متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة الرابعة: مطاردة عاشق وتمرد أنثى🍁

متمردتي: 5

حنان وصلات لبلاصة فين عندها لموعد حطات طوموبيلتها ودخلات بطبيعة لحال وقفوها قدام باب حتى عطات إسمها دخلات معاها لبنت تال طابلة فين غاتبرك وتكلمات معاها بلفرنسية: مرحبا بيك عندنا انا نسيفط ليكم سيرفور ديالكم فلحين.
حنان وقفات مبتاسمة للمدام لي باركة بحلة أنيقة قدامها ميني جيب كحلة مع جاكيت ديالها وشوميز فلبيض دايرة حلقات وقلال لمجوهرات لي دايرة، تفكراتها حنان يامات كانو ساكنين حداهم بدرب كانت كتلبس بلاكييور مشلل وتحلف وتعاود راه دهب.. معروفة فدرب من ناس لي كانت عايشة فلعز وعمرها نساتها ديما كتعامل مع كلشي بحقارة ولا لكان معندها فيك نفع كدفع (صاحبة مصلحة فقط)..
حنان كانت مبتاسمة ملي شافت نص ابتسامة ديال جميلة توترات: سلاام عليكم
جميلة بنفاد صبر: بركي
حنان بركات وهي كتحاول تفهم اشنو مشكيلتها: فرحت ملي سيفطتي ليا شحال مشفتك ولا عرفت أخبارك
حميلة قاطعاتها: مممم وعندك لوقت تشوفي ولدي بطبيعة لحال
حنان خنزرات: ولدك صاحب خويا لأنتيم وأنا وياه لي كنكملو توجاد ديال عرس
جميلة تقادات فلبركة: كيفاش؟؟ علاش ولدي لي خلص ليكم لعرس مالو زواجو؟؟يما كنتو استغلاليين ولكن منسمحش ليكم تستغلو ولدي
حنان بكل برود: حنا لي كنا استغلاليين؟؟ ماشي نتي لي ماما كانت كتسلفك ومكترجعيش ليها؟؟ وشحال من مرة دخلتي معاها فدارت ومبقيتيش خلصتيها خليتيها واحلة فيها؟؟ ها؟؟ أجي واحد كوكوط ديالنا ملي دينالك فيها لماكلة عمرك رجعتيها لينا...
جميلة كرزات سنانها: بشوية ناس كيسمعو!!!
حنان: وي راه دكشي لاش كيصلاحو لودنين للسميع...فيناهي كوكوط ديالنا؟؟
حميلة تعصبات حيدات نضاضر شمس لي كانت دايرة وخنزرات فحنان: من لخر غانقولهم لك زوج كلمات(بعدي من ولدي) اصلا معرفتش علاش باقي مصاحب مع داك سيمو عشوائي مكتسرطش ليا مامأدبش...
حنان رجعات بلور تكات على كرسي وبتاسمات لجميلة جنب: عارفة عندي قناة يوتوب؟(جميلة هزات كتافها بلا مبالات) وعارفة شحال عندي ديال متتبعات؟؟ (جميلة عوتاني شافت فيها بمعنى طلقيني خلاص أشنو بغيتي تقولي) عرفتي بجملة وحدة مني على هاد ريسطو تنقص لعائدات ديالو عل اقل ب 70فلمئة
جميلة سرطات ريق وخرجات عينيها فعلا ريسطو ديالها شراه ليها رائد باش تبعد منو وكون عندها فاش تلاها: علاش غاتدوي عليه خايب؟؟
حنان عقدات حجبانها وتكات على طابلة وهي مخنزرة: بحكم لاج لي بيناتنا مغانقللش من احترامي لك ولكن غانقولك زوج حوايج وعقلي عليهم مزيان اول حاجة لي يقيس ناس لي كنبغي بكلمة خايبة ناكلو بسناني.... وتاني حاجة ولدك مكنحملوش مكتسرطش ليا قوليه هو يبعد مني وبزوجنا نكونو بيخير...
جميلة ياله حلات فمها دوي شافت خيال وقف حداهم وبتاسمات بمكر: كاااارمن!!!
كارمن مخنزرة فحنان : هايدي كيف تتكلم عن رائد هايك؟؟
حنان: أش هاد LBC لي خرجات لينا من جنب شي خد يطفي زمر...
جميلة بحال مسمعات والو وبابتسامة عريضة: حنان نقدم لك كارمن خطيبة إبني لوحيد
حنان رجعات دخلات لشخصيتها لي كتعجبها حات صواب ولباقة: ورائد عارف عندو خوه سميتو وحيد ومخطوب كاع؟؟ عمرك تفارقي لخوت فيها ذنوب
جميلة: لوحييييد الوحيد إبني لوحيد قلت
كارمن: لك هايدي باين من لأوباش عم تتكلم مثلهم
حنان شافت فكارمن وعقدات حجبانها: نعام الأخت اشمو بغيتي؟؟ كاين مانقضيوه؟؟ شتك بحال كدوي عليا ولا معايا باقة محددتش
كارمن حلات فمها: كيفاش مافهمتكش
حنان طلقات ضحكة عجيبة: هههههخ تسرحات لك الدارجة أبنت لعبد هههههههه الله يعطيني وجهك (دارت عند جميلة) ونتي فرحانة بهاد مونيكة لولدك هههههه ضاااع لبرستيج مشا باااح
جميلة تعصبات: منسمحش لك تهيني كارمن راه بنت لوزير ****** ماشي بحالك صعيب تفهمي لقب والنسب(كتحشي ليها هضرة على ماماها حيت يتيمة)
حنان: لالا ولهيلا قراوه لينا فلمدرسة واحد كيتزوج وحدة وكيولدو ومرتو مسكينة بتمارة كتولي حالتها كينوض يخونها مع بلبنانية ويجيبو وحدة بحال هاد فارمن... عادي بنت زنقة ديال ناس لي لباس عليهم تاحنا عندنا بزاف منهم غير نتوما كيعجبوكم لكفار..
كارمن: اسمي كارمن مانسمحش لك...
حنان وقفات من بلاصتها وقاطعاتها: سمحي ولا متسمحيش شغلك هداك انا جيت باش نتلاقة بسيدة عاشت حدانا سنين درت بحق جورة ولبيت نداء ملي عيطتي ليا ...ماما مسكينة لي ديما كتسول علك ساعة غاتكون غير باقة مبرزطة مع جيهت ديك كوكوط لي مرجعتيش لينا.... مهم ماعلينا انا غانتلاح فحالي نهاركم سعيد