🩸متمردتي المطلقة🩸
بقلمي: اريا ستارك
😷الحلقة الثانية عشر:الحجر تحت سقف واحد 😷
متمردتي: 13
رائد رجع راسو كيضحك ورجع شاف فيها وشفايفها نزل ببطء حتى قرب منهم وهمس: من لي نحط يدي ولا شفايفي علك بغيتك تكوني بكامل قواك لعقلية باش عمرك تنساي وماعمرك مغاتنساي
حنان جراتو بيديها لي مجموعين على عنقو: أنا نحط شفايفي معنديش مشكل
رائد: غدا من لي غاتفيفي غاتندمي على هاد زعامة
حنان عيات من لهضرة جراتو بجهد ولكن خوا ليها ومشا لودنها: غدا من لي تفيقي ساحية نكملو
كانو هادو أخر كلمات لي سمعات قبل مايديها نعاس رجعات عينيها على رائد كتشوف فعنقو رجع زرق بسبابها، حاطة يدها على فمها وعينيها خارجين معرفاتش كيفاش هادشي وقع مع كانت عطشانة ماحبسات تاشربات لقرعة صغيرة ديال فودكا هي كون شربت غير كاس كانت غايبان عليها بلخصوص أنها رقيقة كيقولو لوزن كيساعد على مفعول لكحول فالدم..
رائد شاف ردة فعلها عرفها تفكرات غمزها: نكملو؟؟
حنان هزات مخدة من لأرض شيرات عليه: بعد مني
رائد من بعد.دكشي لي درتي لبارح كنعس براسي بحال غتاصبتيني انا كنقول لا ونتي مكتحشميش
حنان طلقات مانطة وقفات كتغوت عليه: بسبابك نتا كاين شي حد يدير فودكا فقرعة ديال لما؟؟
رائد عينيه كيدورو فجسمها: حليتي تلاجة ديال بار أش كتوقعي فيها؟؟ زيت لبلدية؟ بطبيعة لحال كلها شراب
حنان ربعات يديها: وانا باش عرفت
رائد زاد جوج خطوات ووقف قدامها جرها من دراعها حتى قربات ليه: دابة أنا بغيت حقي من لبارح
حنان رمشات عينيهت بجهد وسرطات ريقها: حق ديالاش؟!!!!!!
رائد نعت ليها فعنقو: هاد زروقية ولبوسان كلشي
حنان حطات يديها على صدرو باش دفعو صدقات قتقيس فلعضلات كانت غاتجاوبو ولكن تشتت تفكيرها:واو شحال قاصحين...
رائد هز حاجبو وبتاسم بمكر: كاين حوايج أخرين قصح... تشوفي؟؟؟
حنان ضرباتو لصدرو هو لي قدامها: ماكتحمش نتا؟!!
رائد: كنت داخل سوق راسي هاد لوقت كامل ولبارح نتي لي خرجتيني على طوعي
حنان حدرات راسها: غير حيت شربت
رائد: كيقولو سكران كيقول غير حقيقة عرفتي شحال من حاجة قلتيها بارح
حنان خرجات عينيها: لعااار؟!! أش قلت أخر؟
رائد: دابة بلاما تنسيني فمشكلتنا
حنان بعينين بريئين: أش من مشكل
رائد حط يدو على خصرها وجرها عندو: نتي بستي حتى أنا نبوس
حنان كدفع فيه: تاطلق واش تسطيتي؟؟
رائد: كنتي غاتغتاصبيني لبارح ودابة أنا لي مسطي
حنان: واصافي صافي غير سمح ليا مكنتش فوعيي
رائد طلقها وضار غادي طالع: أنا غاندير لفطور سيري دوشي وشربي شي فنيدة ديال راس ومتنسايش كاع دكشي لي درتي بارح غانديرو تانا
حنان تابعاه طالعة وكتنكر: تسطيتي نتا والله مابقيتيش كتحشم
أنت تقرأ
متمردتي المطلقة
Roman d'amour⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
