်တိတ်လေး ပြောတယ်။
"စိုက်ပျိုးရေးကွင်းထဲမှာ ပြဿနာကြီးတစ်ခုရှိနေတယ်ကြားတယ်!"
လူအားလုံး အေးခဲသွားပြီးမှ သူ့ကို စူးစိုက်ကြည့်နေသည် ။
လုံခြုံရေး တပ်သားက ရှက်ရွံ့စွာ ပြုံးကာ နှာခေါင်းကို ပွတ်သပ်လိုက်သည်။
"ကျနော့် သူငယ်ချင်းတစ်ယောက်က သူ့ အိမ်မှာကတည်းက စိုက်ပျိုးရေးလုပ်လို့ ဒီအကြောင်း ပိုသိတယ်။ မကြာသေးမီက သူက လယ်သမားအဖွဲ့သို့ ပြောင်းရွှေ့သွားပြီး အပင်ကြောင့် လူအများအပြား ဒဏ်ရာရသွားတယ်လို့ သိလိုက်ရတယ်။"
သူက သူ့နောက်ကို စိုးရိမ်တကြီးဖြင့် လှည့်ကြည့်လိုက်ကာ ဘယ်သူမှ နားထောင်မနေဘူးဆိုမှ တိုးတိုးလေးပြောလိုက်သည်။
"တချို့အပင်တွေက အသက်ဝင်လာတယ်တဲ့။ အရောင်တွေက ထူးဆန်းလာတယ်၊ ဒီလိုထူးဆန်းတဲ့အပင်တွေ ဘယ်လိုဖြစ်လို့ မြန်မြန် ပေါက်လာမှန်းမသိပေမယ့် လူတွေကို နာကျင်စေတယ်လို့ပြောတယ်!"
မျိုးရိုးဗီဇပြောင်းအပင်တွေလား....
လော်ရွှင့် ၏ နှလုံးသား သည် ထိုစကားတခွန်းကြောင့် ရင်ထဲ တင်းကျပ်သွားကာ ယန်ဖေး ၏ မျက်လုံးများကို စိုက်ကြည့်လိုက်သည်။ ယန်ဖေး သည် အိမ်တွင် ထူးဆန်းသော အပင်များကို တွေ့ခဲ့သည်ကို ပြောဖူးသည်။
"ဘယ်လိုဖြစ်ရတာလဲ!"
ကပ္ပတိန် ကော နှင့် အခြားလူများ အံ့အားသင့်သွားကြသည်။
အသက်ဝင်နေတဲ့ အပင်တွေလား... လူကို ဒုက္ခပေးနိုင်သလား။ အဲဒါ ရူးချင်စရာပဲ...!
"နည်းနည်းလေးတောင် တွေးလို့မရတော့ဘူး၊ အစားအသောက်တွေကို ကန့်သတ်ချက်တာက အံ့ဩစရာ မရှိတော့ဘူး။"
အကြီးစား အပင်များ ဗီဇပြောင်းခြင်းက ပုံမှန်စိုက်ပျိုးထားသည့် အပင်ကဲ့သို့မဟုတ်ပေ။ အစကတည်းက သိုလှောင်ထားတဲ့ မျိုးစေ့တွေကို ဘယ်လောက် ကြာကြာ ဆက်သုံးလို့ရနိုင်ဦးမလဲ။ သုတေသီတွေက ဗီဇကွဲ ဘယ်သီးနှံက စိုက်ပျိုးစားသောက်လို့ရတယ်၊ ဘယ်မျိုးကွဲများက လူကို အန္တရာယ်ဖြစ်စေနိုင်သည်ကို ဆုံးဖြတ်ပေးဖို့ လိုအပ်သည်။
ဒါတွေအားလုံးဟာ အခုမှ ကနဦး စတင်တဲ့အဆင့်မှာပဲ ရှိသေးလို့ ရလဒ်ကို သိဖို့ အချိန်တော်ကြာ လိုဦးမည်။ ခန့်မှန်းခြေ အနည်းဆုံး တစ်နှစ်လောက်တော့ လိုဦးမည်။ ပထမနှစ်မကုန်မီတွင် ကမ္ဘာကြီးက ကျပ်တည်းမှုတွေ ကြုံနေရဦးမည်မှာ သေချာသည်။
ဒီလိုသတင်းကြားတော့ လူတွေက အစားအသောက်ကို မကျေမနပ်နဲ့ ပြောတာကို ရပ်လိုက်တယ်။ နေ့လယ်စာစားပြီး သူတို့က ခြံဝင်းထဲပြန်ဝင်သွားကြတယ်။
ဒီအချိန်က တန်းလျားတွေမှာ နံရံတွေကို ကာဖို့ဆိုတာ ရိုးရိုးရှင်းရှင်း အလုပ်မဟုတ်ဘူး။ ယန်ဖေး က ပုံဆွဲခြင်းနှင့် နံရံများကို ချဲ့ထွင်ရန် အမိန့်ပေးသည်ကို သတိပြုလိုက်မိသည်။ အကြမ်းဖျင်းအားဖြင့် ဒါက ကြီးကျယ်သော အလုပ်ဖြစ်မည်ဟု ထင်လိုက်သည်။
နံရံအပြင်ဘက်တွင် ထောက်ထားသည့် တိုင်များက မြင်ဖူးသော နံရံထောက်တိုင်များထက် ပိုထူသည်။ ခိုင်ခံ့သောတံတိုင်းများသည် တစ်ခုတည်းသော ခံတပ်မဟုတ်သေးပေ။ အဆောက်အအုံနံရံများ၊ လမ်းကြောင်းများနှင့် အခြားအရာများ အပြင် ကင်းမျှော်စင်များ၊ ဘန်ကာပုံစံ အဆောက်အအုံများနှင့် အလင်းပေးဝေမည့် စနစ်အတွက် စီစဉ်ထားသော နံရံများ ပါဝင်ကြောင်း ထင်ရှားသည်။ အနာဂတ်တွင်၊ သူတို့က အလွန်ခိုင်ခံ့သော ရဲတိုက်ကြီး၏ အဓိက နှလုံးသားဖြစ်လာမည်မှာ သေချာသည်။
သဲအိတ်များ၊ ကျောက်တုံးများ၊ ရွှံ့များနှင့် မြေဆီလွှာများကို နံရံသို့ အဆက်မပြတ် ပေးပို့ခဲ့သည်။ မြေကြီးစွမ်းအားရှင်များသည် တိကျသော၊ ထိရောက်သောပြင်ဆင်မှုဖြင့် ရောစပ်ထားကာ ပြုလုပ်သည့် အရှိန်က အလွန်မြန်သည်။ လော်ရွှင့် နှင့် ယန်ဖေး တို့သည် နံနက်ပိုင်းနှင့် နေ့လည်ပိုင်း တည်ဆောက်ရေးအဖွဲ့များက ယခင်နဲ့ လုံးဝကွဲပြားကြောင်း တွေ့ရှိခဲ့သည်။
ယခင်ကကဲ့သို့ သတ္တုစွမ်းအားရှင်များကို နှစ်စုံခွဲထားသည်။ အရင်က ကပ္ပတိန်ပြောခဲ့တာကို တွေးကြည့်တော့ တံတိုင်းဆောက်ဖို့ မြေသားစွမ်းအားရှင် အများအပြားရှိခဲ့ပြီး အောက်ခြေနားမှာ ထိုလူတွေကို အနည်းငယ်သာ မြင်တွေ့ခဲ့ရသည်။
မွန်းလွဲ ၃ နာရီတွင် သတ္တုစွမ်းအားရှင်များ လုံးဝတာဝန် ပြီးသွားပြီဖြစ်သည်။ လော်ရွှင့် နှင့် ယန်ဖေး သည် တန်းလျားဆီသို့ ပြန်သွားကာ အရှေ့တံခါးမှ ကားဆီသို့ ထွက်ခဲ့စဉ် သူ သက်ပြင်းချလိုက်သည်။
"နောက်တစ်ကြိမ် အပြင်ထွက်ရင် မြေကြီးစွမ်းအားရှင်ကို ရှာမတွေ့နိုင်ဘူးလို့ ထင်တယ်။ တံတိုင်းတွေကို ပြုပြင်ဖို့ စခန်းက သူတို့ကို ခေါ်ထားတာ ကြာနေပြီဖြစ်မယ်!"
စခန်းမှာ လုပ်တာက ဝင်ငွေ ကြီးကြီးမားမား မရပေမယ့် လုံခြုံမှုနဲ့ ပံ့ပိုးမှု လုံခြုံရေးက အပြည့်ရှိတယ်။ မြေစွမ်းအားရှင်များကဲ့သို့ ရေစွမ်းအားရှင်များက လူတွေရဲ့လိုအပ်ချက်ကို ပံ့ပိုးရန် သင့်လျော်သော စွမ်းအားများဖြစ်သည်။ အခြေစိုက်စခန်းက ထိုလူတွေကို သိမ်းကျုံးခေါ်ထားရင် သူတို့ မစ်ရှင်လုပ်ဖို့ အပြင်ထွက်ချိန် မြေစွမ်းအားရှင်ကို ရှာဖို့ ခက်ခဲပေလိမ့်မည်။
ယန်ဖေး လည်း အားကိုးရာမဲ့ ဖြစ်နေပြီး နည်းလမ်းမရှိတော့ပေ။ ရွှီမိန်နှင့် စုန့်လင်လင် တို့၏ အရင်တစ်ခေါက်က ရရှိခဲ့သည့် အမြူတေတွေအရ မစ်ရှင်တစ်ခုအတွင်း သာမန်အဖွဲ့တစ်ဖွဲ့က ရတဲ့ အမြူတေထက် သူတို့ အဖွဲ့နဲ့ အတူလိုက်ရင် ရမယ့် အမြူတေက ဘယ်လောက်များမည်ကို ခန့်မှန်းနိုင်ခဲ့သည်။
သူတို့အဖွဲ့ရ ရှိသည့် အမြူတေက သူများနဲ့ နှိုင်းယှဉ်ရင် သိသိသာသာ မြင့်မားလောက်တယ်။ ဒါကြောင့် ပူးပေါင်းပါဝင်သူတွေကို မယုံကြည်နိုင်ရရင် အဖွဲ့ဝင်တွေ အသက် အန္တရာယ်ရှိမှာစိုးလို့ ဘယ်သူ့ကိုမှ မထည့်တာ ပိုကောင်းလိမ့်မည်။ ဒါကိုစဉ်းစားရင်း ယန်ဖေး က လော်ရွှင့် ရဲ့ ပုခုံးကို ဖက်လိုက်သည်။
"တစ်ယောက်ယောက်ကိုရှာဖို့ မေ့ထားလိုက်ဦး၊ လူမရလည်း ငါတို့ဖာသာ တွင်းတူးလို့ရတယ်။ အပြင်ထွက်တိုင်း ပြဿနာဖြစ်ရင် နည်းနည်းပါးပါး ရှင်းလို့ရပါသေး တယ်။"
ကတ္တရာလမ်းကို တူးရတာက နည်းနည်းတော့ ခက်လိမ့်မယ်။ လော်ရွှင့် ၏ မျက်လုံးများသည် တစ်စုံတစ်ခုကို တွေးတောရင်း တောက်ပလာသည်။
"အပျက်အစီးတွေ မဖြစ်ခင်က အခုခုလုပ်ဖို့ တူးထားတဲ့ နေရာအနည်းငယ်ရှိ နိုင်လောက်မလား။ လမ်းပြုပြင်မှုမှာ ပိုက်အမျိုးမျိုးကို မြှုပ်ဖို့ တူးထားတဲ့နေရာတွေ ရှိမယ်ဆိုရင် အဲ့နေရာကို ယာယီ သုံးလို့ရနိုင်လောက်တယ် !"
ဒီလိုတွေးပြီးနောက် သူတို့ကားကိုယ်ထည်မှာ အရင်တစ်ခေါက်က ယန်ဖေးက သံပြားကြီးတွေ ထပ်ပိုးယူလာတဲ့ သတ္တုတွေအများကြီးကို သတိရလိုက်သည်။ အိမ်ပြန်မောင်းလာပြီးနောက် နှစ်ယောက်သား သတ္တုအချို့ကို ကားပေါ်မှ ဖယ်ရှား လိုက်ကြသည်။ ယန်ဖေး သည် သတ္တုကို ရလိုက်သည်နှင့် ပစ္စည်းကို ကားနှင့် ပေါင်းစပ်လိုက်သည်။ ဒီလိုလုပ်တာက ယန်ဖေး မှလွဲ၍ မည်သူမဆို ခွဲခွာရခက်သည်။
လော်ရွှင့် နှင့် ယန်ဖေး တို့သည် သူတို့၏ကိုယ်ခန္ဓာကြံ့ခိုင်စေရန်အတွက် ခဏတာ အနားယူကြပြီး သတ္တုပြားကို 16 ထပ်သို့ ယူဆောင်သွား ခဲ့သည်။ သိပ်မကြာခင်မှာပဲ လူနှစ်ယောက် မြေပြင်ပေါ်မှာ သတ္တုပစ္စည်းမျိုးစုံနဲ့ ရပ်နေလိုက်တယ်။
"ပထမအဆင့်က ဖန်လုံအိမ်ဆောက်ဖို့ပဲ၊ အောက်ခြေကနေ အလင်းရောင်တချို့ ရနိုင်မယ့်အပြင် ဆိုလာပြားတွေကို စုဆောင်းရမယ်။"
လော်ရွှင့် က မှတ်ချက်ချသည်။
ယန်ဖေး ခေါင်းညိတ်လိုက်သည်။
"ဒီအခန်းကို ပြင်ဆင်ပြီးပြီ၊ ကျန်တဲ့အရာတွေက ဖြည်းဖြည်းချင်း ရောက်လာနိုင်မှာပါ။ ဘေးအိမ်က စင်တွေကို အရင်ရွှေ့ရအောင်။"
အခန်းတွင်း စင်များပြင်ဆင်ရန် အဆင်သင့်မဖြစ်သေးသော်လည်း ရက်အနည်းငယ် ကြာအောင် လုပ်ခဲ့ရသည်။ အခုတော့ သူတို့အားလုံးကို နောက်ဆုံးမှာ လွှဲပေးလို့ရလေပြီ။
အခန်းနှစ်ခန်းကြားရှိ သံတံခါးကို ဖွင့်လိုက်တော့ ခွေးကလေးသည် စူးစမ်းရန် ပြေးလာသည်။ သတ္တုကြမ်းပြင်ပေါ်တွင် သူမ၏ခြေဖဝါးကို တင်ထားရင်း အခန်းတစ်ဖက်သို့ လျှောကျသွားကာ ဆန့်ကျင်ဘက်နံရံကို ထိသွားသည်။
လူနှစ်ဦးသည် အိမ်ခန်း ၁၆၀၃ တွင် ကြီးမားသော်လည်း လေးလံသော စင်များ၊ အိုးများနှင့် သေတ္တာများ မထားရှိပေ။ ခွေးပေါက်လေးသည် သူတို့ကို ကျော်ဖြတ်သွားကာ ဆော့နေသည်ကို တွေ့လိုက်ရသည်။
"ကံကောင်းတာက ဒီစင်တွေကို အသေကပ် မထားလို့ပေါ့။ ဒါမှမဟုတ်ရင် ခွေးကလေး အရိုးကျိုးသွားလိမ့်မယ်။"
လော်ရွှင့် သည် ပထမ စင်ကို စစ်ဆေးခဲ့သည်။ ဘာပြဿနာမှမရှိတာကို ကြည့်ပြီး ခွေးကလေးကို ကြိမ်းမောင်းလိုက်သည်။ သူမအမှားလုပ်မိကြောင်းသိလိုက်ရသဖြင့် ခွေးကလေးသည် ခေါင်းငုံ့ကာ နားရွက်များကုတ်သွားခဲ့သည်။ ယန်ဖေး က ရယ်မောရင်း ဇနီးလေးက သားသမီးကို ကြိမ်းမောင်းနေသလိုပဲလို့ ခံစားလိုက်ရသည်။
လော်ရွှင့် ၏ ဆူပူကြိမ်းမောင်းခြင်းကို ခံရပြီးနောက်၊ Puppy သည် အရူးလို မပြေးဘဲ အခန်းအနှံ့ စူးစမ်းနေဆဲဖြစ်သည်။ သူမသည် ဒီနေရာတဝိုင် နှာခေါင်းနက်နက် လေးဖြင့် တရှုံ့ရှုံ့ အနံ့ခံလိုက်သည်။
စင်တွေကို အတန်းလိုက်ချထားပြီးနောက် နှစ်ယောက်သား ပျိုးခန်းကို ပြန်လာပြီး စင်ကို ရွှေ့လိုက်ဖို့ ဆုံးဖြတ်လိုက်သည်။
"မှိုစိုက်မယ့် သစ်သားအားလုံးကို ရွှေ့ကြရအောင်။"
လော်ရွှင့် သည် ထောင့်ရှိ သစ်သားကို ညွှန်ပြလိုက်သည်။ ယန်ဖေး ခေါင်းညိတ် သဘောတူသည်။ သာမန်သီးနှံများနှင့် အလွယ်တကူ ဗီဇပြောင်းနိုင်သော မှိုကို အတူတူစိုက်တာက အန္တရာယ်ရှိမည်ဟု အမြဲခံစားခဲ့ရသည်။ အထူးသဖြင့် အခန်းထဲတွင် ငုံးကလေးအုပ်စုရှိလျှင် ထိုမှိုစိုက်ပျိုးထားတာကို စောစော ဖယ်လိုက်တာ ပိုကောင်းပါတယ်။
သို့သော်လည်း ဖန်လုံအိမ်သို့ ပြန်လည်မွမ်းမံပြင်ဆင်ရန်အတွက် မပြောင်းရွှေ့မီ ကြိုတင်ပြင်ဆင်မှုများ ပြုလုပ်ထားရသည်။ မှိုကြီးထွားရန် ရိုးရှင်းသော ဖန်လုံအိမ်တစ်ခု ထက် ပိုလိုအပ်သည်၊ စိုထိုင်းဆ များစွာပါဝင်သည့် လေထုလိုအပ်သည်။ နှစ်ယောက်သား ရိုးရှင်းသော အစိုဓာတ်ထိန်းစက်ကို ရွေးချယ်ပြီး ပြဿနာကို ဖြေရှင်းခဲ့သည်။
ထို့နောက် ယန်ဖေး သည် မှိုသစ်သားကို သိုလှောင်ရန်အတွက် သတ္တုစင်အချို့ကို ထုတ်ခဲ့သည်။
"ဒီစင်တွေကို ဧည့်ခန်းထဲ ပြန်ယူလိုက်မယ်။"
ပြွန်များနဲ့ ပြုလုပ်ထားသည့် စင်များသည် နေရာချွေတာနိုင်သော်လည်း မြေဆီလွှာကို ထိန်းသိမ်းသည့် စိုက်ပျိုးနည်းအတွက် အကျိုးသက်ရောက်မှု မကောင်းလှပေ။ အနည်းဆုံးတော့ အပင်ရဲ့ အရသာက ညံလိမ့်မည်။
လော်ရွှင့် ၏ ပထမဆုံးရွေးချယ်မှုမှာ အသီးအရွက်များ စိုက်ပျိုးရန်ဖြစ်သည်။ စင်များဖြင့်စိုက်ပျိုးသည့်အတွက် နေရာပိုသက်သာသည်။ အခု သူ့မှာ ဒီလို အိမ်ကြီးကြီးတစ်လုံးရှိတော့ ဒါကို အခွင့်ကောင်းယူပြီး အများကြီးစိုက်ပျိုးမှာ သေချာသည်။ ဧည့်ခန်းပြဿနာကို ဆွေးနွေးပြီးနောက် လော်ရွှင့် သည် စိတ်ဓာတ်တက်ကြွစွာဖြင့် နောက်ခန်းသို့ ညွှန်ပြခဲ့သည်။
"စပါးမျိုးစေ့တွေကို စိုက်ဖို့ ဒီအခန်းကို သုံးချင်တယ်!"
အိပ်ခန်းငယ်တစ်ခုတွင် ဆန်နှင့် ဂျုံမည်မျှ စိုက်ပျိုးနိုင်မလဲ။ စိုက်ပျိုးနိုင် သော်လည်း စားသုံးရန် မလုံလောက်နိုင်ပေမယ့် ဘာမှ မရတာထက်တော့ ပိုကောင်းသလို အရည်အသွေးကောင်းတဲ့ ဆန်တချို့ကို ရနိုင်ကောင်းပါရဲ့။
မကြာသေးမီရက်များအတွင်း၊ လော်ရွှင့် ၏ အိမ်တွင် စိုက်ပျိုးထားသော သီးနှံအများစုသည် မျိုးမပြောင်းသွားပေ။ အစောပိုင်း အသွင်ပြောင်းမျိုးစိတ်အချို့သည် စားသုံး၍ ရသည့်တိုင် အရသာဆိုးဝါးလှသည်။ အချို့သောအပင်များသည် လုံးဝ မျိုးပြောင်းအပင်ဖြစ်လာသည်။
ယန်ဖေး က ဗီဇပြောင်းအပင်ကို မြင်တာနဲ့ နူတ်ကာ မီးရှို့ပစ်သည်။ ကမ္ဘာပျက်ပြီးနောက် ကောက်ပဲသီးနှံတချို့က ဗီဇပြောင်းသွားတဲ့အတွက် အရသာမကောင်းသော်လည်း အခြားအန္တရာယ်မရှိပေ။
ယန်ဖေး သည် အိပ်ခန်းကျယ်ကြီးတွင် စပါး စိုက်တော့မည်ဟု ကြားလိုက်တော့ သူ့ အာဒမ်ပန်းသီးက လှုပ်သွားပေမယ့် သူပြောချင်တာကို မျိုချလိုက်သည်။ လော်ရွှင့် သည် အိမ်ပိုင်ရှင်မှ အိမ်သို့ပြန်လာသောအခါတွင် ပြန်ပေးလိုက်ရသည့်အခါ နေလို့ရရန် အရန်အဖြစ် အခြားအခန်းကို စာရင်းသွင်းထားတာဖြစ်ကြောင်း သူပြောခဲ့သည့်စကားကို မေ့နေခဲ့သည်။
လူနှစ်ဦးသည် ပျိုးခင်းမှ ပျိုးပင်အချို့နှင့်အတူ ဖန်လုံအိမ်အဖြစ် ပြုပြင်ထားသော အိပ်ခန်းငယ်ထဲသို့ မှိုစိုက်ဖို့ သစ်သားကို ရွှေ့လိုက်ကြသည်။ ဟိုက်ဒရိုပိုနစ်အပင်များ (မြေမဲ့စိုက်ပျိုးသည့် အပင်များ) ၊ မြေကြီးတွင် စိုက်ပျိုးထားသော အပင်များ၊ ပန်းအိုးများနှင့် သေတ္တာများတွင်ရှိသော အပင်များအားလုံးကို အမျိုးအစားခွဲထားသည်။
ကောင်းကင်ကြီး မှောင်မိုက်သွားသည့်တိုင်အောင် သူတို့နှစ်ယောက် အလုပ်များနေကြသည်။ အလုပ်ပြီးမှ သူတို့သည် နာကျင်နေသော ခါးများကို ထုရိုက်ကြပြီး ဆေးကြောကာ ညစာအတွက် ပြင်ဆင်ကြသည်။
ပျိုးခင်းထဲက ထွက်လာတဲ့အခါ ပိုးကောင်တွေရှိတဲ့ သေတ္တာထဲကို ဟင်းသီးဟင်းရွက်တချို့ ထည့်ဖို့ မမေ့ခဲ့ပေ။ ဒီပိုးကောင်တွေက အိမ်တွင် အလွန်လိုအပ်သည်။ ပိုးကောင်များသည် ငုံးငယ်များအတွက် ရိက္ခာ ဖြစ်ရုံသာမဟုတ်၊ သူတို့ အစာရေစာ ပြတ်လပ်ပါက ပိုးကောင်များသည် လူသားများအတွက် အစာဖြစ်နိုင်သည်၊ ထိုပိုးကောင်ကြော်တွေက အရမ်းကို အရသာရှိသည်။
ထို့အပြင် အဆိုပါ အင်းဆက် နှစ်မျိုးသည် အပင်အမျိုးမျိုး၏ ဆွေးမြေ့နေသော အရွက်များကို စားသုံးပြီး အာဟာရရှိသည့် အကောင်အဖြစ်သို့ ပြောင်းလဲသွားမည် ဖြစ်သည်။
လောလောဆယ် အသီးအရွက်တွေ ကျွေးတာ အရမ်းကုန်ကျသည်ဟု ထင်ရပေမယ့် အိမ်မှာ သီးနှံမျိုးစုံ ပေါက်လာတဲ့အထိ စောင့်ပြီးရင် အရွက်ဟောင်းတွေကို အလေလွင့် မဖြစ်စေဖို့ သူတို့ကို အားကိုးရပါလိမ့်မယ်။ လူတွေက အဲဒီအရာတွေကို မျိုချနိုင်မှာ မဟုတ်ဘူး။
လူနှစ်ဦးသည် ကြက်သွေးကို ထိုးသွင်းလိုက်သကဲ့သို့ မယုံနိုင်စရာကောင်း လောက်အောင် စိတ်အားထက်သန်စွာ အချိန်အတော်ကြာအောင် လုပ်ဆောင်ခဲ့ကြပါသည်။ ညနေ ရှစ်နာရီထိုးတော့ ရေချိုးပြီး ထမင်းသွားစားကြသည်။
အမြန်ရေချိုးပြီးနောက် လော်ရွှင့် သည် ရေခဲသေတ္တာထဲမှ အေးခဲထားသော ခရမ်းချဉ်သီး အချို့ကို ခေါက်ဆွဲခြောက်အချို့နှင့်အတူ ထုတ်လိုက်သည်။ နှစ်ယောက်သား စကားစမြည်မပြောဘဲ စားပွဲတွင်ထိုင်ကာ စုံတွဲတွေ အတူတူ ညစာစားနေကြသည်။
သူတို့နှစ်ယောက် ထမင်းစားနေတုန်း လီထယ် နဲ့ တခြားသူတွေ ပြန်လာကြသည်။ လော်ရွှင့် သည် နောက်ဆုံး ဟင်းချိုတစ်လုတ်ကို သောက်ပြီးနောက် သူတို့ကို ကြိုဆိုရန် ထွက်သွားသည် ။
"လော်ရွှင့် ...ယန်ဖေး..!"
ဟော်ချန်ခွန်း က သူတို့ကို မြင်မြင်ချင်း လှိုက်လှိုက်လှဲလှဲ နှုတ်ဆက်လိုက်သည်။
"ဒီနေ့ အလုပ်က ဘယ်လိုလဲ"
လော်ရွှင့် က ခေါင်းညိတ်ပြီး အဖွဲ့ကို ပြုံးပြပြီး မေးသည်။
"နှုတ်ထွက်ချင်လာပြီ" ကျန်းရီ က စိတ်မသက်မသာ မျက်နှာအမူအရာနဲ့ ဖြေလိုက်သည်။
လူနာများသည် ဖုတ်ကောင်များမဟုတ်ပေမယ့် သူက ထိုလူ့အမှိုက်များကို မကိုင်တွယ်ချင်ပေ။ ပိုလို့တောင် စိတ်မချမ်းသာရတဲ့ အကြောင်းရင်းက သူ့ရဲ့ အရည်အချင်းနဲ့ ရုပ်ရည်ကြောင့် ဆေးရုံက လူနာတွေကို တွေ့ဖို့ အမြဲတမ်း စီစဉ်ပေးလေ့ရှိကာ ထိုလူနာတွေကို ဒုက္ခရောက်အောင်လည်း မလုပ်ခိုင်းဘူး။
ကမ္ဘာပျက်ပြီးနောက် ကျန်းရီက ဒေါသကြီးသူဖြစ်လာသည်။ အခု အဲဒီလူတွေကို သူက စိတ်ရှိတိုင်း မဆက်ဆံနိုင်သည့်အပြင် တခြားသူကို မြှောက်ပင့်ပေးဖို့ လုပ်ရဦးမယ်တဲ့လား။ ဘယ်လိုကောင်က ဆေးရုံလာတက်တာ အောက်ခြေသိမ်းလုပ်ပေးဖို့ အလုပ်သမားတောင် စီစဉ်ပေးရမှာလဲ....
မသိလိုက်ပဲ ကျန်းရီရဲ့သတင်းက ဆေးရုံတစ်ခုလုံး ပြန့်သွားခဲ့သည်။ ဒီနေ့ ကျန်းရီ ဟာ နောက်ဆုံးတော့ ရုံးခန်းကို အောင်မြင်စွာ ဖောက်ခွဲခဲ့ပြီး ဆေးရုံ ခေါင်းဆောင်တွေက ခေါင်းညိတ်ပြီး အဲဒီလို စီစဉ်တာကို ရပ်လိုက်တော့သည်။
ကျန်းရီ က အလုပ်အကြောင်း ညည်းညူပြောဆိုတာကို လူတွေက အချိန်အတော်ကြာ ကျင့်သားရနေပေမယ့် ဘယ်သူကမှ အပြစ်မပြောကြပေ။ ပြီးတော့ ကျန်းရီက ဝမ်သော်နဲ့ အတူ ထွက်သွားတယ်။
လီထယ် သည် လော်ရွှင့် အား သတင်းကောင်း ပေးခဲ့သည်။
"ဖုန်းကဒ်တွေ လုပ်တာပြီးသွားပြီ။ အထက်လူကြီးက အတည်ပြုပြီးပြီလို့ ငါတို့ ဘော့စ်က ပြောတယ်။ တန်းလျားက စွမ်းအားရှင်တွေအတွက် ဦးစားပေးပြီး ညတွင်းချင်းပဲ ထုတ်လုပ်သွားမှာဖြစ်တယ်။"
ဟန်လိသည် လော်ရွှင့် အား စိတ်လှုပ်ရှားစွာ ရှင်းပြခဲ့သည်။
"အစွမ်းထက်တဲ့ လုပ်ဆောင်ချက်တွေနဲ့ မိုဘိုင်းလ်ဖုန်းကဒ်အသစ်ကို တီထွင်နိုင်ခဲ့တယ်။ အခြေစိုက်စခန်ထဲမှာ သုံးနိုင်ရုံသာမက လျှပ်စစ်မီးရှိမယ်ဆိုရင် အခြေစိုက်စခန်း အပြင်ဘက်ကနေလည်း ဆက်သွယ်ပြောဆိုနိုင်တယ်။ ဂြိုလ်တု အချက်ပြတာကိုလည်း ဖမ်းယူနိူုင်တယ်ကွ !"
ယခုအခါ တစ်နိုင်ငံလုံး လျှပ်စစ်မီး ပြတ်တောက်နေပြီဖြစ်သည်။ အခြေစိုက်စခန်း အပြင်မှာ လျှပ်စစ်မီးကို ဘယ်မှာရှာနိုင်မလဲ။ ဒီလုပ်ဆောင်ချက်က သိပ်တော့ အသုံးမဝင်ပေ။ သို့သော် အခြေစိုက်စခန်းပြင်ပရှိ ဂြိုလ်တုချန်နယ်များကို ဖမ်းယူနိုင်တာက အလွန်အရေးကြီးသည်။
ဆော့ဖ်ဝဲလ် ဖွံ့ဖြိုးတိုးတက်ရေး အပိုင်းကို တာဝန်ယူခဲ့သည့် ဟော်ချန်ခွန်း က ရင်ကိုကော့ကာ ပြောလိုက်သည်။
"ငါ တီထွင်ထားတဲ့ အရေးပေါ်အခြေနေမှာ သုံးရတဲ့ အက်ပ်တစ်ခုရှိတယ်၊ အရေးပေါ်အခြေအနေမှာ အကူအညီတောင်းမယ်ဆိုရင် အဲဒါက အရမ်းမြန်တယ်။ ဖုန်း ပိတ်သွားလည်း ဖုန်းမပျက်စီးခင် အကူအညီခလုတ်ကို နှိပ်လိုက်ရုံနဲ့ မင်း ရဲ့ အခြေစိုက်စခန်း ဆက်သွယ်ရေးဌာနကို ဖုန်းခေါ်ဆိုနိုင်ပြီး ဂြိုဟ်တုအချက်ပြချက်အရ မင်းရဲ့တည်နေရာကို နာရီဝက်ကြာတိုင်း အပ်လုဒ်လုပ်ပေးလိမ့်မယ်။ ဒါဆိုရင် အရေးပေါ်ကယ်ဆယ်ရေးတပ်ဖွဲ့က အကူညီတောင်းတဲ့သူကို အက်ပ် (application) ကနေ တစ်ဆင့် ခြေရာခံပြီး ကယ်ဆယ်နိုင်လိမ့်မယ်။ ။"
ဒီအချက်က အခြေစိုက်စခန်းအတွက် ကြီးမားသော အကျိုးပြုချက် ဖြစ်သည်။ အနာဂတ်တွင် အခြေစိုက်စခန်းက တပ်ဖွဲ့သည် လူတိုင်းရဲ့ ကိုယ်ရေးကိုယ်တာ အချက်အလက်များကို မှတ်ပုံတင်မည်ဖြစ်ပြီး သူတို့သည် အခမဲ့ ကဒ်ကို တစ်ကြိမ်ပေးဝေပြီးနောက် မိုဘိုင်းလ်ဖုန်းတစ်လုံးကို သူတို့ဘာသာသူတို့ ရှာရမယ်ဆိုတာ သေချာတယ်။
လီထယ် နဲ့ တခြားသူတွေက ဒီအကြောင်းကို ပြောဖူးတယ်။ နောက်တစ်နေ့တွင် ထိုဆင်းကဒ်ရဲ့ အသုံး ဝင်မှုကို သူတို့ သက်သေပြခဲ့ပြီး၊ သူတို့လို အပြင်လူတွေက မိုဘိုင်းလ်ဖုန်းကတ်ကို အခြားအခြေစိုက်စခန်းက လူတွေထက် အနည်းငယ်စောပြီး ရရှိခြင်းမှာ အလွန်ကောင်းသည်ဟု သူတို့ထင်မြင်ခဲ့ကြသည်။ ဒါပေမယ့် လီထယ် နဲ့ ထုတ်လုပ်ရေးလုပ်ငန်းစဉ်မှာ ပါဝင်တဲ့ တခြားသူတွေလို တချိန်တည်းမှာ ဖုန်းကတ်တွေရဲ့ ပထမ အသုတ်ဖြန့်ဝေမှုမှာ သူတို့အားလုံး ပါဝင်နေတယ်လို့ ဘယ်သူက ထင်ထားမှာတဲ့လဲ။
သတင်းကြားပြီးနောက် အသင်းခေါင်းဆောင်အားလုံးက အဖွဲ့သားတွေ ကိုယ်စား မိုဘိုင်းလ်ဖုန်းကတ်များ လျှောက်ထားပေးခဲ့တာ သေချာသည်။ ဖုန်းကဒ်တွေကို သူတို့နှစ်ယောက်ကို လက်လွှဲပေးလိုက်တော့ သူ့ကိုပြောလိုက်သေးသည်။
"မင်းနာမည်နဲ့ မွေးရပ်မြေကို မှတ်ပုံတင်ထားတယ်။ အထောက်အထား ကတ်တွေလို အခြားသော သီးခြားအချက်အလက်တွေကိုတော့ မဖြည့်ရသေးဘူး။ မင်းတို့အားမှာ မှတ်ပုံတင်ဌာနကိုသွားပြီး ကိုယ့်ဘာသာကိုယ် ဖြည့်ပါ"
"မူလအတိုင်း မှတ်ပုံတင်ထားတာလား?"
လော်ရွှင့် နှင့် ယန်ဖေး က သူ့ကို တအံ့တသြကြည့်နေသည်။ သူတို့ နှစ်ယောက်ရဲ့ မူလဇစ်မြစ်ကို ခေါင်းဆောင်က ဘယ်တုန်းက လေ့လာခဲ့သလဲ။
"မင်းက F-city မှာနေတဲ့ ပုံစံလို့ ထင်လို့ အဲ့လိုဖြည့်ထားတာ။ မမှန်ရင် ပြောင်းလိုက်ဦး"
ကပ္ပတိန် ကော က သူ့လက်ကို ဝှေ့ယမ်းလိုက်သည်။
နှစ်ယောက်သား ခေါင်းတညိတ်ညိတ်နှင့် မူလ မိုဘိုင်းဖုန်းကဒ်များကို ဖယ်ပစ်လိုက်ကြသည်။ နောက်ဆက်တွဲအချက်အလက်များအတွက် ... သူတို့ သူတို့ရဲ့ လက်ရှိနေထိုင်ရာနေရာကို ဖြည့်ရမယ်။ အသေးစိတ်အချက်အလက်တွေ အများကြီး ဖြည့်ထားရင် သူ့မိဘတွေကို အိမ်ပေါက်ဝဆီ ခေါ်ဆောင်လာသလိုဖြစ်နိုင်လို့ ယာယီ လိပ်စာကို သုံးတာက ပိုကောင်းမယ်လို့ ယန်ဖေး က ခံစားရသည်။
သူသည် ယခင်ကဲ့သို့ တပ်ဖွဲ့က အလုပ်တွေကို လုပ်နေဆဲဖြစ်ပြီး အလုပ်များတဲ့နေ့တွေ ကုန်ဆုံးသွားပြီးရင် ဈေးကို ကားနဲ့သွားကြသည်။ ဒေသခံအချို့ အခြေစိုက်စခန်းမှ ပြောင်းရွှေ့ပြီးနောက် လူစည်ကားသော လမ်းအများအပြားက လူနေထူထပ်မှုကို လျှော့ချခဲ့သော်လည်း ခင်းကျင်းထားသည့် ဆိုင်များ ရှိနေဆဲဖြစ်သည်။
သူတို့ နေ့တိုင်း အိမ်ပြန်ပြီး ဒီလမ်းက သူတို့အိမ်နဲ့ မဝေးတဲ့ လမ်းမကြီးတစ်ခု ဖြစ်သငည်။ သူတို့ လင်မယားနှစ်ယောက် စုဆောင်းထားခဲ့သော အမှတ်များကို ယူကာ အမြူတေနဲ့ ခေါက်ဆွဲခြောက်ကို ကျောပိုးအိတ်ထဲတွင် ထည့်ကာ ဈေးဝယ်ထွက်ကြသည်။
သူတို့နှစ်ယောက်ရဲ့ ဒီနေ့ လိုချင်တဲ့အရာက မှိုစိုက်ဖို့အတွက် ထင်းမီးတွေ လာရှာတာဖြစ်သည်။ ထင်းမီးများသည် သူတို့၏အနာဂတ်ဘဝအပေါ် သြဇာလွှမ်းမိုးမှု ကြီးကြီးမားမား ရှိလာလိမ့်မည်၊ နောက်တချိန် ရှားပါးမသွားခင် အခုကတည်း ကကြိုတင် ဝယ်ယူစုဆောင်းထားရမည်။
နှစ်ယောက်သား ဈေးပတ်ကာ မောင်းလာရင်း လျှပ်စစ်မီး မရှိလို့ လောလောဆယ် အသုံးမဝင်ဖြစ်နေသည့် မီးသုံးများစွာကို အမှတ်နည်းနည်းနဲ့ လဲလှယ်နိုင်ခဲ့သည်။ သူတို့ကားထဲ မီးသီးတွေပြည့်နေပြီး နှစ်ယောက်သား အလုပ်ပြီးရင် အိမ်ပြန်ဖို့ အဆင်သင့်ဖြစ်နေပြီ။ လော်ရွှင့် သည် လမ်းထောင့်တစ်ဝိုက်တွင် တစ်ခုခုလုပ်နေသော လူတစ်စုကို တွေ့လိုက်လို့ ယန်ဖေး အမိန့်ပေးလိုက်သည်။
"ကျွန်တော် အခြေအနေကို သွားကြည့်ချင်တယ်"
ဘေးပတ်ဝန်းကျင်မှာ ရပ်နေတဲ့ လူတွေက ကောင်းတဲ့ လက္ခဏာတော့ မဟုတ်ပါဘူး။ ထောင်ချောက်တစ်မျိုးမျိုး ရှိကောင်းရှိနိုင်သော်လည်း အဝေးမှ အကဲခတ်မယ်ဆိုရင် သူတို့ကို ဒုက္ခမဖြစ်နိုင်ပေ။
****-*****
ESTÁS LEYENDO
ပြန်လည်မွေးဖွားလာသော Otaku လေး၏ ရှင်သန်ရေး နည်းလမ်းများ (MM Translation)
Terrorပြန်လည်မွေးဖွားလာသော (Otaku) အိမ်တွင်းပုန်း တစ်ယောက်၏ ကမ္ဘာပျက်ကပ်အတွင်း အသက်ရှင်သန်ရေး နည်းလမ်းများ ျပန္လည္ေမြးဖြားလာေသာ (Otaku) အိမ္တြင္းပုန္း တစ္ေယာက္၏ ကမာၻပ်က္ကပ္အတြင္း အသက္႐ြင္သန္ေရး နည္းလမ္းမ်ား Genre - Rebirth, Apocalypse, Yaoi, Otaku, Zombies
