متمردتي المطلقة

#تتمة متمردتي 9

رائد شاف فيها وبتاسم من حدها متقدرش تشوفو نتاهز لفرصة وبين مشاعرو ليها من خلال عينيه لي كيقلبو على وجهها فضلام بحال القمر باش ينور ليه طريقو...
جرها لعندو كتر وملي نطق صوتو خرج باح وكيلتاقط أنفاسو بحال إلا كان كيجري: هاد الأفلام لي كتهضري عليهم اشمن نوع
كل مرة كتحس بأنفاسو فبلاصة لمرة اولى فوق حنكها بلطف حسات بلكلمة كتر ماسمعاتها: فيلم دراما؟!
مرة تانية كانت أنفاسو على جيهة ليسرى من وجهها قرب ودنها: ولا فيلم كوميدي؟؟
لأول مرة فحياتها كتحس هاد لإحساس لغريب بحال ضاراها كرشها وشعور كيتبدل من مغص لدغدغات معرفاتش مناش بلاماتشعر حركات يدها بغات تحطها فوق كرشها، رائد حس بيها تحركات عند بالو غاترجع لور جرها عندو كتر وقرب وجهو لوجها كتر ماكانو قراب وهاد لمرة شفايفو قدام شفايفها، لأول مرة فحياتها مجرد تنفس يقدر يوقف ليها قلبها معرفاتش راسها إمتى كانت حابسة أنفاسها حتى تنهدات بزربة وهي كتحاول دخل شوية لأوكسجين لجسمها، ومع النفس الجديد تسللات معاه ريحتو للداخل عقلها وقلبها وبدون شعور هزات راسها لعندو كتحاول تكمل لمسافة لي بقات بين شفايفهم..
رائد تكلم بصوت حنين: ولا فيلم رومنسي؟؟
حنان كانت فعالم أخر خرجها كلامو من سهوتها: ها؟؟
رجع راسو لور وضحك من قلبو حتى حس بيها مابقاتش مرتاحة وبغا يكسر هاد سكون:قولي اشمن فيلم كنتي كتفكري فيه
حنان رجعات دماغها للخدمة وقدرات تفكر فجواب: فيلم رعب كيبدا بضو مشا كيسالي بكل واحد مقتول فقنت
رائد كيضحك: عنيييفة (شد ليها فيدها وشبك صباعهم) أجي معايا لتحت