🩸متمردتي المطلقة🩸
بقلمي: أريا ستارك
🍁الحلقة الثالثة: أتاني هواها قبل أن أعرف الهوى🍁
متمردتي: 6
عند حنان من بعد ساعة ديال لهضرة اخيرا خداو جميع لقرارات لي كان خاصها تفيناليزا بطبيعة لحال بمساعدة ديك لمذكرة لي ديما هازاها معاها..
لي مكنتوش عارفين هي انه ديك لمذكرة فيها جميع تفاصيل عرس علياء لي حياتهم كاملة وهوما كيدويو عليه وفينما كانت صديقتها لوحيدة كتبين إعجابها لشي حاجة متعلقة بلأعراس حنان كانت كتكتبها فمدكرتها، لمشكل نفس لحاجة كانت كديرها لراسها ولكن دوك لأحلام تبخرو ملي تزوجات ومدارتش عرس أحلامها كلشي تحطم قدام لواقع...
ماشي شي حاجة كتيرة لي كان خاصها تحدد مع أمين اصلا حنان اهتمات بأغلبية تفاصيل من لي سيفطات إيميل بجميع تغييرات لي تاخداتها..لعرس دابا مابقا ليه والو قل من عشرة أيام، للحضة امين مشى لحمام وهي حلات تيليفونها دخلات ضرب طليلة على انستغرام شافت صورة زمن لي مكتوب عليها قبل تلاتة سوايع خنزرات وبدا كيبان عليها معصبة..
صورة: سيمو معنق علياء لي كتصور سيلفي وحداها عاليسر رائد..
عينيها غرغرو دغيا كتفكر ف أخيب حاجة هي أنهم تجمعو بتلاتة بيهم ومقالوهاش ليها وتيليفوناتهم خدامين يعني مطفاوهمش ماوالو...
حنان بصوت باح: علاش كيديرو معايا بحال هاكا؟؟واش زعما كنديرونجيهم بهضرتي؟؟ واش كنكون مستفزة ولا شنو؟ علياء عارفاني زعما راس مالي غير ضحك...
معرفتش اشنو ندير نبين قوية مانعجبش بنادم نكون ضعيفة يستغلوني نقول لي فبالي راني برهوشة نخبي ومانقول والو انا شخصية إنطوائية ماعرفتش اشنو ندير مع بنادم ماعرفتش.....اووووف حنان عادي راه عادي تلاقاو بلا بيك عادي هوما ضاحكين ناشطين وانا كنقاد ليهم فعرسهم هههههههه صگوعية هادي....عادي عادي عادي انا ولفت عادي مهم انا نكون ملي بنادم يبغيني ماشي مهم نلقاهم من لي نحتاجهم ماشي مهم ماشي مهم
امين كان واقف موراها سمع كلامها بحال حطات يدها على جرح، بتاسم بزز وحط يدو على كتافها: حنان كنعتادر تعطلت علك
حنان: لالا عادي كنت كنشوف واش عندي شي غرض أخر ساعة حمد لله نهاري سالا..
تتمة بعد قليل
أنت تقرأ
متمردتي المطلقة
Romance⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
