متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة: أنثى بدون قيود🍁

متمردتي:3

بنت١: حلم هادا حلم
بنت٢: شي حد يقرصني نفيق قرصوني قرصوني ....أيييي
دارت تشوف لقات حنان قرصاتها، هزات كتافها بلا مبالاة ودارت ضحكة صفرة: نتي لي قلتي قرصوني
بنت٢: نتي نتيييي واااااو شوفو البنات شكون واو
بنت ٣: اواه ريكليس هانا reckless hanna
رائد دار شاف فحنان: شكون؟؟
حنان بتاسمات للبنات: متتبعات ديالي؟؟
بنت٢: وي بزاف سيرتو نهار كديري نصائح عاطفية ناري كنبقا شادة تيلي كنتسنى
بنت١: كتحمقيني وفيديواتك مصروعين شكون كيصايبهم لك حيت كنقرا audiovisuel وهادشي كيتيرني
حنان نعتات فعلياء: راهي لي كديرهم
بنت١ مشات تجري عند علياء: عفاك علميني ولا قولي ليا لوجيسييل لي كتخدمي بيه بليييز
رائد شاف فسيمو: شفتهم لاحونا لتوش؟!!
سيمو: عمرك مابقيتي طليتي على ديك لاشين يوتوب لي كانت دارت حنان ملي كنا صغار؟
رائد هز يدو حك لور ديال شعرو وعينيه مقابلين حركات حنان و ابتسامتها: لا معقلتش حتى على سمية لقناة
سيمو: مهم راه تشهرات فيها من سنين
رائد كان لابس تيشورط بيض سامبل كيبين عضلاتو وسروال دجين وإيرجوردن...
شاف فسيمو وغمزو وتحرك حدا صور صغير وبرك فوق منو كحب بجهد ودغيا ضارو لبنات شافو فجيها لوخرا...
لبنات ملي ضارو حلو فمهم كيبان بحال شي واحد من مشاهير هوليود ستيل وزين وعصلات مفتولين غايطرطقو من تحت تيشورط، ملي بتاسم حيد نضاضرو وغمزهم عرفات حنان بلا صافي لبنات مغايعقلوش عليها وفعلا مشاو كيتجاراو...
بنت ١: ويلي نسينا تيتيز البنات تبعوني نجريو نتصورو معاه
من ورا لبنات رائد طل على حنان وغمزها كيفقص فيها، ملي مشاو لبنات جا وقف حداها وهز حاجبو: باقي عندك شي شك؟؟
حنان عرفاتو كيهضر على دكشي لي قالت بلا معرفتش علاش كيعجب لبنات قلبات عينيها بلا مبالاة: شك لي عندي هو واش هادو فكامل قواهم لعقلية ولا غير هرمونات لي كدويهم...
رائد شاف فيها وهز حاجبو: إدن كتعتارفي بلي حتى هرموناتك كيتخربقو ملي كيشوفوني
حنان خنزرات فيه: للأسف عندي دماغ كنفكر بيه وبعقلي ماشي بحالهم...
سيمو وعلياء تكرشخو بضحك: قالك بعقلها هههه قبيلة عاد كنتي كتنبحي... هاو هاو هاو
حنان خنزرات فعلياء وتمات غادا: واخا الالة عقلي اش درتي وقلبي لك على وحدة خرا توقف معاك فهاد لعرس أنا كنستقيل من مهمة لبيست فراند ولا زمر تلاحو...رفاقتكم لاروب
علياء شافت فلمكانة: ولكن راه قدقد دابا اشمن لاروب؟؟ حنان أجييي...
رائد عينيه بقاو مفيكسيين عليها وعلى تحركاتها غادا وكتخبط فرجليها واخا لابسة طالون عالي وكسوة فوق ركبة لي خلاتو كيحاول مايحنززش بزاف باش مايعيقش بيه صاحبو...
رائد شاف فصاحبو لي جمعو معاه دكريات من طفولة ولكن لي زاد من صداقة ديالهم حبهم بزوج لكرة لقدم...لبلاد كلها كتعرف رائد وسيمو تنائي لي تشهر بفرقة من دوري لمغربي  لعبهم لمتناسق هجماتهم لي ديما كتسالي باهداف لدرجة أنهم دابا كيلعبو فدوري لإسباني ومعروفين عالميا بثنائي لوحيد لي عمرهم تفرقو فمشوارهم لكروي...
نهار رائد رجع شاف حنان من بعد سنين جاتو تغيرات بزاف اخر مرة شافها كانت فعرسها و ملي جات للندن تشجع خوها وديرها مفاجئة وجابت معاها صديقة طفولة ديالها علياء لي هي حب حياة صاحبو وعشيرو وفنفس نهار من مور الماتش فاجئ سيمو علياء بطلب زواج منها على لهواء خلاها حالة فمها بصدمة وبطبيعة لحال حنان غوتات وسدات لصحبتها فمها وقالت ليها (إوا جاوبي خويا خلاص غاتخليه محنسر كيتسنى) فيها حس تمرد كيعجبو وهي شخص لوحيد بغيت نقول لبنت لوحيدة لي مكتبوسش تراب لي كيمشي فوقو رائد، شي لي خلاه باغي يتقرب ليها كتر وفعلا دوزو سيمانة خروجات ونشاط ولكن غير رجعو مغرب لقا بنت أخرى...
شهر لي فات ملي جاو غير تلت يام ورجعو لاحظ بلا تبدلات معاه كتحاول متهضرش معاه بزاف ماتخرجش معاه ومتعطيهش فرصة يطيحها فشباكو...
تنهد عارف راسو ماباغيش يدخلها للدماغو حيت خو صاحبو وعشيرو ولكن شي حاجة فيها كتيرو بزاف للدرجة مكيقدرش يتفاداها...
رائد ضار عند سيمو وعلياء: فين مشات صحبتك
علياء: كعات علينا هههه خليها ضرب ضويرة وغاترجع...
سمحمد: شوف نتا قلب على خوادرية متعصبهاش...
رائد قرب لسيمو وعنقو من كتفو: عندي لك واحد اقتراح... انا وختك غادي نتكلفو بلعرس ونتوما بقات ليكم سيمانة دوزوها فراحتكم مع بعضياتكم ونتلاقاو نهار عرسكم
علياء عينيها كيبريو: الله مكرهتش والله ستريس ومشاكل صغيورين طيرو ليا نعاس من عينيا والله عييت ولكن باقي بزاف مايدار..
رائد جر علياء عنقها بليد لوخرا وفنفس لوقت جاتو دقة لقفاه، سيمو جر علياء عندو ودفع صاحبو بضحك..
سيمو: شد يديك عندك بعد من لمدام..
رائد كيضحك: اوكي اوكي ...مهم اشنو قلتو انا وحنان نتكلفو بكلشي...
سيمو: حنان موافقة على هادشي
رائد بكل تقة: اه موافقة
علياء عنقات رائد ودوات فودنو:شكرا وحظ سعيد تقنع ديك كسولة غاتقفرها معاها
رائد بتاسم بمكر: ههههه خليها نلعبو شوية

بس:مجنوناتي ياله عطيوني أرائكم أفكاركم فأشنو غاتكون ردة فعل حنان لي صدقات غاتكلف بأخر لمسات لعرس هي ورائد؟؟