متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة الخامسة: بين ثنايا الحاضر وألغاز  الماضي🍁

متمردتي: 16

حنان معنقة ماماها: عاودي ليا اماما
مليكة كتلعب فشعر بنتها: ملي وصلت هنا لقيت خويا صغير لي هو خالك فعمرو دابة 39
حنان: اواه هي جدة ولداتك صغيرة؟!!
مليكة بكل حزن: أبنتي هاداك هو مشكل علاش ماتربيتش معاهم وحشمت نقوليكم لحقيقة  على أصلنا...
حدرات راسها وحنان هزات ليها راسها مبتاسمة بحزن: ديما هاد راس لفوق كيما كتقولي ليا هههه
مليكة بتاسمات هزات يدها حطاتها لبنتها على حنكها: جداك كبر مني غير بخمسطاشر عام من لي كانت صغير تربات فدار ماماها لي هي جدة الله يرحمها كانت شيخة وفشي ليلة من ليالي، من لي كانت ماما فعمرها ربعطاشر عام واحد من رجال لي كانو سهرانين هنا شدها بزز وتكرفص عليها...
دارهم غطاو على فعلتو ومادعاوهش ولكن ملي صدقات حاملة خافو منو كتر حيت ديك ساعات كان قايد وهوما مفحالهمش، خبعوها حتى ولداتني وهزوني داوني حطوني قدام شي جامع ولإمام هو لي وصلني لخيرية...
حنان بقات حالة فمها ودموعها دايزين: لا حول ولا قوة إلا بالله!! وجدة فينها دابة؟؟
مليكة:داها خالك تدير دياليز راه عيانة شوية ومع مفحالهمش...
حنان وقفات بزربة: وعلاش بقيتي هنا سيمانة علاش منهزوهاش نديوها تعالج فينما كان ونتهلاو فيهم راه عاناو بزاف فحياتهم من واجبنا...
مليكة وقفات وعنقات بنتها فرحانة قاطعاتها من كلامها:كي قولك ""لي ولد ماماتش"" طيبة ديال باباك ومحنتو ديما كنشوفها فعينيك، شي وحدة اخرى من هاد لي ولاو مشهورات فليوتوب كون كانت بلاصتك تبرا من عائلتها لاسمعاتهم كانو شيخات ...
حنان: علاش مالهم شيخات تاهوما كيخدمو وكيتخلصو من لي كيكون عندنا عرس نعيطو ليهم ونفرحو بيهم وملي نشوفهم هكا نستعرو منهم ومنتقبلوهمش... لا مكنفكرش انا هكاك على حساب مداز علينا كنفهم ناس لي كيلقاو رزقهم بطرق مختالفة ماشي طرق صحيحة ولكن دكشي لي قسم عليهم الله وهو لي غايتوب عليهم شكون حنا تانحاكموهم ماعلينا غير نصحوهم وصافي...
مليكة بتاسمات بحزن:الله يكملك بعقلك شرفتي ابنتي بلا وقت هههه... ابنتي جداك راسها قاصح مبغاتش تحول من هنا، حتى جا سيمو عاد شوية بدات تفكر تحول من هنا أما خالك فرح من لي لقا شي حد أخر فعائلتو..
حنان: فين باه؟؟
مليكة: مسكين كان هو شيخ دوار ولكن جا شي فيضان داه فلواد الله يرحمو وسع عليه ديقة لقبور..
حنان حدرات راسها: أمين
مليكة بتاسمات بفرحة: مابقيتيش كاعية عليا؟!
حنان ضحكات: هههه وانا نقدر ... دابة قولي ليا إمتى غاترجعي لدارك؟؟
مليكة: غانجيبهم معايا جداك وخالك نقدرو نشريو شي دار كبر
حنان: انا نعاونكم
مليكة: الله يرضي علك ولكن لا هاد لمرة خوك غايتكلف راه لباس عليه دابة ويقدر يعاون كتر، صافي ابنتي شوفي حياتك وبرعي راسك
حنان بحزن: ولكن انا كيعجبني نعاون
مليكة: ايه ولكن ياله تكافاي مع كريدي دار وطوموبيل ياله ياااله وعاد تعيشي مع راسك ومتبقايش هازة لينا لهم
حنان رجعات فيها روح شوية من لي عرفات لحقيقة: غانبقا ديما هازة ليكم لحمل راكم عائلتي طريف من لكبيدة ديالي ههه
سيمو داخل ضاحك : لواه طيحال ماشي لكبدة ههه
حنان خنزرات فيه: ههه حامض
مليكة: ايه جمعو راسكم وياله تصالحو!!
سيمو: واللهما درت ليها شي حاجة راه...
مليكة خنزرات فيه: اش قلت انا
سيمو بتاسم وحك راسو: بفف واخة ختي حنان سمحي ليا بفففف
حنان كتعيب فيه: بففف ألااا مامسامحاش
مليكة عنقاتهم بزوج: والله يهديكم على بعضياتكم، سمعت لباب تحل انمشي نشوف واش مي جات
حنان بقات كتشوف فماماها وهي فرحانة: مبقاتش كتعرج ماما برجلها؟!! لعجب!
سيمو : ههه شافت ماماها وصحات ولات لباس عليها... اجي نتصالحو نتي
حنان نفخات قنانفها: لااااااائح
سيمو كيهر فيها: عفااااك
حنان تلاحت بضحك:ههههههههههه صافي صافي واخة اووووف ولكن بشرط
سيمو: إنت تأمر ياجمييييل.... بس بكرة حاتندم ياجميييييل
حنان: خارج من ميلودي افلام اش هاد لحموضة
سيمو ضربها لجبهتها: واقولي اشنو شرط
حنان: علياء خليها تبات عندي
سيمو: لااا
حنان رجعات خنزرات فيه: اوكي بسلامة
سيمو شدها من دراعها قبل ماتسلت: بلاتي بلاتي غير نتفاهمو...
حنان: انا ختك ازمر وهي صاحبتي شحال باتت معايا قبل ماتبداو تحابو بزوجكم ودابة نتا غاتجي من لور ودير فيها سي سيد ولا شنو؟؟ شحال عزيز عليهم لحكام هاد رجال اشنو زعمة بلا بيكم راه حنا ضايعات ومكنعرفو نديرو والو وديما كيتلقاو لينا دراري يتبسلو علينا وكنتكريساو وبلا بيكم حنا عايشين من دون هدف اودي شبعانين عياقة.. زعمة دنيا كتمحور غير عليكم وبااااااز....
سيمو: صافي صافي صافي سمحي لينا ياربي سلامة كاسيطة مسروطة مكتسكتيش؟! خوك انا زعمة وجمعتيني مع كاع رجال
حنان: ومالك ماشي راجل؟؟ بطانة كلب؟
رائد واقف فلباب كيتفرج فيها قال بصوت مسموع ولكن كيسحاب راسو داوي غير مع راسو:
"""تقدر تخرج لبنت من لحي شعبي ولكن عمر لحي شعبي مايخرج منها"""

مجنوناتي لاوصلتو لقصة لربعين جيم من هنا للعشرة ليل نزيدكم اجزاء ديال علياء وحنان مشاو لبواط فرأيكم واش غايحصلوهم دراري ولا لا؟؟ ياله تحركو معاناااا