متمردتي المطلقة

بقلمي: أريا ستارك

🍁الحلقة: أنثى بدون قيود🍁

متمردتي:4

أخبريني انتي!!

ماذا أفعل بتفاصيلك المحفورة على صخرة ذاكرتي منذ صغر؟؟

كيف أمضي إلا حال سبيلي وأقدامي عالقة في أرضك؟؟
لو أن الحب قرار . . ماأحببتك

خارجة من طواليط كتغتي هازة مدكرة صغيرة فيدها بحال ديما وشعرها كيلعب فلهوى بحال شي بنيوتة صغيورة، رائد واقف مقابلها كيفاش كتغني بصوت خافث خلى يبقا فبلاصتو مبنج بحال كيتسنط لأغنية حورية البحر لي حسب أساطير قديمة عندها مفعول مخدر كتخلي لواحد ماشي فوعيو وغير تابع مصدر صوت، وفعلا رائد لقا راسو زاد بأول خطوة لجيهتها بلا مايشعر عينيه مفيكسين على شفايفها لمنفوخين كيتأمل في إبداع الخالق..كأنهم مرسومين على لوحة فنية.
وقف حرك راسو بانتفاضة قوية بحال إلا كيسوس شي غبرة مبرزطاه، إنما هو كيحاول يسوس لأفكار لي فدماغو كيفاش كيتخايل دوك شفايف محطوطين على مناطق أخرى...
وقف من وراها وهي محاستش بيه حط يدو غجيبو وطلع نضاضرو فوق راسو، أما حنان فعالمها بوحدها كتلعب براسها غير شوية متبعة اللحن وكل مرة كتمايل على صدى إقاعات هي لي كتسمعهم بوحدها، وقفات كتقلب بعينيها فأرجاء المكان وكادوي مع راسها *هادو فين طارو*...
دارت يدها فصاكها كتقلب على تيليفونها تفكرات بلا محايدة ليه صونيط لقات مسج من عند صحبتها...
*صبيحتي لعالية*: حنونتي لهلا يخطيك عليا ويخليك ليلي تانكيو سو ماتش غاتريحيني وتهنيني مهم انا غانطفي تيليفون ونتشاوفو ليلة قبل نهار لعرس باش نديرو حمام ديالنا وطقوس ودكشييي كلشي على دكشيييي ههههه ...ولكن بصح بصح شكرا بزاف وعنداك تنساي لحلوة راه باقي ماكمونضيتهاش...
حنان وقفات كتشوف فمسج لي وصلها من علياء مفهمات تازفتة شوية وصلها مسج من عند خوها..
*سيمو ولد مو*: شكرا ختي على هاد جيست غاتريحي علياء شوية وتخلينا نوجدو للعرسنا وشهر عسل على خاطرنا...شوفي لا حتاجيتي شي حاجة متعيطيش ليا حيت غانطفي تيليفون على مك 😂 .... دوي مع رائد اصلا راكم بزوج مكلفين ومنخافش عليكم تقدو بالمسؤولية، وبلا منوصيك تكايسي على رائد راه ضريف واخة هكاك بليز على قبلنا وعلى قبل لعرس حاولي متسيفطيهش لسبيطار...
حنان بصوت مرفوع وبعصبية: هادو علاش داوين واش ضرباتهم شمس ولا شنو، وعلاش كيوصي فيا على رائد واش انا بيبي سيتر (مربية)
رائد خرج من مورا بودرا لي كان واقف موراها ومقابلها: سمعت سميتي وسمعت موراها بيبي هاااااح كنت عارفك غير معفرة اما راك طايحة فيا
حنان تحت من نيفها كتهضر وكارزة على سنانها: بغيت لك طيحت لعما فضلمة
رائد: مهم غير تانتي تكوني فديك ضلمة وحبدا لو تكوني فلرض ملي نطيح
غمزها وبتاسم وكل ماكتخنزر فيه كتر كلما كيضحك كتر عزيز عليها يعصبها وكل ماتغزل فيها كتعصب وهادي هي مهمتو فالحياة..
رائد: عمر شي حد قالك شفايفك زوينين ومطراسين
حنان قلبات شعرها بعجرفة: وي عادي ديما كنسمعها
رائد قرب ليها وهو حابس ضحكة وكيشوف فشفايفها: ياريت كون انا ونتي بحال شفايفك عمرنا نتفارقو
حنان شافت فيه وخرجات عينيها: عنيبة من درجة قائد
رائد: انا متأكد ملي كتشربي قهوة كحلة مكتقدرش تبقا مرة وهي دايزة من دوك شفايف
حنان: هههههههه مالهم مصنوعين من قصب سكر
رائد: هاد شفايف عندك كيبانو رطب من زبدة وحلى من الشهد
حنان تعصبت مطات ليه مدكرتها وصاكها: شد بلاتي هاني جاية
رائد حابس ضحكة وواقف: مالك فين غادة
حنان: غانمشي نضبر فشي مقص نقطع ز*** بوهم انا كاع
رائد تصدم للحضة معرفش كيفاش يتقبل أنا حنان كتخسر لهضرة عمرو سمعها ولا تخايلها ولكن معرفش علاش دماغو لي قدامها كيولي بحال شي مراهق، خلاه كيتخايلها كتقول كلام اخر كلام كيتمنى يسمعو من شفايفها، سرعان ما تدارك راسو وحاول يرجع للواقع وركز مع اش كتقول..