متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة الخامسة: بين ثنايا الحاضر وألغاز
الماضي🍁

متمردتي: 2

حنان هزات راسها لفين بارك رائد بخطوات سريعة مشات لعندو حيدات جاكيط وماطاتها ليه: منقدرش نلبسها هادي تمنها كتر من لي كندخل فلعام واقلة
رائد: مانظنش تجي قدي أما كون لبستها
حنان مابغاتش ضحك ليه: خسارة تجي معاك
رائد: لونها غامق كون مزال كانت غوز نقدر نغامر
حنان تكرشخات بضحك وبركات: شتي كون ما كنتيش كتحاول تبوسني وزمر كوراه حنا دابا صحاب وبيست فرند كااع
رائد بقا كيشوف فيها مطولا: قلت لك مغانعاودش نصدعك وانا ديما كنبقا على كلمتي حتى تقولي ليا نتي نتبدل
حنان: وانا مغانقولش
رائد بابتسامة جانبية: دابا نشوفو..
حنان عصبها: مهم ديك جاكيط مغانخدهاش
رائد: لي بغيتي!!
حنان بفضول: وديالمن؟؟
رائد: ديالك
حنان: قلت لك مغاناخدهاش
رائد حط نضاضر شمس وشاف فيها: تانا قلت لك اوكي
حنان شافت فعينيه وسهات فلونهم ديما كان كيعجبها خضورية ديال طبيعة ساهل لواحد يسهى فيهم..
حنان: احم اوكي ولمن غاتعطيها
رائد: تاحد
حنان: اشنو غاتخليها فكوفر د موطور؟
رائد: واقيلا
حنان: مالك جوابك ناقص كلمة وحدة كتعمر فالشبكة ديال جورنال؟؟ دوي معانا بحال كيما كندوي معاك جملة مفيييييدة...
رائد تقاد فلبركة وخنزر فيها: اش بغيتيني نقولك جاكيط ديالك بغيتيها وجاتك حتى لعندك مابغيتيهاش اوكي صافي نرجعها للموطور ولا نلوحها كاع ياك مابغيتيهاش أش ضرك
حنان: إوا لا تضياع لا... ماكنبغيش النعمة ضيع... صافي أناخدها
رائد: لي عجبك
حنان بقات كتشوف فيه كيتمنضر فطبيعة و كيعصبها بهضرتو لي كلمة وحدة، ولكن على الاقل مخليها على راحتها وعاطيها تيساع...
حنان: قوليا علاش كنتي بغيتي ندويو؟؟
رائد تسنى حتى حطو ليهم مشروباتهم على طابلة وشاف فيها مخنزرة فقهوة كحلة: مالك؟
حنان: باش عرفتيني كنشرب قهوة كحلة و ما تكونش فلكاس؟؟ نتا عطاك كاس وانا باش عرفني...
رائد: انا لي قلتها ليه
حنان بقات كتشوف فيه هادا كيفاش عارف عليها بزاف واش فعلا كيتفرج فقناتها ولا غير خوها كيقوليه!!!
رائد:مهم بغيت ندوي معاك فواحد لموضوع مهم ولكن بغيتك تكالماي...
حنان شافت فيه وقوسات عينيها: ماشي انا لي دغيا كنتعصب وضور ليا فلخوا!!
رائد تنهد وحس براسو متوتر مابغاهاش تعرف سبب لحقيقي: مهم من شحال هادا وانا كنفكر فكادو لخوك إيلا تزوج أغلبية لمشاكل لي كان كيفكر فيهم هي ماماك ومكرهش يعرف عائلتها..
حنان توترات: مممم من صغرو وهو كيسول
رائد: احم قلت علاش منديرش شي محقق يقلب عليهم وفعلا...
حنان قاطعاتو: اشنو درتي؟؟ ماشي من حقك!!
رائد تاهو قاطعها: غير سمعيني تالخر مهم لمحقق لقاهم وللأسف جدك توفى ولكن جداك وخوالك باقين عايشين...
حنان وقفات: فين كاينين ديني عندهم.... إمتى عرفتي؟؟
رائد: عرفتها غير بارح
حنان: ديني عندهم دابا
رائد حدر راسو: مممم خلي تال شي نهار أخر مامساليش
حنان خبطات يدها مع طابلة: اشنو مخبي؟؟ قوليا واش جبتيني تال هنا باش تقوليا عندك مايدار شي حاجة خرا كاينة ومخبيها...
رائد وقف وبزز بركها: غادي تهدني ولا مغانزيدش نقول كلمة وحدة
هزات حنان كاس ديال لما شرباتو كلو وشافت فرائد: اوكي مهدنة انا مهدنة حنان مهدنة
رائد حبس ضحكة عصبيتها بالنسبة ليه كيوت زويونة وصغيورة مكرهش يهزها ويهرب بيها: احم .... مهم مشيت بارح فليل نشوف فين كاينين واش غانوصل لدارهم وفعلا لقيتهم ولكن احم مانظنش وقت مزيان والله خلي تال مرة أخرى
حنان كتنفس ببطئ وكتحاول تكالما: اوكي اوكي دابا انت ا رائد لما كنتيش غادي ديني عندهم علاش قلتيها ليا دابا؟؟
رائد شاف ليها فعينيها: كون خبيت علك بلا راني عارف ومقلتش لك اش كنتي غاديري؟؟
حنان بلا ماتفكر جوباتو دغيا: عمرني نهضر معاك فحياتي
رائد شاف قدامو فشجر: وهداك ثمن مامستعدش نخلصو!!!
خنان بلعات ريقها صباعها مكروزين على يدها كتحاول تفكر فأولويات هاد لحوار: قوليا اشنو شفتي خلاك مابغيتينيش نمشي؟؟
رائد تنهد وقالها بزربة: ماماك كانت تم