متمردتي المطلقة

متمردتي المطلقة🩸

بقلمي: اريا ستارك

😷الحلقة الرابعة عشر: بين الشوق والنسيان 😷

متمردتي: 12

رائد حابس ضحكة ولكن خرجات ليه: احم شكون هاد لي توحشتي؟؟
عاد.هزات راسها تشوف فيه فعوض مايفيقها من سهوتها عاد مازادت بقات كتشوف فيه وقربو ليها خلى كاع لوساوس تبخر مبقاتش عاقلة اشنو كان مشكل، شدوها عينيه غرقات فيهم ديما كانو هوما نقطة ضعفها، هز يدو لشعرها رجعو لور ورا ودنها كانت غاتهبط راسها حط يدو على دقنها وطلعو باش عينيها يرجعو كيشوفو فعينيه: توحشتك!
حنان بقات كتشوف فعينيه كيبان فيهم إخلاص مشاعرو كيما كيقولو لعينين هوما نافذة الروح غير بيهم يقدر يوصل أحاسيسو، بصوت باح ونبرة مترددة قالتها بزربة: حتى أنا
رجعات لور متاجهة جيهة لبوطة هربانة منو ومن هاد لإحساس لي كيخربقها ماتنكرش بلا توحشاتو وباغة ترجع كيما لول ولكن مباغاش هي لي تجبد لهضرة...
حتى هو رجع لاصوص طوماط لي كيطيب فيها عاد حل فران طل عليه حنان غوتات:شتييييي قلت لك ريحة زوينة كتقوليا باقي ماطيبتيش
حبس راسو على أنه يضحك وهز كتافو بلامبالات: أوبس نسيت
بقات واقفة حالة فمها فيه كيفاش قولبها وهي معاقت بوالو، كيف ما هي كانت عندها خطة لإغواء حتى رائد كان مركز على سرعة توترها من جيهتو ولعب بيها لصالحو: غشاش نتا
ضار عندها مبتاسم: ههههه كنلعبو دابة حنا؟
تزنكات وحدرات راسها توحشت هاد لحركات لعفوية بيناتهم:سربي جاني جوع
هزات طباسل وفراشط مشات للطابلة قلداتها ورجعات لكوزينة عوناتو فلمسات لأخيرة وبركو فصمت كياكلو. بغات تكسر هاد لهدوء:ولهيلا تبارك الله علك أحسن لي باط كليت مصَيبهم راجل
رائد من تعابير وجهو لي كانو مبتاسمين وتبدلو لأعصاب وقبضة يدو باين فيها لعصب لي شادو من كيفاش مكروزة قبضتو على فورشيط،  فبالو غير فكرة أنه عادل كيطيب ليها لي باط عرفات راسها اش دارت واخة مقصداتش ولكنن من ملامحو عرفاات أشنو دار ليه فبالو.
وقف هز طبسيلو حطو فلافابو: تصبحي على خير
توجه لبيتو وحاس بعينيها باقين متبعينو كيحاول يتجاهلها وكمل طريقو خاصها تفهم بلا دكشي لي دارت ضروري نهضرو عليه ماشي من حوايج للتجاهلو..
                               **************
ليوم فايقة كلها حيوية ونشاط كلها أمل فشمس ليوم تجيب معاه ضوء لي ينور ليها حياتها، بعد فشل ليلة أول أمس فلهضرة بلعكس كفساتها كاع وغبر عليها لبارح..
هزات تيليفونها وسيفطا مسج لعلياء: ليوم عيد ميلاد رائد اشنو ندير باش نصالحو؟؟
أول مسج من عند علياء كان كلو: يويويويويويويويويويو على سلامتك

بس بناات ضربت قصرية كسكسو وداني نعاس بكري مع زهرة قبلو بهاد اجزء ونزيدكم غدا من لي نصحصح أعتذر 😘😘😘