متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة السابعة: تضحك وفي عينيها ألف دمعة🍁

متمردتي:5

معاذ: كيدرتي حتى لقيتيني؟
رائد بلامبالاة: ماكيهمش
معاذ بتاسم باغي يبان قوي: جاي ليا عند لبوليس هههه مالك خايف تلقاني برا ونعاودو لماضي؟؟
رائد وقف و كيطوي كمام شوميز ديالو وبابتسامة جانبية: بلعكس مكاين تاحد لي غايحبسني علك
معاذ شافو بدا كيقرب لعندو: مغانضاربش معاك نتا واش هرب لك راني أصلا فلحبس
رائد ضحك بتقالة غير باش يستفزو: هادي هي بلاصتك وانا لي دخلتك ليه
معاذ كان كيرجع بلور هربان منو ولكن من لي سمعو اش قال وقف: كيفاش؟
رائد حيد مگانة وحطها مع بزطامو فوق كرسي لي كان بارك عليه: دابا كتصحبني جيت صدفة أنا لي جبتك هنا وغاتبقا هنا حتى نخرجك انا ولا يسيفطوك لحبس على حساب گانتي ... اه بالمناسبة عند راسك مريگل بدلتي سمية؟ ههههههه معارفش راسك معامن
وفلحضة ملامح رائد تبدلو تفكر گاع لكره ولحقد لي كان كيحس بيه من جيهتو تفكر فعايلو فحنان وكيفاش خرج عليها فحياتها لحد لآن باقة متعافاتش وبخفة صدق قدامو وعطاه كروشي للفم: انا من لي كندخل شي حد لدماغي نجبدو نجبدو وليوم غانجبد لديمك مصارنك كون يخليوني
معاذ ناض بزربة باغي يضرب تاهو ولكن بسهولة رائد تفادى ضربة بليونة دار بزربة بعد من بلاصة فين كانت جاياه الدقة ورجع بمرفقو عطاه لكرشو: غانخلص فيك بلان لماضي ولي وقع من موراه
معاذ رجع بلور كيتنفس بصعوبة دغيا مامولفش يتريني من غير شراب ولخدمة ماكيدير والو: هههه حنان ياك عارف كلشي من حنان هههههه منسيتيش حب طفولة ههههههههه ولكن دوماج ح**** قبل منك
رائد هز رجلو ضربو لجهة الركبة طاح معاذ على ركابيه كيتألم جاتو دقة أخرى لوجه: حب طفولة لي ولا حقيقة دابا بفضلك ههههه
معاذ شاف فيه مصدوم هاد كلام خلاه يفيق مزيان: اش أشنو؟؟
رائد وقف قدامو مهبط عينيه كيشوف فيه باحتقار وهو بارك على ركابيه: متخافش أنا ملي غانتزوجها غانقضي لغرض ماشي بحالك هههههه كتصحبني معارفش؟؟ ههههههههههههه شتي مشكيلتك كنتي كتصحبها كتبغيك
هاد لهضرة خلات معاذ يوقف بزربة وضرب رائد لكرشو بكل جهدو، ملي هز راسو لقا رائد كيشوف فيه مبتاسم: واش كان خاصني نتوعت ولا شي لعيييبة؟؟ اوكي بلاتي احم .....أيييي اوووف  ههههههههههههههههههه شحال ماضحكت من قلبي
معاذ معصب هز يدو عوتاني بغا هاد لمرة يضربو لوجهو ولكن رائد شد لي يدو وعوجها ليه ومعاذ كيدوي بزز: حناااان كانت كتبغيني وغاتبقا تبغيني وعمرها تقدر تكون مع شي حد..
قبل مايكمل كلامو نزل عليه رائد للراس طاح كاو تيكنيك... من لي بدا كيرجع لوعيو لقا راسو باقي فلأرض ورائد بارك فلكرسي شاد تيليفونو..
رائد: صباح لخير أسييي
معاذ بعصبية: اشنو مزال بغيتي؟؟
رائد خشا تيليفون فجيبو وشبك يديه: نبداو فلمعقول.... شوف عندك زوج حلول أولا غادي دخل لحبس هنا ولا فلمغرب على حساب لقاضي ولمدة بلاتي نفكر خطف إعتداء تخذييير ...
معاذ قاطعو مخلوع: ولكن انا مدرت تاحاجة من هادشي
رائد هز كتافو: دلائل ضدك وشهود ضدك  .... كاين إختيار أخر عشرين مليون لي خديتي سينين هادي من عائلة الحريري ترجع ليهم (دار ليه اشارة يسد فمو) قبل ماتبدا تبكي عليا معندكش فلوس باك عندو فلوس خود من عندو شفر تسلف أنا مشغليييش فلوس يكونو فكونط لالة مليكة من هنا لغدا مع بحال هاد لوقيتة سينو غانعرف عجباتك عيشة لحباسي هههههه هاسطا لويغو  (إلى اللقاء)
معاذ: رائد عفاك بلاتي شوف
فنفس لوقت بانو لبوليس حبسو معاذ وخرج رائد وهو مندمانش على لفلوس لي خسر وهو كيرشي لبوليس ولا لبنات ولا حتى شهود هاد لإحساس كيستاهل كل ريال وكتر وعاد حس براسو رجع لحنان شوية من الكرامة لي طيح بيها...

(خربق ليه لملامح ديالو)