بقلمي: أريا ستارك
🍁الحلقة الخامسة: بين ثنايا الحاضر وألغاز الماضي🍁
متمردتي:12
حنان قربات ليه وعينيها مقوسين بحال كتحاول تشوف اشنو مخبي مورا عينيه: دابة غير قول بلا عصا؟!! باش عرفتي
رائد حاول يصطانع بلي ماعلى بالوش: قلتيها فشي لايف
حنان حلات فمها ونعتات بصبعها فيه: كتفرج فلايفات ديالي؟!
رائد:احم ملي كنجي فيهم كنتفرج
حنان رجعات قوسات عينيها: ولكن انا مدرتش لايف قلت فيه غايجيو ليوم!! انا براسي مكنتش عارفة غايبدلو لي لوقت!! رائد بااااش عرفتي؟
رائد مدواش مشا لقهوة لي تعصرات وهز كاس قادو كيف ماكيبغيه وبدا كيشرب وكل مرة يهز عينيه فيها، مكرههاش تنسى باش مايضطرش يقول صراحة...
ضار عندها: علاش ماخديتيش دار كبيرة وسكنتي مع ماماك؟؟ علاش بوحدك؟ مكتخافيش بوحدك؟
حنان رجعات يدها فوق خصرها وقفات مقابلة معاه: جرب تجاوبني على سؤالي وديك ساعة نجاوبك
رائد: اوكي بحال لعبة 20 سؤال
حنان باغاه غير يجاوب: واقول باش عرفتي
رائد بنفاذ صبر واخة أصلا ماكيهموش تعرف طريقة باش ساق خبار حيت هو عارف راسو قاصح واخة يرجع لوقت لور غادي يدخل ليها فشبوقاتها حيت ماكيقدرش يمنع راسو..
رائد: قلتي فلايف سميت شركة كنضن درتي ليهم اشهار!!
حنان : وي درت ليهم اشهار باش يعطيوني ديسكاونت ونقصو ليا شوية فثمن..
رائد: ممم بصدفة داك نهار كندوي مع واحد دري صاحبي لقيت عائلتو هوما صحاب شركة لعالامي
حنان شافت فيه باستهزاء: صدفة؟ وصاحبك؟؟ هاد صاحبك كنيتو مكتعرفهاش لعالامي؟ فاجئك هاد صاحبك مامزيانش ؟؟
رائد خنزر فيها: مهم قلت ليه علك وراك كتسناي سلعة ديالك توصل ودارك خاوية مهم هو تقدم بلمساعدة ديالو وبدل لك وقت ديليفري وزادك خصم أخر كنضن غاتشوفي فرق من لي غايعطيوك تسيني..
حنان: اوا غير سيني نتا نيت وجي تسكن معايا كاع!! شوية غاتسكن ليا فلعضام وتسارا ليا مع دم.
رائد بابتسامة عريضة: لا داري حسن من دارك لا بغيتي جي نتي سكني معايا مرحبا
حنان: واخة يكون أخر يوم فحياتي، غييير بالصحة!!! نسكن مع مك تسطيت انا
رائد: انا براسي نسكن مع لواليدة يهرب ليا (شاف فيها وغمزها) ساكن بوحدي
حنان شافت فيه وتبورشات: اوووه ديك شوفة جابت ليا تبوريشة بلخلعة
رائد هز حاجبو وبتاسم جنب: متأكدة لخلعة
حنان: لا لخرية!! قلب عليا مراشقاش ليا..
تحركات لبيتهت وخلاتو من بعد ساعة رائد تاهو كيعاون دراري باش يضيع لوقت وحنان كانت كتفرج فحلقة جديدة ديال مسلسل لوسيفر : هااااح على تيتيز كيدير يشهيك فزواج بوكوووووص...
رائد وقف قدام بابها لي محلول طل فبيتها لقى ناموسية كبيرة لوسط من نوع كوين سرير ديالها عندو اعمدة وهابطين منو خوامي شكل أنثوي كيخليه يتخايل شي حوايج ماشي وقتهم ورائد صغير يقدر يوقف يتكلم وديك ساعة غايتشوه....
حرك عينيه كيقلب عليها لقاها متكية فوق كانابي مقابل مع تلفازة لاصقة فلحيط وحالة فمها فبطل لمسلسل سمع كلامها وضحك..
رائد: ماشي ضروري زواج بةش تستمتعي
حنان خنزرات فيه: مكنديرش لحرام
رائد غمزها: ولكن لحرام بنييييين
أنت تقرأ
متمردتي المطلقة
Roman d'amour⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
