متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة الثالثة: اتاني هواها قبل ان أعرف الهوى 🍁

متمردتي: 3

خرج من دارو غادي لعندها وفدماغو غير كيفاش يطلب سماحة منها، شي حاجة لي ضروري تعرفوها على رائد من نوع لي ماكيعتادرش، إلا حتاج فعلا يعتر كيدير جيست زوين للشخص وكيشوف لقدام مكيرجعش لور، ولكن مع حنان عارف بلا هادشي مغايدوزش معاها على خير..
لبارح من بعد ما لقا سبرديلتو ودار لقا حنان هربات عليه مكاينش حسها فاطراف المكان... مشا فديك لوقيتة شرا ليها تيليفون، هادي هي لفكرة لوحيدة لي لقى خاصها واحد وتهرس بسبابو...
واقف قدام بابها كيتسنى ومن لي حلات لباب أول حاجة لاحض وجهها كيبان طبيعي ملائكي مزنكة باينة خارجة من حمام لاحض لون ديال شعرها طبيعي مبقاتش كتصبغو كيف ما  كانت!!
رائد ديما ملي كيسولو سيمو واش متبع لقناة ديال حنان مكيبغيش يبين ليه ولا يحس بضعفو قدام ختو، ومشكل تاني أنه صاحبو وبهاد لقضية يقدر يخسر صاحبو ولكن تسنى هاد لفرصة حياتو كاملة مغاديش يضيعها...
عكس لحقيقة لي هي اول متتبعين لقناة حنان هو رائد عمرو زكل فيديو ديالها.
من ناحية اخرى ماغايكدبش على راسو دار علاقات بزاف فهاد لوقت وسنين لي دازو ماشي بقا غير كيتسناها.
حنان وقناتها وحتى إنسطاغرام ديالها عمرو زكل شي فيديو ولا لايف واخة تافه بالنسبة ليه ودكشي متعلق بلبنات ولكن حركاتها وملامحها وهي كتهضر كتخليه مكسمعش لكلام لي كيخرج من فمها مركز غير معاها ومع شفايفها...
رجع للواقع ملي بغا يحاول يهضر وهبط عينيه مع جسمها لاحض بلا حنان لابسة بينوار خفيف وشعرها سارد حس بأنامل صباعو كيرجفو ولداخل ديالو حرب مع راسو باش مايدخلش يشدها من دراعها ويجرها عندو وعنقها حتى تحتاج لأوكسجين ثاني عاد يطلقها، ولكن لواقع ديال دابة حنان ماكتحملوش إلا مكانتش كتكرهو...
حتى حنان ملي وعات على راسها اش لابسة سدات لباب عليه فوجهو.... خاد نفس عميق مكانش راد لبال بلا وقف من تنفس ديك لمدة لي كان كيشوف فيها نسا انه خاصو يتنفس باش يعيش...
هز يدو ببطئ دوزها على شعرو او وجهو تنفس بعمق كيكالمي راسو...
رائد بصوت شبه مسموع:فاااك تكالما تكالما فاااك
رائد: احم حنان حلي واحنان صافي شفت كلشي غير حلي ...
من بعد كلامو معاها وكيفاش سدات عليه لباب قطع شانطي وطلع فطوموبيلتو لي جاب معاه ليوم ناوي يتبعها نهار كامل خطوة بخطوة فين مامشات دارها فدماغو، رائد ملي كان صغير عجباتو كورة ودارها فراسو وفعلا نجح ولى لاعب كرة قدم محترف اي حاجة فحياتو عندو تحدي ...
ملي كان صغير فعمرو تمن سنين تحول هو ومو لحي شعبي عوض لحي راقي لي كانو فيه دغيا تأقلم بحكم سن ديالو ولكن اول صاحب ولا عندو ملي كان فعمرو 12 عام وتلاقى بسيمو، قبل مايعرف حنان بضبط كانو لبنات بالنسبة ليه إبليس تاني كيكرههم وكان كيخرج اعصابو عليهم فالمدرسة ومكحملش مدرسات ديالو...
صونا ليه تيليفون خرجو من افكارو جاوب زعفان: وي
ام رائد: علاش درتي داك تعامل مع كارمن
رائد شاف فتيلي وقطع عليها ولكن عودات عيطات تلاتة مرات حتى استسلم..
رائد بصوت كيزعزع شجر: أشنوووووو
ام رائد بصوت مزعج كتغوت: سمع نتا واش تسطيتي عارف شكون باها
رائد: مزيان ملي نتي كتعرفيه شوفي ليك زوج سابع ولا تاسع؟؟ معقلتش مابقيتش كنحبس من لي وصلتي لخمسة
هاد لمرة قطع عليها لاح تيليفونو وتبع طوموبيلة ديال حنان لي ياله خرجات لطريق دار نضاضرو شمسية وبتاسم جنب.

بس: أرائكم البنات اش بان ليكم فشخصية ديال رائد شي حاجة معاجباكمش نقادوها؟؟ شاركو افكاركم معايا ...