متمردتي المطلقة

🩸متمردتي المطلقة🩸

بقلمي: اريا ستارك

😷الحلقة السادسة عشر والأخيرة: سر معي حتى النهاية 😷

متمردتي:2

تسمع دقان تاني هاد لمرة يديه بداو كيترعد خطات يديها من فوقهم كتكرز عليه: baby تكالما بليز
كلمة بيبي ضحكاتو بتاسم ودار عندها عنقها أكتر حس بنوع من الأمان حط وجهو فعنقها وستنشق ريحتها تنهد كأنه رتاح من كلشي فهاد اللحظات، ولكن سرعان ماحتارق سكينة قلبو دقات تاني هاد لمرة مع صوت خشن: رائد حل لباب عندي لك كلام ضروري تسمعو ..
حنان جرات رائد للباب بغات تحلو حبس ليها يديها ما باغيش يحل ليه لباب ولا يواجهو، بتاسمات بحزن شدات ليه فيدو وشبكات يديها معاه هزات راسها فيه: اول مرة كيحاول يهضر معاك؟؟
رائد شاف فلباب بكل غضب: حتى تشهرت عاد بان
حنان بأسف حدرات راسها: لفلوس كيعميو لبصيرة لشي ناس ولكن عل اقل سمعو وسد لباب وراه
رائد: هضراتو ماغاتزيدني ماتنقصني!!
حنان تنهدات وقرنات حجبانها بتركيز: ولكن غاتبقا ديما تساءل اشنو بغا يقول دكشي علاش نحلو ليه لباب يقول لي عندو ويمشي فحالاتو.
سمع كلامها وحط يدو على بواني حل لباب وجهو كلو أعصاب وعروق بارزين حلو بجهد وربع يديه عينيه كلهم كره للشخص لي قدامو: عندك خمسة دقايق هنا قدام لباب قول لي بغيتي تقول

عينيه بنفس لون عينين رائد كيشوفو فيه بحزن: رائد انشرح لك كلشي غير عطيني فرصة نهضر
رائد كيشوف مورا باه رافض يشوف فيه: عندك خمسة دقايق
تنهد شاف فحنان وهضر عل اقل شي حد كيشوف فيه وكيسمعو: سلام انا مهدي الودغيري اب رائد
حنان بتاسمات حشمات تهضر معاه ناقص كيف ما كان هو اكبر منها وعمرها شافت منو شي حاجة خيبة ولكن خاصها تراعي لشعور رائد..
مهدي رجع شاف فرائد هز يديه قدامو بتوتر كيمسحهم فسروالو: اول حاجة مهمة عندي لك خبار مازويناش احم واش حاولات جميلة تاصل بيك مؤخرا؟؟
رائد هاد لمرة خنزر فيه ويديه جمعهم قبضة عندو جرأة يسولو على جميلة بحال كيسولو على لجو: معندكش لحق تسولني ولا تهضر معايا!! داك لحق تخليتي عليه شحال هادا قول لي عندك راه مابقاش عندي لخاطر لهادشي..
مهدي بعصبية بحال ولدو قرن حجبانو كيحاول يتنفس ببطء و يتهدن: احم جميلة وقعات ليها هيروين أوفر دوز  (جرعة مفرطة)
حنان حطات يدها على فمها وعينيها وساعو على آخرهم أما رائد اهتمامو رجع كلو لمهدي وبخفة شنق عليه: كيفاش؟؟ اش كتخربق؟؟ باغي فلوس هادشي لاش جاي ؟؟ دوييي
مهدي بكل برود شد دراع رائد ولواها حتى طلق منو ولكن ماتوقعش رائد يرجع يدو فلإتجاه المعاكس ولوي ليه دراعو اكتر: ماتلعبش معايا old man
حنان شدات لرائد فدراعو: طلق حشومة ا رائد طلق منو
سمع كلامها طلقو وعينيه باقين مقرونين: اش كتخربق على جميلة؟؟
مهدي لاحظ بلي ماكيعيطش ليها ماما حس بعلاقتهم ماشي تالهيه: عيطو ليا سبيطار يوماين هادي جابوها لمستعجلات من بعد ما خدات برا ديال هروين بجرعة زائدة، بسبابها وقعات ليها سكتة قلبية قدرو يحييوها ولكن باقة مافاقتش شحال وانا كنرغبهم فتيليفون يعطيوني رقم شي حد من لي عيطت لمركز إعادة تأهيل لي كانت فيه ففرنسا...