متمردتي المطلقة

بقلمي: أريا ستارك

🍁الحلقة الرابعة: مطاردة عاشق وتمرد أنثى🍁

متمردتي: 9

حنان ما بغاتش تحل ليها طوموبيل كتحاول تمسح دموعها وماتخلي تاشي اتر...
رائد وقف موراها بتوتر كيحس براسو كيمشي على قشور لبيض غير يزيد خطوة غايهرس شي حاجة... بصوت حنين قال سميتها: حنااان
حنان شاعلة فيها لعافية باقا ما برداتش دارت عندو بزربة: اشنو بغيتي؟؟
رائد: ممكن نهضرو ساعة بلا مانضاربو؟؟
حنان: انا لي كيجبدني كيلقاني اما ماكنجبد تاحد راسي
رائد: عارف عارف ممكن نهضرو شوية فشي بلاصة؟؟
حنان رجعات شعرها لور بيدها وهنا شافت عينين رائد لي تابعين يدها رجعات وجهها ليدها لقاتها دمايات بزربة رجعاتها من موراها...
رائد خنزر وجمع إبتسامة لخفيفة لي كان حاط على وجهو: شكون قاصك تم؟؟ شكون ضربك؟؟
حنان: اسيدي مشغلكش وااااه كدير ليا طيارة بكترة أسئلة مكنحملش بنادم لي يدخل ليا فحياتي متبقاش تسولني شي حوايج خصوصية ديالي..
رائد: شكون ضربك؟؟
حنان شافت فيه وحلات فمها زعما من صباح وهي كتكشكش عليه وفلخر والو متحركش ساكن..
رائد بعينين كلهم غضب: غاتقولي ليا شكون لي خلاك هاكا بدماياتك غانقبر ديمو ومن وراها ما نبقاش نسولك تاشي سؤال واخا؟؟
حنان عصبها وفنفس الوقت كيفاش معصب على قبلها زعزعات شي حاجة لداخل عندها ولكن قلبها كلو جروح موحالش باقا شي بلاصة متقاستش تقدر تحب بيها من بدا وجديد...
حنان: تاحد!!
رائد تنهد هز يدو دوزها على شعرو تلاتة لمرات بعنف كيحاول يكالمي راسو من عنادها، شاف ف لأرض بان ليه ستيلو مهرس مداهاش فيه غايرجع يشوف فيها، ولكن شي حاجة تارت انتباهو فلأرض حقق فيها ونزل لقا فعلا كاين دم لاصق فستيلو هزو ووقف...
حنان كتشوف فيه وعينيها خارجين ملي هز راسو هبطو عينيها لأرض، كتفكر اشمن جواب يقدر يسلكها شي حاجة يتيق فيها رائد قلبات دماغها تاعيات من لي ما لقاتش اسباب هزات راسها ببطئ وبكل ثقة انه ماكيهمش وتاحد ماكيهتم تال ديك درجة، غير تمتيليات كلنا عايشينها وكلنا كدار لينا..
حنان شافت فيه بكل حزم: اشنو؟؟
رائد كان ساهي فيها وفلحزن لي مخبي فعينيها نبرة صوتها فيقاتو: تمشي معايا فموطور ولا نمشيو فطوموبيلتك
حنان حلات فمها بحال شي حوتة خرجات من لما: هاه؟!
رائد:وافقتي مترجعيش فهضرتك
حنان: إمتى وافقت؟؟
رائد مشا يجري تيجاه موطورو: اطط انا جاي متحركيش
رجع كيجري هاز علبة صغير قرب لحنان لي تكات على طوموبيلتها تستاراح.. هز ليها يدها بشوية وحل بواطة صغيرة جبد ساشي لولة حلها فيها قطن معقم مسح ليها جرحة يدها حس بيها كتقفز مع لكحول كيقيس جرحة قرب وجهو وبدا كينفخ على يدها، جبد بوماضة صغيرة وحطها على جرحات ودار فوق منهم فاصمة عاد طلق ليها يدها...
رائد شاف فيها مبتاسم: ممكن نمشيو دابا؟؟
حنان شافت فموطورو موراه وعينيها خرجو بغات تركب فيه: احم مافيا مايسوق
رائد عاد زاد ابتاسم: نمشيو فلموطور
حنان ربعات يديها: ومابغيت نمشي لتاشي ريسطو ولا كافي باراكا عليا من مسلسلات لمكسيكية ودراما ديال والو
رائد تفكر أمينة وكيفاش قدماتها ليه بلي عشيقة راجلها جمع يدو قبضة هداك لحيوان ديال معاذ كان عارفو ماشي راجل وعاد زاد تأكد خانها وجرحها ودابا موحالش باقا تيق فرجال..
ماطة ليها لكاصك دارتو معرفاتش تسدو جا هو سدو ليها، كيحاول مايشوفش فيها ومايحسسهاش بلي باغي غير لفرصة فين يقيصها، بتاسم بمكر حيت عارف هادي هي فرصة وهي لي غاتقيصو بلا هواها.
طلع وطلعات موراه من لي بغات تشد فيه ما بغاتش تقيسو شدات ليه فجاكيط ديالو.
رائد: غاتبقاي تجري ديك جاكيط حتى غاتعنكشيني فسوقان منقدرش بحال هاكا، راك عارفة اي واحد غايشد فيه من جناب ولا يلوي يدو على كرش..
حنان عاقت بيه ومبغاتش تعنقو من كرشو شدات فجنابو خلاتو مبتاسم بالنسبة ليه أي لمسة هي إنتصار..
من لي ديمارا بجهد حنان قلبها وقف فلبلاصة دورات يدها على كرشو خلاتو كيضحك طريق كاملة فينما يكسيري كاتكرز يديها عليه، عضلات جسمو تحسساتهم ملي جاتها شي حاجة قاصحة مرة مرة كتعاود تقيس بحال مامتيقاش علاش كرشو قاصحة، اما رائد كيحاول يركز مع طريق ومايغمضش عينيه مع كل رعشة من عضلاتو جسمو كلو كيتستاجب لمستها عمرو عرف بلا تال هاد الدرجة هاد لبنت كتأثر فيه..