متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة السابعة: تضحك وفي عينيها ألف دمعة🍁

متمردتي:1

قدام دار حناان عينين مقابلينها من داخل سيارة زاجها مكيبينش لبرا مبتاسم وكيشوف فيها كتقرا فكارط وبتاسمات جنب واخة هكاك قرنات حجبانها متسائلة شكون لي غايجيب ليها كادو هاكة مامغلفش كاع غير صندوق ديال عود ومسدود...
حنان: شي فخ هادا؟؟ شكون غايدير ليا فخ مالي عايشة فدراما ميريكانية راه غير لمغرب هادا
واخة هكاك متاقتش قربات من بواطة ودفعاتها برجلها وهربت حتى سمعات صوت خلاها ترجع تجري وتحل صندوقة وهي مبتاسمة ...
حنان هزات لكلب من صندوق وهي كتغوت: واااااه كلب وينو شحال زوييين وااااااو كلب ياحليلي ياااااااااه
قربات لهاسكي لوجهها كتبوس فيه من صغرها وهي كتحلم تربي هاسكي نوع ديال كلاب لي منحدر من سلالة الذئب ماكيتحملش حرارة مرتافعة بزاف... من لي كبرات وهي باغة تربيه ولكن ماماها مكتخليهاش بحكم كيطيح ليهم شعر بزاااف كتر من لمشاش هوما كيبدلو لفرو مع تغيير الفصول...
حنان: مااااايمكنش!!! واو
دخلات وسدات لباب خلات رائد مبتاسم من قلبو لفرحة لي حسات بيها وشاف فعينيها خلاتو حتى هو يكون فرحان هز تيليفون ودور نمرتها مجوباتش مرة لولة تال مرة تانية..
حنان: رائد مامسالياش تانعيط لك من بعد
رائد: بصحة لهاسكي
حنان حطاتو من يدها ووقفات: نتا لي جبتيه؟؟
رائد تفادى لجواب: سميتو روكو عزيز عليه يتخشى فتلاجة...
حنان بتاسمات من لي سمعات اخر كلامو: رائد مانقدرش نقبل هاد كادو كيكونو غاليين انا عارفة وعاد عندو وراقيه وداير جلبة وزوييين كيحمق عينيه بحال دياولك
رائد: لا عينيه زرقين
حنان: وي عرفت بغيت نقول زوينين بحال دياولك
رائد جمع لإبتسامة وحل فمو بالدهشة: عينيا زوينين؟؟
حنان بتوتر: احم قوليا شحال خلصتي عليه منقدرش نقبل شي حاجة غالية...؟!!
رائد بتاسم عجبو لحال لأول مرة هضرات معاه بحال بنت عادية وراتو جانب أنثوي من فرحتها وهضرتها: هابي بيرتداي تويو برينسيس!! (عيد ميلاد سعيد أيتها لأميرة)
حنان خنزرات من طلمة برنسيس كان كيقولها ليها معاذ باستهزاء تسمعات فودنعا جملة من جمل ديالو لكتييييرة (كتصحبي راسك اميرة ولا شنو؟؟ نوضي تكعدي....)شمعات ثوت رائد...: حنااان حنااان واش قطعات هادي
حنان بنرفزة: شوف شكرا جي خود كلبك مابغيتوش
رائد تعصب ياله كانت كدوي مزيان أش قاليها خلاها تبدل هاكة؟؟
رائد: انا فطريق لمطار مسافر لامبغيتيهش لوحيه ماكيهمش
حنان عرفاتو تعصب وحسات بذنب هو جايب ليها كادو وهي تعصبات عليه بلا ماتشعر: فين مسافر ونتا ياله جيتي باقي كعما شفناك كاع
رائد باقي معصب: كنت خدام وراجع نخدم
حنان: اوكيييي
رائد: مغانقدرش نجي لعيد ميلادك ليوم have fun  (استمتعي)
قطع عليها قبل متجاوب وديمارا مكسيري بطوموبيلتو فعلا غادي لمطار هاد لمرة لوجهة ديالو إسبانيا لحفلة تقديم لجوائز لأحسن اللاعبين كان مغايمشيش باش يحضر لعيد ميلادها ولكن لإنسان لمدارش لراسو قيمة اشنو كيتوقع من الناس لأخرين...