متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة السابعة: صداقة طفولية🍁

متمردتي: 8

بعد سيمانة  مطاردة من نوع طوم اند جيري مابين حنان ورائد فينما يحاول يعيط مكتجاوبوش ومن لي كتجي على گانتها تعيط ماكيجاوبهاش عرس خوها سيمانة جاية وعلياء محمسة ومخلوعة وفرعات ليها راسها بأسئلة على زواج...
يالاه نزلو من طوموبيل ديال حنان وداخلين لمحل مشهور ديال أتاث: علياء فرعتي ليا مخي
علياء: مال ديمك غير كنسول فك على زواج وصافي
حنان: تي باش غانفيدك انا لي تالكويان ماوصلت ليه
علياء: مهم شميتي ريحة عاودي ليا عفاك
حنان خنزرات فيها: واش ز** علك ضمير ولا شنو؟؟دابا انا باغا نتفكر شي لحظة دوزتها مع داك لحيوان؟؟
علياء: على ذكر لحيوان اجي نقولك اشنو بلان لفلوس؟؟
حنان تنهدات: فريد لقا شي معلومات على باه ولقاه فإسبانيا تاهو ولكن عيط ليه وملي سولو قاليه بلا معاذ كان سباب حتى عائلة بابا قدرو ياخدو لينا دار وكان خدا من عندهم قد لفلوس لي سيفط لماما
علياء: ولد ****** كان عليه يسفط فلوس باش ساوية دار ماشي غير حصيصة ديالو
حنان ساهية: دابا لبلان هو علاش تال دابا وعلاش بالضبط من لي كان رائد تما؟؟ واش گاع هادي صدفة
علياء: غايكون انبو ضميرو
حنان ضحكات من قلبها: ههههههههههههه كتصحبي لي بحال معاذ عندو ضمير؟؟ واش دار فينا ديك لحالة وداخل لدارنا نهار جراو علينا كيحامي مني ومن بعد واخد فلوس لي من حقنا حنا وعاد تزوج بيا انا وهو داير گاع هاد لمصائب وزاد مصائب خرا وكتقولي ليا عندو ضمير
علياء: عالله يكون رائد خلا ضاربوه
حنان بتشكيك: علاش رائد غايخلي ضاربوه فين شافو هو؟ ياكما فراسك شي حاجة مافراسيش؟؟
علياء بتوتر: فراسك بلا لفيل ماكيولد تايكون فرحان
حنان خنزرات فيها: نعام اختي؟؟ اش كتهتهتي؟؟
علياء: وانتي لي قلتي فراسي شي حاجة مافراسكش إوا على بالك بهاد لبلان؟؟
حنان كضحك: هههههه من نيتك يال***** باغا تصدريني ومكتعرفيش تاتكدبي!!
علياء: واللهتا كنعرف نكدب خوك ديما طالقاها عليه راه غير نتي كتوتريني كتخلعيني
حنان: ديمك انا بوعو نخلعك زيدي قدامي زيدي...
دخلو للمكان راقي بأثاث أشكال وأنواع حلو فمهم من جمالية جميع لأنواع اما حنان حالة فمها على بلاصة وحدة فين محطوطين نونوسات كبار قريب للطول ديالها عينيها خرجو ومشات تجري: ياه يااااااه كيحمقوني هاد لكبار ومكنلقاهمش بزااااف واو
علياء: وازمرة يالاه نمشيو نشوفو اش عندهم ونرجعو هنا
حنان: لااااااءح
علياء جراتها من شعرها: بربي وماتحركي تانجفف بك لرض
حنان: هالعايشورية لي كنعرف بانت على حقيقتها هاااااح ياله نشوفو ولكن بشرط ملي نساليو غانعاودو ليهم ديكور فهاد لمحل
علياء: غير الله يستر وماديريش لينا شي فضيحة.....

                              ***************
هابط من طيارة وهز تيليفونو هو لول عيط بيه للإنسانة لوحيدة لي مكرهش يتخلى عليها ولكن عيب وحرام حيت هي لي والداه مقالش حيت هي مو لا لا كون كانت كتعرف معنى لأمومة مايكونش كيحس بيها عبئ عليه...
جميلة: رائد فين غبرتي هاد ليامات محتاجاك فمشروع مهم غايدخلنا لعالم شو بيزنيس
رائد: جميلة سمعي هاد لهضرة لي غانقولك وتسنطي مزياااان حيت هادي اخر مرة غانقولها مرة جاية ديري ليا شي بلان بحال لي درتي فإسبانيا غادي نخرج معاك لشي بلانات مايعجبو تاحد .
جميلة من لي سمعات نبرة صوتو بركات لرض وسرطات ريقها بزز: حبيب ماماه انا مقصدتش...مكنتش عارفة....
رائد بكل عصبية ولكن هادئ باش يوصل ليها كلامو وتفهمو: شوووووو وسمعي مزيان انا وياك كأي ام وولدها نو نو انا ونتي عارفين وحتى جيرانا كلشي كان عارف انا ولدك ونتي ولدتيني فقط كبرت راسي براسي دخلت لكورة بمساعدة حنان وسيمو حتى من كوضاس لولة شراتها ليا حنان وماماها...
جميلة بعصبية: راه دكشي علاش كيصحابلك كتبغيها راه غير عقل صغر
رائد: بربي وتزيدي كلمة وحدة غانقطع ديمها لحالة مدنية ونتبرا منك ماشي على قبل بنت ولكن على قبل أم مقدراتش تشكر ناس لي كبروني وتهلاو فيا وهي غارقة فلحشيش ولفانيد اه كنت عارف تصحابيني كنت برهوش معندي عقل؟؟؟... سمعي من هنا للقدام خاصك تفهمي بلا داك ريسطو لي خليت لك وباقي كنصرف علك وعليه من جيبي هاداك لحاجة لوحيدة لي غاندير لك يعني لادرتي فاييت ماتجيش تبكي عليا ... حاجة تانية فإمكاني ندخل معاك فمشاريع (هاد لهضرة خلات جميلة رجعات بتاسمات بنصر) تكالماي أجميلة قلت بإمكاااني ماشي فعلا غانديرها.... مهم شرطي لوحيد لابغيتيني ندير معاك مشروع هو انك تمشي لمركز اعادة تأهيل تحايدي ديك لبلية لي كبرتي بيها وديك ساعة نقدرو نتفاهمو اوكي ؟؟
جميلة: ولكن
رائد: لمدة ست شهر دخلي للمركز وراه غانخلصو علك ياكما كتصحبيهم رخاص؟؟ مهم هادي شروطي ماتبقايش تعيطي ليا تايكون عندك الجواب... شوفي ولا كان جوابك لا مابقيتيش غاتشوفي ريال مني وااااالو فهمتيني ؟؟