متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثانية عشر:الحجر تحت سقف واحد  😷

متمردتي: 17

حنان دفعاتو وقفات كتسوس راسها من تلج رائد تاهو وقف غير شاف فيها هزات صبعها قدام وجهو: سمع نتا ديك بسالات وداك بوسان ديرو مع دوك لبنات لي كل سيمانة كنتي كتبدلها بوحدة خرى ماتفوتش حدودك معايا
دازو من حداهم واحد زوج دناس شاف فيها رائد بمكر ودوا بصوت عالي بلإنجليزية.
رائد: لبارح من لي سكرتي وستغليتيني وانا كنقول لك لا ونتي رافضة تسمعي ليا ماتفكرتيش بلا فتي حدودك
حنان شافت وشافت فلبنات لقاتهم كيضحكو وكيوشوشو مورة يديهم وكيشوفو فيها تزنگات...
حنان كازة على سنانها وكتهضر بشوية صوتها شبه مسموع: كديرها بلعاني باغي شوهة؟؟
رائد كيضحك: نتي لي بديتي لبارح
حنان: غاتندمني على لبارح..
رائد جرها غادين راجعين فحالهم: أشنو رأيك فباسطا هاد ليلة؟؟
حنان: نتا لي غاطيب؟
رائد: إلا مرجعش ضو غانشعل لعافية لتحت ونطلع نطيب لعشا تافقنا؟؟
وصلو للدار وكل واحد بدا بلمهام ديالو هبطات شعلات شمع ولامبات ديال حجر نورات بيهم لمكان، ملي وصلات لسرير تقادو جاها بحال فلاش باك وتفكرات اللقطة فاش قالت ليه لعبو عروسة وعريس، هزات يدها حطاتها على فمها وجا فبالها اللقطة لي قالت ليه زوين ولحيتو زوينة: ويلي ويلي ويلي هادشي كامل قلتو  ويلي ويلي على لهيبة مشات.....هادشي علاش كل مرة يبوس ولد لحرام ولد كلبة سمع كلشي وعرف اشنو كاين ... ويلي ويلي شوووووهة ...
رائد هابط هاز مقلة كبيرة عامرة بليباط بلكروفيت وفيدو مغرفة ديالها: لعشا وجد
حنان حدرات راسها ومشات لفين قادات طباسل فطبلة مع لكيسان وبركت فكرسيها مقالتش كلمة وحدة، حط لمقلة هزات هي لولة حطات فطبسيلها وبدات كتاكل بزربة: مالك زربانة؟؟ كان فيك جوع بزاف؟؟
حنان عاد كتزيد فورشيط اخر لفمها باش متقدرش دوي وكتنعت ليه فلماكلة، قرن حجبانو مقابلها ومرة مرة كياكل لاحظ بلي من لي هبط مشافتش فيه ماهزانش عينيها: فاش غانتفرجو ليوم؟
حنان هزات كتافها مقالت والو، حط لفورشيط بجهد فوق طابلة وربع يديه كيشوف فيها بنضرة حادة: أشنو مشكيلتك دابا؟؟
حنان خشات دغما أخرى ومقدراتش تهضر: غادي تخوي فمك وتهضري ولا غاانهضرك صحة..
حنان خنزرات فيه وضد فكلامو هزات لفرشطة عالية كتوريها ليه وداتها لطبسيل هزات مزال ويالاه غاتخشي لفمها ناض من طابلة بجهد وصدق حداها  حيد ليها لماكلة من يدها ونوضها من طابلة.
عينيه على عينيها مخنزر فيها: نضغي لماكلة وسرطي كوني تسمعي لهضرة ولا غاندمك أحنان على الضد لي شادة معايا
معرفاتش اشنو هاد لإحساس لي جاها ولكن عجبها لحال وهو معصب، توحشاتها هادشي علاش ديما كانت كضارب معاه حيت أعصابو وتحكمو فيها من لي كيتعصب كيعجبها.
حنان: شتك كتهددني؟؟؟
رائد جرها وقفها: اه كنهددك حيت عارف طريقة لي غاتهضري بيها غاتندمك حيت مادويتيش من لول
حنان ضحكات هاد لمرة غير كاستفزاز وهزات صبعها كتخشيه فصدرو كدفعو وكتهضر: انا مكنتهددش أنا شخصية متمردة وسيرتو من ناس لي باغين يتحكمو فيا
رائد  شد صبعها ودور يدو على يدها كرز عليها هزات يدها لوخرا حطاتها على يدو كتحيدها ليه: طلق مني كنت كنهضر
رائد شد يدها لأخرى حكمها بقبضتو وضور يديها بزوج من ورا ضهرها وجرها لعندو: مابغيتينيش نبوسك ياك؟!
حنان ضرباتو لرجلو وبدات تركل: طلللللق مني قلت لك لا ماتبقاش تبوسني وقتما رشقات لك
رائد هز حاجبو كيشوفيها مبتاسم جنب: تقدري تبوسيني نتي وقت مارشقات ليك بحال بارح متلا
حنان: ناااااري كرهت لبارح على هاد لحالة لي درتي ليا
رائد هزها من لأرض بيد وحدة رجعها للحيط ويديها بزوج باقين بين قبضة يد وحدة ونطق بصوت خشن كتوعد بشي حوايج مخفية بين سطور هضراتو: مالك مكتشوفيش فيا ومكتهضريش معايا ايلا ما دويتيش كل دقيقة تعطلتيها غانبوسك
حنان: لا لا لا لا أنا غانقول غانقول